العاصفة الشمرية

[نمر ابوغوش]

اخوتي انقل لكم قصيدة كتبها احد اضاء منتدى مجالس الصقر للحوار عن تفرق شمر في الارض

هذه القصيده تتكلم عن تفرق قبيلة شمر في الارض....واحيانا يسمونها العاصفة.
ارجو ان تنال على اعجابكم........

.................................................. .................................................. .................................................. .........
العـــاصفــه
يالله ياعالم بخافي حوالها
********************رافع سماها دون شدة حبالها


بستة ليالي ركز الارض والسما
********************يقدر ولا يعسر وربي قوالها


اودع بها الوديان والرجم والجلد
*******************بعد الجلد نصب نوايف رمالها


وطشر نجوم الكون والثاني القمر
******************تشوف بالظلما قديح اشتعالها


وعزل نهاره عن ظلامه بقدرته
****************وارسل مليكه ثم رسى جبالها


واظهر لنا شمس غشى الخلق نوره
*************وان ا**فت حال الخلايق بجالها


فضله كثير بس نطلبه الثنا
*************وحبل الوصل لا ننقطع عن وصالها


وثم خلق آدم وحوا من الثرا
***************ونفخ بهم من روح جل جلالها


وصارو بجنات النعيم وتوافقو
*****************عن شجرة شينه منعهم وصالها


وحداهم ابليس اللعين بطريقته
***************ودهور نفوس مطمئنه بحلالها


وجازاهم الخالق وفرق لشملهم
*************ومن طاع راي ابليس هذا جزالها


حوا بشرق الارض وآدم بغربها
**************وكل قصد للوجه الآخر قبالها


آدم ينام الليل والصبح يبتدي
*************يبغى يشوفه ما دون اعتجالها


وحوا تدوس الليل والصبح بالسرا
***************من لهفته مالذة النوم جالها


وتجلس على كوم البرد في طريقها
**********وتشكي سموم القيض وآعزتالها


وتقابلو بعد المسافات والعنا
************وتعارفو بالشاهقه من جبالها


وياقادر في ذا تقدر لحيرتي
*********باشاكيك برجواك العزيزه وحالها


باشاكيك انا يالله من جور وقتنا
****************دنيا تصفقنا على ما طرالها


والحظ يندبنا وبقعا تحوفنا
*****************دنيا تحدنا وسكر مجالها


بالله ياللي بك خيره ومقدره
**************خلك فطين بحالنا وش بدالها


لولا الحسد والحقد ماصار وضعنا
*************مثل فلسطين الذي شفت حالها


بس بكلام الناس تسعى بجهدها
**************ولحد وقف معها ولحد سعالها


ماجور يا قلب تدهولت بالقهر
*************عزي لنفس خبث الوقت بالها


قبل امس وانا عند ربعي وعزوتي
***************واليوم بديار صعيب منالها


وباكر على الدوحه وبعده لغيرها
************والله عليم بحالتي وش نوالها


امشي وانا مالي قرايب على ارضهم
**************والروح مما شفت قرب زوالها


ذكرت حكم الله باول قصيدتي
*************من هب للقبلي يدير لشمالها


هو داير الافلاك يقدر يديرها
*************ويطفي لهب كبد يزيد اشتعالها


تايه ولا اظن لي وطن يا هل الوفا
*************لي الولي والروح هي واعمالها

والله لو انه على ما مضالنا
**************عند نزلكم حايل ادني رحالها


واعزي الروح الغريمه بودكم
***********واقول روحي مضيعه وش غدالها


ما هو ردا فيكم ولا اسب فعلكم
***************يا لعنبو نفس غواها همالها


قلته وانا راسي تزاين به الطنا
**********ومن سيد كل الناس ماهم انذالها


انا لابتي هم خيرة الخلق والبشر
***********بعد الصحابه لابتي هم اجزالها


زوبع هلي غلبا هل العرف والنقا
**************شمر خيار القوم شمر ثقالها


شمر هل الردات شمر بوقتهم
*************شمر على كل القبايل افعالها


ولوهي تعود امجاد شمر وعزنا
*************شمر على كل الخلايق ظلالها


شمر هل النوهات شمر هل الخطا
*************شمر طنايا طي شمر جبالها


شمر عفاف العرض شمر هل الخوي
***************الفكر صخرها ولحد قوالها


من غير قاصر بالقبايل وحضرها
***********منهم مثل شمر على ما مضالها


اذا الناس ارض وهم شمر رجومها
************ومهما زمو بالزود شمر جبالها


واذا الناس مزن زار واستنزل البرد
****************شمر بحر ما ضايقه باحتمالها


واذا الناس غيم زام بالجو وانتهض
****************شمر نجوم ولا وصل لمستوالها


والله يا لولا لابتي ضايع الوفا
**************ومحمد العوني سبقني وقالها


ويقول فجحان الفراوي بطيبهم
***************منهو مثل شمر رخيص حلالها


احبهم و احب كل يحبهم
***********وابغض من ابغضهم ولاني بحالها


ويامن يهجعني ويجبر مصيبتي
**************ويامن يرد للنفس معنى سؤالها
.................................................. .................................................. .................................................. ....................


