رد الشاعر / مرزوق الرمالي . علي تركي الميزاني

[ابن عمود]

شاعر تركي الميزاني قال قصيده في صاحب السمو الملكي الامير سلطان بن عبد العزيز حفظه الله
وفي احد الابيات تعرض لحاتم الطائي بشئٍ من التهميش لهذا الرمز العربي الكبير
وسوف اورد لكم قصيده تركي اولا والتي قال فيها :

كريم يانوّ(ن)هبوبه تقوده
لي مدة(ن)وانا عيوني تراعيه
اكبر من الغربي ترازم رعوده
سيله حقاق والمخايل تباريه
اللي وطا حزم البلاد ونفوده
عقب المحل ماناش من عرق يحييه
ايام وسمه ماتجيك معدوده
ثابت على طول السنه من مناشيه
هتان ودان ذعاذيع نوده
تجلا هموم القلب والجرح تبريه
وليا سمك وبله وخيّم ركوده
تفرح به البيدا وتروا ضواميه
فوق البسيطه ماتحدد حدوده
مافيه وادي غير تجري مجاريه
والعشب انواعه تلاعب وروده
طلعه سوا من مدلهم(ن)يساقيه
هذي هماليله وهذي شهوده
كل(ن)يرحب به وكل(ن)يحييه
هذاك سلطان السعد من جدوده
غيث(ن)على غيث(ن)يعافيه
ياراح قلنا الله علينا يعوده
من كثر حبه ودّ شعبه يخاويه
وليا رجع تباشروا في وجوده
شيخ(ن)وحنا برض البلاد لمواطيه
حنا تحت رايه وحنا جنوده
واعمارنا في ساحة الحرب تفديه
القايد اللي منبع الجود جوده
صار الكرم صرح(ن)للأمجاد بانيه
((خلو كرم حاتم))وماضي عهوده
سلطان يعطي شي حاتم مايعطيه
خيره على العالم عسا الله يزوده
لو جيت ابذكر ماتعدد حسانيه
وفاه وصلة لكل دوله وفوده
من مد كفه مايبا احد(ن)يكافيه
وليا قدح من نار فكره زنوده
رايه سديد وكل تايه يقديه
وليا بطش ضاعت روابع حسوده
من سطوته خصمه يضيع هقاويه
هداج تيماء اللي يصدر وروده
ياحي ابو خالد وياحي طاريه
كنت اتمنى وقفتي في وجوده
واليوم انا موجود مابين اياديه


::
:
:
:
وهذا هو رد شاعرنا الكبير مرزوق بن محمد الرمالي الشمري :

كريم ياقاف(ن)خذته البروده
وعلى صفا سلمى تحطّم معانيه
قدام اجا غصب يتبخر صموده
ويصبح سراب(ن)بأوله لين تاليه
اصغر من اللي عن سمانا يذوده
يقفي وذعذاع الشمال متقفّيه
ماينثني لأطماع نفس(ن)حقوده
ياصار راعيها الخطا من مباديه
نفسه عن الكايد عزوم(ن)شروده
والا على الذمه كبار(ن)هقاويه
حايل غنيه عن نفوس(ن)جحوده
وتركي يبي سب الاجاويد يغنيه
سيرة سجاح اليوم منه معيوده
متفرش(ن)نهجه ونهجه مغطيه
لو كان مسلم ماسجد مع سجوده
فرض الصلاة اللي نصلي يصليه
شرهاتنا بالطيب نثبت بنوده
والا الردي ماله علينا مشاريه
وتركي عطا الله قام يشعب قعوده
يبي كرم حاتم يشيله ويمحيه
اكرم رجل يوم الحبال معقوده
واطلق شنب يجري كرم مايجاريه
تركي جحد والا النبي جاب جوده
تركي طعن والمصطفى اللي مزكيه
يمكن يشيل جبال حايل لسوده
وطويق للصمان يرسي مراسيه
دامه لحاتم طي جنّد جنوده
ويمكن فرس حاتم هو اللي مذكيه
دام الكلام بلاش يبذل جهوده
شاعر وطن يالله عسا الله يخليه
شاعر وطن يبغى المشاعر يسوده
وعلى حساب الغير يبني مبانيه
نعم(ن)بحكام الجزيره واسوده
حكام تاخذ حق وافي وتعطيه
حكام عدّو للمعالي سنوده
والكل منهم مانزل عن معاليه
الهرج ياجاهم تقيّد قيوده
يطيب هرج الطيب بلسان راعيه
ال سعود احرار جو مهدوده
وسلطان منهم ماتردا مداليه
والسرد مايغني رجال(ن)سروده
لو ماانسرد يعجبه سرده بشافيه


:
:
:
:
وسلامتكم ...

