فيصل بن نجيفان
2005-11-17, 04:16 AM
قصيدة الشاعر / هذال بن ذريه بالأمير / عبدالعزيز متعب الرشيد
يامل عين نومها بالتهولاس = من ليلها ماترقد إلا قليله
من شوفها فعل السلاطين بالناس = تفطنو يا أهل القلوب الهبيله
سعدون تاه ولامعه ميز وقياس = سراي ظلما تايه به دليله
لعب به البحار دوار الأنحاس = يبي يوفي به وقود الشعيله
يسوق له عفر مقلدها الأجراس = ماله لزوم ولاشعار يجيله
ورمابه الله من بعيدن الأمراس = للمحزر اللي شاف باقي حصيله
واقفن معيف عقب ماشاف وقتاس = دبر وتال القوم ما ينثنيله
ماحصل إلا لطم وجهه والأفلاس = عقب المعزه رايحن بالفشيله
والعفر خلها والأرياق يـبـاس = تقاسموها كاسـبـين النفيله
واخوك خليته بعد ماشفت الأتعاس = وخليت راسه للضياغم تشيله
ولاهشت مع قومك ولاشفت منداس = يلله براسك رابحن به عقيله
تبغي تقوس الحكم ماعاد ينقاس = دونه عصات بالسيوف الصقيله
دونه ولد متعب وللحكم سياس = انا أشهد إن الحكم له يستويله
يضرب بسيفه باللقاء يقطع الراس = ماناس من حد المناكب تشيله
ودونه حمود لابس الدرع والطاس = يكسر مصاب السيف هو والجليله
وكل الرشيد لهم قدايم وفراس = مايتقون إن جاء نهار الدبيله
دونه ضياغم من فوق شخص الأفراس = كم ذبحو قدامهم من قبيله
عبدالعزيز الحر قطاع الأحراس = شيخ الشيوخ وكل شيخ ً يجيله
سقم الحريب اللي تبين بهوجاس = ياويل والله واحد يعتبيله
يمسي حريـبـه طاوي الخط بالياس = ويصبح على الساقات تذبح رحيله
وإليا انتهض تتيله من قومه أجناس = مثل الدباء الكاتف نهض من مقيله
وإليا لبس هو ولابته زين الألباس = ثم احتزم من فوق بيت الأصيله
وأدلاء على حمر الطوابير مرماس = وإليا اعتزاء جعل الملك يلتجيله
ماهو بخيال يعرض وجساس = لاحل بالصابور خطو الدبيله
راسه يجي من ساكن العج طماس = مارده إلا السيف يقطر ويشيله
ماني بوفاد شحوذ ونحاس = امجده والنفس مني جليله
وكني إليا جيته معي مال عباس = وابيع قلبي يوم ازوره واجيله
إن كان ابو متعب تسلم لي من الناس = ماهمني كثر الحلال وقليله
يامل عين نومها بالتهولاس = من ليلها ماترقد إلا قليله
من شوفها فعل السلاطين بالناس = تفطنو يا أهل القلوب الهبيله
سعدون تاه ولامعه ميز وقياس = سراي ظلما تايه به دليله
لعب به البحار دوار الأنحاس = يبي يوفي به وقود الشعيله
يسوق له عفر مقلدها الأجراس = ماله لزوم ولاشعار يجيله
ورمابه الله من بعيدن الأمراس = للمحزر اللي شاف باقي حصيله
واقفن معيف عقب ماشاف وقتاس = دبر وتال القوم ما ينثنيله
ماحصل إلا لطم وجهه والأفلاس = عقب المعزه رايحن بالفشيله
والعفر خلها والأرياق يـبـاس = تقاسموها كاسـبـين النفيله
واخوك خليته بعد ماشفت الأتعاس = وخليت راسه للضياغم تشيله
ولاهشت مع قومك ولاشفت منداس = يلله براسك رابحن به عقيله
تبغي تقوس الحكم ماعاد ينقاس = دونه عصات بالسيوف الصقيله
دونه ولد متعب وللحكم سياس = انا أشهد إن الحكم له يستويله
يضرب بسيفه باللقاء يقطع الراس = ماناس من حد المناكب تشيله
ودونه حمود لابس الدرع والطاس = يكسر مصاب السيف هو والجليله
وكل الرشيد لهم قدايم وفراس = مايتقون إن جاء نهار الدبيله
دونه ضياغم من فوق شخص الأفراس = كم ذبحو قدامهم من قبيله
عبدالعزيز الحر قطاع الأحراس = شيخ الشيوخ وكل شيخ ً يجيله
سقم الحريب اللي تبين بهوجاس = ياويل والله واحد يعتبيله
يمسي حريـبـه طاوي الخط بالياس = ويصبح على الساقات تذبح رحيله
وإليا انتهض تتيله من قومه أجناس = مثل الدباء الكاتف نهض من مقيله
وإليا لبس هو ولابته زين الألباس = ثم احتزم من فوق بيت الأصيله
وأدلاء على حمر الطوابير مرماس = وإليا اعتزاء جعل الملك يلتجيله
ماهو بخيال يعرض وجساس = لاحل بالصابور خطو الدبيله
راسه يجي من ساكن العج طماس = مارده إلا السيف يقطر ويشيله
ماني بوفاد شحوذ ونحاس = امجده والنفس مني جليله
وكني إليا جيته معي مال عباس = وابيع قلبي يوم ازوره واجيله
إن كان ابو متعب تسلم لي من الناس = ماهمني كثر الحلال وقليله