راكان المعجل
2006-01-24, 03:20 AM
الجنازه عبدالعزيز المتعب الرشيد هو أحق أنسان بهذا اللقب له من الاولاد عصبه لابأس بها ولكن هذه القصه
تحكي عن اولاد بنت حمود التي تزوجها عبدالعزيز وانجب منها اربعه وهم محمد ومتعب ومشعل وطلال ولم يسمح القدر
بأن يكملوا حياتهم وان يصبحوا ابطال مثل ابيهم أخو رثعه ومثل أجدادهم الاشاوس فلقد تم قتلهم غدرا" من خوالهم
اولاد حمود وهم سلطان وسعود وسبيت كما جاء بالقصيده وكان المقصد من قتلهم استلام الحكم بدلا" منهم وفعلا" حدث
ما ارادوا ولم يكن حمود يعلم وكان نائم وقت القيلوله ولما سمع صوت احد الصبيه قام ووجد سلطان يقطع ابن بنته محمد
وكانوا اخوته قد سبقوا بذبح الاخرين وتمت الجريمه فأصابه الحيف من اولاده ولما علمت امهم صابه الجنون وهي تردد
بعد ان جلت للمدينه المنوره وهي عايفه للدنيا وشبعانه من الضيم....
تعززوا للي جلت للمدينه = ياللي عيال ابوه تعشوا عياله
وكذلك ابيها رحل عن حائل وبالمدينه قال القصيده بعد ان ارسل له ابنه سلطان رساله يطلبه بها ان يعود فرفض وقيل انه
توفي بالمدينه رحمه الله تعالى
والى القصيده المحزنه
هيضت ما كنيت وابديت ما اخفيت =ولانمت سايلت حالي لحالي
ولانمت انا عقب الهرم ثم سجيت =الاربعه بالحلم كلن لفالي
ياليتني قيلت معهم ولاجيت =ولاشفت تقطيعه محمد قبالي
متعب ولد بنتي لشوفه تشافيت =ولاأبطيت ما جيته هو اللي عنالي
ومشعل يداوي الجرح لو ماتداويت =ولاشفت زوله ورد الماء حبالي
وطلال ينجيلي وانا له تناجيت =وعز الله انه من نضايض حلالي
وعز الله اني بالعهد ما ترديت =مار ان جاء بوق العهد من عيالي
وعز الله اني للمراجل تقصيت =مع نسل عبدالله من اول وتالي
محمد عقيم باللقاء حصل الصيت =وحاش المراجل دقها والجلالي
وسبهان زكاله جميع العفاريت =هل الجبل واللي بروس العوالي
وجاه ابن أخوه ومثل ماصار سويت =وعز الله اني نعم ضيف عنالي
المسجد اللي به على ابوي صليت =والياذن المذن نحرته لحالي
والله لولا عورتين فلا جيت =موضي وبنت العم ماله رجالي
عطيتهن عهد اليا صبحت ومسيت =اني لكن عد غدير الزلالي
مار ماينفعن كثر المنى لو تمنيت =ولاينغرف دم صفق بالسهالي
ويلي عليهم ويل حي على ميت =او ويل عطشان على اللماء الزلالي
والويل الأخر خابره مار ذليت =من موضي تزعل الياجوا قبالي
شمر بني عمي وعنهم تززيت =واقفيت عن نجد وانا به شفالي
اقفيت يادار الخطاء عنك والويت =مثل البعير اللي مصيبه جفالي
خليتها لعيون راع المشاخيت =اللي أعهوده كثر صرف الريالي
سلطان لاتطريك دنياك ياشيت =الشمس لو زانت يزول الظلالي
سلطان ورث الميت مثلك غدا ميت =الليله الظلماء سببها عيالي
جاني منك خط تقل ريح كبريت =تواعدوا بأخذه جرود الزوالي
ميزاك فرس محمد طايل الصيت =او فرس ابو متعب محازي الرجالي
لو لك ركاب مثلهن كان فزيت =تغزي عليهن شرق وألا شمالي
سلط على سلطان وسعود وسبيت =ومن بغضهم حاربت انا كل غالي
وحكيك طوال ماتعدت سماريت =اركن على حلقي طرير الاوالي
وصلاة ربي عد مازاروا البيت =على النبي محمد بالكمالي
وفعلا" صابتهم دعوة ابوهم وكلن قتل اخوه وانتهاء حكمهم بأستلام سعود العبدالعزيز المتعب الذي هربوا به خواله
للمدينه وهو من بنت ابن سبهان وبذلك عاد الحكم الى احفاد عبدالله العلي الرشيد
وتقبلوا تحياتي
تحكي عن اولاد بنت حمود التي تزوجها عبدالعزيز وانجب منها اربعه وهم محمد ومتعب ومشعل وطلال ولم يسمح القدر
بأن يكملوا حياتهم وان يصبحوا ابطال مثل ابيهم أخو رثعه ومثل أجدادهم الاشاوس فلقد تم قتلهم غدرا" من خوالهم
اولاد حمود وهم سلطان وسعود وسبيت كما جاء بالقصيده وكان المقصد من قتلهم استلام الحكم بدلا" منهم وفعلا" حدث
ما ارادوا ولم يكن حمود يعلم وكان نائم وقت القيلوله ولما سمع صوت احد الصبيه قام ووجد سلطان يقطع ابن بنته محمد
وكانوا اخوته قد سبقوا بذبح الاخرين وتمت الجريمه فأصابه الحيف من اولاده ولما علمت امهم صابه الجنون وهي تردد
بعد ان جلت للمدينه المنوره وهي عايفه للدنيا وشبعانه من الضيم....
