قصيده العوني اثناء حصار حايل

[سنجار]

عندما حوصرت حايل قال هذه القصيده التاريخيه العوني

قصيده تاريخيه والتاريخ يجب ان يذكر مع كل الوفاء للاسره الحاكمه0قصيدة العوني






مضى الليل وانحن النجوم وقا م =وظو الصبح يجلى عن سناه ظلام


وانا ساهرن مالاجت العين للكرى = ادير قالاتن وهن عظام


اقالب الحيلات واشكي رفاقه =بعادن ويردون الحروب حيام


هم سيفي القاطع ليازامت العدا= وهم اللي لكل النايبات حزام


تمنيت يشوفون خيولن تذودنا = تظف باطراف البلا د هدام


مناديب انخاكم تودون ما جرى = على هربن خمس البطون جهام


تشاشن من صيحات علواوساكمن = وجزن عن الشرب والمرعى بعدام


اركبتكم من فوقهن عكب قفلهن = ليا عزوتي سمحين الوجيه كرام


وليا اقبلن بكم تباكوا على النظا =وانخوا وصيحوا يانيام نيا م


اصحوا ترى فرق الله شملكم =تراكم نيامن والسباع حيام


ترى لهم عادتن ليا سمعوا الندى =زاعجينن صوت وفازعين شمام


وليا التمت العربان من كل جيهه = ادوالهم عقب السلام كلام


تبدون ماشفتوا وشافت عيونكم = تبدون باالهرج المصيب قوام


قولوا ينخاكم من الضيم شيخكم = غلامين ماعقب الصياح مقام


تنخاكم السمرا وعكاش والحمى = وآجا وجلديه ترد ملام


وسلمى تنادي وين الاسلم وصيتهم = خلت قلوب السامعين حطام


تصيح يابرغش على سلف ما مضى = عزاه ماتدري عليه هدام


هو مقدم الهدات هوفارس الوغى = حامي التوالي للمعالي رام


وتمنيت ليت الموت قد زار قبل ذا =ولاطق بين الهضبتين خيام


وتمنيت عينن للسناعيس وايقت = تنظر على السمرى غشاه قتام


وتشوف يوم بعكاش ضدنا = غشى الخريمي من وراه زحام


غلبا ترى كل شي يباع ويشترى=سوى العز بيعه باالسحوت حرام


غلبا تر كل ماحاش الفتى رد للفنى= سوى الطيب يبقى للرجال دوام


غلبا كيف اسهر وتنام عيونكم=وامسي بهمن وتقبلون طعام


العفو مادونكم من زراجه =ومن سهلتن يجزي وراه عدام


واشيب عيني ماابعد اليوم شوفكم = على عين منيوبن يعض ابهام


ولاتمتدح بنت الاصيل ليا جدت = لو زادت امه بطول قوام


ولا ينفع ربط الجياد وقصره= ليا عاد ماتجزي الحريب عسام


ينشدني خفراتكم وين دارهم =واقدامهن عقب التراف لكام


قلته وانا معكم ومدي حقوقكم =لومالي فيكم عزوتن او عمام

[نمر ابوغوش]

الله يحفضك اخي سنجار وبوركت على هذا القصيد الرائع. تحية شمرية طائية


اخوك نمر ابوغوش

القدس

[متعب الخريصي]

يامال العافيه اخوي سنجار

مشكور على الرائعه من روائع العوني رحمه الله

[سيف الطنايا]

الا الف مليون شكر علي القصيده التي لا امل من قراتها

ولكن هذه القصيده موجوده بالمنتدي وقرأت كثيرا وهذا السبب في قله الردود اخي العزيز

وتقبل كل التحيه والشكر

[سنجار]

الا خ نمر ابو غوش حياك الله واشكر مرورك لاهنت

[سيف2006]

الف شكر ياسنجار على هذه القصيده الرائعه

[سنجار]

اشكر الاخ سيف على مروره الكريم

[راعي المجاهيم]

سنجار الله يعطيك العافيه على هذه القصيده للشاعر/العوني
عندي طلب لوتكرمت(( أذا عندك أي قصيده للشاعر العوني نرجواوضعها في هذاا لمنتدي لانني أحب هذا الشاعر وهو يعتر وزير الاعلام في حكم الرشيد
تحياتي لك ولي الامام

[سنجار]

اشكر الاخ راعي المجاهيم على مرور ه الكريم

[سنجار]

