محمد الخشرم
2008-08-29, 10:12 PM
(يــــاهــــيــــــــــــــه)
السلام عليكم ورحمة الله وبركاته
هذه القصيدة هي من اشهر قصائد الأمير عبد الله بن رشيد ، حيث أنها ملحمة تاريخية ، وصف بها جميع ما جرى عليه خلال سفره إلى العراق .
وإليكم القصيدة :
يا هيه يا اللي لي مــن النــــــاس وداد = ما ترحمون الحــــال يا عزوتي ليه
ما ترحمـــون اللـــــي غدا دمعه ابداد = جالــه زمـــانٍ حــــرق الدمع خديه
جالـــــــــي زمــانٍ ما تهنيــت برقــاد = وقصــــر الحشــا قامت تهدم مبانيه
من يوم شفت الشـــوق مزبور الانهاد = ومجليٍ عــــــن دار جــده واهاليــه
وقفه يجر الثـــــــوب للضلــع شـــراد = أمشلحٍ ياطا على اطراف رجليـــــه
الشــوك مالـــه عــن حيا الرجل رداد = إلا ولا سبـــتٍ قـــويٍ يوقيـــــــــــه
يا من يسوي لــــــه زرابيـــلٍ اجـــداد = من المي لو ياطا على القطن يحفيه
بمشمرخات الهيـــف بالزحـف صعاد = وكم ماعرٍ من خوف الاروام راقيه
اخذ ثمانٍ مـــــــــع ثمـــان لـــه ازواد = ولا لقا من عزوتــــــه مـــن يلفيـــه
وجبــه سقـــاه من أول الوســم رعــاد = ما حدرت خشـــــمٍ أم سمــنــان تسقيه
حيــــث أنهــــا للمنهــــزم دار ميعــاد = ومن لاذ به تقل الحــرم لايــــذٍ فيـه
ومصيخ بن فرحــان عريـــب الاجداد = كل العساكر نكســـــه تتلـــي البيـــه
نكس بهم عامـــــر ومحســن وزيـــاد = والكل منهم ما رجع يــم اهاليـــــــه
وفزنا على شهب الغوارب منـه غــاد = وكم عيلٍ يبكي من القيض شاويـــه
وجينا قليبٍ صايــرٍ وســط الانفـــــاد = بالخمس مع نصف الثمانين ندليــــه
ليا آبن رخيصٍ نـــازلٍ هكــا الاجــراد = قال اقبلوا وانتم هل الدار يــــا هيــه
ياآبن رخيص الحضر يبغــــون ببلاد = والحيضري بالهدي يكره تبدويـــــه
ونبغي نقارب مــن هـل الجوف خلاد = وندعي عسا ان الوبل يسقي مفاليـه
واهل اسكاكــــا والنعـــم بذالـــة الزاد = ونعم النكيف الى لفا السير طاويـــه
اوي والله يــا الضويحــي مــن اجـواد = ونعم الرفيق الى نصل مدح اهاليــه
والمـــدح بدوا فيــه لرشيـــد وابجـــاد = والكل منهم سيف يقطــــع بحديــــه
وشلنـــا علــى حمــرٍ طويلات الابداد = يم الشمال ونية الهور نبغيــــــــــــه
كـــان جيتــــلي بـــدورٍ بالادوار وراد = وكلٍ يزيــــــــن للعشايـــر مواديــه
واحلــــــوا شرشـــوح المغاتيــر لنقاد = لا دوه الراعـــي بحلــــــو التداويه
ليا الشط لي في يمة الشـــط مــن قــاد = كن الشفلح فوق موجات جاريــــــه
يا مـــا عليــه من مخاليـــق وعبـــــاد = والكل منهم والي الاقـــــادر مسقيـه
هــــــــــذاك فـــلاحٍ وهـــذاك طـــراد = وهذا مريــــــح وساهراتٍ دواليـــه
وهــذا يهــــل الغزل من فوق الاعواد = وهذاك يقرملـه وهــذا يساديـــــــــه
كـــان جيت لي سوقٍ ورا جسر بغداد = كن الدبل تكفان يا سيــــــد لوحيـــه
كـــب الذهــب يــا كــود حتى الزمراد = يذود قلب المصلحي مـــن مشافيـــه
