wolf65
2005-09-18, 01:24 PM
السلام عليكم يا خوالي الكرام ورحمة الله ,,
حبيت أن اشارك بهالمشاركة البسيطة وعساها تنول إعجابكم ..
هـذه القصيـده للشــاعر المطيري الكبير ::
{{محمد بن جازع بن دله الصهيبي}}
يرد بها على متحذلقين التاريخ الذين لاتوجد عندهم امانة تاريخية ,,
بعنــوان ..(( مسيــرة قبيــــلة مطيـــر )) ..
هاض الضمير وهاجس القلب هيضه =
وقزيت من نومي وخلق الله ينامون
أبي السكات وقام عزمي يشيلني =
وبينت تاريخ(ن) له الناس يقرون
كني وكيل ادم على ذريته =
يومي وليلي مجهد(ن) تقل مفتون
ماني بدماحن لغلطات مشتهي =
اللي مثايلهم تقول يتهزون
أبتكلم واترك الزود والخطا =
واشوف وش يصلح عن الكذب مضمون
عزمي يساعدني على ما طرالي =
ودالوب فكري ينهض اللي يطيحون
واليا بغيت أقول عزمت بالله =
وابا احتمل باللي عليه يشيلون
أنا اختصرت من السوالف دلايل =
نقل عن التاريخ واللي يحفظون
عن قولهم في وقتهم ما اختلفنا =
ناخذ صحيح العلم والكذب مدفون
بعلم الجاهل بدرب المسيرة =
يوم(ن) بعض الناس للحق يخفون
الشاعر اللي يبدع القاف ضيعه =
يبا الدليل وعن طريقه يتيهون
مثل الذي هام البحر في سباحته =
شاله غروره وسط موجه يغرقون
يالمعترض مالك ورانا طلابه =
مالك قصير ولا عواني تثورون
كذبت فعل مطير واللي ذكرنا =
حظك حمول وبالظليمه تهرجون
اما صغير السن يجهلك فعلهم =
والاردي العرف ماتفتهم لون
واللي ذكرته بالقصيده نحله =
ونعلمك في دربهم وين يمشون
واللي يسب مطير ماأرخى شرفهم =
واللي مدح بمطير ما زادهم لون
سقم الحريب اليا تعدى حدوده =
اليا طارت الغدفه وقاموا يعنون
كم واحد(ن) يزمي ودسنا كرامته =
عقب هديره دايخ الراس ممهون
تقول أهل نجد جلوا عن ديارهم =
والا مطير في نضركم يطيرون
نجد(ن) سكناها سنين طويله =
يوم الهوى صافي وفيها يصولون
من مويه هكران عليه انحدرنا =
وفيها من أجواد القبايل يحربون
تاقع منازلهم جنوب وشمالنا =
وضرب الهنادي بينهم ما يكفون
نوب(ن) علينا نعترف في طعنهم =
ونوب(ن) عليهم ومن نحرنا يصدون
ولابه نهار(ن) مايطير غباره =
هذا طريح وذاك طاعن ومطعون
عشرة مناويخ بنجد اقتحمنا =
نوب(ن) لنا الزوده ونوب(ن) يغلبون
أحد(ن) يهاجمنا ونرد خيلهم =
وأحد(ن) يناوخنا ومنا يشدون
قبل السعود بحكمهم يملكونه =
وقبل الرشيد اللي بفترة يحكمون
قصيرنا منهم حراب العريني =
وشلف(ن) نروي جبها لين يقفون
وسرد السبايا للعدو ذاخرينها =
وحمر النواظر للحرايب يصالون
قبقب شراع العز والطير غنا =
وعن وجهنا بعض القبايل يحوزون
يم الحصاه ويم صبحا نزلنا =
وحوطه تميم اليا بغوها يمدون
ومدهالهم شمال حبر والغرابه =
ومرباعهم على أبانات يظفون
طرت عليهم طاريه صملوها =
نووا على المحدار والناس يدرون
ما أحدن قدر يردهم مع قفاهم =
ولا علقوا عاني من اللي يخافون
جوا من فقارة نجد يزمي ضعنهم =
لين من سوق الكويت يتقضون
تمشي ضعاينهم بدرب أسلافهم =
لديره اللي بسمها الناس يوحون
يوم أقربوها نطحوهم حرابه =
اللي على بيض الحباري يجيرون
جونا وجيناهم وصارت معارك =
وعقب مناخين(ن) سكانها يحدرون
