الناس به اصناف اشكال وجنوس ــــ فيهم ذهب صافي وفيهم نحايس ** كساب الشمري

[كساب الشمري]

لقيت بالبدوان طيب ودنفوس=وايضا ردي النفس تلقاه خايس
وفيهم رجالٍ تضرب الراس بالفوس=وفيهم رجالٍ ما تدور البلايس
وفيهم طنايا لانتخت ترفع الروس=وين الشجاع عقاب والنعم هايس
ولقيت بالحضران خايب وخنفوس=فر الشوارع والسوالف نجايس
وإليا طلبته حاجةٍ قال مضروس=واعطاك عذرٍ جامدٍ بالمقايس
والشايب المسكين شايب ومنحوس=عفنٍ ولا فكر بكسب النمايس
والله على وقتٍ مضى مابه دروس=الدرس واحد والنجايع ونايس
وشفي على جيبٍ ولا فيه ملموس=توه جديدٍ واردٍ بالمقايس
تلفي لابو ضاري به النعم ناموس=وتعطيه قصة شاكي الهم قايس
وقله زمان العز وش فيه منكوس=الذيب جالس والثعل صار رايس
واشوف ناسٍ سلمها سلم هندوس=اميرهم شبعان لو كان خايس
واشوف ناسٍ عرضها صار به سوس=ساسه خراب وكاتمين الدسايس
واشوف صنفٍ يالفى كثر البوس=كله على شان الفلوس الطفايس
واشوف صنفٍ يا طلع جخ ولبوس=خشمه صغير ويحسب الكبر سايس
يمناه به سيفٍ ويسراه به موس=وإليا نصيته تطلب العز خايس
والناس به من يلبس الدرع والطوس=وايضا بهم من يمسكون النمايس
والناس به اصناف اشكال وجنوس=فيهم ذهب صافي وفيهم نحايس
كساب الشمري

[عاشق شمر]

والناس به اصناف اشكال وجنـوس فيهم ذهب صافـي وفيهـم نحايـس
صح لسانك اخوي


عاشق شمر

[متعب الخريصي]

صح لسانك ياكساب
عزالله انها قصيده جزله
تسلم اخوي
والله يعطيك العافيه

[فيصل بن نجيفان]

الشاعر الرائع

شاعر الحكم

كساب الشمري

.
.
.
.
.


والناس به من يلبس الدرع والطوس=وايضا بهم مـن يمسكـون النمايـس
والناس به اصناف اشكال وجنـوس=فيهم ذهب صافـي وفيهـم نحايـس

صرح شامخ ... صرح متميز ... صرح ضم الابداع والتألق ..

صرح جمع فيه الحكم ووصف حال البشر في زمننا هذا ..

الله الله الله عليك يا كساااب

صح لسانك ودام هذا الابداع والتميز

[مكحول الطرايا]

كساب الشمري............صح لسانك

[الساري]

السلام عليكم


صـــح لســـآنـك .. ولا هـــنــت