قصيدة للشاعر دبيس العلوي بابنه صلف

[طلال العلوي]

قصيدة للشاعر والراوية المرحوم / دبيس بن مهلهل العلوي رحمه الله

__________________________________________________ _______________________

أوجست انـا بتالـي الليـل داكـوك والعيـن عيـت عـن منامـه بديلـه

وزينت كيف وسع الصـدر مريـوك وعن الحرق حاميـه وكثـرت هيلـه

وشفت الردي يمشي تقل مشي مزنوك رديـنـا عــده خـيـار القبيـلـه

دجـاجـة والله يـالـولاه مفـكـوك ليوخذ عشـاء مثلـه ويؤخـذ دخيلـه

قم يا صلف وافهم وصاتي وانا ابـوك واشفق علـى كـل العلـوم الجميـل

وخلك بيتـك حاضـر تقـل مملـوك ومـن لايجيلـك دايــم لا تجيـلـه

وخلك حرش رفض للأدنين ياجـوك ومـن لايلتفتلـك لاتعـرض سبيلـه

وليا زهـدت بشـي للنـاس حبـوك ومن جابلك شلقـه يبـي منـك ميلـه

وأن صار لك قاله بها الحق مضكوك بالك تراقـي مـن رماحـه طويلـه

خذ الحذر واصبر ترى الصبر مبروك ومن لاكرب قاله ترى مـا صحيلـه

والأمر لله مـا لحـد فيـه مشـروك والـرزق عنـده يوهـه مـن نويلـه

وافطن ترى الجاهل يجرك على الشوك والنـار تأكـل ياصلـف مارميـلـه

وهذات عرفي منصحن به بلا شكـوك ومن لا تعلـم مـا نفـع بـه دليلـه

************************************************** ************

ارجوا ان تعذروني على سو ء التنسيق والقادم افضل باذن الله

هذه بابنه صلف بن دبيس العلوي امير قرية المعترضة الان

[الحسيني الخريصي]

يعطيك العافية على الموضوع الممتاز وتقبل مروري بس انت ليش مكبر القصيدة

[العبدي]

يعطييييييييييك الف عافية اخوي طلال
قصيدةولا أجمل منها فيها من الحكم الشيء الكثير
رحم الله الشاعر وصح لسانك طلال على نقل هذه الرائعة
وتقبل تحيات أخيك العبدي