يـــابـــــرق /.. حتى خطاي.. تتبع أخطاها (( اللفـيــة ))

[ذيب اجاء]

لعلها تروق لكم (( ولها ))
واعذروني ان كان فيها تقصير
فأنا لازلت انهل منكم واتعلم الكثير

وهي مهداه لاخي الشاعرالعذب " بـــرق"
ولكم انتم






*
*

الالف : ابولف بيوتاً جدايد = ولعيونها / تزين حتى القصايد
اللي غلاها / بالضماير بزايد=غطروفتاً .. في حبها صرت مجنون

*
*

والباء: بديت وقلت .. عذب القوافي =وخطيت بزمام القلم .. كل صافي
قوافياً .. مابه رداء واختلافي= وتبشرو ياللي .. للاشعار تهوون

*
*

والتاء: تعب طرق المحبه جرحني =بحر الهوى خطراً .. وفعلاً طرحني
وانا ابتليت بحب خشفاً ذبحني = "خشف عفر ضافي" ضفاء العشر مزيون

*
*

والثاء: ثمر عمر الفتى .. شوف خله= اللي من اجله دمع عينه يهله
والا المفارق.. فيه همٍ وعله = وكم واحداً / من فقد الاحباب مجنون

*
*

والجيم: جعل اللي يلوم العشاشيق= ياطى على راسه / غشيم السواويق
قلته وانا .. لمفارق الزين . مأطيق= لاواعنى قلبٍ .. بها صار مفتون

*
*

والحاء : حرام انه خذتني لدنياه= وداجت بريضان الحشاء / "أدناه وأقصاه"
تربعت في وسط قلبي . وبأعلاه= وطرد الغزل .. ماعاب.. " ساجر وسعدون "

*
*

والخاء: خسر من لا يقدر شعوره= لأن الحياة .. بهالمشاعر زهوره
وانا .. لها بضرب / دروب الخطوره= ولو حبها موتي .. فأنا فيه مفتون

*
*

والداء : دماري فقدها / هو دماري= والأ بغلاها . خافقي ..! مأستشاري
له كل كلي جيت .. هذا قراري = وكم اعترف قبل من اللي يطولون


*
*

والـذا : ذهولي والجنون / بغـلاهـا= ولاواهني / من شافها .. واللتقاها
ام الوصوف اللي / تثير بحلاها= ومع زينها الزينات .. لا مايصفون

*
*

والراء : رمتني بالعيون الوسيعه= وأصابتٍ بسهوم .. عيناً سريعه
غطروفتاً / في وسط قلبي رفيعه = هاك الهنوف اللي / به الزين بالعون

*
*

والزاء : زماني حدني / عن لقاها= ولاواعنى / مثلي .. يعيش بغلاها
" يابــرق" حتى خطاي.. تتبع أخطاها= أيضاً وحبه بوسط القلب مصيون

*
*

والسين: ساومت الزمان .. ورجيته = وقلت الرجاء .. قرب حبيباً بغيته
من كل قلبي / والمشاعر .. هويته= واصيح من فرقاه .. والناس يسلون

*
*

والشين: شوفتها . تزيد بحياتي= وهي غايتي والله / وهي امنياتي
قبل الرحيل .. وقبل ياتي / مماتي= ولابد من يوماً / بالالحاد مدفون

*
*

والصاد : سلطان الهواء / يتعب الحال= حتى ايش .. لو راعيه / شامخ ورجال
يبقى من اسبابه / به الفين ولوال= أقولها / وانا أشتكي .. كل طاعون

*
*

والضاء : ضما كبد المولع .. وبلواه= ان ماحصل للنفس / شياً تمناه
تبقاء هواجيس الضماير .. تولاه= ومجربين الحب / مثلي يخبرون

*
*

والطاء : طمع نفسي / وغاية مراده= شوف الذي / شوفه / يزيد السعاده
بنتٍ لها فكري /.. "هالاشعار جاده"= ولعيونها " يابــرق" ابيكم تردون

*
*

والظاد : ظني فيك "يابرق" يزداد= يابن الرجال اللي .. يحوشون الامجاد
هذا وانا / خابرك/.. " يابــرق " قصاد= وصعب القوافي / عند مثلك ... يخضعون

*
*

والعين : عيني / ماتنام .. الليالي= عليك والله .. "ياشبيه يالغزالي"
"ياروح روحي" .. يابعد .. كل غالي= ولولا غلاك / اليوم ..ماباح مكنون

*
*

والغين: غاوي في محبتك / غاوي= ولك الخفوق / وكل قلبي .. هواوي
هو فيك رحمة "ترحمين الشقاوي" = دامه من أجلك / يشتكي هم وطعون

*
*

والفاء : فتنتيني .. وفعلاً / "أسرتي"= كل الخفوق / اللي .. بحبه ضفرتي
متربعه / في وسط جاشي "وصرتي"= (.. لي الحياة..) .. اللي .. بها " اكون واكون "