ما قلت بالأجواد قصدي رداهم =
من أدبرت دنياه فيها يذوبون
حظن يطيح وحظ بالله يرتفع =
وهاذي تدابير الولي خالق الكون
ولاني بقراض للأجاويد مسهم =
سلطه من الله ينقص اللي يزودون
ولاني بقراض للأجاويد بالقفى =
اللي لهم فعل على الموت يردون
وفي منزل الصمان بس انتهينا =
وعند النفود ودبدبتها يحامون
محدن عطانا طيب ولا شرينا =
أسباب مركاض به الناس يدرون
من فوق شهب ما قصرنا غذاها =
ومصقلاتن للجماهي يشيلون
وان طوّحن بيض العذارى غطاها =
علوى لعسرين القبايل يردون
في شف شقح(ن) دايم الدوم بالخطر =
دايم جنبها من وراها يبارون
دايم وحمران النواظر حماها =
ومن ذاق منهم طعنه مايعودون
وواصل سندنا درعنا من اعدانا =
دايم على النزل الموالي يميلون
دايم تهاذب خيلهم لحددانا =
ومن جيشهم بعض الأجناب يشكون
وألد علي بين الحفيفين نزلهم =
دايم لصولات القبايل يوالون
اليا أختلط عجاجها مع خلاجها =
مركاضهم فيها المصاليح يرعون
وان قيل ألاد عباد نعم القبيله =
مثل الجبال الراسيه ما يزولون
قصيرهم من الأجناب روس حرابهم =
وشلف(ن) بها شوخ القبايل يحذفون
كم فارس تحت الحوافر وطنه =
اللي بهم ضلعان نجد يسمون
تجاول عند الطريح وتعاقبن =
والكل طلق حرمته ماتشيلون
راحت على اللي شاله الكبر ضيعه =
ومن قال أنا الطيب له الناس ياطون
هاذي شهود الفعل والخابر الله =
ماهوب هرج(ن) بالمجالس يقولون
وهاذي فعول مطير ياجاهل بها =
ياللي تغطون الحسب ماتخافون
فهود الزراج اليا انتووا يم ديره =
بعد المسافه دونها ما يهابون
نمسي بدار وصبحنا يم ديره =
وكم(ن) عدون غافل(ن) له يفاجون
ماهم شواوي بالقرايا مربهم =
طوال الخطى اليا ركب القيض يمشون
بادت سمارى جيشهم من حفاها =
في لاهب الجوزاء عليهن يسوجون
من دار أبو جابر على الشام كونهم =
جابوا مغاتير(ن) عليها يغنون
أربع أكاوينن بقيظن تعاقبت =
ما قيضوا تحت السقايف ينامون
ولو أذكر اللي خابرن به بلشنا =
أتعبت نفسي واللي ورانا يعدون
ذكرت لي موجز وبينت بعضها =
وهاذي مسير مطير وأنتم تخبرون
من الحره السودا اليا سيف البحر =
قصور تبنا والنخل له يغرسون
واللي مكذبني يجينا نفرجه =
يلقا صحيح وللقرايا يعدون
من قصر ابن شلاح نبي نجيبها =
وإنشد الشيبان عما يخبرون
أما لقيت الهرج لا صحتله =
والا أعترفت ومن سنعنا تصدون
أما ركبت الغوج ياطابك الوعر =
والا كسير القين والجنب مطعون
تم الجواب وما خبرته ذكرته =
أنقل عن التاريخ للي يحرصون
نقلت من شيبانا من قصصنا =
لعيالنا اللي بالمدارس يحفظون
وترى المراجل للعرب تفتخر بها =
خطلان الأيدي للعوالي يشومون
والناس مثل الناس لافرق بينها =
الا كبار الحظ فيها يفوزون
أحد(ن) نصيبه يقصره عن طموحه =
وأحد(ن) يجيله حظ باللي يسوون
وكل القبايل بالفعايل مجربه =
وشعارها تنقل عن اللي يخبرون
واللي يبا يذكر فعايل قبايله =
الباب مفتوح(ن) على ما يريدون
تمت وصلى الله على سيد البشر =
أللي تشفع لأمته يوم ينخون
تمـت بحمـد الله في (( السعيــره )) .. عــــــام 1993 م
وسلامتكمممممممممممممممم
حبيت أن اشارك بهالمشاركة البسيطة وعساها تنول إعجابكم ..
