موقف الامير / عبيد الرشيد .... مع خويه...!!

[زقروط الزقروطـــــي]

السلام عليكم ورحمة الله وبركاته

كان للامير عبيد الرشيد خوي يدعى(شريده الصلـبي) وهو رجال طيب كان ينقل الاخبار للامير عبدالله والامير عبيد عندما جلوهم ال عــلي ابناء عمهم من حائل. وبعد ان تسلم الامير عبيد الرشيد الحكم بحائل كان يجلس بمجلسه (شريده الصلبي) وكان الامير عبيد يخليه قريب منه ودايم يجلس بجانبه ويحامي عنه دائما ..
فكان الرجال المقربين لعبيد ينقدون عليه ويلومونه
وقال الامير عبيد هالابيات :-


طلبـت رب يعلـم السـر والغيـب=يقبل صلاتـي لـه ويقبـل صيامـي
يجعل لنا حـظ نزيـه مـن العيـب=يفكنـا مـن سـو كـل الاثـامـي
ابن ادم محـل للخطـا والعذاريـب=لو مافعـل ترمـي عليـه التهامـي
ربعي لقو عقب ماشبت بـي عيـب=عيـب لقـوه مفسريـن الحـلامـي
وان قيل بي عيب فهو صدق بي عيب=عيبي ورثته من خوالـي وعمامـي
قلت اخبروني وش هالعيب من عيب=قالوا علـى ساقـة رفيقـك تحامـي
العيب ترك المعرضـه والمواجيـب=والا الرفيـق بفزعـتـه مانـلامـي
شارخ نعرفه قبل يبدي بـه الشيـب=مـره خطيـب ومرتيـن حـرامـي
رفيقنـا مانجـدعـه للقصاصـيـب=يجبر بنا لو هـو كسيـر العظامـي
رفيقنـا كنـه بعالـي الشخانـيـب=فـي راس عيطـا عاليـه مايظامـي
رفيقنا لو هـو مـن الجـد بصليـب=متعلـق معنـا بــراس السنـامـي
يوم الوغـى مانستشيـر الزواريـب=نـذرى الا هبـت لنـا بالـولامـي
نركب علـى قـب يجنـك جناديـب=بيماننـا بيـض تقـص العظـامـي
مع درب ابو بندر زبـون العياسيـب=اللي علـى ميـره تعيـش اليتامـي
غنـوا بفعلـه راكبيـن المصاليـب=من البصره الفيحا الا سـوق يامـي

منقوووول
وتقبوا تحياتي

* توضيح : للامانه انا بداية الموضوع كنت كاتب السالفة بين الامير عبيد وشارخ بن مسمار
بس وضحلي الاخ العزيز اورنس السالفة واشكره عالتوضيح ويعطيه الف عافية
والموضوع مثل ماوضح اورنس بين الامير عبيد وشريده الصلبي
والدليل
((رفيقنا لو هـو مـن الجـد بصليـب***متعلـق معنـا بــراس السنـامـي))

[راكان المعجل]

شكرا لك يابن مطوعت الخيل يالزقروطي على هالموضوع الجميل بكل ما تعنيه القصيده من شرف الخوه والمرجله

بس بقيت اعدل بالقصيده وبلأخص البيت الاخير ::غنوبها ياراكبين العياسيب ::::::من مصرنا الغربي اليادار يامي

وشكرا لك يالغالي...

اخوك::راكان المعجل

[متعب الخريصي]

مشكور اخوي زقروط
الله يعطيك الف الف عافيه

[أورنس]

يعطيك العافيه يا زقروط الــزقــروطي ..

