قصيدة مرثية نادرة للعوني

[المرجف]

مرثية بالأمير / عبدالله الطلال الرشيد

هذه القصيدة تعتبر من القصائد النادرة للعوني....يقول فيها:



يا راعي القبر الـذي بايسـر القـور=غربٍ عـن السمـرا بريعـان حايـل
مشطـرٍ كنّـه عـن النـاس مجـدور=يمـا عليـك مـن القلـوب الغـلايـل
العفو يامـا بـك مـن العـز مذخـور=لو هـي جـذت عنـك سنيـن قلايـل
عساك بالفردوس ترجـح لـك الحـور=لـو كـان خليتـن ولابـك عقـايـل
خليتنـي فـردٍ مـع النـاس مثـبـور=واعرف تـرا مالـي بحايـل مسايـل
لاتحسبني يا أشقـر الريـش مسـرور=أو زاد درت بـك العـوض والبدايـل
لا والله إلا غبت وغاب عن عيني النور=ومـن بيننـا حالـت كبـار النثـايـل
والله يا لـولا لـي ببـرزان ماسـور=أرجي عسى به مـن طبوعـك مثايـل
واطلب به الأسبـاب لوقيـل محقـور=وأرجي عسى يظهـر ويبـرد غلايـل
فلا قيم يـوم بيـن درعـان وسـرور=وأشـوف خيلـك يركبونـه رذايــل
ولا أشوف سيفك كل يوم مـع الكـور=وصوركـم بـه غيـر أهلكـم نزايـل
الخابـر الله كـان مقعـد بـهـا دور=ولانيب من يصبر على شـوف حايـل
عندي ذلـول فوقهـا ننسـف الكـور=ولـي عنـد صبيـان المعرفـه دلايـل
وأدوج بالدنيـا ومـا حـل مـقـدور=وأقـول راحـو والخلـف بالبـدايـل
لاشـك واللـي يجلـي الليـل بالنـور=ماطلـب بدلكـم مـن جميـع القبايـل
معكـم ومنكـم بالتياسيـر وعـسـور=هـرجٍ يعرفونـه رجــالٍ صمـايـل
يحـرم علـي مصاحبـة كـل منعـور=للحشـر مـا تسكـن علـي الحلايـل

[حامد مدلول الجبل]

لله درك يابو نسب ، نبي بعد مرثيت القاضي با الامير طلال كان تعرفه اللي يقول

يوم استتمة له وجت له على الهوى_________جرا من سبب كفه على نفسه اتلافي

[المرجف]

تسلم يالغالي على مرورك الطيب

والقصيدة اللي تبي ماهي خافية على احد ؛)

ان حصل لي جبته ابشرررررررر ان تامر وحنا نطامر

تحيتي

[راكان المعجل]

أخوي المرجف شكرا" لك على هالبداع وتدري ليه العوني قصد بعبدالله الطلال لانه هو من توسط بزواجه من احدى بنات

حايل وكان صديق للعوني شكرا" لك ملره أخرى لابداعك وتقبل تحياتي



أخوكم:::::::::::راكان المعجل

[المرجف]

اهلين براكان

ومشكور على التوضيح

لاخلا ولاعدم

تحيتي

[ابن برزان]

قصيده في قمه الروعه
يعطيك العافيه
ابن برزان