منقول


.................................................. .................................................. .................................................. ......................



تحية شمرية طائية

القدس

[الجوري]

صح لسانك

[القاصف]

انا لابتي هم خيرة الخلق والبشر=بعد الصحابه لابتي هم اجزالها

زوبع هلي غلبا هل العرف والنقا=شمر خيار القوم شمر ثقالها

شمر هل الردات شمر بوقتهم=شمر على كل القبايل افعالها

ولوهي تعود امجاد شمر وعزنا=شمر على كل الخلايق ظلالها

شمر هل النوهات شمر هل الخطا=شمر طنايا طي شمر جبالها

شمر عفاف العرض شمر هل الخوي=الفكر صخرها ولحد قوالها

من غير قاصر بالقبايل وحضرها=منهم مثل شمر على ما مضالها

اذا الناس ارض وهم شمر رجومها=ومهما زمو بالزود شمر جبالها

واذا الناس مزن زار واستنزل البرد=شمر بحر ما ضايقه باحتمالها

واذا الناس غيم زام بالجو وانتهض=شمر نجوم ولا وصل لمستوالها

والله يا لولا لابتي ضايع الوفا=ومحمد العوني سبقني وقالها

ويقول فجحان الفراوي بطيبهم=منهو مثل شمر رخيص حلالها

احبهم و احب كل يحبهم=وابغض من ابغضهم ولاني بحالها

ويامن يهجعني ويجبر مصيبتي=ويامن يرد للنفس معنى سؤالها




صحّ الله لسـان قائلها .. يشهَد الله إنه ما قال إلاّ الصّحيـح !

ألـف شُكـر يا :

[ نمـر أبو غـوش ]


على هذا الإختـيار الأكثر مِن رائـع

وليتك أشرْت لشاعِر الأبيات .. عُموماً صحّ الله لسانه


وتُنقَل لـ ( الصناديد ) .. مكانها الصحيح ..

[سنجار]

سلمت يانمر وتسلم يدن نقلت = بيض الصفائح في الطنايا ترتجل

اخي نمر اشكرك وصح لسان من قالها

[نزهان الاسلمي]

اشكرك يا نمر ومن قلب طاهر يعلم الله بذلك


قصيدة لها مثقااالها ووزنها


فعلا هيجت مشاعري

ودخلتني بحر من الحسرة



صح لسان قاااائلها


واتمنى ان تشير الى من الشاعر ؟؟؟

اشكرك

هذه مشاركة من مشاركااااتك التي دخلت مزاجي وبكل هدوء

طيب طيب يا نمر

[متعب الخريصي]

قصيده رائعه

صح لسان الشاعر والناقل
ومشكور اخوي نمر على نقل هالقصيده الجميله جداً

[محمد ابوغوش]

تسلم يا يا بعد كبدي يابن العم على الاختيار الموفق

قصيدة جميلة بكل معنى الكلمة

ورحم الله اباءنا والمسلمين جميعا

محمدابوغوش

[نمر ابوغوش]

شكرا لكم اخواني واهلي وعشيرتي
الجوري
القاصف

متعب
سنجار

نزهان

محمد

والله احبكم وابغض كل من يبغض شمر واتمثل ببيتين من تللك القصيدة


احبهم و احب كل يحبهم
***********وابغض من ابغضهم ولاني بحالها

عموما كما قلت هذه القصيدة اعجبتني واسم ناقلها هو ( infinity )) لكنه لم يذكر اسم كاتب هذه القصيدة

تحية شمرية طائية

القدس

[المطنوووخ]

الاخ العزيز نمر ابوغوش
تسلم على نغل هذه القصيد الرائعه
ولكن ليتك ذكرت شاعرها ؟
اخي نمر هذه القصيد هي نار على علم وشاعرها معروف ومن الشعراء المعروفين
واستغرب منك لنك ماذكرت اسم الشاعر؟

شاعر القصيده هو علي بن سعود الفداغي الشمري
ويعرف بعلي المحيا
والغاها في حفل شمر في مدينة حايل
وانا كنت حاضر الحفل وهي مسجل فيديو
وموجوده عندي ..
الاخ نمر لك خالص تحياتي وودي
اخوك المطنوووخ

[المرجف]

اخي نمر ابو غوش

قبل مدة 15 سنة اقيمت حفله حضرها جمع من شيوخ شمر اقيمت في احد صالات الأحتفال بحايل بمناسبة سماح احد العوايل وتنازلهم عن حق الدم ودعي لها جميع من تنازلوا عن حق الدم من شمر وجمع من شعراء شمر "لا اتذكر التفاصيل" وقد كانت هذه القصيده هي اروع ماسمعت في ذلك المجلس بل من اروع ماسمعت الى الآن!!!
وهي للشاعر المعروف / علي بن محيا الفداغي الشمري


يالله يا عالم بخافي حوالها=رافع سماها دون شدة احبالها

بستة ليالي ركز الأرض والسماء=يقدر ولا يعسر وربي قوالها

أودع بها الوديان والرجم والجلد=بعد الجلد نفض نوايب رمالها

وطشر نجوم الكون والثاني القمر=تشوف بالظلمى قديح أشتعالها

وعزل نهاره عن ظلامه بقدرته=وأرسل مليكه ثم رسى جبالها

وأظهر لنا شمس غشى الخلق نوره=وأن اكسفت حال الخلايق بجالها

فضله كبير بس يطلب به الثناء=وحبل الثناء لا ينقطع عن وصالها

ثم(ن) خلق آدم وحواء من الثرى=ونفخ بهم من روح جلت جلالها

وصاروا بجنات النعيم وتوافقوا=عند شجرة شينه منعهم وصالها

وحداهم أبليس اللعين بطريقته=ودهور نفوس مطمئنه بحلالها

وجازاهم الخالق وفرق لشملهم=ومن طاع راي أبليس هذا جزالها

حواء بشرق الأرض وآدم بغربها=وكل قصد للوجه الآخر قبالها

آدم ينام الليل والصبح يرتجي=يبغى يشوفه مار دون أعتجالها

وحواء تدوس الصبح والليل بالسرى=من لهفته ما لذة النوم جالها

وتجلس على كوم البرد في طريقها=وتشكي سموم القيض واعزتالها

وتقابلوا بعد المسافات والعناء=وتعارفوا بالشاهقه من جبالها

وياقادر في ذا تقدر لحيرتي=بشاكيك شرباك العزيزه وحالها

ياسيدي ياهقوتي يامظنتي=يامشتكى عيني ويا مرتكالا

بشاكيك انا يالله من جور وقتنا=دنيا تصفقنا على ما طرالها

والحظ يندبنا وبقعاء تحوفنا=ودنيا تحدتنا وسكر مجالها

لولا الحسد والحقد ما صار وضعنا=مثل فلسطين الذي شفت حالها

بس بكلام الناس تسعى بجهدها=ولاأحد وقف معها ولاأحد سعالها

ماجور ياقلب تدهورت بالقهر=عزي لنفس خبث الوقت بالها

قبل أمس وأنا عند ربعي وعزوتي=واليوم بديار(ن) صعيب منالها

وباكر على الدوحه وبعده لغيرها=والله عليم بحالتي وش نوالها

أمشي وانا مالي قرايب على ارضهم=والروح مما شفت قرّب زوالها

ذكرت حكم الله بأول قصيدتي=من هب للقبلي يدير لشمالها

هو داير الأفلاك يقدر يديرها=ويطفي لهب كبد يزيد اشتعالها

تايه ولا لي وطن ياهل الوفاء=لي الولي والروح هي واعمالها

والله لو انه على ما مضى لنا=عند نزلكم حايل لأدني رحالها

واعزي الروح الغريمه بودكم=واقول روح مضيعه وش غدالها

ماهو ردى فيكم ولا أسب فعلكم=يالعنبو نفس غلاها بمالها

جيته وانا راسي يتزايم به الطنى =ومن سيد كل الناس ماهم انذالها

انا لابتي هم خيرة الخلق والبشر=بعد الصحابه لابتي هم جزالها

زوبع هلي غلبا هل العرف والنقا=شمر خيار القوم شمر ثقالها

شمر هل الردات شمر بوقتهم=شمر على كل القبايل افعالها

ولوهي تعود امجاد شمر وعزنا=شمر على كل الخلايق ظلالها

شمر هل الفوهات شمر هل الخطا=شمر طنايا طي شمر ثقالها

شمر عفاف العرض شمر هل الخوي=الفكر صخرها ولاأحد قوالها

من غير قاصر بالقبايل وحضرها=منهم مثل شمر على ما مضالها

اذا الناس أرض وهم شمر رجومها=ومهما زموا بالزود شمر جبالها

واذا الناس مزن زام واستنزل البرد=شمر بحر ماضايقه باحتمالها

واذا الناس غيم(ن) زام بالجو وانتهض=شمر نجوم ولا يوصل مستوالها

والله يا لولا لابتي ضايع الوفاء=ومحمد العوني سبقني وقالها

ويقول فجحان الفراوي بجودهم=منهم مثل شمر رخيص حلالها

أحبهم واحب كل من يحبهم=وأبغض من ابغضهم ولاني بحالها

ويامن يهجعني ويجبر مصيبتي=ويامن يرد للنفس معنى سؤالها

[نمر ابوغوش]

شكرا لك اخي المرجف وانا سعيد على مرورك

ومرة اخرى اشكرك على ذكر اسم الشاعر الذي اجاد وبحق احلى الكلام حول شمر قبيلتنا العزيزة


اخوك نمر ابوغوش من الضرغام من الفداغة الشمرية


تحية شمرية طائية

القدس

[ابن برزان]

الله عليك قصيده في قمه الروعه والجمال
سلمت انملك وسلمت انامل الاخون
الذين تم تعريف شاعرها
يعطيكم العافيه جميعآ
ابن بروان