نزهان الركاد
2008-08-24, 11:09 AM
الاخوة الكرام
ادري اني مقصر والعذر لايكفي
ولي عوده باذن الله سوف ترضيكم قريباً واليوم لن اتكلم
ولكن كلمة شكر لابد منها وهي ايضاً لاتكفي لجميع القائمين على منتدانا الرائع
وشكر خاص للاخ الغالي فيصل النجيفان
ولكم مني كمصافحه اولى هذا النص اللذي عرض على لجنة التحكيم في الجولة الاولى ولم يعرض كاملاً حينها على الشاشه
الثمانين
ياعارفة وجه الردى لا تبوحين = طفي سراج المعرفة داخل الصوت
خليني أجهل سيرته للثمانين = ولا يعجلني قبل سره الموت
والنشوة الي راس ماله قلاصين = أصارع الأمواج به وأركب الحوت
سر العنب يا جاهل أيام لونين = خلى شراكتنا على حبة التوت
من يومها لليوم حنا غنيين = مليون واحد واشتركنا بتابوت
لا والي من اليوم والكل والين = والكون طفرة لا تقولون ملكوت
آمين قولو لأوله بآخره مين = قاد السرايا بدلو قاديا بوت
السين كاف الماريه ياسع الصين = بناتها من كي لينه بلا لوت
نسى العبث بعروقنا وأنبعث دين = العارية تلبس على نصفها كوت
يعني بقى يا جاهلي بس ردفين = والي يشوفون ألرديه سمل لوت
شفهم على صفوة حليبه مربين = اليوم عن نهج السلف مالهم قوت
ببيوت كانوا جبلته جيل من طين = واليوم جيلٍ طينوا عيشة بيوت
اللي وضع سبعه على نار ستين = في أربعينه يا عمت عين جالوت
الناصر الله ما نصرنا معيين = والواحد الثاني على ثامنة فوت
والعاشر اللي وحدته الملايين = ورث لهم صفره من الزاد والقوت
صاحت يمامه غيرة التغلبي وين = والزير عمه لابس ثياب ياقوت
يا زهرة ألحانه كفى ما تغنين = دامي وصلت لبكر الأمجاد بسكوت
غني على شان الدفى من تشارين = هزي لنا هزه على فايت الفوت
لا تذكرين البن والهيل يا مين = يسقيني الفنجال بذراع مليوت
هاتي لي اللي راس ماله قلاصين = أصارع الأمواج به وأركب الحوت
دامي عرفت اللي بوجه الردى زين = خليني أفهم وش يخبي لي الموت
يا عارفه ما قلت لك لا تبوحين = أحرقتي سنيني على سيرة الصوت
واليوم أحس إني دخلت الثمانين = واللي بقى حفره وخامه وتابوت
ادري اني مقصر والعذر لايكفي
ولي عوده باذن الله سوف ترضيكم قريباً واليوم لن اتكلم
ولكن كلمة شكر لابد منها وهي ايضاً لاتكفي لجميع القائمين على منتدانا الرائع
وشكر خاص للاخ الغالي فيصل النجيفان
ولكم مني كمصافحه اولى هذا النص اللذي عرض على لجنة التحكيم في الجولة الاولى ولم يعرض كاملاً حينها على الشاشه
الثمانين
ياعارفة وجه الردى لا تبوحين = طفي سراج المعرفة داخل الصوت
خليني أجهل سيرته للثمانين = ولا يعجلني قبل سره الموت
والنشوة الي راس ماله قلاصين = أصارع الأمواج به وأركب الحوت
سر العنب يا جاهل أيام لونين = خلى شراكتنا على حبة التوت
من يومها لليوم حنا غنيين = مليون واحد واشتركنا بتابوت
لا والي من اليوم والكل والين = والكون طفرة لا تقولون ملكوت
آمين قولو لأوله بآخره مين = قاد السرايا بدلو قاديا بوت
السين كاف الماريه ياسع الصين = بناتها من كي لينه بلا لوت
نسى العبث بعروقنا وأنبعث دين = العارية تلبس على نصفها كوت
يعني بقى يا جاهلي بس ردفين = والي يشوفون ألرديه سمل لوت
شفهم على صفوة حليبه مربين = اليوم عن نهج السلف مالهم قوت
ببيوت كانوا جبلته جيل من طين = واليوم جيلٍ طينوا عيشة بيوت
اللي وضع سبعه على نار ستين = في أربعينه يا عمت عين جالوت
الناصر الله ما نصرنا معيين = والواحد الثاني على ثامنة فوت
والعاشر اللي وحدته الملايين = ورث لهم صفره من الزاد والقوت
صاحت يمامه غيرة التغلبي وين = والزير عمه لابس ثياب ياقوت
يا زهرة ألحانه كفى ما تغنين = دامي وصلت لبكر الأمجاد بسكوت
غني على شان الدفى من تشارين = هزي لنا هزه على فايت الفوت
لا تذكرين البن والهيل يا مين = يسقيني الفنجال بذراع مليوت
هاتي لي اللي راس ماله قلاصين = أصارع الأمواج به وأركب الحوت
دامي عرفت اللي بوجه الردى زين = خليني أفهم وش يخبي لي الموت
يا عارفه ما قلت لك لا تبوحين = أحرقتي سنيني على سيرة الصوت
واليوم أحس إني دخلت الثمانين = واللي بقى حفره وخامه وتابوت