(( ذيــــب الـخـلـيــج )) وكــل (( شــبـــه الــجـــزيـــره ))

[ذيب اجاء]

الله يرحم "خادم المسجدينا"=اللي شمل شعب العروبه / بخيره
كانه يعود اليا بكينا... بكينا= وتبكيه معنا جبال "شبه الجزيره"
يالموت . اخذت اللي عزيز(ن) علينا= اخذت منهو / قافنا يستثيره
اخذت منهو / بالصعايب يبينا= العاهل الصنديد .. وقت المغيره
اخذت والله/ " ثالث الوالدينا"= (( خادم بيوت الله)) زعيم المسيره
اخذت من بضلال بشته سلينا= ومن فضل فكره " مملكتنا كبيره"
اخذت زيزوم(ن) / صميدع فطينا = من حنكته /كل الدول تستشيره
اخذت من في فقده المسلمينا = احزانهم / قام يتلاطم هديره
اخذت من في فقده العالمينا = ضاقت عليهم / والشواهد كثيره
اخذت من في فقده الجايعنا= الكل منهم / قام يذرف نظيره
اخذت من في فقده القاصرينا= اجروحهم زادة جروح وسعيره
يالموت اخذت أنسان منا وفينا= وهو ليه منا .. ماتخيرت غيره
اخذت ابو فيصل فهد / وأن بكينا= مالامنا رجل(ن) صدوق بضميره
ياكثرمنهو من فراقه حزينا =وعلى الفهد / هل الدموع الغزيره
العاهل اللي /من عطاه ارتوينا = مفراص صعبات الامور الخطيره
نبع الصخى والطيب .. ذرب اليمينا =زبن الغريب / وعوق خاين قصيره
لاوالله الا راح منا ثمينا= (( ذيـب الخليج )) وكــل (( شـبـه الـجـزيـره ))

[ذيب شمر]

هلا وغلا يا فايز البراهيم


وصح لسانك على هالقصيده التي تفوق الوصـف


فايز صح صح لسانك مليوون على هالرائعه


والله يرحم ابو فيصل

[فيصل بن نجيفان]

ذيب اجا

ابداع وتميز

هو

أنت

لله درك

وصح لسانك ورحم الله ابو فيصل واسكنه فسيح

جناته .

[الأجودي]

صح لسانك ياشبل اجا على هالقصيده

[جود شمر]

لاوالله الا راح مــنــا ثـمـيـنــا
(( ذيب الخليج )) وكل (( شبه الجزيره ))



صح لسانك اخوي ...........والله يرحم فقيد الامه (ابوفيصل )

ويغفرله ويسكنه جنه الفردوس ..............قصيده رااااائعه لاهنت اخوي


دمتم بالف خييييييير .........


اختكم /جود شمر

[الشراع]

صح لسانك أخي فايز الابراهيم

قصيده جزله ومعبره جدا


رحم الله خادم الحرمين

وجزاه عن الإسلام والمسلمين خير الجزاء