يوسف
2005-10-07, 08:24 AM
السلام عليكم ورحمة الله .
هذه بعض الابيات اللي قدرت اكتبها لكم اذا سمحتوا لي , القصيده وهي طويله نوعاًما ( اكثر من 62 بيت )للشاعر ( البديوي) وقد نقلتها لكم من احد الكتب وسوف ابدأ من البيت الخامس عشر لان من هذا اليت فيه بعض الحكم والنصايح اللي اعجبتني ون شاء الله تعجبكم :
.......................
آه من همٍ سرا في الجوف نار ** ون طلبت الصبر ملقا له قرار
كيف ابا اصبر والحشا للهم دار** صار مالكني وانا عنده نزيل
قمت مما همني عند الهجوع ** يوم كلٍ نام ولعت الشموع
والهواجس جاتني تمشي جموع ** مثل ورد النحل في وادي طفيل
أوكما سيلٍ تزايد من مضيق** يقلع الحيطان والسد الوثيق
ياخذ الاشجار ويسد الطريق ** زاد عن حده وضاق ابه المسيل
طار نومي يوم نامت كل عين ** بت ساهر مع نجوم الفرقدين
من هواجس من جفا من جور دين ** ما بقى الا البعد عنها والرحيل
صوب ارض الشام او ارض العراق ** عل يومٍ فيه ينحل الوثاق
كم نقاسي والقسا مر المذاق ** ربما نلقى عن المنزل بديل
دع بلاد الذل وارحل يالبيب ** وغترب فالكل بالدنيا غريب
القضا مكتوب والداعي نصيب ** اركب الاخطار والهول المهيل
ون جفتك الدار اومال الزمان ** لا تعيش بدار ذل الوهوان
لو يضلل نبتها من زعفران ** صاحب الاخطار واجعلها دليل
شد عن ارض الاعادي والحسود ** واطلب العليا وبالغ بالجهود
لويكون العز في غاب الاسود ** خير من دارٍ تعيش ابها ذليل
كل من رام العلا يرقى لها ** سلم الاخطار في اهوالها
من تراخت عزمته ما نالها ** دونها ما يقصر الباع الطويل
اقطع البيدا على عوص النضا ** لو يكون تمشي على جمر الغضا
ما يفوت العمر قدام القضا ** دين عندك لين ياتيك العميل
عاشر الاحرار من اهل الرتب ** تستفيد العقل منهم والادب
حيث هم اهل المروه والنسب ** واترك الاتسفال ما منهم حصيل
سل عن الجيران قدام النزول ** ون سمعت الناس تهرج لا تقول
تكتسي ثوب المعزه والقبول ** والخلايق يذكرونك بالجميل
كم كلامٍ راح من نقله نفوس ** ونت ما تاخذ على نقله فلوس
لا تفتش كل حبٍ فيه سوس ** كم تخوض الناس في قالٍ وقيل
صون عرضك عن ملاغات السفيه ** واترك الكذبان سودان الوجيه
من حكى عنهم يعود الكذب فيه ** كيف تاخذ هرج من باير هبيل ....................................هذا اللي قدرت عليه وسامحوني على لقصور ,
( اعذروني لاني ارسلت نفس النسخه الى موقع اخر ( الطنايا نت) واذا كان هذا التصرف غلط سامحوني لان ماعندي خبر)
هذه بعض الابيات اللي قدرت اكتبها لكم اذا سمحتوا لي , القصيده وهي طويله نوعاًما ( اكثر من 62 بيت )للشاعر ( البديوي) وقد نقلتها لكم من احد الكتب وسوف ابدأ من البيت الخامس عشر لان من هذا اليت فيه بعض الحكم والنصايح اللي اعجبتني ون شاء الله تعجبكم :
.......................
آه من همٍ سرا في الجوف نار ** ون طلبت الصبر ملقا له قرار
كيف ابا اصبر والحشا للهم دار** صار مالكني وانا عنده نزيل
قمت مما همني عند الهجوع ** يوم كلٍ نام ولعت الشموع
والهواجس جاتني تمشي جموع ** مثل ورد النحل في وادي طفيل
أوكما سيلٍ تزايد من مضيق** يقلع الحيطان والسد الوثيق
ياخذ الاشجار ويسد الطريق ** زاد عن حده وضاق ابه المسيل
طار نومي يوم نامت كل عين ** بت ساهر مع نجوم الفرقدين
من هواجس من جفا من جور دين ** ما بقى الا البعد عنها والرحيل
صوب ارض الشام او ارض العراق ** عل يومٍ فيه ينحل الوثاق
كم نقاسي والقسا مر المذاق ** ربما نلقى عن المنزل بديل
دع بلاد الذل وارحل يالبيب ** وغترب فالكل بالدنيا غريب
القضا مكتوب والداعي نصيب ** اركب الاخطار والهول المهيل
ون جفتك الدار اومال الزمان ** لا تعيش بدار ذل الوهوان
لو يضلل نبتها من زعفران ** صاحب الاخطار واجعلها دليل
شد عن ارض الاعادي والحسود ** واطلب العليا وبالغ بالجهود
لويكون العز في غاب الاسود ** خير من دارٍ تعيش ابها ذليل
كل من رام العلا يرقى لها ** سلم الاخطار في اهوالها
من تراخت عزمته ما نالها ** دونها ما يقصر الباع الطويل
اقطع البيدا على عوص النضا ** لو يكون تمشي على جمر الغضا
ما يفوت العمر قدام القضا ** دين عندك لين ياتيك العميل
عاشر الاحرار من اهل الرتب ** تستفيد العقل منهم والادب
حيث هم اهل المروه والنسب ** واترك الاتسفال ما منهم حصيل
سل عن الجيران قدام النزول ** ون سمعت الناس تهرج لا تقول
تكتسي ثوب المعزه والقبول ** والخلايق يذكرونك بالجميل
كم كلامٍ راح من نقله نفوس ** ونت ما تاخذ على نقله فلوس
لا تفتش كل حبٍ فيه سوس ** كم تخوض الناس في قالٍ وقيل
صون عرضك عن ملاغات السفيه ** واترك الكذبان سودان الوجيه
من حكى عنهم يعود الكذب فيه ** كيف تاخذ هرج من باير هبيل ....................................هذا اللي قدرت عليه وسامحوني على لقصور ,
( اعذروني لاني ارسلت نفس النسخه الى موقع اخر ( الطنايا نت) واذا كان هذا التصرف غلط سامحوني لان ماعندي خبر)