قصيده تنشر لأول مره مدح لعموم شمر وذكر بعض معاركهم

[مطير الرخيص]

هذه القصيدة قالها تركي صويان الرخيص رحمه الله ويوجهها لرشيد بن مجلاد العنزي



بديت باللي فوق عرشه ولاشيف
خلاق كل الخلق قوات الانفاس
قام الاديب يولف القاف توليف
بكلام احلى من لبن كل عرماس
الذ واحلى من حليب المشاعيف
واحلى من السكر بصب على الكاس
يارشيد والله لولا اللي يذل ويخيف
والحكم مايمشي بهون مع الناس
ياكود تنسى الزوم هو والتغاليف
لولا دروا حاكم يقطع الراس
والله فلاترتع من الكنب ياسويف
ياكود بالبشري ورا كل الاقواس
مار ابن مقرن كتف الناس تكتيف
ابن سعود معرب الجد والساس
ولولا الشنيفي وابن عمار والسيف
وقطعة مناصيب وحبس وحباس
يارشيد تر شمر ماهم لك على الكيف
وابي انصحك ياشوق مدقوف الالعاس
عاداتهم حط الضمان وحراجيف
شوك على كبود العدا كسر نوماس
وعقب الرزالة ماتفيد التحاسيف
على القصاير فودكم كصمة الباس
ترحيلة الشيشي وتوضيلة الضيف
ماسويت من دور نوح وجساس
عرضت روحك للعرب والسواليف
وامر ضربته يابن سعران مايقاس
افطن لقول الدسم بالجار والضيف
دون الخوي تلفت نفوس وفنت ناس
عملت عمل يابن مجلاد ياحيف
افطن لجدك بالعيا مابه الراس
تر شمر عقبان روس المشاريف
ندر حرار به فروخ وقرناس
هل الحمية والرباع المشانيف
عيال الطنايا متعبة كل عرماس
ياما قطعنا دونكم من قفاقيف
من فوق حيل وضمر مثل الاقواس
ذولي مصادير وذولي مناكيف
يتلن عقيد للمعاشير نساس
خمن عقل حوران مثل الشواحيف
وياما عدن مع واد الامياه غلاس
زوبع زبون الطيب ياجت على الكيف
بيومن يغطى القبس والعج الالباس
عاداتهم تفريق ذود مواليف
وتفريق خل عن خليله بالياس
وجمع الضياغم مثل لون بتوصيف
مزن تردم وارتدم له بغلطاس
شعايله بمصقلات المراهيف
يمطر غضب سيله من الفصل محتاس
وهل اللحيسة يوم رعي الاطاريف
ضد الضديد ليا هبا كل نساس
هم سورنا من شرق ياشيف
ماعيف سور يذري يوم الارياق يباس
واولاد علي باللقا فعلهم شيف
للمرجلة سور وحبس لها ساس
كل عزيز الجار مع واجب الضيف
زمل منيبه للنوايب بلا خاس
وقبل نهدي من براسه زعانيف
حتى الشريف اللي تحسبون ما يقاس
بصوته نخا بيص وهم به مزاليف
كم جثة مطشوشة مابها راس
يوم ابوغار المنتفق مع اهل السيف
ضفره وشويانه وماكان جماس
ولد الشبيبي جمعه ماله اطاريف
وجوه الطنايا اللي على الحرب علاس
وغيره قدايم مالعده تواصيف
باللي مضى تذكر فعايل بني ياس
يوم العجرش ينغز الثور بالصيف
دبر ضنا وايل وطابور عباس
باسباب خاكور وعيوا هل الكيف
كرام اللحى جابوا مع المدح نوماس
شمر معشية النسور المهاديف
وعرج الضباع وخالطه سحم الاجناس
كم واحد من ضربهم راح ما شيف
ياقطبوا شهب النواصي بالالباس
غلبا على حياض المنايا مزاهيف
ياصار باركانه تقل ضرب نحاس
ياقطبوا سرد المهار المزاغيف
ياما وقع بنحورهم كل مدباس
وانشد زبار وريك وين الهذاليف
ووين العواجية بعد عين دماس
نوت ضحي العيد عنز المخاشيف
تشلخ خدود كنهن لون قرطاس
ماتشوف سعدون جداه التواصيف
يقعد بهمه والمعاليق يباس
وابوك مايقضب بكل الاطاريف
وابو فلاح شوق من قضت الراس
ومناخ ضفرة من شتاكم الى الصيف
ورحتواكما غيم تقفاه نسناس
وافطن لكون ثمير بالطرق والسيف
وكون الجميما كلكم مع ضنا جلاس
جنبتوا الحلة وبيض غطاريف
حزة غروب الشمس مع وقت الادماس
صمايل يارشيد ماهي تصانيف
واللي صغير مار يسمع من الناس
مار انشد الشياب بيض الدفاديف
عن قرنة العوجان بالمقط وامراس
كم خفرة منكم دموعه تذاريف
عقب التعجرف والغوا تشعط اللاس
وياما مرج منكم من الطمح العيف
كل على خله عوت عويت الياس
ودونك ندا زتوه مع له مواهيف
من عقب مابراسه طغا طيب وعطاس
بخشوم فنش للطرايد معاليف
بايمان عيان على الفعل لهاس
امه تقد الجيب قد اشقر الليف
لوهو على وضح النقا كان لاباس
وملواح لاحك والشرط لك وقاقيف
بطابوقة كصم حنوكك والاضراس
وانكان تبي حربنا وبك زعانيف
فنك من الحكمين تاخذ لنا باص
تجلب وجاهك كان لك قدر تشريف
معكم ثلاث ايام ياعيون الاتياس
نفخ البريصي مالكم به مصاريف
صلح شياهك واقطعوا واخس ياخساس
ابن عقيل ياحمير المناديف
ثلاث ساعات شراهن بلا قياس
ولاهو على الدنيا كثير التحاسيف
من صلب شيخ مقطعه غاية الماس
واسقى المعادي من سموم الهزاريف
وشرب الزلالي وانجلى كل هوجاس
وتمت وزكيناها بصدق وتلطيف
على النبي صليت ووحدت الاخلاص

[نـــــاايـــف]

,
بيـــض اللــه وجهـــك على طرح
هاالقصيــــــده وصــح لسـانك ولسـان الشاعــر

لاهنــت لاهنــت

,

[الميموني الشمري]

صح السانك والسان القائل
على هذه الرائعة

[المهندس الرااقي]

كفوووووووووو كفووووووووووو والله يابن رخيص ايه هذي اللى ندوره من زمان بارك الله فيك يالغالي قصيده قويه ورد ملجم وهذي عوايد الطنايا

[ابو حارث المدعول]

بيض الله وجهك

وصح لسانك ولسان الشاعر

[مطير الرخيص]

نايف وجهك ابيض وصح بدنك ماتهون
الميموني الشمري صح بدنك
المهندس الراقي ماعليك زود وانشاءالله هناك المزيد
ابوحارث المدعول وجهك ابيض
الجميع دمتم بصحة وسلامة

[ممدوح العبيدي]

والله ونعم يابن رخيص اشهر من نار على علم ..

تحيات الجعفري

[مطير الرخيص]

العبيدي
ماعليك زود يالجعفري