والف شكر للتوضيح

ملاحظه : ورد اسم (شارخ بن مسمار العليان) وهو من الدغيرات من عبده بهذه القصيده والسالفه
بكتاب الاستاذ / ابراهيم الخالدي .. والكتاب كان يحتوي على قصائد الامير عبيد العلي الرشيد

وهذا خطأ .. المقصود بهذه السالفه هو (شــريــده) وناس تقول ان اسمه (ســــاهــي)والوكان انه رجل طيب من الصلبــه
وله علاقه بالامير عبيد الرشيد..
وليس شارخ بن مسمار العليان

ويذكر الامير عبيد (شريده الصلبي) بهذا البيت ايضا
((شريده نعرفه قبل يبدي بـه الشيـب***مـره خطيـب ومرتيـن حـرامـي))
ويقصد:
عندما كانوا مختبئين بالجبل كان يسرق ليطعم الامراء عبيد وعبدالله .. واذا اتى وقت الصلاة يصلي بهم ..


وهنا في هذا البيت يذكر الامير عبيد الرشد .. نسب الــخـــوي المذكـــور

((رفيقنا لو هـو مـن الجـد بصليـب***متعلـق معنـا بــراس السنـامـي))


وعندما استلم الحكم عبدالله الرشيد..

كان الامير عبيد الرشيد يحامي عن الصلبي ودايم يكون قريب منه ويجلس بجنبه بالمجلس
وكان المقربين للامير عبيد ناقدين عليه والدليل يقول الامير عبيد بالقصيده:

ربعي لقو عقب ماشبت بـي عيـب&&&عيـب لقـوه مفسريـن الحلامـي
قلت اخبروني وش هالعيب من عيب&&&قالوا على ساقـة رفيقـك تحامـي





وشارخ بن مسمار / له سالفه وقصيده اخرى مع الامير عبيد
ومطلع القصيده هو / يا شارخ اركب فوق ناب النسانيس ..

يا شارخ اركب فوق نابي النسانيس*** حرٍ عريبٍ من هذايب نداهـــــــا
سيّر على عدوان ونوّخ على نعيـس*** الدار دار اللي بسيفه خذاهـــــا
أبو طلال الشيخ ذيب الملابيـــــــس*** كم هجمةٍ يقطع هله من رجاها
دارٍ لنا من قبل طي الى قيـــــــــس*** بالسيف صبيان الضياغم حماها
قبلك بهيجٍ حدّروه السناعيــــــــــس*** من عقدة اللي ما يحدر قناهــا


ملاحظه : انا شخصيا واجهت احد احفاد شارخ بن مسمار العليان بمدينة حائل وسولف لي سالفة الكتاب
وورود اسم جده شارخ بالخطــأ وقال انه يريد ان يصل الى الكاتب ابراهيم الخالدي لكي يوضح الخطأ



شكرا للاخ العزيز / زقــروط الــزقـــروطــي للتوضيح


وتقبلوا التحيه :

[زقروط الزقروطـــــي]

اخي / راكان
اشكرك على المرور الكريم وعلى الكلام الطيب يابعدحيي
وتسلم على التوضيح ولاهنت
تقبل تحياتي

[زقروط الزقروطـــــي]

اخوي / متعب الخريصي
العفو يابعدي وتسلم على المرور الطيب
تقبل تحياتي

[زقروط الزقروطـــــي]

اخي / اورنس
الله يعافيك ويسلمك
وتسلم على التوضيح ولاهنت يالغالي
ومشكور على المرور الكريم الذي اسعدني
وتقبل تحياتي

[الضيغميه]

وان قيل بي عيب فهو صدق بي عيب
عيبي ورثته من خوالـي وعمامـي
قلت اخبروني وش هالعيب من عيب
قالوا علـى ساقـة رفيقـك تحامـي
العيب تـرك المعرضـه والمواجيـب
والا الرفيـق بفزعـتـه مانـلامـي
شريده نعرفه قبل يبدي بـه الشيـب
مـره خطيـب ومرتيـن حـرامـي
كل الشكـــــــر اخوي على النقل وماهي غريبه على شيوخنا
غريبه اذا تنكور عنه..ولاهانو باقي القبيلـــــــــــــــــه

[الامسح]

العزيز /زقروط الزقروطي,,,,, تحيه لك .... زمن ماضي جميل ومعاني انسانيه أن دلت فتدل على سمو الاخلاق .
الصحبا لها حق والوفاْ ء خصله جميله صعب التصنع بها لمدد طويله.......

