وقعه ياطب بين الدويش وابن رشيد وقصيدة العوني التي اشعلت شمر

[حمود بن رخيص]

بعد مقتل الامير عبد العزيز بن متعب ال رشيد تنازع ال رشيد على امارة حائل وشمر فاستولى محمد بن طلال ال رشيد على حكم حائل بعد ما فر ابن عمه عبد الله بن متعب ال رشيد الى ابن سعود خوفا من ابن عمه محمد بن طلال ان يقتله وفي ظل تنزاع ابناء العمومه على الحكم زعلت قبيلة شمر على محمد بن طلال ال رشيد فرحلت قبيلة شمر الى بادية العراق تاركة منطقة حائل في ظل تلك الاحداث قام الملك عبدالعزيز ال سعود بارسال فيصل بن سلطان الدويش على راس جيشه الكبير لمحاربة ابن رشيد فحاصر مدينة حائل فارسل ابن رشيد قصيدة كتبها محمد العوني يستفزع قبيلة شمر وعند سماع قبيلة شمر هذه القصيدة وهم في بادية العراق جاءوا يبكون كبيرهم وصغيرهم لفك الحصار عن مدينة حائل فقطعوا المسافة التي بين بادية العراق ومدينة حائل من ثلاثة شهور الى عشرة ايام وفعلت هذه القصيدة ما لاتفعله السيوف حيث أثرت في قبيلة شمر فانتصروا وانهزم الدويش وجيشه امام ابن رشيد ، قال العوني مخاطبا قبيلة شمر على لسان ابن رشيد قصيدة أبكتني عند قراءتها :


عـزي لقلـبٍ كــل مــا طــرف اللـيـل
علـيـه صـــارن الـدقـايـق جـلايــل
واعتاظ عن طيـب الكـرى بالتعاليـل
بـافـكـار واذكـــار وقـــول وقـايــل
والعيـن كـن ابموقهـا يــدرج المـيـل
عيت تطيق النوم مـن فـور جايـل
على بني عمي اسنـادي عـن الميـل
نطـاحـة الكـايـد اكـبــار الحـمـايـل
اقـفـوا كـمـا مــزنٍ ثقـيـل المخايـيـل
من زاعج الغربي حدر لـه شعايـل
شمـر مقابيـس المنايـا هــل الخـيـل
عصمـان الاريـا مقحميـن الدبـايـل
يا دار ويـن أهـل المهـار المشاويـل
اهـل الـنـزول الـلـي تـعـز النـزايـل
بكيتهـم يـوم ارتـكـى فـوقـي الشـيـل
وذكرتهـم يـو اقبـل الـضـد صـايـل
وصاح الصيـاح وطوحـن الهلاهيـل
وهلت ادمـوع معكرشـات الجدايـل
وقلت ابشرن مـا دام بالعمـر تمهيـل
مـا دام مـا رزت عليـنـا النضـايـل
لا تبكـيـن الـوحـدة قِــل الرجـاجـيـل
مــا دام عـيـن الله عليـنـا تـخـايـل
وظهرت أنا باسم العصاة المشاكيـل
لـو هــم قلـيـل يـدركـون الجمـايـل
هـم حاصـلـي لا كملـنّـا المحاصـيـل
غوش الجبل خزني غلامين حايـل
باعـوا عزيـز العمـر دون المضاليـل
وحمـوا حماهـا مقدمـيـن الفعـايـل
قالوا عليهم قلت يزجوا اهـل الخيـل
وقهرتهـم غصـب ووردوا غـلايـل
واذنـيـت هـجـنٍ يقـربـن المـحـاويـل
هــوج هجاهـيـج اهـجـاف نحـايـل
عليـكـم يـطـرب قـلــوب المـراسـيـل
خفـقـات رفـقـات صــلاب جـلايــل
قلايـص عـوص صعاصـع شمالـيـل
من سلسلة نسل السبـاق السلايـل
الصبـح مـدن كنـهـن جـولـة الـريـل
رفيحٍ علت من فوقها ارجال حايل
وصبح اربعٍ تلفـي نـزول كمـا الليـل
شمّـر إليـا عــدت فــروع القبـايـل
أدنــى بـالادنـى خبـروهـم بتفـصـيـل
لا تسفهـون اصفارهـم والجمـايـل
ولازم إليـا شـافـوا اركــاب مقابـيـل
تلزمهم النشدات عـن سكـن حايـل
قولـوا لهـم يـا مقبليـن عـلـى خـيـل
نـجـد واهلـهـا يطـلـبـون الاوايـــل
جونا هل العارض جموع كما الليـل
يـبـغـون دار هـابـهـا كـــل عـايــل
وجرى لمنا يومٍ يـا طـب بـه الشيـل
يطيـح مـا تشنـى عليهـا الرحـايـل
واضفـا علـى عكـاش مـثـل الهـمـال
يليـا طـول مـا حنـا لهـم بـالاوايـل
ويـن الطنايـا ؟ ويـن شرابـة الهيـل
وين الرجال اللـي تشيـل الثقايـل؟
وين السيوف اللي نعـدل بهـا الميـل
وين الرماح اللي ترد كـل عايـل ؟
ويـن النشامـا والعصـاة المفالـيـل ؟
وجميع من ضربـه تضيـع الدلايـل
نشرب بهـم صافـي القـراح الشهـال
يلوننزل بهم غصب على كل طايل
تذكرتهـم يـوم ارتـدم فوقـي الشـيـل
ونخيتهـم يـوم اقبـل الضـد صايـل
غلبـا تــرى بلدانـكـم لبـسـت النـيـل
تنخى الرجـال المكرميـن الاصايـل
تنخـى اهـل العـادة كــرام الاسابـيـل
يوم التعـازي والدخـن لـه صلايـل
قلته وانا معكـم علـى العـدل والميـل
لـعـل مـــا نـعـتـاظ عـنـكـم بـدايــل
تمـت وصلـوا عــد وبــل المخايـيـل
علـى نـبـي الـحـق مــا زال زايــل