لا هو بشفٍ لــــي ولا هــو بالأمــراد = ولا هو هوايٍ وطاري النفس يطريـه
من يوم جانا العلــم تحذيــــــر الاوكاد = قيل العساكر غربوا تتلـــــي البيـــه
وحنا بديرة مـــــن يعـــدون الأجـــداد = هذا ولد عمه وهــــــــــــذا بناخيـــه
هب الهوا يا قـــارب الريــــح وأنقــاد = ويا من يدور بظاع حلاله وأهاليـــه
الله يسود وجهكــــم يـــا هـــل الــــواد = سود السما كل الخلايق تراعيـــــــه
من باب خـــدامٍ إلــى بـــاب عــــــواد = ومن ينتخي بالضيغميـــــه أنطاليــه
يــا الــلي نسيتوا عمل الاجرب وفهاد = ومن عقب هان الداخلي من قهاويـه
حتى الجراد بجماعـــاتنا ســـــــــــاد = هـــــــذا مسربـــــله وهــــذا مجليـه
لــــو تجتمــــع كــل الخلايـــق بميعاد = ألا جـــــــرادٍ مــــا لك الله مصافيـه
عيسى يقــــــــــول الحـرب للمال نفاد = والمال من هبت نسايـــــم ذواريـــه
يا اللي تقول الحـرب مــا بـه لنا أزواد = انشد مسوي السيف هو ليــه حانيــه
يا صار ما ترويه مــــــن دم الأضداد = يديه يم العرفجيـــــــــــــه وترويـــه
ولا صار ما مرٍ يزغرت بالاكبــــاد = ترى الموصي يسفه اللي موصيــــه
ولا صار ما ناصل ونضرب بالأحداد = هبيت يا سيفٍ طوا الهم راعيـــــــه
ولا صـــــــار ما همٍ بصنــديد الأولاد = فالعن شبابٍ ما يبهيه راعيـــــــــــه
والله لوني مـــن ورا جســـر بغـــــداد = أني لكم مثل العمل عنــــــد راعيــه
ــــــــــــــــــــــــــــــــــــــــ
السلام عليكم ورحمة الله وبركاته
هذه القصيدة هي من اشهر قصائد الأمير عبد الله بن رشيد ، حيث أنها ملحمة تاريخية ، وصف بها جميع ما جرى عليه خلال سفره إلى العراق .
وإليكم القصيدة :
يا هيه يا اللي لي مــن النــــــاس وداد = ما ترحمون الحــــال يا عزوتي ليه
ما ترحمـــون اللـــــي غدا دمعه ابداد = جالــه زمـــانٍ حــــرق الدمع خديه
جالـــــــــي زمــانٍ ما تهنيــت برقــاد = وقصــــر الحشــا قامت تهدم مبانيه
من يوم شفت الشـــوق مزبور الانهاد = ومجليٍ عــــــن دار جــده واهاليــه
وقفه يجر الثـــــــوب للضلــع شـــراد = أمشلحٍ ياطا على اطراف رجليـــــه
الشــوك مالـــه عــن حيا الرجل رداد = إلا ولا سبـــتٍ قـــويٍ يوقيـــــــــــه
يا من يسوي لــــــه زرابيـــلٍ اجـــداد = من المي لو ياطا على القطن يحفيه
بمشمرخات الهيـــف بالزحـف صعاد = وكم ماعرٍ من خوف الاروام راقيه
اخذ ثمانٍ مـــــــــع ثمـــان لـــه ازواد = ولا لقا من عزوتــــــه مـــن يلفيـــه
وجبــه سقـــاه من أول الوســم رعــاد = ما حدرت خشـــــمٍ أم سمــنــان تسقيه
حيــــث أنهــــا للمنهــــزم دار ميعــاد = ومن لاذ به تقل الحــرم لايــــذٍ فيـه
ومصيخ بن فرحــان عريـــب الاجداد = كل العساكر نكســـــه تتلـــي البيـــه
نكس بهم عامـــــر ومحســن وزيـــاد = والكل منهم ما رجع يــم اهاليـــــــه
وفزنا على شهب الغوارب منـه غــاد = وكم عيلٍ يبكي من القيض شاويـــه
