القصيدة التي ابكت شمر

[عجاج البادية]

اتمنى من يقرى هذة القصيدة او يعرف قصتها او من كتبها مراسلتي على الايميل وذلك لمعرفة المزيد عنها ......

عزي لقب كل ما طرف الليل ،،،،،،،،،،،،،، عليه صارن الدقايق جلايل

واعتاظ عن طيب الكرى بالتعاليل ،،،،،،،،،،،،، بافكار واذكار وقول وقايل

والعين كن ابموقها يدرج الميل ،،،،،،،،،،،،،،،، عيت تطيق النوم من فور جايل

على بني عمي اسنادي عن الميل ،،،،،،،،،،،،،، نطاحة الكايد اكبار الحمايل

اقفوا كما مزنٍ ثقيل المخاييل ،،،،،،،،،،،،،،،،،،، من زاعج الغربي حدر له شعايل

شمر مقابيس المنايا هل الخيل ،،،،،،،،،،،،،،،،،،، عصمان الاريا مقحمين الدبايل

يا دار وين أهل المهار المشاويل ؟ ،،،،،،،،،،،،،،، هل النزول اللي تعز النزايل

بكيتهم يوم ارتكى قوقي الشيل ،،،،،،،،،،،،،،،،، وذكرتهم يو اقبل الضد صايل

وصاح الصياح وطوحن الهلاهيل ،،،،،،،،،،،،،، وهلت ادموع معكرشات الجدايل

وقلت ابشرن ما دام بالعمر تمهيل ،،،،،،،،،،،،،،، ما دام ما رزت علينا النضايل

لا تبكين الوحدة قِل الرجاجيل ،،،،،،،،،،،،،،،،،، ما دام عين الله علينا تخايل

وظهرت أنا باسم العصاة المشاكيل ،،،،،،،،،،،،،،، لو هم قليل يدركون الجمايل

هم حاصلي لا كملنّا المحاصيل ،،،،،،،،،،،،،،،، غوش الجبل خزني غلامين حايل

باعوا عزيز العمر دون المضاليل ،،،،،،،،،،،،،، وحموا حماها مقدمين الفعايل

قالوا عليهم قلت يزجوا اهل الخيل ،،،،،،،،،،،،، وقهرتهم غصب ووردوا غلايل

واذنيت هجنٍ يقربن المحاويل ،،،،،،،،،،،،،،، هوج هجاهيج اهجاف نحايل

عليكم يطرب قلوب المراسيل ،،،،،،،،،،،،،،،، خفقات رفقات صلاب جلايل

قلايص عوص صعاصع شماليل ،،،،،،،،،،،،، من سلسة نسل السباق السلايل

الصبح مدن كنهن جولة الريل ،،،،،،،،،،،،،،، رفيحٍ علت من فوقها ارجال حايل

وصبح اربعٍ تلفي نزول كما الليل ،،،،،،،،،،،،،،، شمر إليا عدت فروع القبايل

أدنى بالادنى خبروهم بتفصيل ،،،،،،،،،،،،،، لا تسفهون اصفارهم والجمايل

ولازم إليا شافوا اركاب مقابيل ،،،،،،،،،،،،،،،، تلزمهم النشدات عن سكن حايل

قولوا لهم يا مقبلين على خيل ،،،،،،،،،،،،،،،،،،، نجد واهلها يطلبون الاوايل

وين الطَّنايا ؟ وين شرابة الهيل ؟ ،،،،،،،،،،،،،، وين الرجال اللي تشيل الثقايل

وين السيوف اللي نعدل بها الميل ،،،،،،،،،،،،،،، وين الرماح اللي ترد كل عايل

وين النشاما والعصاة المفاليل ؟ ،،،،،،،،،،،،،،،،،،،، وجميع من ضربه تضيع الدلايل

نشرب بهم صافي القراح الشهاليل ،،،،،،،،،،،،،، وننزل بهم غصب على كل طايل

تذكرتهم يوم ارتدم فوقي الشيل ،،،،،،،،،،،،،،،،،، ونخيتهم يوم اقبل الضد صايل

غلبا ترى بلدانكم لبست النيل ،،،،،،،،،،،،،،،،،،،،، تنخى الرجال المكرمين الاصايل

تنخى اهل العادة كرام الاسابيل ،،،،،،،،،،،،،،،،،، يوم التعازي والدخن له صلايل

قلته وانا معكم على العدل والميل ،،،،،،،،،،،،،،، لعل ما نعتاظ عنكم بدايل

تمت وصلوا عدد وبل المخاييل ،،،،،،،،،،،،،،،،،،،، على نبي الحق ما زال زايل



اتمنى ان تحوز على رضاكم

[نديم الجبلين]

