رساله لابناء شمر

[نجم]

بسم الله الرحمن الرحيم

السلام عليكم ورحمة الله وبركاته

اخواني ابناء شمر عامه واهل المنتدى خاصه

الي متى وهذا الجفاء بين ابناء العمومه والله انه شي يحزن

ياشمر والله عيب عليكم يعني مافي موضوع الا فيه مشاحنات وفيه كلام

لايليق بشخص كريم بغض النظر عن نسبه انا اليوم بس داخل على ثلاث مواضيع

وجميع المواضيع الي دخلته فيه كلام (بايخ) هذا يطلع هذا من شمر والثاني يقول انتم

منتم شيوخ وهذاك يقول انت سارق الموضوع من منتدانا والله عيب ياناس انتم تكلمون

باسم قبيله مو باسم شخص ولا عائله ولا فخذ ياخي جميع القبائل ندخل على موقعهم

مانلقى مثل الردود الي عندنا والله يابعض الردود احلف ان الي كاتبهن عمره ماتيجاوز

عمر المراهقه .

ياشمر حنى لازم نخاف الله اولا ومن ثم نخاف من حظ رجال شمر الاولين ياخي والله

اردا شمري على دور الاولين يسوى الف رجال .

القبائل الثانيه يعتبر المنتدى عندهم تجمع وتعارف ياخي انا اعرف رجال من قبيله

عزيزه وهم ساكنين بمنطقه مافيها كثره من قبيلتهم اصبحو اصدقاء برا المنتدى

وصار لهم مجلس باسمهم واسم قبيلتهم ومتحاببين وليا جيتهم تسمع السوالف الطيبه

ولاودك تقوم منهم _ حنى ياشمر عندنا مدري كم منتدى وكل منتدى شان على الثاني حرب

ليه ياخي مانستفيد من كثرة المنتديات ليه اصحاب المنتديات مايجلسون مع بعض

ويستفيدون من خبرات بعض .

اخواني المعذره يمكن كلامي شوي جارح بس والله منغبن من الي يحصل .

ويكون بعلمكم جميعا والله ماتربطني اي علاقه باي شخص لا بالمنتدى هذا ولاغيره

ولاكن قلت الكلام من كثر ماشوف من المشاحنات والحسد الي حاصل بينا ابناء العمومه .

وانا اخص بدعوتي هذي جميع الاخواه الي لهم مشاركات فعاله .

والمعذره على الاطاله

وتقبلو فائق التقدير والاحترام

[ابوحاتم الخريصي]

اخى العزيز / نجم / اسعد الله اوقاتك بكل خير اضم صوتى لصوتك ايها الغيور الشريف العفيف

اخى الكريم انا لست مشرفا ولا مراقبا ولا مسئولا بالمنتدى ولكن لما الاحظ شئ من اللي ذكرت ارسل للاخوه

المسئولين وفيهم البركه بحذف اي شئ يمس العوائل او الافخاذ اوحتى القبائل الاخرى مهما كانت

لاحظت بالفتره الاخيره ان هناك اشخاص يتطاولون على الجربان وهذا يحز بالنفس ومالهم حظ يقولون

الكلام الناقص عن العائله الكريمه
للعلم اننى بمنتدى آخر مراقب عام ومشاركاتى تعدت 10000 مشاركه وهناك نحن من جميع القبائل والمذاهب والدول ايضا ولاتوجد تلك المهاترات ،،،،،،،، ولكن احن جدا لهذا المنتدى الذي يحمل اسم القبيله ولايخصص
فخذ معين ياخي شمر واحده وكلهم خير وبركه ورديهم ردى الذيب

فارجو من يقرأ الكلام ان يجعل الله نصب عينيه ويراعى ضميره قبل البدأ بكتابة اي شئ واذا اراد ان يسأل
سؤال خاص يرسل على الخاص وليس امام الجميع حتى الزوار يقرأون مثل البيت المفتوحه ابوابه وكلن يرى مابداخله

سلمت اخى وسلمو كل شمر عامة من كل شر ،،،، يارب

[فديت فريس شمر]

جزاك الله خير..
وكلامك حقيقي..
والبركه في اهل النخوة المتعلمين
من ابناء القبيله.

[سنجار]

الاخ نجم اشكرك على هذه الشيمه والتذكير دليل على وفائك لقبيلتك

اخي نجم أوكد على حرص موقعنا عن احترام شيوخ وحمائل شمر وبطون شمر جميعها وقد وضعنا القوانين

التي توجه الجميع للوحده والمحبه ونظراً للنجاح الذي حققه موقعنا ولكثرة المواضيع الهادفه التي يحتويها

يأتي من ضعاف النفوس الذين متقصدين ان يسيئوا لهذا الصرح الشامخ وكل من يتعرض لاي شيخ او

حموله من حمايل شمر على صفحات هذا الموقع فهونذل وحقير وجبان ولكن بهمة الاداره والمراقبين

والمشرفين والاعضاء المحترمي سنمنع كل من تسول له نفسه بالاسائه ونهيب بالجميع ان يخبروننا بأي اسائه

اومخالفه للقوانين واكرر شكري لك واشكر حرصك

[مجروح الزمن]

الله يكون بالعون ومثل ماتشرفت أخوي أن اللي يردون بعضهم صغار بالسن وهم اللي يثيرون ضجه بين الكبار والبركه في المشرفين والمراقيبن أي موضووع يشوفون فيه نوع من البغضاء والمشاحنه يغلقوه مباشره وبكذا راح تخف المشاكل ..

