سنجار
2006-02-09, 06:01 AM
عندما حصلت معركة الجوف وكان الامير سعود الرشيد لم تكن معه القوه الكافيه امام نواف ابن
ابن شعلان الذي كان معه عوده ابو تايه وقبيلته وقبائل اخرى وكان يدرك ابن شعلان ان الشيخ ضاري
ابن طواله زعلان ولايشارك في اي معركه مع الامير سعود ولكن عندما اتاه الخبر الشيخ
ضاري
هب للفزعه كما هي عادته وهبت الاسلم على اسرع وقت للالتحاق بالمعركه وكما هي شمر
من السناعيس ومن زوبع التحقت بالمعركه
وعند سمع الشيخ نواف ابن شعلان بقدوم ضاري ابن طواله طفرة دمعته وقال له عوده ابوتايه
عوده = ياحيف ياراع العليا
الشيخ ابن شعلان = والله ماهو خوف ياعوده ولكن ابكي على شيمة شمر اللي تناسى ضاري
كل شي وفزع وابوي ماهو بعيد عني ولافزع لي
وحصلت المعركه وكان النصر لشمر حتى هذا الموقف اذهل الشاعر الكبير محمد العوني
الذي التحق مع شمر بعد معركة الصريف بفتره
وقال هذه القصيده
الاعمار سفن والسنين ابحار = والاقدار تجري والغباب اغزار
ولو صارت ولم وصارت سليمه = صيور مرجوع العمارا دمار
آلهي وليي ومسندي وانت فزعتي=ليا عاد وحدي والخصوم اكثار
وانا في ذراك وحدر ظلك وجيرتك=تبريت من غيرك ابكل ا جوار
وفوضت امري لك وحيلي وحيلتي =وحاشى لجارً في ذراك يذار
ونويت بعد اتكالي على الولي =أعد ماشاف النظير وصار
واقول لركبً للعقيلي ترحلوا=على اكوار ما تطوى الزيازي احرار
ولا باس لو عجتوا لنا الهجن قدرما=ارسم جوابي والركاب احيار
فالي قضى ياركب شاني فشانكم=هموا همام ماتلاه احوار
جلايلً فج النحور علاكم=على اول جلس مابهن ابكار
حيل تماري بالمسير الى ادلجن = وساجن وداجن خمصً واضمار
فان حركوهن للهجيج ولجلجن = تشبه دوانيق حداه اعصار
اركبتهن من نقرة الجوف واشملن = كما جول ربدً صابهن ذيار
وبعد خمس ليلات ويلفن قبيله = لهم بالثنا علم بعيد اذكار
يلفن نواف بن شعلان بعد ذا = والنوري من له هرجةً واجهار
قولوا له يازبن المخيفه عن الردى= ترى النصح يشرى والصحيح اقرار
نقول لك ما للرشيد مقابل = الا لمن يكتب عليه ادمار
ونخبرك عن ماضي الليالي بفعلنا = بهن شفتنا بالناظرين اصغار
هميت بامرً مايهمه غيرك = تريد تقنص بالدجاج احرار
جبت الحوازم والشرارات خلطهم = وابو تايه يرثع بغير اهجار
حاشا ولي العرش يخلف وعايده = يركب على سرج الحصان احمار
أما هل العليا فنعم القبيله = لاشك ماهد الجبال جدار
تكابرتوا منزلكم علينا وغركم = تحسبونا حضرً حماه احظار
حنا ندور الناس ماهي تدورنا = لا شك ذي ثارت بغيرا عيار
جتنا مناديب من الجوف قولهم = ما عاد بالجوبه يسوج اوسار
جينا ثلاثمية ذلول نحثهن = نبي نعدل مايلً ويسار
لما وردنا الحزل جتنا ركايب= يقولون كل اللي يقال ابوار
يقولون ابن شعلان بالجوف نازل = ومن كان له قبل صديقً بار
وابن مويشير تبين بقولهم = وقامت عليه الديرتين ا وحار
وشرنا برد الناس والحاق قومه =تودع بواليد الحديد اكسار
وشلع طير شلوى ماتصبر لشورنا =يقول مادون الرفيق اعذار
وعيبً على مثلي يهد وينثني = ليا شاف نيران الحريب اكبار
أنا صلب عبدالله وأنا شبله الذي= بنى للمعالي فوق ساسه دار
وهي الجدا في قديم افعالنا = ندخل ولا ننشد عن المعبار
كما وصف غواص ضرب وصط غبه = يشق البحر لو كان موجه فار
