الذنيب
2008-11-16, 06:51 PM
يحسين من طاح الخيى عشره ايام = ويشاف للباذر فقوع ومواري
ويذكر مفيض السيل منا وقدام = شعبانها منا الوقه جواري
وعلى الحدود فياض كالسدر لطام = ورض الحدق وام رضمه به خباري
وفيها من اهوات المقانيص حوام = والجو شامي والملازم غداري
وبالليل من قرب من الضو ميلام = برده يلسع من وقوت العصاري
وخنا قعود بهالرطوبه من العام = تقل سجنا والحكم بمرن وزاري
ننطر لهاذا اليوم عطاش وهيام = لشم الشمال وممشن(ن) بالبراري
اسرع وهات الجيب خابرك مهمام = الكان حصل اجازه بهالمحاري
انا انتظرك ورابط العفش بحزام = والعزبه وشوزل وبعض المصاري
نبغا جلد نبعد عن الشارع العام = والجيب ماياقف طوال النهاري
اللا دقايق ياوجب فرض(ن) الزام = ناقف نودي واجب الله جباري
ولاجا الغروب نجيب وقده ومظرام = بالفيضه اللي سدرها له مذاري
تحت النجوم بلاتيازير وخيام = نبي نشوف انجومها وهن سواري
ونسمر على بريه وكيفنا تام = شقرا وبو شيبه عطاها شقاري
ويمر ثلثين(ن) من الليل منام = والنار نوقدها وتزيد استعاري
وبعد السهر نعطي للاجساد مسهام = قصدن من الراخه دقايق قصاري
وقبل الطيور تطير من روس الارجام = وحنا نلقم بالدلال البهاري
ونمل قرص الجمر ونشيل بولام = وعلى اتفاقن مسبق(ن) للمساري
ونقظي شهر دون اتصالات وعلام = على الكنود مكالمتنى اختياري
نبعد عن الازعاج والمدن والزام = نمشي هوا مافيه اوامر جباري
خلف الــذنـــيـــب
ويذكر مفيض السيل منا وقدام = شعبانها منا الوقه جواري
وعلى الحدود فياض كالسدر لطام = ورض الحدق وام رضمه به خباري
وفيها من اهوات المقانيص حوام = والجو شامي والملازم غداري
وبالليل من قرب من الضو ميلام = برده يلسع من وقوت العصاري
وخنا قعود بهالرطوبه من العام = تقل سجنا والحكم بمرن وزاري
ننطر لهاذا اليوم عطاش وهيام = لشم الشمال وممشن(ن) بالبراري
اسرع وهات الجيب خابرك مهمام = الكان حصل اجازه بهالمحاري
انا انتظرك ورابط العفش بحزام = والعزبه وشوزل وبعض المصاري
نبغا جلد نبعد عن الشارع العام = والجيب ماياقف طوال النهاري
اللا دقايق ياوجب فرض(ن) الزام = ناقف نودي واجب الله جباري
ولاجا الغروب نجيب وقده ومظرام = بالفيضه اللي سدرها له مذاري
تحت النجوم بلاتيازير وخيام = نبي نشوف انجومها وهن سواري
ونسمر على بريه وكيفنا تام = شقرا وبو شيبه عطاها شقاري
ويمر ثلثين(ن) من الليل منام = والنار نوقدها وتزيد استعاري
وبعد السهر نعطي للاجساد مسهام = قصدن من الراخه دقايق قصاري
وقبل الطيور تطير من روس الارجام = وحنا نلقم بالدلال البهاري
ونمل قرص الجمر ونشيل بولام = وعلى اتفاقن مسبق(ن) للمساري
ونقظي شهر دون اتصالات وعلام = على الكنود مكالمتنى اختياري
نبعد عن الازعاج والمدن والزام = نمشي هوا مافيه اوامر جباري
خلف الــذنـــيـــب