المساعد الشخصي الرقمي

مشاهدة النسخة كاملة : خبـــــــــــــله ..... وحــــــــــبــيــت

طنياويـــهـ وبـــس
2008-11-02, 01:54 AM
لو هي اتحقق لي الاماني تمنيت=ياصعبها لياجات غصبن عليا

ياشينها لاجيت تاقف وعديت=كن القهر بينك وبينه حميا

ماصد قلبي عنك يوم انت صديت=تفلتت مابين يدك ويديا

ياصاحبي لاجيت ابنساك ازريت=اوجست انا حر المفارق هنيا

مديت قلبي خبلتن كيف مديت= ومن القراده قلبك الميت عيا

بغيت قلبك ياحبيبي وتجريت=طلبتك وصالك ولاهو تهيا

واللحين جيتن ليتك اليوم ماجيت=طبع الكرم فيني رحب وحيا

اللحين قلبي ياعشيري ترا ميت=يومك كويته بمطرق الغدر كيا

يالابسن ثوب الوفا وبه تسميت=انا مقامي فوق نجم الثريا

وانا انتخي في عزوتي ليا تعزويت=هم الطنايا بعتمة الليل ضيا



وسلامتكم .. وشوي شوي علي يالشعار بالنقد تظل مجرد محاولات



طنياويه وبس
ابن مخيدش
2008-11-02, 02:48 AM
ياصاحبي لاجيت ابنساك ازريـت
اوجست انا حـر المفـارق هنيـا


صح لسااااااااااانك بدايه طيبه ماشاءالله

كل الشعراء بدايتهم لازم يصير فيها بعض الاخطأ,,

بس انتي ماشاءالله تعتبرين قمه بالنسبه لغيرك,,


الله يوفقك وننتظر جديدك الغاليه
طنياويـــهـ وبـــس
2008-11-02, 03:08 AM
قمه بالنسبه لغيرك <<< وده تعرف من يقصد هههههههههههه



عموما مرورك ونقدك على راسي طال عمرك


وشاكره مرورك الكريم


يسلموووووو :130:
الـقـفـيـعـي
2008-11-02, 03:47 AM
العضوهـ / طنياويه

ما خليت للعقّيل شي من الحب دام هذا حب الخبل

محاوله طيبه ومشاعر قويّه تنب عن أحاسيس مع الممارسه تصبح شاعريه ترقى على سلم الشعر إلى الأعلى

والله ما قصرتي ولا انتي بسيطه أنتبه لنفسك

عندك بعض الخلل بالوزن على بعض الأبيات أما أغلب الأبيات90% ما فلّتي ما شاء الله عليك الوزن على سبيل ذكر لا الحصر في الأبيات البسيطة اللي فيها خلل( وباقي الخلل انتي تطلعينهن ) مبداك للقصيدة أو المشد /

لو هي اتحقق لي الاماني تمنيـت

لو قلتي لو هي تحقّق لي أماني تمنّيت >>> لأستقام وزن البيت

في شي حيرني في أبياتك

( أزريت ) لفظة ما هي من لهجة شمر مستعارة من اللهجات الآخرى

في بعض الأبيات أنتي كاتبتها بكسور ولكن هي بالحقيقة وانت تقراها سليمه الوزن ( الشعر على النطق وليس الكتابة ).


يالابسن ثوب الوفا وبه تسميـت
انا مقامـي فـوق نجـم الثريـا

البيت هذا دره فيه شموخ ثقة

لا هنتي

تذكري أنه من سار على الدرب واصل


تقبل مروري وعسى الخير فالك والسعد منالك
طنياويـــهـ وبـــس
2008-11-02, 05:50 AM
اولا .. شاكره مرورك الكريم

وثانيا .. ملاحضاتك على راسي وانا سعيده انك قرأت القصيده وقيمتها وهذا شرف طال عمرك ولاهنت

وابشر كل شي قلته بحاول اتلافاه باذن الله واحاول جاهده اطور واصقل موهبتي بجهودك وجهود الشعار اللي في منتدانا

ومااعتقد حسب رأيي الشخصي انه عيب اونقص اني استعير كلمه مو موجوده بلهجة شمر وكثير سبقوني في موضوع الاقتباس

الوكاد ان مرورك اسعدني
صقر السيافا
2008-11-02, 06:43 AM
لو هي اتحقق لي الاماني تمنيت=ياصعبها لياجات غصبن عليا



