أبو خلود الحسيني
2008-08-21, 12:57 AM
سألني .. أستاذي الشاعر / بدر الشمري ..
ماذا تعني ... لي هذه .. الصوره .. فأجبته .. بأبيات متواضعه
أتمنى ... تلقى إستحسانكم ...كا مصااافحه .. أولى ..
http://www.hail1.com/hail/h-pica06.jpg
فأجبته ..
تعنيلي الصوره حياةٍ هنيه=بين الطعوس وبين شوق البراري
البرق يبرق والرعد له دويه=منظر يشد القلب يم الصاحري
مزنه تهلل خير رب البريه=من صبها رمل الخلا صار جاري
القعر مليانٍ وسد الحويه=وروس الطعوس مردمه بالخباري
وعقب الشهر يمه نشد المطيه=من فوق جيب معممٍ للمساري
وخوت ربعٍ بالهروج العذيه=ماهي خوة لابسات الخزاري
بدر ومشعل كاسبين الحميه=وبندر خالي وأبن عمه مشاري
والمنيعي مع فهد والبليه=أخص أبو فهد حشيم الطواري
سبعه وأنا الثامن نجول البريه=بين الخزامى والنفل بالنهاري
ويمالت الشمس عقب الغديه=كلن بطيره ينهمه للحباري
هذا يقول الطير حقي شريه=أليا ضرب كنه ضرب الشباري
وهذا يقول الطير جاني هديه=أليا أرتفع وأنهد مثل السفاري
وهذا يقول الطير حوشت يديه=من ماكره مبغوث لونه حماري
أنا أشهد أنه حر ماشفت زيه=حرن حقيقه ماهو ظن ومواري
هذا يصيد الخرب وهذا سميه=وهذا يصيد الجزل وأيا القماري
وهذا يصيد أرنب ويعلن حصيه=وكلن على ماشاف جاب البشاري
وأليا تجلت شمسنا وغاب ضيه=أذن حدينا مع بزوغ الصفاري
ثم أتجهنا بالصلاة الخشيه=نطلب رضى المعبود مابه نماري
من بعدها نار الخلا زان فيه=نار الخلا ماهي بنار الوجاري
والكيف سواه نشمي بنيه=فنجال بنن مايلن للشقاري
بأيمن النار لحومن طريه=وفي شماله دافنين الجماري
وعقب العشاء والصلاة النهيه=كلن يقول الشعر مأحدن يداري
والروايه فواز حاز العليه=جاب القصص موثقةٍ بإشتهاري
من عقبها نوم الخلا سم حيه=بين الضماير طعمته له سواري
وقبل الصلاة الأوله بالنبيه=الدار مطلوبه بشوف المهاري
هذا جوابي يارفيقي وميه=ميه قراح وسالم امن الهياري
وسلامتكم ...
أخوكم / هلال عزيز ظاهر الشمري ..
ماذا تعني ... لي هذه .. الصوره .. فأجبته .. بأبيات متواضعه
أتمنى ... تلقى إستحسانكم ...كا مصااافحه .. أولى ..
http://www.hail1.com/hail/h-pica06.jpg
فأجبته ..
تعنيلي الصوره حياةٍ هنيه=بين الطعوس وبين شوق البراري
البرق يبرق والرعد له دويه=منظر يشد القلب يم الصاحري
مزنه تهلل خير رب البريه=من صبها رمل الخلا صار جاري
القعر مليانٍ وسد الحويه=وروس الطعوس مردمه بالخباري
وعقب الشهر يمه نشد المطيه=من فوق جيب معممٍ للمساري
وخوت ربعٍ بالهروج العذيه=ماهي خوة لابسات الخزاري
بدر ومشعل كاسبين الحميه=وبندر خالي وأبن عمه مشاري
والمنيعي مع فهد والبليه=أخص أبو فهد حشيم الطواري
سبعه وأنا الثامن نجول البريه=بين الخزامى والنفل بالنهاري
ويمالت الشمس عقب الغديه=كلن بطيره ينهمه للحباري
هذا يقول الطير حقي شريه=أليا ضرب كنه ضرب الشباري
وهذا يقول الطير جاني هديه=أليا أرتفع وأنهد مثل السفاري
وهذا يقول الطير حوشت يديه=من ماكره مبغوث لونه حماري
أنا أشهد أنه حر ماشفت زيه=حرن حقيقه ماهو ظن ومواري
هذا يصيد الخرب وهذا سميه=وهذا يصيد الجزل وأيا القماري
وهذا يصيد أرنب ويعلن حصيه=وكلن على ماشاف جاب البشاري
وأليا تجلت شمسنا وغاب ضيه=أذن حدينا مع بزوغ الصفاري
ثم أتجهنا بالصلاة الخشيه=نطلب رضى المعبود مابه نماري
من بعدها نار الخلا زان فيه=نار الخلا ماهي بنار الوجاري
والكيف سواه نشمي بنيه=فنجال بنن مايلن للشقاري
بأيمن النار لحومن طريه=وفي شماله دافنين الجماري
وعقب العشاء والصلاة النهيه=كلن يقول الشعر مأحدن يداري
والروايه فواز حاز العليه=جاب القصص موثقةٍ بإشتهاري
من عقبها نوم الخلا سم حيه=بين الضماير طعمته له سواري
وقبل الصلاة الأوله بالنبيه=الدار مطلوبه بشوف المهاري
هذا جوابي يارفيقي وميه=ميه قراح وسالم امن الهياري
وسلامتكم ...
أخوكم / هلال عزيز ظاهر الشمري ..