وكثرت بكم الخونات مع كثر قومكم = ورمتوا أمور ماترام اعسار
وقلتوا قليلين وذا قبل فعلكم = وحنا بضنكات الامور اكثار
جيتوا جموع صايلين تبوننا = هماتكم قبل الزحام اقمار
من قبل ما أوحيتوا غلامين قومنا =تنادى بحسً للحريب اذعار
اهل هدةً شفقا على الموت كنهم = وردً تمايل ماعليه احيار
تناخوا غلامين الجبل وشيخهم = الى مااحتكم صرف الزمان ا وجار
ليا صدووا بالراي مطلق بتوتهم = والموت يتليهم يخم اخيار
على حسب ابو تايه ونواف رايهم = يقولون ناخذهم بغير اعسار
وعفتوا وشفتوا رايكم عقب ماجرى =يقولون ناخذهم ابطول مدار
مساكين مادريوا من هو قبيلهم = ليا شب من نار الحريب اسعار
مادريوا انه اللي يديرون عامهم = يديره أبومشعل بشرب ابهار
مادريوا انه شالهم في ترابهم = وهم مادروا وش بالزمان ايدار
ابرم عليهم حيلةً ضيغميه = بفعل وتدبير سديدً اوسار
اظهر لهم نار او حاضى شرارها = أيضا بعد عقبه قفاه ابنار
ارسل لشمر نادر من مجاذبه =ابنه لياقام الخيم ابثار
ومشى بهم حمال الثقل ابو مشعل = على ديرته سج الركاب اوسار
الى مالفن به عزوة الشمرية = غلبا الى قب العجاج اوثار
من حين جاهم صاح صوت يحثهم = وبكى عبرة منها جرت اعبار
وبكى عبرة منها تجارت دموعهم =لينه مشى دمع الجلوس انثار
شمر ليا من العرب عدة العرب = ترى دونهم كل الجبال اقصار
لهم بالعلى والمعضلات قدايم = ليا قل جم الموجبات اوغار
وحبالهم بالضيق تروي رفيقهم = الى ماغدت كل الحبال اقصار
وهم نسل قحطان لحق عقب تبع = لهم بالعلى والطايلات امنار
واظن لولاهم فلا يذكر الوفا = ولا للحميه والعلى امدار
لهم على العليا فروض قدايم = ماهم لفيقً من حضير احظار
اشهد بشوفي يوم جانب شيخهم = وهم قبل غضبين عليه اجهار
مشوا في شنق شط الفرات عقايب = ميعادهم نار الحريب انهار
تلاوواعلى الحزل الديم وقيلوا = على اكوار حيلً بينهنً امهار
مشوا مثل مزنً يطحن في ربابه= سيله كسا وادي رويل اوحار
مشوا من يمين قبال وانهل ودفه = عجل غشى روس الزبار اغبار
على ايسر سكاكا بللقايط سقى اللوى= ليا ماركب خشم الطعوس اوجار
يرعد ويبرق والغضب في جوانبه = شاف ابو سلطان سناه اونار
خلا هل العليا وخلا حلالهم = وخلا خيامه والديار ايسار
وجنب عن ابنه والعيا ل ا وعمه = وهي على مثله كثير اوعار
وخمس اميه من لابته عزي لها = خلاه لعجاف السباع امزار
خلا المكاين والمدافع وانتحى =هو وأبو تايه فر عقله اوطار
ساعة نظر غلبا بالعين وشافها= بدل من عقب هز الشباة افرار
لابد من يومً تصيده شبولها = ولو اخطته مره تصيد امرار
على راي أبومشعل مقعد صغا العدا= الشيخ معدى من علاه اصطار
نشا بشب الحرب والضرب باتع = ياويل من يلحق عليه ابثار
كريم السجايا كلما حاش طوله = تزايد حلم او عفةً او وقار
وسيع جاش في ملاقاه للعدا = ضحا الدم من ضرب الفوارس فار
وهو سور خيله حين لاجت عن القنا = وهو من وراها فارسً صبَار
وهو الضاري الجبار ليا يغى العدا = وهو مودع العظم الصليب انثار
وهو مقدم الهيجا وهو فارس القضا = عليه دالوب القتال ايدار
وهو عظيم الجاه والشان والثنا = وهو واحد الدنيا بغير انكار
ياطالبين الحكم مهلاً ترفقوا = رويدا ترى قضب النجوم اعسار