وجينا قليبٍ صايــرٍ وســط الانفـــــاد = بالخمس مع نصف الثمانين ندليــــه
ليا آبن رخيصٍ نـــازلٍ هكــا الاجــراد = قال اقبلوا وانتم هل الدار يــــا هيــه
ياآبن رخيص الحضر يبغــــون ببلاد = والحيضري بالهدي يكره تبدويـــــه
ونبغي نقارب مــن هـل الجوف خلاد = وندعي عسا ان الوبل يسقي مفاليـه
واهل اسكاكــــا والنعـــم بذالـــة الزاد = ونعم النكيف الى لفا السير طاويـــه
اوي والله يــا الضويحــي مــن اجـواد = ونعم الرفيق الى نصل مدح اهاليــه
والمـــدح بدوا فيــه لرشيـــد وابجـــاد = والكل منهم سيف يقطــــع بحديــــه
وشلنـــا علــى حمــرٍ طويلات الابداد = يم الشمال ونية الهور نبغيــــــــــــه
كـــان جيتــــلي بـــدورٍ بالادوار وراد = وكلٍ يزيــــــــن للعشايـــر مواديــه
واحلــــــوا شرشـــوح المغاتيــر لنقاد = لا دوه الراعـــي بحلــــــو التداويه
ليا الشط لي في يمة الشـــط مــن قــاد = كن الشفلح فوق موجات جاريــــــه
يا مـــا عليــه من مخاليـــق وعبـــــاد = والكل منهم والي الاقـــــادر مسقيـه
هــــــــــذاك فـــلاحٍ وهـــذاك طـــراد = وهذا مريــــــح وساهراتٍ دواليـــه
وهــذا يهــــل الغزل من فوق الاعواد = وهذاك يقرملـه وهــذا يساديـــــــــه
كـــان جيت لي سوقٍ ورا جسر بغداد = كن الدبل تكفان يا سيــــــد لوحيـــه
كـــب الذهــب يــا كــود حتى الزمراد = يذود قلب المصلحي مـــن مشافيـــه
لا هو بشفٍ لــــي ولا هــو بالأمــراد = ولا هو هوايٍ وطاري النفس يطريـه
من يوم جانا العلــم تحذيــــــر الاوكاد = قيل العساكر غربوا تتلـــــي البيـــه
وحنا بديرة مـــــن يعـــدون الأجـــداد = هذا ولد عمه وهــــــــــــذا بناخيـــه
هب الهوا يا قـــارب الريــــح وأنقــاد = ويا من يدور بظاع حلاله وأهاليـــه
الله يسود وجهكــــم يـــا هـــل الــــواد = سود السما كل الخلايق تراعيـــــــه
من باب خـــدامٍ إلــى بـــاب عــــــواد = ومن ينتخي بالضيغميـــــه أنطاليــه
يــا الــلي نسيتوا عمل الاجرب وفهاد = ومن عقب هان الداخلي من قهاويـه
حتى الجراد بجماعـــاتنا ســـــــــــاد = هـــــــذا مسربـــــله وهــــذا مجليـه
لــــو تجتمــــع كــل الخلايـــق بميعاد = ألا جـــــــرادٍ مــــا لك الله مصافيـه
عيسى يقــــــــــول الحـرب للمال نفاد = والمال من هبت نسايـــــم ذواريـــه
يا اللي تقول الحـرب مــا بـه لنا أزواد = انشد مسوي السيف هو ليــه حانيــه
يا صار ما ترويه مــــــن دم الأضداد = يديه يم العرفجيـــــــــــــه وترويـــه
ولا صار ما مرٍ يزغرت بالاكبــــاد = ترى الموصي يسفه اللي موصيــــه
ولا صار ما ناصل ونضرب بالأحداد = هبيت يا سيفٍ طوا الهم راعيـــــــه
ولا صـــــــار ما همٍ بصنــديد الأولاد = فالعن شبابٍ ما يبهيه راعيـــــــــــه
والله لوني مـــن ورا جســـر بغـــــداد = أني لكم مثل العمل عنــــــد راعيــه
ــــــــــــــــــــــــــــــــــــــــ