ضروري يالطناياء وانخاء الشلاقان

[سفير الثابت]

ابغاء فزعتكم ابي قصيدة الشاعر الكبير ((غريب الشلاقي))
واعتقد انه لا يخفى عليكم العلاقه القويه بين الشلاقان و الثابت
ولايخفى عليكم حبه لعشيرة الثابت
المهم لا اطيل عليكم
ابي قصيدة الشاعر غريب الشلاقي
وانا ماني حافظ منها شي الي يوصي فيها
(( واذخر هل الجدعاء لاكنت بالشان))
هذا احد شطور بيت من بيوت القصيده القصيده
او اي قصيده لشاعر غريب الشلاقي بربعي
هل الجدعاء
تقبلو تحياتي

[ابن سعــدي]

نتمنى انه يجي من يعلمك

[ابن هذيل]

تم نقل الموضوع بمكانه الصحيح

الف شكر لك اخوي

[فيصل بن نجيفان]

الأخ سفير الثابت
اهلا وسهلا بك في منتديات الطنايا
وسعدنا بتواجدك بين اخوانك وابناء عمك
وبالنسبة لطلب فالقصيده موجوده ولو استعنت
بمحرك البحث الخاص بالمنتدى لوجدت ماطلبت

وهذه القصيده علما بان الشطر الذي اضفته خطأ والصحيح موجود في القصيده :-
/
/

قم ياعبكي وارتحل فوق مقران = يرهم لمندوب النشاما ذميله
يامسندي من غربي النجل ومعان = والعصر بيحروة شراره مقيله
تلفي لبيت يجمع الصبح ديوان =والعصر هيضات المجالس تجيله
ياتيك من ينشد عن العلم شفقان = مزنن تردم فوق رمن مخيله
تمطر مطرها بس دم ودخان = مايتنايا ياركب الكور سيله
تعرضونا غير الاطلاب سلفان = وعفنا تحظي كل شقحا جليله
وظبت علينا التيه من كل الاركان= وبس الله الوالي وربعي قليله
منا ومنهم يشبع الذيب سرحان = والضبعة العرجى تصيف بمكيله
ربعي دعيجات على الكود شجعان = كم خفرتن منهم تعشوا حليله
وكثر النخا لفلان وفلان وفلان = وتطابقوا حمايهن باالدبيله
ماينشمت ياعيال بامر ليا كان =ولايهتدي عبدن حذى الله دليله
ياناس هذا اللي على الدرب جدان =ولا تنكظي من دون الآلاه حيله
افطن لبيت عبيد كان انت غويان = وابن مهلهل ياالقلوب الهبيله
مهي سوالف مسرد بسط ديوان =هبيت ياهرجن سرابن حصيله

طبعا الموضوع للأخ العزيز / سنجار مراقب اقسام القبيلة
رابط الموضوع
http://www.allshmr.com/vb/showthread.php?t=3027

واهلا وسهلا بك ولا تحرمنا من مشاركاتك

تقبل تحياتي

اخوك

فيصل بن نجيفان

[المهندس الرااقي]

الف شكر لك اخوي فيصل

[سفير الثابت]

يعطيك الف عافيه
لاكن الشاعر غريب الشلاقي
ذكر الثابت بأكثر من قصيده بسبب العلاقه القويه والتحالف بين القبيلتين
ودائماً يذكر هل الجدعاء والحدبان