تمت وصلى الله على سيد الورى = عدد من قصد بيته وحج وزار
ابن شعلان الذي كان معه عوده ابو تايه وقبيلته وقبائل اخرى وكان يدرك ابن شعلان ان الشيخ ضاري
ابن طواله زعلان ولايشارك في اي معركه مع الامير سعود ولكن عندما اتاه الخبر الشيخ
ضاري
هب للفزعه كما هي عادته وهبت الاسلم على اسرع وقت للالتحاق بالمعركه وكما هي شمر
من السناعيس ومن زوبع التحقت بالمعركه
وعند سمع الشيخ نواف ابن شعلان بقدوم ضاري ابن طواله طفرة دمعته وقال له عوده ابوتايه
عوده = ياحيف ياراع العليا
الشيخ ابن شعلان = والله ماهو خوف ياعوده ولكن ابكي على شيمة شمر اللي تناسى ضاري
كل شي وفزع وابوي ماهو بعيد عني ولافزع لي
وحصلت المعركه وكان النصر لشمر حتى هذا الموقف اذهل الشاعر الكبير محمد العوني
الذي التحق مع شمر بعد معركة الصريف بفتره
وقال هذه القصيده
الاعمار سفن والسنين ابحار = والاقدار تجري والغباب اغزار
ولو صارت ولم وصارت سليمه = صيور مرجوع العمارا دمار
آلهي وليي ومسندي وانت فزعتي=ليا عاد وحدي والخصوم اكثار
وانا في ذراك وحدر ظلك وجيرتك=تبريت من غيرك ابكل ا جوار
وفوضت امري لك وحيلي وحيلتي =وحاشى لجارً في ذراك يذار
ونويت بعد اتكالي على الولي =أعد ماشاف النظير وصار
واقول لركبً للعقيلي ترحلوا=على اكوار ما تطوى الزيازي احرار
ولا باس لو عجتوا لنا الهجن قدرما=ارسم جوابي والركاب احيار
فالي قضى ياركب شاني فشانكم=هموا همام ماتلاه احوار
جلايلً فج النحور علاكم=على اول جلس مابهن ابكار
حيل تماري بالمسير الى ادلجن = وساجن وداجن خمصً واضمار
فان حركوهن للهجيج ولجلجن = تشبه دوانيق حداه اعصار
اركبتهن من نقرة الجوف واشملن = كما جول ربدً صابهن ذيار
وبعد خمس ليلات ويلفن قبيله = لهم بالثنا علم بعيد اذكار
يلفن نواف بن شعلان بعد ذا = والنوري من له هرجةً واجهار
قولوا له يازبن المخيفه عن الردى= ترى النصح يشرى والصحيح اقرار
نقول لك ما للرشيد مقابل = الا لمن يكتب عليه ادمار
ونخبرك عن ماضي الليالي بفعلنا = بهن شفتنا بالناظرين اصغار
هميت بامرً مايهمه غيرك = تريد تقنص بالدجاج احرار
جبت الحوازم والشرارات خلطهم = وابو تايه يرثع بغير اهجار
حاشا ولي العرش يخلف وعايده = يركب على سرج الحصان احمار
أما هل العليا فنعم القبيله = لاشك ماهد الجبال جدار
تكابرتوا منزلكم علينا وغركم = تحسبونا حضرً حماه احظار
حنا ندور الناس ماهي تدورنا = لا شك ذي ثارت بغيرا عيار
جتنا مناديب من الجوف قولهم = ما عاد بالجوبه يسوج اوسار
جينا ثلاثمية ذلول نحثهن = نبي نعدل مايلً ويسار
لما وردنا الحزل جتنا ركايب= يقولون كل اللي يقال ابوار
يقولون ابن شعلان بالجوف نازل = ومن كان له قبل صديقً بار
وابن مويشير تبين بقولهم = وقامت عليه الديرتين ا وحار
وشرنا برد الناس والحاق قومه =تودع بواليد الحديد اكسار
وشلع طير شلوى ماتصبر لشورنا =يقول مادون الرفيق اعذار
وعيبً على مثلي يهد وينثني = ليا شاف نيران الحريب اكبار
أنا صلب عبدالله وأنا شبله الذي= بنى للمعالي فوق ساسه دار
وهي الجدا في قديم افعالنا = ندخل ولا ننشد عن المعبار
كما وصف غواص ضرب وصط غبه = يشق البحر لو كان موجه فار
وكثرت بكم الخونات مع كثر قومكم = ورمتوا أمور ماترام اعسار