هـذه القصيـده للشــاعر المطيري الكبير ::
{{محمد بن جازع بن دله الصهيبي}}
يرد بها على متحذلقين التاريخ الذين لاتوجد عندهم امانة تاريخية ,,
بعنــوان ..(( مسيــرة قبيــــلة مطيـــر )) ..
هاض الضمير وهاجس القلب هيضه =
وقزيت من نومي وخلق الله ينامون
أبي السكات وقام عزمي يشيلني =
وبينت تاريخ(ن) له الناس يقرون
كني وكيل ادم على ذريته =
يومي وليلي مجهد(ن) تقل مفتون
ماني بدماحن لغلطات مشتهي =
اللي مثايلهم تقول يتهزون
أبتكلم واترك الزود والخطا =
واشوف وش يصلح عن الكذب مضمون
عزمي يساعدني على ما طرالي =
ودالوب فكري ينهض اللي يطيحون
واليا بغيت أقول عزمت بالله =
وابا احتمل باللي عليه يشيلون
أنا اختصرت من السوالف دلايل =
نقل عن التاريخ واللي يحفظون
عن قولهم في وقتهم ما اختلفنا =
ناخذ صحيح العلم والكذب مدفون
بعلم الجاهل بدرب المسيرة =
يوم(ن) بعض الناس للحق يخفون
الشاعر اللي يبدع القاف ضيعه =
يبا الدليل وعن طريقه يتيهون
مثل الذي هام البحر في سباحته =
شاله غروره وسط موجه يغرقون
يالمعترض مالك ورانا طلابه =
مالك قصير ولا عواني تثورون
كذبت فعل مطير واللي ذكرنا =
حظك حمول وبالظليمه تهرجون
اما صغير السن يجهلك فعلهم =
والاردي العرف ماتفتهم لون
واللي ذكرته بالقصيده نحله =
ونعلمك في دربهم وين يمشون
واللي يسب مطير ماأرخى شرفهم =
واللي مدح بمطير ما زادهم لون
سقم الحريب اليا تعدى حدوده =
اليا طارت الغدفه وقاموا يعنون
كم واحد(ن) يزمي ودسنا كرامته =
عقب هديره دايخ الراس ممهون
تقول أهل نجد جلوا عن ديارهم =
والا مطير في نضركم يطيرون
نجد(ن) سكناها سنين طويله =
يوم الهوى صافي وفيها يصولون
من مويه هكران عليه انحدرنا =
وفيها من أجواد القبايل يحربون
تاقع منازلهم جنوب وشمالنا =
وضرب الهنادي بينهم ما يكفون
نوب(ن) علينا نعترف في طعنهم =
ونوب(ن) عليهم ومن نحرنا يصدون
ولابه نهار(ن) مايطير غباره =
هذا طريح وذاك طاعن ومطعون
عشرة مناويخ بنجد اقتحمنا =
نوب(ن) لنا الزوده ونوب(ن) يغلبون
أحد(ن) يهاجمنا ونرد خيلهم =
وأحد(ن) يناوخنا ومنا يشدون
قبل السعود بحكمهم يملكونه =
وقبل الرشيد اللي بفترة يحكمون
قصيرنا منهم حراب العريني =
وشلف(ن) نروي جبها لين يقفون
وسرد السبايا للعدو ذاخرينها =
وحمر النواظر للحرايب يصالون
قبقب شراع العز والطير غنا =
وعن وجهنا بعض القبايل يحوزون
يم الحصاه ويم صبحا نزلنا =
وحوطه تميم اليا بغوها يمدون
ومدهالهم شمال حبر والغرابه =
ومرباعهم على أبانات يظفون
طرت عليهم طاريه صملوها =
نووا على المحدار والناس يدرون
ما أحدن قدر يردهم مع قفاهم =
ولا علقوا عاني من اللي يخافون
جوا من فقارة نجد يزمي ضعنهم =
لين من سوق الكويت يتقضون
تمشي ضعاينهم بدرب أسلافهم =
لديره اللي بسمها الناس يوحون
يوم أقربوها نطحوهم حرابه =
اللي على بيض الحباري يجيرون
جونا وجيناهم وصارت معارك =
وعقب مناخين(ن) سكانها يحدرون
ما قلت بالأجواد قصدي رداهم =
من أدبرت دنياه فيها يذوبون
