البرق اللاعج
2008-09-19, 01:08 AM
تحياتي للجميع
اهديكم هذه القصه والقصيده عسى ان تحوز على رضاكم
كان الشيخ : وديد ابن عروج رحمه الله شيخ على قبيلة بني لام وفي احد المعارك مع شمر قتل وبعدما قتل تولا شيخة القبيله اخيه لزام ابن عروج .. وجلست زوجة وديد سبع سنوات لم تتزوج واشارو جماعة لزام عليه ان يتزوج زوجة اخيه وديد .. فتزوجها لزام وابقاها في بيت اخيه وديد وكان الشيخ وديد له ذلول مشهورة عند القبائل وكانت هذه الذلول منقطعه من كثر مايغزي عليها الشيخ وديد ولما توفي وديد ربعت الذلول (يعني اصبحت عدله سمين) فاذات ليله امرح الشيخ لزام عند زوجته (الي هي زوجة وديد سابقن) فسمع هدير جمل فقال لزوجته اذهبي للجمل وربطيه لا يكسر الابل فذهبت فا اذا هي ذلول وديد تهدر مثل الجمل (فسقانه) فتذكرت زوجه السابق وديد وايام مغازيه وان الذلول تغيرت بعده فبكت وقالت :
يالله ياعايد على كل مضماه = يامخضر الارض الهشيم المحايل
انت الكريم ورحمتك مانسيناه = تروف بالي دوم عينه اتخايل
تلطف بلي كن عينه مداواه = الي بقلبه حاميات الملايل
الوج مثل ايوب من عظم بلواه = واسهر ياما يصبح النجم زايل
على حبيب كل ماقلت ابنساه = لذكره تفطني من الهجن حايل
اليا نسيته ذكرتني بطرياه = شيبا ظهر من عاصيات الجلايل
يلتاع قلبي كل مذكر سوياه = كما يلوع الطير شبك الحبايل
لا واحبيبي سبعة اسنين فرقاه = عليه انا قصيت كل الجدايل
لا واحبيبي يتلف الهجن ممشاه = الى بغى له نيتن مايسايل
لا واحبيبي يسقي الربع من ماه = دليلهن ياضيعوه الدلايل
لا واحبيبي يطرب الهجن بغناه = من كثر ماتوحيه صبح وقوايل
لا واحبيبي كل قوم تنصاه = تلقا اربوعه طيبين القبايل
لا واحبيبي تدفق السمن يمناه = ياما ذبح مابين كبش وحايل
لا واحبيبي وافيات سجاياه = عليه غظات الصبايا غلايل
لا واحبيبي دوم للعفن متقاه = ياما كلنه مدمجات الفتايل
لا واحبيبي بين ذولا وذولاه = خلي بوجه معدلين الدبايل
لا واحبيبي طاح يوم الملاقاه = بنحور غلبا فوق قب السلايل
لا واحبيبي طيور شلوى تعشاه = قطاعة المهجه سناعيس حايل
ياعارفين اوديد ياطول هجراه = ياليتني بوديد مبغي بدايل
اخذت اخوه ابي العوض ذاك من ذاه = والبيت واحد من كبار الحمايل
عندي مثيله واحد كنه اياه = عليه من توصيف خلي مثايل
الزول زوله والحلايا حلاياه = والفعل ماهو فعل وافي الخصايل
وبعدما سمعه الشيخ لزام زعل زعل شديد ... وللقصه باقي اوردها عن قريب ان شاء الله
وتقبلو خالص تحياتي
ملاحظه: عندقراءة لزام يشدد حرف الزاء يعني لززام
اهديكم هذه القصه والقصيده عسى ان تحوز على رضاكم
كان الشيخ : وديد ابن عروج رحمه الله شيخ على قبيلة بني لام وفي احد المعارك مع شمر قتل وبعدما قتل تولا شيخة القبيله اخيه لزام ابن عروج .. وجلست زوجة وديد سبع سنوات لم تتزوج واشارو جماعة لزام عليه ان يتزوج زوجة اخيه وديد .. فتزوجها لزام وابقاها في بيت اخيه وديد وكان الشيخ وديد له ذلول مشهورة عند القبائل وكانت هذه الذلول منقطعه من كثر مايغزي عليها الشيخ وديد ولما توفي وديد ربعت الذلول (يعني اصبحت عدله سمين) فاذات ليله امرح الشيخ لزام عند زوجته (الي هي زوجة وديد سابقن) فسمع هدير جمل فقال لزوجته اذهبي للجمل وربطيه لا يكسر الابل فذهبت فا اذا هي ذلول وديد تهدر مثل الجمل (فسقانه) فتذكرت زوجه السابق وديد وايام مغازيه وان الذلول تغيرت بعده فبكت وقالت :
يالله ياعايد على كل مضماه = يامخضر الارض الهشيم المحايل
انت الكريم ورحمتك مانسيناه = تروف بالي دوم عينه اتخايل
تلطف بلي كن عينه مداواه = الي بقلبه حاميات الملايل
الوج مثل ايوب من عظم بلواه = واسهر ياما يصبح النجم زايل
على حبيب كل ماقلت ابنساه = لذكره تفطني من الهجن حايل
اليا نسيته ذكرتني بطرياه = شيبا ظهر من عاصيات الجلايل
يلتاع قلبي كل مذكر سوياه = كما يلوع الطير شبك الحبايل
لا واحبيبي سبعة اسنين فرقاه = عليه انا قصيت كل الجدايل
لا واحبيبي يتلف الهجن ممشاه = الى بغى له نيتن مايسايل
لا واحبيبي يسقي الربع من ماه = دليلهن ياضيعوه الدلايل
لا واحبيبي يطرب الهجن بغناه = من كثر ماتوحيه صبح وقوايل
لا واحبيبي كل قوم تنصاه = تلقا اربوعه طيبين القبايل
لا واحبيبي تدفق السمن يمناه = ياما ذبح مابين كبش وحايل
لا واحبيبي وافيات سجاياه = عليه غظات الصبايا غلايل
لا واحبيبي دوم للعفن متقاه = ياما كلنه مدمجات الفتايل
لا واحبيبي بين ذولا وذولاه = خلي بوجه معدلين الدبايل
لا واحبيبي طاح يوم الملاقاه = بنحور غلبا فوق قب السلايل
لا واحبيبي طيور شلوى تعشاه = قطاعة المهجه سناعيس حايل
ياعارفين اوديد ياطول هجراه = ياليتني بوديد مبغي بدايل
اخذت اخوه ابي العوض ذاك من ذاه = والبيت واحد من كبار الحمايل
عندي مثيله واحد كنه اياه = عليه من توصيف خلي مثايل
الزول زوله والحلايا حلاياه = والفعل ماهو فعل وافي الخصايل
وبعدما سمعه الشيخ لزام زعل زعل شديد ... وللقصه باقي اوردها عن قريب ان شاء الله
وتقبلو خالص تحياتي
ملاحظه: عندقراءة لزام يشدد حرف الزاء يعني لززام