قصيدة (( عزاه يا حظٍ شمع بالشقاء شمع ))

[الـقـفـيـعـي]

أسعد الله مسائكم/صباكم بالخير والرضى


من الجديد أرجوا قبلوها وعسى أن ترتقي لذائقتكم أترككم مع الأبيات








عزّاه من حظّ ٍ شمـع بالشقـاء شَمْـع=و عزّاه يـا وقـتٍ تهـادم صروحـه
والله من عيـنٍ ذرف حِجْرهـا دَمْـع=والله مـن قلـبٍ تزايـد جـروحـه
وأوّاه يا نفـسٍ همومـه جِتَـهْ جَمْـع=وأوّاه يا جسمٍ شكى أحـزان روحـه
ضاعت هناء البسمة سبب صدمة القَمْع=قَمْعَ الزمن وأقدار يصعـب جروحـه
حالي وهج نَجْمَـه تـلألأ لهـا لَمْـع=من شافها يمـدح شعاشيـع ضوحـه
و لو تنكشف حامي شررْها رَمَعْ رَمْع=على رحيق الـروح تاج الملوحـه
اللي سلب عقلي وشوفي مع السَمْـع=و صـدري تشكّلّـه براويـز لوحـه
يرسم بوسْطه دنيتـي عثرتـه خَمْـع=و شوقي ورق سدره سقط من سفوحه











وســــــــلامت من رد وقراء وشاهد

[عبدالله التومي]

صح لسانك يالقفيعي

تعودنا على كل جزل منك يالجزل

ألف شكر يالغالي

[متعب المنيعي]

القفيعي
عز الله انك شاعر من الوزن الثقيل
تقبل مروري
وتقبل اعجابي الشديد بشخصك الكريم

[ناصر الوبير]

[QUOTE=الـقـفـيـعـي;369662]







و لو تنكشف حامي شررْها رَمَعْ رَمْع=على رحيق الـروح تاج الملوحـه

















صح لسانك يالقفيعي

قصيده من الوزن الثقيل

لاكن عندي ملاحظه بسيطه

الواو اللي تسبق كلمة لو ((واوا زائده))

ولاهنت على هالنص الجميل والشامخ

تحياتي وتقديري لك

[الـقـفـيـعـي]

الأعزاء/

عبدالله
متعب
قطرية


اسمحولي أبغى أرد أول على الشاعر/ ناصر الوبيري وأرجع للردوكم السامية




الشاعر / ناصر

صح بدنك ولا هان راسك


ملاحظتك مردوده ولا هي في مكانها وأستغربت من شاعر في مكانتك يجهل حكم الواو بالوزن في بداية الصدر أو العجز للبيت الشعري وأستغربت جهلك في حكم الألف إذا سبقت في واو ماذا يحدث لها في الوزن على الصعيدين الشعر الشعبي والفصيح


لست لا أعلم كيف أصدرت هذا الحكم


الواو لا يأثر على البيت في البداية وراجع قصايد فطاحلة الشعراء وحكم الواو بالنسبة للأوزان الشعرية



لاهان راسك انت على العين والرأس لكن ملاحظتك ليست مبرره ولا لها قاعدة أدبية



أرجوا أن تقبل ردي وتحياتك وصلت ولك مثلها وزود

[ناصر الوبير]

الأعزاء/

عبدالله
متعب
قطرية


اسمحولي أبغى أرد أول على الشاعر/ ناصر الوبيري وأرجع للردوكم السامية




الشاعر / ناصر

صح بدنك ولا هان راسك


ملاحظتك مردوده ولا هي في مكانها وأستغربت من شاعر في مكانتك يجهل حكم الواو بالوزن في بداية الصدر أو العجز للبيت الشعري وأستغربت جهلك في حكم الألف إذا سبقت في واو ماذا يحدث لها في الوزن على الصعيدين الشعر الشعبي والفصيح


لست لا أعلم كيف أصدرت هذا الحكم


الواو لا يأثر على البيت في البداية وراجع قصايد فطاحلة الشعراء وحكم الواو بالنسبة للأوزان الشعرية



لاهان راسك انت على العين والرأس لكن ملاحظتك ليست مبرره ولا لها قاعدة أدبية



أرجوا أن تقبل ردي وتحياتك وصلت ولك مثلها وزود



حياك الله يالقفيعي

واشكرك على ردك المحترم واخلاقك العاليه

وعلى سعة صدرك

ولكن:

في الشعر الشعبي اذا كانت الواو في منتصف الشطر فأنها تأثر في أغلب الاحيان

اما اذا كانت في بداية الشطر فأنها في بعض الاحيان قد تكون مقبوله

يعني بعطيك مثال:

شيل الواو ولحن الشطر بدون واو ماراح يختلف الوزن!!!!!!!

يعني سوى كانت الواو موجوده اوغير موجوده لايتأثر الوزن

واذا كانت المساله بعدم اختلاف الوزن عند نطق الواو وعند حذف الواو فأن الواو تكون زاااائده!!!!!


والله لايهينك يالغالي

الاحترام والتقدير لشخصك الكريم

[الـقـفـيـعـي]

الشاعر / ناصر الوبير



الله يحييك



لا تشكراً على الأحترام لأنه واجب لك خاصة ولكل الأعضاء في هذا المنتدى وخارجه



ما ضاقت صدرونا لأجل توسع يا بعدي



شكرا على التبرير ومثل ما قلت داخل البيت تأثر لكن في البداية على حسب معرفتي ومتابعتي وإطلاعي ليست مقبولة بل هي جائزة ولا أذكر أن ناقد يبت في مثل هذا الحالة بحيث أنها ثغر لملاحظة أو نقد




لا تهون


الله يكرم حياتك يابعد حيي


دمت بخير

[الـقـفـيـعـي]

الأخ / عبدالله التومي



صح بدنك



الله يعودك على كل خير


عفواً



اشكرك على المرور

[الـقـفـيـعـي]

المشرف/ متعب المنيعي


لا تهون يالعزوة


الله يزيد قدرك



أشكرك على المرور الفاخر

[الـقـفـيـعـي]

الشاعرة/ قطرية من شمر



صح بدنك



لا هنتي ولا في حرفك قصور



أشكرك على المرور