قلب و هموم و دروس و قنوات

[سليمان الذويخ]

القلب والهموم .. والقنوات!!


هات يا قلبي .. وعطني علومك والدروس = كم شفت اليوم .. لك من قناة .. هايفه ؟!
كم فكر(ن) في قناة .. يدسونه دسوس =ثم يعرض لك .. وما كن بعض الخلايق عارفه!
لعن ابو .. هالدش.. خلا الخايبه مثل العروس = ما تطالع غير مكياج ، والا طبيعه زايفه
قلــذ المكسيك ربعك .. وشغــّالين بوس = ونطلع اليوم انتمشـّى .. وش انتي خايفه؟!
وافقت من عقب ما صار تفكير(ن) لها محيوس حوس = وطلعت مع ذاك الأهبل .. تريد تلاطفه
صادفت طلعة عيال الحي من عقب الدروس = يوم شافوها.. فضيحه ، وصارت سالفه
يا جماعه .. كيف نرضى ، نلبـّس ها للبوس ؟= زادت الحرّه على حالكم .. هالتالفه
عقب ما كنا على الحق ، والفكر محروس = والمفاخر ما تشيله .. جبال نايفه
صار همك يالبنادم فقط جمع الفلوس = و صارت امتنا مهينه .. وقالت .. آسفه !

تحياتي لكم
ودمتم سالمين

سليمان الذويخ
(6)
24/5/1425هـ
9:45 مساء

[ابن الطنايا]

دمت وسلمت

كلمات معبره............ والحال مستمر ليته تبدل

حفظك الله

[سليمان الذويخ]

الأخ العزيز / ابن الطنايا

كل الشكر والتقدير لتفضلك بالمرور والتعليق


دمت وسلمت

تحياتي لك

[السكبه]

الله يعينك يا ابو احمد وشكثر تعاني من اوضاع الامه

هذه النصائح انشاءالله تكون في رصيدك

الله يعطيك العافيه ويعينك

تحياتي

[الساري]

الله يعين


صح لسانك يا سليمان


لاهنت

[سليمان الذويخ]

أخي العزيز ابو فيصل


اشكر تلطفك بالمرور وثناءك على جهد متواضع
ثناء وتشجيع نابع من حسن ذاتك ..ز لها في خاطري كل شكر وامتنان

تحياتي لك

[سليمان الذويخ]

أخي الساري

كل الشكر لتلطفك بالمرور

تحياتي

[السكبه]

كلمات جميله وحبيت ارفعها

لاعدمتكم

[ابو ناصر المحرج]

صح لسان سليمان الذويخ

على هاالكلام الواقعي

وتسلم يدك ابو فيصل على رفع الموضوع