قصيدة الشاعر عويد القرقشي رحمه الله على الشيخ محسن العجيل بعد وفاة الشيخ احمد العجيل

[سنجار]

قصيدة الشاعر عويد القرقشي بعد وفاة الشيخ احمد العجيل رحمه الله

وتسلم الشيخ محسن العجيل زمام الامور قال هذه الابيات موجهها للشيخ محسن

وهذا الذي اعرفه منها






كانك على العليا تعوب وناشود = ابي أنصحك كان النصيحه ترادي

اجمع بني عمك بعزم ومجهود =واتعب على اللي باللوازم سنادي

ولا الردي ماله مواثيق وعهود =اخير من قربه عليك ابتعادي

تر لذته لياصرت بالناس محمود = وعمرالبشرزرع ٍ قفاه حصادي

دنياك مادامت لنوح وداوود = مثل روايا السينما بالبلادي

لابد من قبر غميق وملحود = حدر اللحد مايلتقى من ينادي

أبيك تظهر مثل عجيل وتزود = حيثن تشيل الحمول الظهادي

صرنا كما غزو ٍ مدوبح ومسرود = منا بلانا مايجي من بعادي

والحق من دونه ثمانين لادود = مهي مريه عيشتن به نكادي

كل يوم من شمر بلاصوق مصيود =ياصاد ربعك لابد أنك تصادي

عجيل اخو جوزا على الحكم بالود = اعدل من القاضي على الحكم جادي

حلال قالات صعيبات بشهود = والمعتصي غصب يجيبه يقادي

[بطيحان البطيحان]

هلاااااااااا بعودك يالاخ الاكبر

سنجاااار سلمت على النقل

وصح اللسان القرقشي ورحمة الله عليه


اخوك

[الشمريه المجهوله]

http://www.atyab.com/uploadscenter/uploads/b2979a051d.gif[/QUOTE]

رحم الله شيخ شمر
وصح لسان الكركشي
تحياتنا الاخويه

[نوارة الدنيا]

ينطيك الف عافيه

[سنجار]

الاخ بطيحان البطيحان الله يسلمك واشكرك علىمرورك يالغالي

[سنجار]

الاخت الفاضله الشمريه المجهوله حياك الله والبسك الله ثوب العافيه

[سنجار]

الاخت الفاضله نوارة الدنيا حياك الله نورتي الصفحه بحضورك واشكر مرورك

[أبو حواس]

الفـــ شكر لك يا سنجآر علىآ هالنقـــــــل

ما قصرت يا الغالي .. كفييت ووفيت

بإنتظآر جديدك


..{ تح ـــــيآتـــي ~

[هايس أبن سعدي]

مشكور على النقل المميز ياسنجار

وصح لسان الشاعر القرقشي

تقبل مروري

دمت بود

[سنجار]

الاخ ابو حواس حياك الله واشكر مرورك

[عدي الشمري]

الاخ سنجار
ابشر بالقصيده كامله عندي
وعندي اكثر من عشرين قصيده للقرقشي
انشرهن اذا اصبحن موضوع ثابت
يما عندك يبو زيــــــــــــــــــــــــــــــد

[بنت الزوبع]

صحت يمناك ولاهنت والله يرحم الشاعر
اجمع بني عمك بعـزم ومجهـودواتعب على اللي باللوازم سنـادي
ولا الردي ماله مواثيـق وعهـوداخير من قربـه عليـك ابتعـادي
تر لذته لياصرت بالناس محمـودوعمرالبشرزرع ٍ قفـاه حصـادي
دنيـاك مادامـت لـنـوح وداوودمثـل روايـا السينمـا بالبـلادي
لابد مـن قبـر غميـق وملحـودحدر اللحد مايلتقـى مـن ينـادي

[سنجار]

الاخ هايس ابن سعدي حياك الله وشاكر مرورك

[خالد بن عبدالعزيز]

الف شكر على هذه النقله الرائعه

دمت لنا بود ,,

[سنجار]

الاخ عدي الشمري حياك الله وجزاك الله خير نبيهن شاعر شمر في الجزيره القرقشي

واشكر مرورك لاهنت

[*الجموح*]

صـــــح الســـان عويد القرقشي
ويستاهل اخو جوزاء الله يرحمه ويرحم موتى المسلمين
وسلمـــــــت ياسنجار على جلب هالقصيده المميزه الجزله باللي يستحقها
الله يحفظـــــك لاعدمنــاك

[نمور]

صح لسان عويد القرقشي ويستاهل الذيب الحمر والشكر لسنجار على هذه التحف

[عدي الشمري]

تسلم على نشر هذي القصيده اخوي سنجار
وهي موجوده عندي كاملة
تقبل مروري

[النبهاني الزميلي]

الاخ سنجار
ابشر بالقصيده كامله عندي
وعندي اكثر من عشرين قصيده للقرقشي
انشرهن اذا اصبحن موضوع ثابت
يما عندك يبو زيــــــــــــــــــــــــــــــد