هذه القصيدة التي هزت شمر رجال وشباب وصغار فجمعتهم من انحاء المعمورة فقاموا بالبطش وانزال اشد الهزيمة على المتحالفين ضدهم...

واسمح لي بتنسيق القصيدة


عزي لقب كل ما طرف الليل=عليه صارن الدقايق جلايل

واعتاظ عن طيب الكرى بالتعاليل=بافكار واذكار وقول وقايل

والعين كن ابموقها يدرج الميل=عيت تطيق النوم من فور جايل

على بني عمي اسنادي عن الميل=نطاحة الكايد اكبار الحمايل

اقفوا كما مزنٍ ثقيل المخاييل=من زاعج الغربي حدر له شعايل

شمر مقابيس المنايا هل الخيل=عصمان الاريا مقحمين الدبايل

يا دار وين أهل المهار المشاويل ؟=هل النزول اللي تعز النزايل

بكيتهم يوم ارتكى قوقي الشيل=وذكرتهم يو اقبل الضد صايل

وصاح الصياح وطوحن الهلاهيل=وهلت ادموع معكرشات الجدايل

وقلت ابشرن ما دام بالعمر تمهيل=ما دام ما رزت علينا النضايل

لا تبكين الوحدة قِل الرجاجيل=ما دام عين الله علينا تخايل

وظهرت أنا باسم العصاة المشاكيل=لو هم قليل يدركون الجمايل

هم حاصلي لا كملنّا المحاصيل=غوش الجبل خزني غلامين حايل

باعوا عزيز العمر دون المضاليل=وحموا حماها مقدمين الفعايل

قالوا عليهم قلت يزجوا اهل الخيل=وقهرتهم غصب ووردوا غلايل

واذنيت هجنٍ يقربن المحاويل=هوج هجاهيج اهجاف نحايل

عليكم يطرب قلوب المراسيل=خفقات رفقات صلاب جلايل

قلايص عوص صعاصع شماليل=من سلسة نسل السباق السلايل

الصبح مدن كنهن جولة الريل=رفيحٍ علت من فوقها ارجال حايل

وصبح اربعٍ تلفي نزول كما الليل=شمر إليا عدت فروع القبايل

أدنى بالادنى خبروهم بتفصيل=لا تسفهون اصفارهم والجمايل

ولازم إليا شافوا اركاب مقابيل=تلزمهم النشدات عن سكن حايل

قولوا لهم يا مقبلين على خيل=نجد واهلها يطلبون الاوايل

وين الطَّنايا ؟ وين شرابة الهيل ؟=وين الرجال اللي تشيل الثقايل

وين السيوف اللي نعدل بها الميل=وين الرماح اللي ترد كل عايل

وين النشاما والعصاة المفاليل ؟=وجميع من ضربه تضيع الدلايل

نشرب بهم صافي القراح الشهاليل=وننزل بهم غصب على كل طايل

تذكرتهم يوم ارتدم فوقي الشيل=ونخيتهم يوم اقبل الضد صايل

غلبا ترى بلدانكم لبست النيل=تنخى الرجال المكرمين الاصايل

تنخى اهل العادة كرام الاسابيل=يوم التعازي والدخن له صلايل

قلته وانا معكم على العدل والميل=لعل ما نعتاظ عنكم بدايل

تمت وصلوا عدد وبل المخاييل=على نبي الحق ما زال زايل

[هـتّـان]