الشعر وأعجبني هالبيت

لان فيه من صدق والوضوح قلب واللسان معـاَ

وأعجبني كذالك قبولك النقد البناء من الأخوهـ

أستمري لله درك

تحياتي
الداب
2008-11-02, 07:47 AM
شــــــــــــــــــــــــعر بمعنى الكلمه
استمري وفقك الله نبي الجديد متى

اخوك الداب الاسلمي
طنياويـــهـ وبـــس
2008-11-02, 08:39 AM
الخريصي

الداب

شاكره مروركم الكريم على قصيدتي المتواضعه

اخوي الداب

الجديد بيجي ان شاء الله دامنا حيين


ويسلموووو :130:
الحلا مبتليني
2008-11-02, 09:56 AM
ياشينها لاجيـت تاقـف وعديـت
كن القهـر بينـك وبينـه حميـا


أبدعتي صح لسااانك وتسلم يمنااااااااك ننتظر جديدك
زاهد الشمري
2008-11-02, 05:34 PM
الأخت طنياويه وبس

قصيده ممتازه وليس فيها خلل في الوزن لو قورئت بالشكل المطلوب لأن هذا هو الشعر النسائي على مدى التاريخ يستخدمن الفاض مصغره والقارء يقرئها كما هي

مثال من قصيدتك هذا البيت
ماصد قلبي عنك يوم انت صديت
تفلتـت مابيـن يـدك ويـديـا
القارء يقرئها بشكل وهي تلفض بشكل أخر

القصيده بمجملها تحل أبيات أكثر من رائعه
مديت قلبي خبلتن كيـف مديـت
ومن القراده قلبك الميـت عيـا
بيت نسائي بحت أكثر من رائع

اللحين قلبي ياعشيري ترا ميـت
يومك كويته بمطرق الغـدر كيـا
بيت في قمة الروعه يستحق التصفيق


يالابسن ثوب الوفا وبه تسميـت
انا مقامـي فـوق نجـم الثريـا
وانا انتخي في عزوتي ليا تعزويت
هم الطنايا بعتمـة الليـل ضيـا
هنا التفاخر بالنفس في قمة الروعه

والتفاخر بمن هم يستحقون التفاخر بهم شمر

شاعره رائعه أختي ولا أقول بائنك في البدايات لأنك بمرحله متقدمه من المحاوله الأولى

تقبلي مرور أخوكي :زاهــــــــــــــــــــــد الــــــــــــــــــشمريــــــــــــــــــــــــــ
شمري وعقالي مايل
2008-11-02, 05:53 PM
مساكم الله بالخير

اختي طناويه

تحياتي لك واقول

صح لسانك والقافية جميلة

تقبلي مروري وتحياتي

اخوك

شمري وعقالي مايل
وحيد شمر
2008-11-02, 06:11 PM
لو هي اتحقق لي الاماني تمنيـت
ياصعبها لياجات غصبـن عليـا
ياشينها لاجيـت تاقـف وعديـت
كن القهـر بينـك وبينـه حميـا

تسلم اخوي على القصيده المميزه
طنياويـــهـ وبـــس
2008-11-02, 08:25 PM
الحلا مبتليني

صح بدنك يالغلا ولاهنتي على المرور وياحظ الحلا فيك


الاخ الشاعر زاهد

مجرد مرورك على قصيدتي المتواضعه شرف طال عمرك مشكور على النقد قبل الاطراء

وماتقصر يالغالي وصح بدنك واتمنى اكون عند حسن الظن بوجود الشعار مثلك وشرواك اللي وجودهم مكسب


تسلمون على المرور الكــــــــــريم
طنياويـــهـ وبـــس
2008-11-02, 08:33 PM
شمري وعقالي مايل


صح بدنك ومرورك اسعدني يالغالي


وحيدنا صح بدنك

وماقصرت اخوي على مرورك

بس انا مو رجال وانا اقول الكلام هذا مو عشانها تفرق معي بس انتصارا للمحاولات النسائيه الشعريه فقط لاغير
نـــــاايـــف
2008-11-04, 02:27 AM
.
وشفيكم عليها بشويش

د . غسان والمريخ ع غفله

وازريت كلمه كلمه لعموم القبايل

طنياويه وبس ... استمري

انا اجيز القصيده

والقصيده جيده والى الامام
لبيه
2008-11-04, 05:54 AM
طنياويه وبس

**
*
صح لسانك

ويعطيك العاافيه على هالابيااااااات ا لروعة

دمتى بحبـ
**
*
الحلا مبتليني
2008-11-04, 09:08 AM
الحلا مبتليني

صح بدنك يالغلا ولاهنتي على المرور وياحظ الحلا فيك


هلابك ماعليك زوود
كلمتك ذكرتني بعزيز داايم يقولي ياحظ الحلا فيك وهو جدي أطال الله بعمرةوأمده بالصحة والعاافية يااااااارب ومن كثر مايقولة خطر على بالي الاسم
سلمتى على الثناء وهذا شرف لي من شاااعرة مثلك
طنياويـــهـ وبـــس
2008-11-04, 05:58 PM
الاخ العزيز نـــــاايف