[أبن داغر]

دايم مواضيعك مميزه ياحمود بارك الله فيك .

[قره داغ]

مشكور الاخ حمود بن رخيص على هذة القصيدة

[حمود بن رخيص]

العفو مشكورين على الردود

[ولد الطنايا]

الله يعطيك ألف عافية أخوي حمود .

[الجحيشى العرادى]

يعطيم العافيه يحمود الرخيص هموضوع طيب

[حمود بن رخيص]

الله يعافيكم
تقبلوا خالص تحياتي

[لماح]

هذه المعركه بين جيش عبد العزيز وبن رشيد وليس الدويش
الدويش كان من ظمن المشاركين وكان هناك قبائل اخرى مشاركه
ياليت تسمى الامور باسمائها

[ولد شـــمـــر]

السلام عليكم ورحمة الله وبركاته


الله يعطيك العافية على الموضوع الجميل والرائع


وتقبل مروري

[مضيف برزان]

تسلم على ادراج هذه القصيده المحفوطة بقلب وعقل كل شمري غيور ...

وين الطنايا وين شرابت الهيل وين الرجال الي تشيل الثقايل

ملاحظة - الفوضى بدات بعد مقتل سعود العبدالعزيز الرشيد وليس عبدالعزيز ومحمد الطلال بين حكمه ومقتل الجنازة اكثر من خمس طعش سنة ...

والله يحفظكم

[محمد بن فهد الشمري]

وكـان به المنتصر ابن رشيد وشمر ..

الله الله ..


لاهنت يا ابن رخيص ويعطيكـ العافيه ياعزوتي :)

[الدكتور غيم]

بارك الله فيك يابن العم
على ذكر هذه الواقعه من تاريخ شمر المشرف

[نجم]

قصيدة معبره

وتهتز لها الجبال قبل الرجال

تسلم يمينك ياحمود

ملاحظه : استفسار الشاعر الكبير عبدالله العوني وشو اصله