الاخ عدي الشمري

يعطيك العافية انت من سنة 2009

وانت تقول للاخ سنجار ابشر بالقصيدة

وحنا ننطر القصايد العشرين من سنة 2009

ولاشفنا شي الى اليوم

نبي القصايد ضروري لاهنت

والشكر الجزيل لك وللاخ سنجار

[عدي الشمري]

ابشر ؟ انا عندي كل قصايد القرقشي تقريباً وانا كنت منقطع عن المنتدى لاسباب خاصه وحالياً رجعت ولكن
ليس بصورة دائميه؟ وانا اساساً اجمع قصائد القرقشي
حتى اكمل ديوان شعري لكل شاعر
تقبل مروري

[عدي الشمري]

قصيدة القرقشي على الشيخ محسن العجيل الياور
(الذيب الحمر)

يالله ياللي للمخاليق معبود

هو واحدٍ والناس بأسمه تنادي

كل الخلايق له مخاضيع وسجود

ابدي بذكر الله على كل بادي

ياشيخ ترخص لي عسى منت مقرود

كلام من صافي نضايض فؤادي

شديت نجدي الركايب من الذود

حرٍ وابوه محفظٍ بالهدادي

ماعادلو شيلهُ مع الكفل مقدود

ولاوقفو به بالثمن بالمزادي

نابٍ سنامه ينهض الكور وبدود

يقطع سراب مخضبات الحمادي

يشدى ظليمٍ جنب الدوح مطرود

نط الشراف بديرةٍ واجتلادي

والا غزالٍ جفله حس بارود

عقب المقيل مبدلٍ بالبرادي

يلفي لبيتٍ كنه العد مارود

بيتٍ عليه القول صچٍ وكادي

بيت الطويل الله يحلل هاك العود

مرحوم ياعلة عديم الضدادي

مهو خفي كأنك عن الشيخ ناشود

علمهُ تسولف به جميع البوادي

حلاّل قالاتٍ صعيبات بشهود

والمعتصي غصبٍ يجيبه يقادي

كلٍ يرادونه يردون بردود

تقول حاديهم من الخوف حادي

ياصار باب الرأي بالقفل مسدود

عجيل مفتاحه بعيد المعادي

مهو كذوبٍ يدفع الناس بوعود

متعمدٍ درب المراجل عمادي

وليا انتخى يفعل صحيحٍ وماكود

ماضيعه نوم الضحى ع الوسادي

حل الشداد وبيرق العز مشدود

مثل الذلول مكّربه بالاشدادي

محسن ركب كوره عسى عز وسعود

عسى الولي يهديه درب الرشادي

منه ثقيل الرأي والحمل مريود

فوق الهقاوي ظنتي واعتقادي

ياعل مازوله مغيب ومفقود

حرٍ يومي مخلبه بالهدادي

الصبر واجبهم على العسر والكود

حمولةٍ من دور سالم نوادي

قبل النصيحه يشترونه بمفرود

وابي انصحك كان النصيحه ترادي

تجمع بني عمك بعزمٍ ومجهود

العز بالجمعه ترى الحمل كادي

واعرف صديقك من عدوك وحاسود

واحرص على اللي باللوازم سنادي

حيث ان هدف بعض المخاليق مقصود

كلن يبي له شوفةٍ بانفرادي

هذا زمانٍ يابو حواس ملهود

سكينةٍ حزه على غير جادي

كم واحدٍ رده للسجن مقيود

باسباب جور مدورين الفسادي

ﺻﺮﻧﺎ ﻛماﻏﺰﻭٍ ﻣﺪﻭﺑﺢ ﻭﻣﺴﺮﻭﺩ

ﻣﻨﺎ ﺑﻼﻧﺎ ﻣﺎيجي ﻣﻦ ﺑﻌﺎﺩﻱ

الحق من دونه ثمانين لادود

مهي مريه عيشةٍ به نكادي

كل يوم من شمر بلا صوك مصيود

ياصاد ربعك لازم انك تصادي

كيف اتّحمل ضيمنا وانت ماجود

عقب الترف ترضى حياة الزهادي

نبيك تظهر مثل عجيل وتزود

حيدٍ يشيل من الحمول الضهادي

تصير مثل هديب يامنبع الجود

بذل الحلال وقوةٍ واجتهادي

انتم على كل القبايل بكم زود

حلالكم عند اللوازم يفادي

ذباحة النيب لياقحط العود

واللي يكذبني يقول انت غادي

والله ماصيدي مطاميع ونقود

ودي شرفكم ماينتقص يزادي

ورزقي على اللي عيش النمل والدود

اللي عليه توكلي واعتمادي

رزقٍ يمدهُ واللي الارزاق محدود

ولا زوده دون الكريم العمادي

حبل الكريم لباب الارزاق ممدود

كم واحدٍ ماكلفه واستفادي

تر لذته لياصار بالناس محمود

وعمر البشر زرعٍ وراه الحصادي

دنياك مادامت لكسرى وداوود

مثل روايا السينما بالبلادي

ناسٍ تقلبهم على السطح بصعود

وناسٍ تنزلهم حفايا مگادي

تمت وصلى الله عد مزن ورعود

وعد ماصلو نهار العيادي

او عد ماياتي على القاع مالود

على الرسول اللي على الرشد هادي