مضى الليل وانحنن النجوم وقام = ضو الصبح يجلى عن سناه ظلام
وانا ساهرن ما لاجت العين للكرى = ادير قالات وهن عظام
واجالب الحيلات اشكي رفاقه = بعادً وهم يردون الحروب حيام
وهم سيفي القاطع ليازامت العدا = وهم اللي لكل النايبات حزام
تمنيت لو هم يشوفون خيولن تذودنا = تضف باطراف البلاد هجام
مناديب انخاكم تودون ماجرى = على هربن خمص البطون صيام
حيلن رعن الحجتين ورودمن = لياما غدن مثل الفحول جسام
تشاشن من صيحات علوى وساكمن = وجزن عن الشرب والمرعى بعدام
اركبتكم من فوقهن عقب قفلهن = لياعزوتي سمحين الوجيه كرام
وليا اقبلن بكم تباكوا على النظا = وانخوا وصيحوا يانيام نيام
اصحوا ترى فرق الله شملكم = تراكم نايمين والسباع حيام
وليا التمت العربان من كل جيهه =ادوا لهم عقب السلام كلام
تبدون ماشفتوا وشافت عيونكم = تبدون باالهرج المصيب قوام
ترى لهم عادتن لياسمعوا الندى = زاعجين صوت وفازعين شمام
قولوا ينخاكم من الضيم شيخكم = غلامين ما عقب الصياح مقام
تنخاكم السمرا وعكاش والحمى = وآجا وجلديه ترد ملام
وسلمى تنادي وين الاسلم وصيتهم =وخلت قلوب السامعين حطام
تصيح يابرغش على سلف مامضى = عزاه ماتدري عليه هدام
هو مقدم الهدات فارس الوغى = حامي التوالي للمعالي رام
وتمنيت ليت الموت زار قبل ذا = ولاطق بين الهضبتين خيام
وتمنيت عينن للسناعيس وايقت =تنظر على السمرا غشاه كتام
وتشوف يوم بعكاش ضدنا = غشى الخريمي من وراه زحام
غلبا ترى كل شي يباع ويشترى = سوى العز بيعه باالسحوت حرام
غلبا ترى كل ماحاش الفتى رد للفنى = سوى الطيب يبقى للرجال دوام
غلبا كيف اسهر وتنام عيونكم = وامسي بهم وتقبلون طعام
العفو مادونكم من زراجه = ومن سهلتن يجزي وراه عدام
واشيب عيني ماابعد اليوم شوفكم = على عين منيوب يعض ابهام
ولاتمتدح بنت الاصيل ليا جدت = لوزادت امه بطول قوام
ولاينفع قصر الجياد وربطها =ياعاد ما تقسي الحريب عسام
ينشدني خفراتكم وين دارهم = واقدامهن عقب الترف لكام
قلته وانا معكم ومدي حقوقكم = لومالي فيكم عزبتن او عمام

[سنجار]

غزى نواف ابن شعلان ومعه عوده ابو تايه وقبائل معه من الاردن وكان ابن رشيد لم يكن ألاحضر حايل وبعض اهل
القرى وكانت الكثره لابن شعلان وقبايله وكان يعرف ابن شعلان ضاري الطواله زعلان من ابن رشيد وايضاً بعض كبار عبده كانوا زعلانين من ابن رشيد وارسل مرسال بقصيده لشمر

راكب فوق حرن يذعره ظله =شبه طير كفخ من كف كظابه
اركبه من سكاكا واترك الذله =واترك الخوف وهاجوسك تمعنابه
سر لشمر وخبر لابتي كله =لابتي بااللقى يوي من لابه

وهي موجوده في منتديات الطنايا كامله ورد شاعر من الروله بقصيده لا اعرف منه الا بيت واحد

السناعيس منا شافوا الذله = قام قصادهم يقصد بغيابه

وما ان وصلت القصيده لشمر حتى هبت لنجدة ابن رشيد تاركين كل الزعل والخلافات جانباً وعندما رأى ابن شعلان
فزوع شمر بكى والتفت عليه ياحيفك ياراع العليا انت خفت فأجاب لاوالله ماخفت اللي ابكاني شيمة شمر بينهم وكانت المعركه القاضيه لابن شعلان وابو تايه وقبائلهم وانسحبوا الى ديارهم والعوني يعرف الخلافات اللي بين شمر
وكان العوني مع ابن رشيد وهاله من رأى وهو يعرف الخلافات وقال هذه الابيات وهذا الذي اعرف منها

الاعمار سفن والليالي بحار = الاقدار تجري والاعمار قصار
الهي ملاذي ومسندي انت فزعتي = ليا عاد وحدي والخصوم كثار
وانا في حماك وصدر ظلك وجيرتك = وتبريت من غيرك بكل اجوار
ونويت انا بعد اتكالي على الولي = أعد ماشاف الظر وصار
شمر ليامن العرب عدت العرب = من دونهم كل العلوم صغار
والله لولا شمر مايذكر الوفى = ولا للحميه باالرجال مدار
لهم باالعلى والمعضلات قدايم = لياقل جم الموجبات وغار
من دور قحطان ومن قبل تبع = لهم باالعلى والطايلات منار
ولهم الى العليا فروع قدايم = مهم لفايق من حضير حضار

[الخريصي]

الف شكر اخوي سنجار انت مميز وتجيب المواضيع المميزه

[سنجار]

اشكر الاخ الخريصي على مروره الكريم

[فيصل بن نجيفان]

الف شكر لك اخي سنجار على هذه القصائد الرائعة للشاعر الثوري محمد العوني .

يعطيك العافيه اخوي وزد لنـا ..!

تحياتي لك

[سنجار]

اخي فيصل الف الف مبروك لك ولنا بتحديث منتدانا واطلب من الله ان يوفقك من نجا ح الى نجاح واشكرك
جزيل الشكر والامتنان لماتقوم به رعاك الله

[سنجار]

الاخ سيف الطنايا حياك الله واشكر مرورك لاهنت

[*الجموح*]

الله يرحمهم ويرحم العوني وموتى المسلمين
قصايد تستحق ان تبقى خالده
سلمت ياسنجار وسلمت يدينك
ولاعدمناك

[عمر اّل هدر الاسلمي]

بارك الله فيك