[السعلووهـ]

لا هنت والله على هالطرح



تقبل تحيااتي

[محمد بن فهد الشمري]

اكرم رجل يوم الحبال معقوده
واطلق شنب يجري كرم مايجاريه

\
\


يبي العطايا تركي ههههه ..


لأهنت أخوي وسلمت يمناكـ .. وسلم كان ومازال مضرب مثل للعرب بالحاضر والماضي ..


ويعطي حاتم من غير ما احد يمدحـه ..


أرق التحآيآآ .. } ~

[ابن عمود]

لا هنت والله على هالطرح



تقبل تحيااتي


السعلوهـ

شكرا لمرورك الكريم والله لايهينك

غاليتي والله يقدرنا علي رد الجميل ’,,

[ابن عمود]

اكرم رجل يوم الحبال معقوده
واطلق شنب يجري كرم مايجاريه

\
\


يبي العطايا تركي ههههه ..


لأهنت أخوي وسلمت يمناكـ .. وسلم كان ومازال مضرب مثل للعرب بالحاضر والماضي ..


ويعطي حاتم من غير ما احد يمدحـه ..


أرق التحآيآآ .. } ~



محمد بن فهد الخريصي


اسعدني مرورك يا الغالي

وصدقت بكل حرف خطته اناملك يا الغالي ,,,

[شموخ العز]

يالله من هالزمن حتى حاتم الطائي صار لمن هب ودب يبي يطلع على صيته وسمعته سبحان الله والله الزمن اللي تغير نعم وكفو بكل القبايل من دون قصور بس حاتم وين يالربع وين هذا غادي سبحان الله اخر الزمان تشوف الهوايل تشوف كل يعدد له اعلوم ويعدد له امور ويلزق نفسه في امور ماهي له

الله عليك يابن رمال عز الله كفيت ووفيت يالقرم ماهي غريبه منك ولاهنتو ياشمر عزوتي والله ،،،

كريم ياقاف(ن)خذته البروده
وعلى صفا سلمى تحطّم معانيه
قدام اجا غصب يتبخر صموده
ويصبح سراب(ن)بأوله لين تاليه
اصغر من اللي عن سمانا يذوده
يقفي وذعذاع الشمال متقفّيه
ماينثني لأطماع نفس(ن)حقوده
ياصار راعيها الخطا من مباديه
نفسه عن الكايد عزوم(ن)شروده
والا على الذمه كبار(ن)هقاويه
حايل غنيه عن نفوس(ن)جحوده
وتركي يبي سب الاجاويد يغنيه


صح لسان الشاعر وصح لسان كل شمري راعي حق وراعي ضمير وحريص على التاريخ وخصوصا تاريخ لابته ..

تحياتي وتقدريري لكم جميعا ،،،

[جمهور الشمري]

~*¤ô§ô¤*~*¤ô§ô¤*~ صح لسان يابن رمال وبيض الله وجهك والدنفسه هاذي ماهي غريبه على تركي المتيري ~*¤ô§ô¤*~*¤ô§ô¤*~

[الباعج]

صح لسان يابن رمـــــــــــــال


انشهد انك رديت رد جزيل وطيب

[فضفاض]

سلمت و الله يا بن عمود على أيراد القصيده

و صح لسان الشاعر مرزوق الشمري على

تصديه لمن يريد تهميش كرم حاتم الطائي

و شمر ,,,, يعطيك العافيه .









فضفاض

[ابن عمود]

اشكر كل من رد علي موضوعي اخواني واخواتي الاعضاء

واما با النسبه لاابو الكرم الحاتمي هذا فوق الكلام والوصف .