قولوا لهم يا مقبلين على خيل ،،،،،،،،،،،،،،،،،،، نجد واهلها يطلبون الأوايل

أنا اشهد

يرحم الله الرشيد الأشاوس ويرحم الله العوني وأسكنه فسيح جنّاته

[عجاج البادية]

اشكركم على المرور

اخي نديم الجبليين

ارجو منك مراسلتي على الهوت ميل وذلك لمعرفة المزيد عن هذة القصيدة وقصتها إذا كنت تعرف عنها شي ولك مني جزيل الشكر


ودمتم سالمين

[الشمريه المجهوله]

وين الطَّنايا ؟ وين شرابة الهيل ؟وين الرجال اللي تشيـل الثقايـل
وين السيوف اللي نعدل بها الميل ,,وين الرماح اللي ترد كـل عايـل
وين النشاما والعصاة المفاليـل ؟وجميع من ضربه تضيع الدلايـل

الله يعز الطنايا بكل حراوي الارض

شمر تاريخ راسخ ولاازل

يعطيك العافيه اخي الكريم

على نقل القصيدة اللي تهز وجدان كل شمري عنده حميا

تحياتنااااااالاخويه

[سعدون الزوبعي]

الله يبارك فيكم

وصح لسان كل قايل

[ناصر الناصر]

محمد العبدالله العوني شاعر نبطي شهير، ولد في مدينة بريدة بمنطقة القصيم وسط الجزيرة العربية عام 1845م وكان شاعراً سياسياً ليس له ولاء لحكومة معينة من حكومات الجزيرة، بل يسير وفق مصلحته الحاضرة، وقصائده تدل على ذكاء شديد ودبلوماسية فائقة يتوصل بها لما يريد.
ونعته صاحب "ديوان النبط" بشاعر الحرب والسياسة، اللسن المهيج المتقلب. وقال: نشأ في عهد احتراب أبناء الإمام فيصل فيما بينهم، وتربي مع أبناء اسرة ال مهنا أباالخيل امراء القصيم في ذلك الوقت وكان من اقرب الناس له محمد بن عبدالله ال مهنا أباالخيل آخر امراء القصيم من اسرة ال مهنا أباالخيل وظل معه الي ان انتصر الملك عبدالعزيز علي محمد العبدالله ال مهنا أباالخيل في معركة الطرفية عام 1325هـ وكان قبل ذلك الامير محمد العبدالله الرشيد استولى على نجد، وكانت بريدة عاصمة القصيم، والقصيم محور الدائرة لتلك الحروب، ففيه كانت وقعة المليداء سنة 1308هـ، وفيه وقعة البكيرية و موقعة الشنانة و معركة روضة مهنا ، وتخلل هاتين الوقعتين مئات من الوقائع شهدها العوني وشارك في كثير منها بشعره،
ومن ضمن الأطراف التي والاها العوني : آل رشيد في حائل، آل صباح في الكويت، آل سعود، و ال أبا الخيل أمراء بريده في القصيم. وعندما أكمل عبدالعزيز آل سعود توحيده للجزيرة العربية قبض على العوني وأودعه السجن حتى مات فيه عام 1342هـ
خصوصاً وأنه كان في المرحلة الأخيرة من حياته موالياً لـ آل رشيد، وهذه القصيدة كتبها العوني قبل سقوط حائل بأشهر .
كتبت هذه القصيدة في يوم ما من عام 1921م، حيث كانت تشهد مدينة حائل عاصمة آل رشيد هجمات متكررة من الإخوان كلفهم بها عبدالعزيز آل سعود أثناء قيامه بحشد جيوشه وتوجيهها إلى حائل، وفي تلك الأوقات العصيبة حصل خلاف بين بعض العشائر الشمرية التي كانت تسكن جوار المدينة وهي طرف قوي في الجيش الحائلي، وبين الأمير محمد الطلال الرشيد أمير حائل. ما جعل عشائر من قبيلة شمر تقرر الهجرة إلى العراق واللحاق بأبناء عمومتهم الذين هاجروا إلى هناك من قبلهم. فاستخدم الأمير محمد الطلال الرشيد، الشاعر محمد العوني ليكتب قصيدة يستنهض بها همم أبناء قبيلة شمر الراغبين بالرحيل، ليعودوا ويقفوا مع أبناء عمومتهم أهالي حائل، والذين كانوا تحت حصار جيوش عبدالعزيز آل سعود.
فكتب العوني هذه القصيدة، التي سرعان ما أصبح لها مفعول السحر، فأعادت آلاف الشمامرة إلى حائل، فأخروا استسلام المدينة المحاصرة لأشهر عدة قبل أن تسقط حائل.


