المساعد الشخصي الرقمي

مشاهدة النسخة كاملة : كبش الفداء غازي الجربا

سنجار
2005-09-25, 09:14 PM
تعالي ياهموم الكون كله ناقصن همي = امانه غيري لايبقى مع كل البشر مهموم

تعالي زيدي في سود الليالي وافتري ذمي = انا راضي بذمي شرط مايبقى احد مذموم

وتعالي خربي كل شي عندي واسكني يمي = اعيشك فرحتي الكبرى ولا شوف بخرابه بوم

وتعالي جرديني ثياب ذكراها صدى أمي = وخيطيها لكل عينن بكت ايام عيده هدوم

وتعالي مستعد انسى طموحي وفرحتي واسمي = ولا ينسى الزمن يعدل ولا يظلم عزيز القوم

انا كبش الفدى الموعود رضيت وهادرن دمي = علاما تبتلين الناس بلوى والقدر محتوم

وانا في داخلي انسان غزير وفايض جمي = وانا في داخلي صرخة حياتن عاشها محروم

فلا هيبت هلي بقت ولا خالي ولا عمي = ولا ذاك الزمان اللي جعلنا نعتلي ونزوم

ولا حنا فقدنا شي جهل من جاهل أمي = ولاحنا كسبنا شي رغم مانستفيض علوم

جميل الوقت اذا دس بطعامي باالخفا سمي= وانا ادري لقمتي موتي قبل ماتاصل البلعوم

انا ذاك الصدى والصوت ضميني بعد ضمي = حنانك ياهموم الكون كله مابرى محموم [/[/poem]
الخريصي
2005-09-25, 10:48 PM
تسلم اخ سنجار ماقصرت بنقلك هذه ال رائعه للشاعر الكبير غازي الجربا
وصح لسان ابو عبد الكريم
سيف الطنايا
2005-09-26, 01:07 AM
صح لسانك وعزالله انه قصيده معبره جدا وتلم لنا علي العلوم الطيبه
متعب الخريصي
2005-09-26, 07:15 AM
صح لسانك ياسنجار
نمر ابوغوش
2005-09-26, 01:22 PM
اخ سنجار شكرا على هذه القصيدة المعبرة عن حكم
تحية شمرية طائية

القدس
سنجار
2005-09-27, 04:19 PM
الاخوان الخريصي وعواد ومتعب ونمر اشكر مروركم على هذه الصفحه