لانه بالاخير منتدى يرفع أسم قبيلتنا والمواضيع والردود هي اللي تعكس صورتنا عند الغير وأتمنى لو يكون هناك شخص يعني يامراقب يامشرف المهم يكون مسؤؤل وتكون شغلته أي بدايه شراره يكون بالواجهه وينذر صاحبها برساله خاصه والا يغلق الموضوع وبكذا صدقوني راااااااح تخف المشاكل بشكل ماتتصورنه تحياتي للجميع وأشكرك أخوي الغالي على الحميا وحرصك الزائد لك كل الشكر والاحترام ..

[ابو حارث المدعول]

اخى نجم

حياك الله .. هذا من غيرتك وحمياك على بنى عمك

بيض الله وجهك

وكما قال الاخ سنجار ..

بمساعدتكم انتم الاعضاء يكتمل

عملنا كمشرفين ومراقبين

[الشمريه المجهوله]

الاخ الفاضل

نجم

بارك الله فيك على الحميا والشيمه الشمريه

وعلى حرصك الشديد على وحدتنا واحترام بعضنا البعض

وهذا يدل على رقي اخلاقكم العاليه

دمت بخير

[نايف الصنيدح]

تشتت شمر هي بداية النهاية
اذا لم يسن قانون صارم للمنتديات

[نواف فيصل الجربا]

مـبـداي

بـســـمـ الله الرحمن الرحيـــمـ

مـسـاك الله بالخ ـير / . . . . ( اخـوي نـجـمـ )

والله والف نعم منك ومن شيمتك يا العزوه

بالعون هذا الكلام الي مفروض ينقال من زمان

يمكن انا من اصغر الاعضاء المتواجدين بهذا المنتدى الشامخ

لاكن والله ثم والله ما ارضى با المشاحنات الي اتصير بينا

والمشكله / . . . في ناس كثير من خارج القبيله تدخل واتشوف الكلام الي ايصير

وهشي هذا مو زين لنا بلاخص لان معرف اننا اهل نخوه وشيمه وكــرم

,
,

والشي الثاني وبلاخص . . . . . كلنا قبيله وحده

والي يبي يفتخر بالي اقرب له من عايله او فخذ خله يفتخر وكلنا نفتخر معه

بس ما ايصير ايذم حد من قبيلته

وحتى اذا في شي بالقلب ما ايصير ايطلعه

واسف لاني طولت بكلامي

لاكن هذا الكلام الي حسيت اني لازم اقوله


دمـت بـود اخـوي . . . . . نــجــمـ


.
.
.

[نبــــراس]

لاهنت يالغالي
وعزالله كفيت ووفيت
وكلامك هذا يمكن تكلم عن اللي بخواطرنا او الاغلبيه
عزالله صادق
لاافتخر الواحد بااحد من اهله والا من القريبين اللي له
والله كلنا نفتخر به
لان كلنا بالنهايه شمــر
ماودر اتطرق للطرف الثاني من الموضوع
لاني عارف انهم صغار وتجهلهم بعض الامور هاللي يتكلمون على بعض ربعنا اللي بهذا

[فهد خلف الكليب]

اخي نجم بيض الله وجهك وهذي من شيم الكرام الذين يغارون على العشيرة وابناء العمومةوتقبل تحياتي

[نجم]

الاخ ابو حاتم الخريصي

كلامك يثلج الصدر

والاعضاء ماهم مقصرين والمشرفين كذالك

ولاهنت ياخوي

[نجم]

الاخ فديت فريس شمر

والاخ سنجار

والاخ مجروح الزمن

لاهنتو على المشاركه

وبيض الله وجيهكم

[منصورالمحداء]

مشكووووراخوي نجم وحنالواختلفناشوي نبقى اخوان وعيال قبيلة وحدة (واختلاف الراي لايفسدللودقضية)ومهماحصل حناالسناعيس ولاعاش من يدخل بينناويفرقنااويشوه سمعتناواكررشكري للجميع

[نجم]

اخوي ابو حارث

الاخت الشمريه

لاهنتو على الردود

والله يسمع منكم

[نجم]

الاخ نايف الصنيدح

المنتديات صعبه يسن له قوانين

ولاكن عسى ربك يهدينا

[نجم]

اخوي نواف الجربا

انت يمكن صغير بالسن ولاكن

كلامك يازن عقل شيبان

وانتم الحموله الي كل شمري يفتخر به

وتقبل الاحترام

[نجم]

اخوي نبراس

حياك الله على المشاركه

وصدق لسانك

وتقبل الود

[نجم]

الاخ فهد

وجهك ابيض

وهذي غيرة اي شمري

الاخ منصور

حياك الله

ولاهنت

[ملاك البشر]

السلام عليكم ورحمة الله وبركاته
مشكوووووور والله يعطيك الف عافيه ع الموضوع الرائع
امنيتي الامه تكون بخير
والله كريم