وقلتوا قليلين وذا قبل فعلكم = وحنا بضنكات الامور اكثار
جيتوا جموع صايلين تبوننا = هماتكم قبل الزحام اقمار
من قبل ما أوحيتوا غلامين قومنا =تنادى بحسً للحريب اذعار
اهل هدةً شفقا على الموت كنهم = وردً تمايل ماعليه احيار
تناخوا غلامين الجبل وشيخهم = الى مااحتكم صرف الزمان ا وجار
ليا صدووا بالراي مطلق بتوتهم = والموت يتليهم يخم اخيار
على حسب ابو تايه ونواف رايهم = يقولون ناخذهم بغير اعسار
وعفتوا وشفتوا رايكم عقب ماجرى =يقولون ناخذهم ابطول مدار
مساكين مادريوا من هو قبيلهم = ليا شب من نار الحريب اسعار
مادريوا انه اللي يديرون عامهم = يديره أبومشعل بشرب ابهار
مادريوا انه شالهم في ترابهم = وهم مادروا وش بالزمان ايدار
ابرم عليهم حيلةً ضيغميه = بفعل وتدبير سديدً اوسار
اظهر لهم نار او حاضى شرارها = أيضا بعد عقبه قفاه ابنار
ارسل لشمر نادر من مجاذبه =ابنه لياقام الخيم ابثار
ومشى بهم حمال الثقل ابو مشعل = على ديرته سج الركاب اوسار
الى مالفن به عزوة الشمرية = غلبا الى قب العجاج اوثار
من حين جاهم صاح صوت يحثهم = وبكى عبرة منها جرت اعبار
وبكى عبرة منها تجارت دموعهم =لينه مشى دمع الجلوس انثار
شمر ليا من العرب عدة العرب = ترى دونهم كل الجبال اقصار
لهم بالعلى والمعضلات قدايم = ليا قل جم الموجبات اوغار
وحبالهم بالضيق تروي رفيقهم = الى ماغدت كل الحبال اقصار
وهم نسل قحطان لحق عقب تبع = لهم بالعلى والطايلات امنار
واظن لولاهم فلا يذكر الوفا = ولا للحميه والعلى امدار
لهم على العليا فروض قدايم = ماهم لفيقً من حضير احظار
اشهد بشوفي يوم جانب شيخهم = وهم قبل غضبين عليه اجهار
مشوا في شنق شط الفرات عقايب = ميعادهم نار الحريب انهار
تلاوواعلى الحزل الديم وقيلوا = على اكوار حيلً بينهنً امهار
مشوا مثل مزنً يطحن في ربابه= سيله كسا وادي رويل اوحار
مشوا من يمين قبال وانهل ودفه = عجل غشى روس الزبار اغبار
على ايسر سكاكا بللقايط سقى اللوى= ليا ماركب خشم الطعوس اوجار
يرعد ويبرق والغضب في جوانبه = شاف ابو سلطان سناه اونار
خلا هل العليا وخلا حلالهم = وخلا خيامه والديار ايسار
وجنب عن ابنه والعيا ل ا وعمه = وهي على مثله كثير اوعار
وخمس اميه من لابته عزي لها = خلاه لعجاف السباع امزار
خلا المكاين والمدافع وانتحى =هو وأبو تايه فر عقله اوطار
ساعة نظر غلبا بالعين وشافها= بدل من عقب هز الشباة افرار
لابد من يومً تصيده شبولها = ولو اخطته مره تصيد امرار
على راي أبومشعل مقعد صغا العدا= الشيخ معدى من علاه اصطار
نشا بشب الحرب والضرب باتع = ياويل من يلحق عليه ابثار
كريم السجايا كلما حاش طوله = تزايد حلم او عفةً او وقار
وسيع جاش في ملاقاه للعدا = ضحا الدم من ضرب الفوارس فار
وهو سور خيله حين لاجت عن القنا = وهو من وراها فارسً صبَار
وهو الضاري الجبار ليا يغى العدا = وهو مودع العظم الصليب انثار
وهو مقدم الهيجا وهو فارس القضا = عليه دالوب القتال ايدار
وهو عظيم الجاه والشان والثنا = وهو واحد الدنيا بغير انكار
ياطالبين الحكم مهلاً ترفقوا = رويدا ترى قضب النجوم اعسار
تمت وصلى الله على سيد الورى = عدد من قصد بيته وحج وزار