[رفيق القمرا]

زقروط الزقروطي

يعطيك العافية يالغالي على القصيدة والسافة والتوضيح
صراحة مبطي وانا حافظ هالقصيدة لكن ماعرفت سالفتة اللا منك

يعطيك العافية يالغالي

[زقروط الزقروطـــــي]

اختي/ الضيغميه

شكرا على المرور الكريم

تحياتي لكِ

[زقروط الزقروطـــــي]

اخي/ الامسـح

شكرا على المرور الكريم

تحياتي لك

[زقروط الزقروطـــــي]

اخي/ رفيق القمرا

الله يسلمك ويعافيك وشكرا على المرور الكريم

تحياتي لك

[ابن برزان]

يعطيك العافيه
مشكور
ابن برزان

[سّآ‘رٍيْ]

بسم الله الرحمن الرحيم
السلام عليكم ورحمة الله وبركاته وبعد:
أشكر أخوي زقروط الزقروط على أجتهاده وأن لم يصب ليس هناك أحد معصوم من الخطأ وأشكر أخوي أورنس على التصحيح الجميل في البيت القائل :
((شريده نعرفه قبل يبدي بـه الشيـب***مـره خطيـب ومرتيـن حـرامـي))

كما أضيف للبيت الاخير الذي يقول :
((غنوا بفعله راكبين المصاليب ***من بصرة الفيحا إلى سوق يامي))

تكملته:
((شارخ تقَاضَى بَهْ زُبُونْ المَهَالِيبْ ***وشْ جَابْ صَطْوَتْ مِطْرِبِنْ وابن لامِي))

ويدل هذا البيت على حسن الإخاء الذي كان بين الأمير/عبيد الرشيد و الفارس/شارخ المسمار.

وقصة البيتين الأخيرين هي :

فرحة الأمير/عبيد الرشيد عندما أخذ ابن الفارس/شارخ المسمار وهو (خضير شارخ المسمار)
بثأره من قاتل أبيه ، وقد قتل والده في أحدى المعارك غدراً بمسدس اسمه(الورور) مدسوس مع القاتل سراً وفي ذلك الزمان لم تعرف تلك الأسلحه.

وعندما علم خضير شارخ المسمار بمرور قاتل أبيه على قرية المستجده ذهب ليأخذ بثأر أبيه وهو لايزال صغير السن لايستطيع حمل السلاح ومعه عمه/حسن المسمار فأنتظراه وعند قدومه أمسكه حسن المسمار وحاول خضير بن شارخ رفع الشلفا الخاصه بوالده ولكنه لم يستطيع رفعها ، فقال له عمه/حسن :((دَلـْــق يا خضير)) ومن ذلك اليوم أصبحت كلمته مثل يردد على ألسنة الناس ،فقام خضير بطعن قاتل أبيه ونزلت أمعاءه ومات قبل وصوله حائل.

وعند بلوغ الخبر الامير/ عبدالله الرشيد غضب وقال:(والله لــذبح ذباح ألـــي مسير علي) ورد عليه أخوه الأمير / عبيد الرشيد وقال:(نسيت شارخ ... شارخ لو هو في بطني لقـَدِيـتـَه ْ ) . ويقصد بذلك:
لوكان هو نفسه قاتل شارخ المسمار لقتل نفسه ثأراً له .

[الجزيرة العربية]

قصيدة ذات معني عظيمة وسامية
لتسطر أجمل درجات الخوة والصداقة
لتصدر من أمير وفارس بمنزلة عبيد بن رشيد رحمه الله

فعل مدرسة ولنا بسابقين فخر و قدوة

ألف شكر لك أخوي الزقروطي
والشكر موصول للاخ أورنس
وكذلك الاخ ساري على اضافته الرائعة


دمتم بالود والمحبة.....الجزيرة العربية

[أبو حواس]

لا هنت يا بعدي ~ }

[ولد الرشيد]

يعطيك العافيه

[عجزت انساكـ]

][®][^][®][مشكور الله يعطيك العافيه



تحيتي ][®][^][®][

[الحلا مبتليني]

الله يعطيك العافيةعلى ماجلبت لنا