حظن يطيح وحظ بالله يرتفع =
وهاذي تدابير الولي خالق الكون
ولاني بقراض للأجاويد مسهم =
سلطه من الله ينقص اللي يزودون
ولاني بقراض للأجاويد بالقفى =
اللي لهم فعل على الموت يردون
وفي منزل الصمان بس انتهينا =
وعند النفود ودبدبتها يحامون
محدن عطانا طيب ولا شرينا =
أسباب مركاض به الناس يدرون
من فوق شهب ما قصرنا غذاها =
ومصقلاتن للجماهي يشيلون
وان طوّحن بيض العذارى غطاها =
علوى لعسرين القبايل يردون
في شف شقح(ن) دايم الدوم بالخطر =
دايم جنبها من وراها يبارون
دايم وحمران النواظر حماها =
ومن ذاق منهم طعنه مايعودون
وواصل سندنا درعنا من اعدانا =
دايم على النزل الموالي يميلون
دايم تهاذب خيلهم لحددانا =
ومن جيشهم بعض الأجناب يشكون
وألد علي بين الحفيفين نزلهم =
دايم لصولات القبايل يوالون
اليا أختلط عجاجها مع خلاجها =
مركاضهم فيها المصاليح يرعون
وان قيل ألاد عباد نعم القبيله =
مثل الجبال الراسيه ما يزولون
قصيرهم من الأجناب روس حرابهم =
وشلف(ن) بها شوخ القبايل يحذفون
كم فارس تحت الحوافر وطنه =
اللي بهم ضلعان نجد يسمون
تجاول عند الطريح وتعاقبن =
والكل طلق حرمته ماتشيلون
راحت على اللي شاله الكبر ضيعه =
ومن قال أنا الطيب له الناس ياطون
هاذي شهود الفعل والخابر الله =
ماهوب هرج(ن) بالمجالس يقولون
وهاذي فعول مطير ياجاهل بها =
ياللي تغطون الحسب ماتخافون
فهود الزراج اليا انتووا يم ديره =
بعد المسافه دونها ما يهابون
نمسي بدار وصبحنا يم ديره =
وكم(ن) عدون غافل(ن) له يفاجون
ماهم شواوي بالقرايا مربهم =
طوال الخطى اليا ركب القيض يمشون
بادت سمارى جيشهم من حفاها =
في لاهب الجوزاء عليهن يسوجون
من دار أبو جابر على الشام كونهم =
جابوا مغاتير(ن) عليها يغنون
أربع أكاوينن بقيظن تعاقبت =
ما قيضوا تحت السقايف ينامون
ولو أذكر اللي خابرن به بلشنا =
أتعبت نفسي واللي ورانا يعدون
ذكرت لي موجز وبينت بعضها =
وهاذي مسير مطير وأنتم تخبرون
من الحره السودا اليا سيف البحر =
قصور تبنا والنخل له يغرسون
واللي مكذبني يجينا نفرجه =
يلقا صحيح وللقرايا يعدون
من قصر ابن شلاح نبي نجيبها =
وإنشد الشيبان عما يخبرون
أما لقيت الهرج لا صحتله =
والا أعترفت ومن سنعنا تصدون
أما ركبت الغوج ياطابك الوعر =
والا كسير القين والجنب مطعون
تم الجواب وما خبرته ذكرته =
أنقل عن التاريخ للي يحرصون
نقلت من شيبانا من قصصنا =
لعيالنا اللي بالمدارس يحفظون
وترى المراجل للعرب تفتخر بها =
خطلان الأيدي للعوالي يشومون
والناس مثل الناس لافرق بينها =
الا كبار الحظ فيها يفوزون
أحد(ن) نصيبه يقصره عن طموحه =
وأحد(ن) يجيله حظ باللي يسوون
وكل القبايل بالفعايل مجربه =
وشعارها تنقل عن اللي يخبرون
واللي يبا يذكر فعايل قبايله =
الباب مفتوح(ن) على ما يريدون
تمت وصلى الله على سيد البشر =
أللي تشفع لأمته يوم ينخون
تمـت بحمـد الله في (( السعيــره )) .. عــــــام 1993 م
وسلامتكمممممممممممممممم