*
*

والقاف : قلبي من محبتك / منلاف =وروحي من اسبابك /على جال ميهاف
وياما رقيت بسبتك /. "كل مشراف" =وغنيت لك .. "حلو الطواريق ولحون"

*
*

والكاف : كل الجهد / ماهو خسارة= كاني ظفرت / بعطف قلبك ..وناره
لانك "عـطـر" . هالقاف . وايضاً . "بهاره" =وبك اجد انفاسي /ومن غيرك اهون

*
*
واللام : لايمني .. بحب الغنادير= انا اشهد انه / ياجماعه معيثير
ماشاف مثلي .. " هالزهور المزاهير"= خالي ( شعور وقلب واحساس وعيون )

*
*
والميم: من " يابــرق" غيرك .. نجي له = يافزعة العاني / ومن يلتجيله
انا اليا من شفت / بالوقت ميله= اجيك وان جيتك / فأنا اروح .ممنون

*
*
والنون: نوم الليل "يابــرق" اعافه= والله / وحالي كل ابوها / كسافه
وافزع لذيبٍ .. لك يبوح أعترافه= وعسى العذاب "لناسي اللي يلومون"

*
*
والها: هني "يــابــرق" منهو يشوفه = اللي لها / حتى الحروف مخلوفه
أحبها / لو كان مابه ..مروفه= وأرضى بها / لو العواذل .. يقولون

*
*

والواو : وين اللي .. الا قلت / وينه= " بــرق " الشجاع اللي / عزومه متينه
ذرب اليمين / اللي تشرف يمينه= اقولها / وانا .. "لوقفته مديون"

*
*

والياء : يقيف القاف .. ونهاية القاف = سلام لك " يابــرق" /ولكل الاشراف
اعداد / من صلى / ومن /بالحرم طاف =واعداد / من يدعون "خلاق هالكون"
فايزالبراهيم

[نزهان الاسلمي]

اول واحــــــــــــــــــــــــــــــــــــد




اللهم لا حســــــــــــــــــــــــــــــد




يرجع فايز البراهيم


وترجع اقلام فايز البراهيم



وترسم لنا مشاعر ذلك الفاااارس



ذلك المروّض لكلمات لا أحد يعرف من اين او الى اين مرجعها من المشاعر




فايز البراهيم



صح لسانك ولك وحشه لا توصف يعلم الله بذلك


واسمح لي بأن لا اعلّق او اكتب ولو حرف واحد من بعد ما قرأة لك لكي لا اقصر معي نفسي لرضاها بفايز


بل اقووول لنفسي اللهم لا حسد


لان اول من أطلع على ما اهديتنا من حروف من بعد غيااااب اللي هو انا




فهنا اللهم لا حسد او ل واحد تشبّع من كتاباتك



لك كل الشكر والتقدير الخاص

[فيصل بن نجيفان]

فايز البراهيم

ذيب اجا

السلام عليكم

لله درك على هذه الالفيه الرائعة التي ترجمت فيها كل المعاني الرائعة والمتميزه التي

انفرد بها الشاعر العذب ذيب اجاء ..

صح لسااانك وسعدنا بمصافحت حروفكـ التي دائما ًً تتسم بالروعه والجمال والتألق ..

دمت ودام قلمك

[الفريده]

صح لسانك اخوي فايز البراهيم ابيات جزله والفيه راائعه ..


(( ولها )) <<< جد عجبتني ههههه


بنتظارجديدك..

الفريدة

[فاضي العنزي]

فايز البراهيم

الفيه تحمل كل مقومات الابدع وا الجزاله


درر من بحر تستحق الاشاده وتميز


صـــــــــــــح السانك وسلم بنانك



لاهنت

[ذيب اجاء]

اول واحــــــــــــــــــــــــــــــــــــد




اللهم لا حســــــــــــــــــــــــــــــد




يرجع فايز البراهيم


وترجع اقلام فايز البراهيم



وترسم لنا مشاعر ذلك الفاااارس



ذلك المروّض لكلمات لا أحد يعرف من اين او الى اين مرجعها من المشاعر




فايز البراهيم



صح لسانك ولك وحشه لا توصف يعلم الله بذلك


واسمح لي بأن لا اعلّق او اكتب ولو حرف واحد من بعد ما قرأة لك لكي لا اقصر معي نفسي لرضاها بفايز


بل اقووول لنفسي اللهم لا حسد


لان اول من أطلع على ما اهديتنا من حروف من بعد غيااااب اللي هو انا




فهنا اللهم لا حسد او ل واحد تشبّع من كتاباتك



لك كل الشكر والتقدير الخاص

نزهان

لاهنت يالغالي واشكرك لتواجدك هنا في متصفحي


كل الود لك وصح بدنك



فايز

[الساري]

صح لسانك يا فايز