تسلم يالغالي على اجازتك للقصيده وماتقصر

والاخوان الشعار فيهم الخير والبركه

:131:

لبيه

يالبيه يالمرور اللي عطرتيه من عطرك يالغلا تشرفت فيك


:131:


ياللي الحلا مبتليك

تزيدين الحلا حلا والله يخلي لك جدك يارب ولايحرمك من كل عزيز وغالي


اسعدني مرورك حبيبتي والشرف لي طال عمرك


اخــــتكــــم طـــــنــــيــــاويــــهـ وبـــــــس
بطيحان البطيحان
2008-11-05, 11:49 PM
لو هي اتحقق لي الاماني تمنيت=ياصعبها لياجات غصبن عليا

ياشينها لاجيت تاقف وعديت=كن القهر بينك وبينه حميا

ماصد قلبي عنك يوم انت صديت=تفلتت مابين يدك ويديا

ياصاحبي لاجيت ابنساك ازريت=اوجست انا حر المفارق هنيا

مديت قلبي خبلتن كيف مديت= ومن القراده قلبك الميت عيا

بغيت قلبك ياحبيبي وتجريت=طلبتك وصالك ولاهو تهيا

واللحين جيتن ليتك اليوم ماجيت=طبع الكرم فيني رحب وحيا

اللحين قلبي ياعشيري ترا ميت=يومك كويته بمطرق الغدر كيا

يالابسن ثوب الوفا وبه تسميت=انا مقامي فوق نجم الثريا

وانا انتخي في عزوتي ليا تعزويت=هم الطنايا بعتمة الليل ضيا



وسلامتكم .. وشوي شوي علي يالشعار بالنقد تظل مجرد محاولات



طنياويه وبس



الاخت العزيزة طنياوية وبس

صح الله فكرك الف لا والله مليون

والله من دون مجاملة ابيات مليانه

وفقك ربي وإلى الامام

تحياااااااتي لك
الخريصي
2008-11-06, 08:26 PM
الخت طنياويه وبس


اول شي حياك الله بين اخوانك واخواتك


وثاني شي صح لسانك حقيقه بدايه مبشره بقدوم شاعره مميزه

انا ماودي اخوض بموضوع الوزن مع ان قصيدتك في الاغلب موزونه بشكل ممتاز

صح لسانك وننتضر جديدك

تقبلي تحيتي وتقديري
طنياويـــهـ وبـــس
2008-11-07, 06:41 AM
الاخ الشاعر ,,, الخريصي


صح بدنك طال عمرك


ومجرد مرور شاعر بحجمك على نصي المتواضع يسعدني


ناهيك عن الاشاده


لاهنت اخوي على مرورك الكريم


تقبل تحياتي
اريام الشمري
2008-11-07, 01:46 PM
طناويه وبس


رووووعه


فالج البيرق


اعجبتني هذه الابيات :

يالابسن ثوب الوفا وبه تسميـت
انا مقامـي فـوق نجـم الثريـا
وانا انتخي في عزوتي ليا تعزويت
هم الطنايا بعتمـة الليـل ضيـا


بدايه جميله ... أستمري ولاتحرمينا جديدج

لك .. باقة ورد و الود ممتد

اختج ..

نازك الملائكه
الفارس الملثم
2008-11-07, 03:07 PM
سطوع فكرك واضح في أبياتك الرائعه أما موضوع الوزن فسيستقيم بإذن الله

أهنئك
السكب الأسلمي
2008-11-07, 08:16 PM
صح لسانك
ومن سار على الدرب وصل
شكرآ لك
شيخة الريم
2008-11-10, 10:50 AM
مراااحب الطنياويه وبس--- قصيدة جميله واعجتني

تراني مثلك توني بالشعر- بس انتي سبقتيني
على العموم تسلم الأيادي وصح لسانك
طنياويـــهـ وبـــس
2008-11-12, 03:08 PM
الاخت نازك

تسلمين يالغاليه عل المرور لاهنتي

:131:

الفارس

تسلم ولا هنت طال عمرك

:131:


السكب الاسلمي

ماقصرت على المرور طال عمرك تسلم

:131:


شيخه

تسلمين ياحيي والله يوفقنا وياك شاكره مرورك


:131: