اللي يكمل هالقصيده تروني ابزوجه بشرط انه عزوبي

[بندر الخريصي]

زوبع هلي غلى هل العف والنقا شمر خيار القوم شمر بوقتهم شمر على قل القبايل فعالها


ابغى تكملت هالقصيده ومنهو الشاعر

[راكان المعجل]

زوبع هلي غلبا هلا العف والنقى
.................................................. ........وشمر خيار القوم شمر ثقالها

شمر هلا الردات شمر بوقتهم
.................................................. ....... شمر على كل القبايل افعالها

ولو هي تعود امجاد شمر وعزها
.................................................. ....... شمر على كل الخلايق ظلالها

شمر هلا النوهات شمرهلا الخطى
.................................................. ...... شمر طنايا طي شمر اجبالها

شمر اعفاف العرض شمر هلا الخوي
.................................................. ...... الفكر صخرها ولا احد(ن) قوالها

من غير قاصر بالقبايل وحضرها
.................................................. ........ منهم مثل شمر على ما مضالها

إذا الناس ارض(ن) وهم شمر رجومها
.................................................. ............ومهما زموا بالزود شمر اجبالها

وإذا الناس غيم(ن) زام واستنزل البرد
.................................................. ........ شمر بحر ما ضايقه باحتمالها

وإذا الناس غيم زام بالجو وانتهض
.................................................. .......... شمر نجوم ولا وصل مستوالها

والله لولا لابتي ضايع الوفا
.................................................. ..... ومحمد العوني سبقني وقالها

ويقول فجحان الفراوي بجودهم
.................................................. ..... منهم مثل شمر رخيص(ن) حلالها

أحبهم واحب منهو يحبهم
.................................................. ....... وابغض من ابغضهم ولاني بحالها


وهالابيات للشاعر المبدع علي المحيا ...





أخوكم:::::::::راكان المعجل

[بندر الخريصي]

الله لا يهينك ياراكان وما قصرت والعرس نتفاهم عليه

[راكان المعجل]

ياخوووووي اسكت لاحد يسمعك قصر حسك بشششششوووووييييشششش انا متزوج تكفى فكا" العزوبيه ووواجد


ترى كلمه ابزوجك اعتبرها دعوه علي ههههههههههههااااااااي





أخوكم:::::::::راكان المعجل

[المرجف]

^
^
راكان
اللي يكمل هالقصيده تروني ابزوجه بشرط انه عزوبي
دام انك مانت عزوبي ------>:118:

اترك لنا فرصة نستبق يااااااااخي:73:

<< خلك مع اول الرجال لو بنتف اللحى:125:

تحية تقدير

[حامد مدلول الجبل]

الله يسامحك ياراكان سبقتنا على الرد وطيرت علينا فرصة الزواج.........؟

يالله قاسمت خير

[فيصل بن نجيفان]

الاخ بندور

السلام عليكم

حياك الله اخوي الكريم بمنتديات الطنايا ونشكرك على هذا الموضوع وهذه القصيده

وايضا نشكر اخونا الغالي راكان المعجل على اضافة القصيده واتحافنا بها ..!!

* سيتم نقل القصيده لـ منتدي الصناديد

تحياتي لكم

ولا تحرمنا اخوي بندور من المشاركات

[ابن برزان]

قصيده جميله ومداعبات شيقه
شكرآ لكم جميعآ
ابن برزان