المرجف
2006-01-25, 09:33 PM
هذي سالفة جرت عند عبدالكريم الجربا( رحمه الله تعالى ) ..
هذا قيل ان الحدب يطلب ابن درعان ولقاوه ببيت عبدالكريم الجربا وذبحه ، وزعل عبدالكريم لانه ذبحه ببيته_ والاهو يطلبه _ وقال ياسنجاره ديرتي تعذركم !
ورحلت سنجاره من عنده ثلاث جموع ؟
وبعدين قالت ام عبدالكريم لردهان ابوعنقا : ياردهان وشبلاك ساكت؟ ليه ماتحتسي ؟ ليه ما تكلم ؟
قال: والله ماحصل لي حجة على ولدتس !
قالت: انا احط لك حجه ، وهي تامر على العبيد قالت : فدزوا ( فتقوا) البيت ! وليا عليهم هواء
قال ابوخوذه : رودزوا ( روقوا) البيت , قالت : هدم بيتك هذولي خيوط ماهن فاكاتك ، وقالت : عندك يابوعنقا .. قال ردهان :
الرخصة يامحفوظ . قال : آه وش تبي تقول ياردهان ؟
قال ابا قول :
راكب من فوق موميات السفايف=حمر(ن) وهن من حدر يكسن بلهن خام
محيلات عقب ماهن عسايف= رمل لياما شالن الربع عام باثر عام
يدن كلام من دماغي نظايف=من راس عود صايبه غث وهيام
يلفن لياعبدالكريم ابو نايف=ياعل عمره دايم طول الايام
ياشيخ ياللي للمحزم حلايف= يا شبه زملوق الثريا ليا زام
يا لولب الحكام وافي الكلايف= لولا عليك من المشاليق مثلام
اصغت راسك يم راعي غرايف= لاقاعد(ن) عزك بصدره ولا قام
حطاط دزيح بالقلوب النظايف= عجل على نقل المشاليق مايلام
عسكركم اللي ماتريد العلايف=حق لكم من دورفارس وزقام
امكن تراها ما تفيد الحسايف= شي يفوت البارحه عده العام
من قبل كسر ما تضبه سنايف= كسر ضربر ولا يواليه حزام
وليا عندهم تريباني قال : الرخصة يامحفوظ . قال آه وش تبي تقول ياالتريباني ؟
قال : ابا اقول :
راكب اللي فوقها تقل مرجوم=ضافي سبيبه واصل ليا كعوبه
البارحة ياشيخ انا بت مهموم= من علة باقي العرب ما دروا به
امشي بوسط نزولكم تقل منجوم=وتلعب بي الدنيا على غير دوبه
دار جفت فرق اللغى لولب الروم=تنعاف لو هو ريح مسك هبوبه
يا محارب العمان يا مرافق القوم= يا شيخ حورانيتك وش ذنوبه
اذخر هل الجدعا ليا جاك مزحوم=ليا جنبك خطو الجهالا دروبه
خيال خلى عين المارعي تقبل النوم=ليا فككت بقعا عليكم دروبه
قال عبدالكريم : ارموا البيت !! ارموا البيت دهدوم وجرف مهدوم جميع اللي فات........
وهم يشيلون ويلحقون سنجارة وهم يرجعون كما كانوا اول ...
وهذا اللي عرفنا من قصته ؟
والامر متروك للاخوان اللي عنده تعديل ..
حسب ماسمعته من شريط لاحد رواة شمر ..
والمعذره عن القصور ..
وسلامتكم
هذا قيل ان الحدب يطلب ابن درعان ولقاوه ببيت عبدالكريم الجربا وذبحه ، وزعل عبدالكريم لانه ذبحه ببيته_ والاهو يطلبه _ وقال ياسنجاره ديرتي تعذركم !
ورحلت سنجاره من عنده ثلاث جموع ؟
وبعدين قالت ام عبدالكريم لردهان ابوعنقا : ياردهان وشبلاك ساكت؟ ليه ماتحتسي ؟ ليه ما تكلم ؟
قال: والله ماحصل لي حجة على ولدتس !
قالت: انا احط لك حجه ، وهي تامر على العبيد قالت : فدزوا ( فتقوا) البيت ! وليا عليهم هواء
قال ابوخوذه : رودزوا ( روقوا) البيت , قالت : هدم بيتك هذولي خيوط ماهن فاكاتك ، وقالت : عندك يابوعنقا .. قال ردهان :
الرخصة يامحفوظ . قال : آه وش تبي تقول ياردهان ؟
قال ابا قول :
راكب من فوق موميات السفايف=حمر(ن) وهن من حدر يكسن بلهن خام
محيلات عقب ماهن عسايف= رمل لياما شالن الربع عام باثر عام
يدن كلام من دماغي نظايف=من راس عود صايبه غث وهيام
يلفن لياعبدالكريم ابو نايف=ياعل عمره دايم طول الايام
ياشيخ ياللي للمحزم حلايف= يا شبه زملوق الثريا ليا زام
يا لولب الحكام وافي الكلايف= لولا عليك من المشاليق مثلام
اصغت راسك يم راعي غرايف= لاقاعد(ن) عزك بصدره ولا قام
حطاط دزيح بالقلوب النظايف= عجل على نقل المشاليق مايلام
عسكركم اللي ماتريد العلايف=حق لكم من دورفارس وزقام
امكن تراها ما تفيد الحسايف= شي يفوت البارحه عده العام
من قبل كسر ما تضبه سنايف= كسر ضربر ولا يواليه حزام
وليا عندهم تريباني قال : الرخصة يامحفوظ . قال آه وش تبي تقول ياالتريباني ؟
قال : ابا اقول :
راكب اللي فوقها تقل مرجوم=ضافي سبيبه واصل ليا كعوبه
البارحة ياشيخ انا بت مهموم= من علة باقي العرب ما دروا به
امشي بوسط نزولكم تقل منجوم=وتلعب بي الدنيا على غير دوبه
دار جفت فرق اللغى لولب الروم=تنعاف لو هو ريح مسك هبوبه
يا محارب العمان يا مرافق القوم= يا شيخ حورانيتك وش ذنوبه
اذخر هل الجدعا ليا جاك مزحوم=ليا جنبك خطو الجهالا دروبه
خيال خلى عين المارعي تقبل النوم=ليا فككت بقعا عليكم دروبه
قال عبدالكريم : ارموا البيت !! ارموا البيت دهدوم وجرف مهدوم جميع اللي فات........
وهم يشيلون ويلحقون سنجارة وهم يرجعون كما كانوا اول ...
وهذا اللي عرفنا من قصته ؟
والامر متروك للاخوان اللي عنده تعديل ..
حسب ماسمعته من شريط لاحد رواة شمر ..
والمعذره عن القصور ..
وسلامتكم