المصدر
http://ar.wikipedia.org/wiki

قال ناصر الناصر : وبسبب هذا التذبذب في الولاء عند العوني - رحمه الله - فإنه لم يستقر على تأييد فئة معينة , فتراه مرة مع شمر ومرة مع غيرهم حتى أنه لما كان مع خصوم شمر في أحد المرات قال قصيدة التي منها :
.... وحل الذبح برقاب الطنايا
وبقي على هذا التذبذب حتى مات على توبة في سجنه بالأحساء نسأل الله أن يتجاوز عنه .

[محمد الرخيص]

قصيده تثير الحميه والنخوه في قلب كل من يسمعها

رحم الله الشاعر العوني وأسكنه فسيح جناته

[عجاج البادية]

اخ ناصر الناصر

لك مني جزيل الشكر على المرور والرد على طلبي دمت سالم يا الشمري

واشكر كل من قام بالمرور

ولكم مني فائض الاحترام

[سلطانه بنت سلطان]

تـــــســـــــــــــــــلـــــــــــــــــم يمينك على هذا الطرح
والله اني من زمان أدور لهالصيدة نعرف أولها و كم بيت بس الباقي الحمد الله انه ما ضاع
جزيت ألف خير و بارك الله فيك و فـ أمثالك

[شوق السعد]

صح لسان القايل وسلمت الله يعز شمر

[هايس أبن سعدي]

يعطيك العافيه اخي الكريم

[بنت الزوبع]

صحت يمناك ولاهنت ع القصيده
والله يرحم الشاعر

شمر مقابيس المنايا هل الخيل ،،،،،،،،،،،،،،،،،،، عصمان الاريا مقحمين الدبايل

يا دار وين أهل المهار المشاويل ؟ ،،،،،،،،،،،،،،، هل النزول اللي تعز النزايل

[معمر الغليون]

رحم الله الشاعر العوني ,ورحم اموات المسلمين جميع

[ابوعلياء]

تسلم علي القصيدة ويسلم يمنا من وضح سبب القصيدة

[وآثق]

راااااااااااائعه جداً تلك القصيدهـ ..

لآهنت

[غاوي السيف]

مشكور اخوي على النقل والله يرحم العوني وجميع أموات المسلمين

[الاحيمر]

مشكور اخوي على القصيده واليك قصة القصيدة
بعد مقتل الامير عبد العزيز بن متعب ال رشيد تنازع ال رشيد على امارة حائل وشمر فاستولى محمد بن طلال ال رشيد على حكم حائل بعد ما فر ابن عمه عبد الله بن متعب ال رشيد الى ابن سعود خوفا من ابن عمه محمد بن طلال ان يقتله وفي ظل تنزاع ابناء العمومه على الحكم زعلت قبيلة شمر على محمد بن طلال ال رشيد فرحلت قبيلة شمر الى بادية العراق تاركة منطقة حائل في ظل تلك الاحداث قام الملك عبدالعزيز ال سعود بارسال سلطان الدويش على راس جيش لمحاربة ابن رشيد فحاصر مدينة حائل فارسل ابن رشيد قصيدة كتبها محمد العوني يستفزع قبيلة شمر وعند سماع قبيلة شمر هذه القصيدة وهم في بادية العراق جاءوا يبكون كبيرهم وصغيرهم لفك الحصار عن مدينة حائل فقطعوا المسافة التي بين بادية العراق ومدينة حائل من ثلاثة شهور الى عشرة ايام وفعلت هذه القصيدة ما لاتفعله السيوف حيث أثرت في قبيلة شمر فانتصروا وانهزم الدويش امام ابن رشيد في موقعة ( ماء ياطب )