مده رهن لولاك ماقلت ياكليب

[الشمري2006]

السلام عليكم ورحمة الله وبركاته

غضب الامير محمد بن عبدالله بن رشيد(ت1315للهجره)
_رحمه الله_من الشاعر دغيم الظلماوي بسبب قصيدته
المشهوره التي مطلعها:
"ياكليب شب النارياكليب شبه عليك شبه والحطب لك يجابي
فاعتذر دغيم الظلماوي بهذه القصيده
"مدة رهن لولاك ما قلت ياكليب
ماقـــــلت شب النـار صر موقد له
يابو اليتامى والعرج والمحاديب
وابو لــمــن صار العصـــا ثالث له
تملا محـــاليب وتكفا محالــيــب
وكـــبد تيبسها وكــــــبد تـــبلـــه
من كل فـــج يا صلنـك محـــاديب
ما هو غلا يالضيغمي ميـــــر ذلـــــه
ما تستحي لا ياقليل العذاريب
لو تستحي ما تا خــذ الطيـــب كـلــــه
وللقصيده مجال لااستطيع او بالاصح لايتسع المجال لذكرها؛والرواية التي
اوردتها هي الاشهر؛ولكن ولكن بعض الرواة يرى انها اطول من
ذلك وان مطلعها:
المرجله بير بعيد المجاذيب
على خطو ناس عسير متله

والقصه منقوله من احدى المجلات
واللي عنده اضافه لايبخل علينا والله لايهينكم وشكراااااااااا.

[أورنس]

الشمري 2006 كفيت و وفيت يا الغالي
الف شكر على الموضوع والقصيده الطيبه

وانت تقول منقوله من احد المجلات !! وتقصد مجلة (فواصــل) صح ؟ : )

هذا سالفة وقصيده معروفه وبينه واذا تبي اضافات ابشررررر




هذه قصة للضلماوي والكثر الكثير يعرف هذا البيت ولاكن يجهل قائله

وماهي مناسبة قوله وبعهد من . هذه القصه امل اني افيدكم بها :-

علي وقت الامير محمد العبدالله الرشيد ذاع صيت / دغيم الضلماوي

الشلاقي الشمري ذاع صيته بالكرم وخاصة القهوة اللي يقول به :-



ياكليب شب النار ياكليب شبه = عليك شبة والحطب لك يجابـي

وعلي أنا ياكليب هيله وحبه = وعليك تقليـط الـدلال العذابـي

وادغث لها ياكليب من سمر جبه = وشبة الي منه غفى كل هابـي

باغي ليا شبيتها ثـم قبـة = تجلـب لنـا ربعـا سـراة غيابـي

بنسريةً ياكليب صلفا مهبه = لاهـب نسناسـه تقـل سـم دابـي

سراة بليـل وناطحيـن مهبـه = متكنفيـن وشوقهـم بالعذابـي

الوالمة ياكليب عجل بصبه = والرزق عند اللي ينشى السحابـي

صبة لقرما صرفته ماحسبه = يوم البخيل مكنهب الوجـة هابـي

وصبة لمنعورين ليا جاة نبة = يرخص بعمره والدخل لها ضبابي

وعدة عن اللي مايداري المسبه = اللي يدور بالقصيـر الغيابـي

عن الطيب عده نازلا له بغبه = يضرب علي درب الخطا مايهابي

لا باطن الهلباج خطوا الجلبة =يا حلو خبط عصيهـم بالركابـي

أطمر لهم وأبدي سلام المحبه = لا جو على هجناً يديهم خرابـي

سلام أخلى من شخاليل جبه = وأحلى من السمن الجديد العرابي

مع كبشً مصلاح راسه نجبه = لا أدبـر الهيـن متيـن العلابـي

خطو الولد يوم الملاقي نكبه = يأتي علينا من حسـاب الزهابـي

وحتى ايش لو يلبس وبينن وجبه = معيرة على غضير الشبابـي

أنا لقيت الصبر يازين غبه =يرقيك رؤوس مشمرخات الهضابي

من لاصبر ياكليب في حكم ربه = هذاك يوم البعث ماله ثوابـي

يقولها اللي ما حسب المسبه = ولا عرقل الاجواد ببعض الهلابي

هذا هوى بالي وهذا مطبه = من قبـل مايسفـح علينـا الترابـي




سمع الامير محمد العبدالله الرشيد بكرم الضلماوي وكثر ذكر الناس فيبي يشوف عن الضلماوي وصدقه يوم يقول :-



الوالمه يا كليب عجل بصبه = والرزق عند اللي نشى السحابي




يوم جاء تالي ليلة من الليالي قال الامير لبعض اخوياه الخاصين ترونا نبي نسير ولاعلمهم بوجهته ويوم جاء تالي الليل الا يوم نوخو على الضلماوي فقام الضلماوي ورحب بهم يوم دخلو الرقة وشاف الامير محمد الوجار الا والله الا النار حيه والوالمه على النار وصب لهم الضلماوي من الوالمة وقام يحمس الثانية وقبه النار .