تعززوا للي جلت للمدينه = ياللي عيال ابوه تعشوا عياله
وكذلك ابيها رحل عن حائل وبالمدينه قال القصيده بعد ان ارسل له ابنه سلطان رساله يطلبه بها ان يعود فرفض وقيل انه
توفي بالمدينه رحمه الله تعالى
والى القصيده المحزنه
هيضت ما كنيت وابديت ما اخفيت =ولانمت سايلت حالي لحالي
ولانمت انا عقب الهرم ثم سجيت =الاربعه بالحلم كلن لفالي
ياليتني قيلت معهم ولاجيت =ولاشفت تقطيعه محمد قبالي
متعب ولد بنتي لشوفه تشافيت =ولاأبطيت ما جيته هو اللي عنالي
ومشعل يداوي الجرح لو ماتداويت =ولاشفت زوله ورد الماء حبالي
وطلال ينجيلي وانا له تناجيت =وعز الله انه من نضايض حلالي
وعز الله اني بالعهد ما ترديت =مار ان جاء بوق العهد من عيالي
وعز الله اني للمراجل تقصيت =مع نسل عبدالله من اول وتالي
محمد عقيم باللقاء حصل الصيت =وحاش المراجل دقها والجلالي
وسبهان زكاله جميع العفاريت =هل الجبل واللي بروس العوالي
وجاه ابن أخوه ومثل ماصار سويت =وعز الله اني نعم ضيف عنالي
المسجد اللي به على ابوي صليت =والياذن المذن نحرته لحالي
والله لولا عورتين فلا جيت =موضي وبنت العم ماله رجالي
عطيتهن عهد اليا صبحت ومسيت =اني لكن عد غدير الزلالي
مار ماينفعن كثر المنى لو تمنيت =ولاينغرف دم صفق بالسهالي
ويلي عليهم ويل حي على ميت =او ويل عطشان على اللماء الزلالي
والويل الأخر خابره مار ذليت =من موضي تزعل الياجوا قبالي
شمر بني عمي وعنهم تززيت =واقفيت عن نجد وانا به شفالي
اقفيت يادار الخطاء عنك والويت =مثل البعير اللي مصيبه جفالي
خليتها لعيون راع المشاخيت =اللي أعهوده كثر صرف الريالي
سلطان لاتطريك دنياك ياشيت =الشمس لو زانت يزول الظلالي
سلطان ورث الميت مثلك غدا ميت =الليله الظلماء سببها عيالي
جاني منك خط تقل ريح كبريت =تواعدوا بأخذه جرود الزوالي
ميزاك فرس محمد طايل الصيت =او فرس ابو متعب محازي الرجالي
لو لك ركاب مثلهن كان فزيت =تغزي عليهن شرق وألا شمالي
سلط على سلطان وسعود وسبيت =ومن بغضهم حاربت انا كل غالي
وحكيك طوال ماتعدت سماريت =اركن على حلقي طرير الاوالي
وصلاة ربي عد مازاروا البيت =على النبي محمد بالكمالي
وفعلا" صابتهم دعوة ابوهم وكلن قتل اخوه وانتهاء حكمهم بأستلام سعود العبدالعزيز المتعب الذي هربوا به خواله
للمدينه وهو من بنت ابن سبهان وبذلك عاد الحكم الى احفاد عبدالله العلي الرشيد
وتقبلوا تحياتي