نهار بن هيشان الوبير
2005-11-26, 01:50 PM
يا هل الخيل ما تنفع تمارينه
ــــــــــــــــــــــــــــــــــــــــــــــــــ ــــ
يا هل الخيل ما تنفع تمارينه ... لو تجيب الذهب في كل ميداني .
المكاتيب تقرا من عناوينــــه ... ما تصير الرساله دون عــنواني .
خـلو الخيل تبقى في معاطينه ... دام ما يركبــه بالحرب فرسـاني .
مثل عبيد الرشيد ومثل باقينه ... يوم عصر الحرايب يوم الأكواني .
ومثل فعل الجنازة في تفانينه ... ومثل مطلق والا مطلـق الثاني "1" .
ومثل ضاري على سوداه ناخينه ... ومثل عباس والا مثل ضيداني "2".
ومثل تركي راعي السيف في حينه ... ومثل مبارك والا مثل ابن ثاني "3".
وابن سويط الظفيري عز ناصينه .... وابن هندي والا مثل راكاني"4" .
ومثل عقاب العواجي في تزامينه ... ومثل ابا الشيوخ والا مثل مشعاني"5"
ومثل فيصل زعيم مطير في دينه ... شوكة الحرب يامن قيل دوشاني "6" .
واخــــو حــسنا شريدتهم مسمينه ... وابن لـــبده والا الذيــــب هدلاني"7" .
والبشـــــر دايـم في حسب تمكينه ... وكل ناس على ما قيــــل له شاني .
بس حــنا ذكــرنا قـــصـدنا عــينه .... والصناديد ما تحصى بحسبـــــاني .
مـــن الصعوبه علينا كل تـــدوينه ... بس أنا جبت ما يطري على لساني
شعر : نهار الوبــيــر الشمري
1-الجنازة : هو لقب عبدالعزيز المتعب آل رشيد .
ومطلق الأول : هو مطلق الجربا . والثاني : هو مطلق الصديد .
2- ضاري : هو ضاري بن طواله. عباس : هو ابن علي. ضيدان : هو التمياط .
3- تركي : هو تركي ابن سعود راعي الأجرب . ومبارك : هو ابن صباح . وابن ثاني : هو قاسم بن ثاني مؤسس دولة قطر .
4- ابن هندي : هو محمد بن هندي بن حميد الفارس المشهور . وراكان : هو راكان بن حثلين .
5- ابا الشيوخ : هو خلف بن شعلان . ومشعان : هو مشعان بن هذال .
6- فيصل : هو فيصل الدويش .
7- اخو حسنا : هو الفارس محسن الفرم من شيوخ حرب الملقب بشريدة الفرسان .
ابن لبده : هو جمل ابن لبده من قحطان . والذيب هدلاني : هو ذيب ابن هدلان من قحطان .
ــــــــــــــــــــــــــــــــــــــــــــــــــ ــــ
يا هل الخيل ما تنفع تمارينه ... لو تجيب الذهب في كل ميداني .
المكاتيب تقرا من عناوينــــه ... ما تصير الرساله دون عــنواني .
خـلو الخيل تبقى في معاطينه ... دام ما يركبــه بالحرب فرسـاني .
مثل عبيد الرشيد ومثل باقينه ... يوم عصر الحرايب يوم الأكواني .
ومثل فعل الجنازة في تفانينه ... ومثل مطلق والا مطلـق الثاني "1" .
ومثل ضاري على سوداه ناخينه ... ومثل عباس والا مثل ضيداني "2".
ومثل تركي راعي السيف في حينه ... ومثل مبارك والا مثل ابن ثاني "3".
وابن سويط الظفيري عز ناصينه .... وابن هندي والا مثل راكاني"4" .
ومثل عقاب العواجي في تزامينه ... ومثل ابا الشيوخ والا مثل مشعاني"5"
ومثل فيصل زعيم مطير في دينه ... شوكة الحرب يامن قيل دوشاني "6" .
واخــــو حــسنا شريدتهم مسمينه ... وابن لـــبده والا الذيــــب هدلاني"7" .
والبشـــــر دايـم في حسب تمكينه ... وكل ناس على ما قيــــل له شاني .
بس حــنا ذكــرنا قـــصـدنا عــينه .... والصناديد ما تحصى بحسبـــــاني .
مـــن الصعوبه علينا كل تـــدوينه ... بس أنا جبت ما يطري على لساني
شعر : نهار الوبــيــر الشمري
1-الجنازة : هو لقب عبدالعزيز المتعب آل رشيد .
ومطلق الأول : هو مطلق الجربا . والثاني : هو مطلق الصديد .
2- ضاري : هو ضاري بن طواله. عباس : هو ابن علي. ضيدان : هو التمياط .
3- تركي : هو تركي ابن سعود راعي الأجرب . ومبارك : هو ابن صباح . وابن ثاني : هو قاسم بن ثاني مؤسس دولة قطر .
4- ابن هندي : هو محمد بن هندي بن حميد الفارس المشهور . وراكان : هو راكان بن حثلين .
5- ابا الشيوخ : هو خلف بن شعلان . ومشعان : هو مشعان بن هذال .
6- فيصل : هو فيصل الدويش .
7- اخو حسنا : هو الفارس محسن الفرم من شيوخ حرب الملقب بشريدة الفرسان .
ابن لبده : هو جمل ابن لبده من قحطان . والذيب هدلاني : هو ذيب ابن هدلان من قحطان .