قال الامير محمد
:-
ما تقولي يالضلماوي وش عندك به يوم انك تقوصد يا

كليب يا كليب . فعرف الضلماوي ان الامير زعلان فقبلة وقام ومد يده

للامير وقاله :-




مده رهن لولاك ماقلت ياكليب = ولا قلت شب النار وصر موقدا له
في ليلة تجدع سواة المشاهيب = نسرية تلصق خليل لخله
نطعن بعزك ياحصان الاطاليب =عسى الله جمع حزمتك ما يفله
يالجوهر الناريز يالمسك يالطيب =يا عنبرا من جربه مايمله
تكفي محاليب وتملى مجاليب = وكبد تيبسها وكبدا تبله
ياطير شلوى مالقي بك عذاريب = لو تستحتي ما تجمع الطيب كله
يا بو اليتامى والارامل ومن عيب = وأبوا لمن صار العصى ثالث له
وابو المحرول والاعمي والمحاديب = ومن ضامته بعقاء تصير ولدا له
أن كان هرجي به عليكم عذاريب =سامح عسى اللي عقبك بألف حله
مده رهن لولاك ماقلت ياكليب =ولا قلت شب النار وصر موقدا لـه
في ليلة تجـدع سـواة المشاهيـب = نسريـة تلصـق خليـل لخلـه
نطعن بعزك ياحصان الاطاليب = عسى الله جمع حزمتـك مـا يفلـه
يالجوهر الناريز يالمسك يالطيب =يـا عنبـرا مـن جربـه مايملـه
تكفـي محاليـب وتملـى مجاليـب =وكبـد تيبسهـا وكبـدا تبلـه
ياطير شلوى مالقي بك عذاريب = لو تستحتي ما تجمع الطيـب كلـه
يا بو اليتامى والارامل ومن عيب = وأبوا لمن صار العصى ثالث لـه
وابو المحرول والاعمي والمحاديب = ومن ضامته بعقاء تصير ولدا له
أن كان هرجي به عليكم عذاريب = سامح عسى اللي عقبك بألف حله

--------------------------------------------------------------------------------

c

[الشمري2006]

شكرا على ممرورك اورنس
ومشكور على الاضافه

[متعب الخريصي]

مشكور اخوي الشمري على هالقصه والقصيده
والشكر موصول لأخي العزيز اورنس على اضافته
والله يعطيكم العافيه

[سعود الخليل]

الشمري 2006

نشكرك على القصة والقصيدة التي ذكرتها جزيل الشكر

وكذلك اصل شكري للاخ اورنس على ذكر باقي القصيدة ورواية القصة كاملة

بانتظار مزيدكم

سعود

[اسير نجد]

مشكووووووووور يالشمرى 2006والله يعطيك العافيه على القصه
واخ اورنس الله يعطيك العافيه على اكمال القصه

[راعي الكنب]

مشكورين وما قصرتوا فيه بيت شعر والبيت هو :
الضيغمي حط المراجل بعبه * وحنا نلقط ما وقع بالترابي
ما أدري هو من ضمن القصيدة أو لا

[أورنس]

هلا بالاخ الغالي / راعي الكنب حياك الله ..

بالنسبه لسؤالك عن هالبيت :
الضيغمي حط المراجل بعبه * وحنا نلقط ما وقع بالترابي


لا يا الغالي مهو من ضمنه قصيدة الضلماوي

هذا البيت له سالفهوهي ان سمع راعي قصر العشروات القبالي التميمي بالقصيدة ، وحب يجاكر الظلماوي فقال هذه القصيدة

يا علي شب النار يا علي شبه *** ليا طاح ظل بمشرخات الهضابي
ودغف لهم يا علي من كيس حبه *** وقرب لها اللي تقل لون الغرابي
حنكية ما تنجلي لو نربه *** تلقا اللغودها من سنا النار صابي
انا الليا من السنين اشلهبه *** نقضب مكان الشايبين الغيابي
يا اللي تقول النار كلن يشبه *** الفرق بالمنبى ولين الجنابي
زادك وميسورك ولين المحبه *** اخير من كبش سمين يجابي
فتحت للعطشان فرغ المصبه *** على الخلا لزماته لا تهابي
طيبي وطيبك بين رجليك كبه *** لا فل الدلك والهضابي
الضيغمي حاز بالمراجل بعبه *** واحنا نلقط ما وقع بالترابي


راعي الكنب / اتمنى ان تكون وصلتك المعلومه و تقبل التحه

[ابن برزان]

يعطيك العافيه على المشاركه
الجميله
ابن برزان

[أبو حواس]

مًشًِْكَوٍوٍوٍرٌٍ آخٌِوٍوٍوٍيَ عًٍلى هٍَذٍَيَ آلمًشًِْآرٌٍكَهٍَ...

لآ هٍَنْتُِِّْ...

تُِِّْحٍّيَتُِِّْيَ...