الفارس السندي ابن زويمل (اخو هيا)

[ابوو عايض]

بسم الله الرحمن الرحيم
السلام عليكم ورحمه الله وبركاته
هذا اول موضوع لي واتشرف ان اكتب بالمنتدى هذا
واتكلم بالموضوع عن فارس وشيخ من فريس شمر وهو من الملازمين للامير محمد بن رشيد
والسالفه سمعته من الشيبان, وهي ان الامير محمد بن رشيد يوم يصبح عتيبه اربعين صباح انتصر على عتيبه،
وخذا حلالهم وذبح رجالهم، كل يوم اخو نوره يصبح فخذ من عتيبه وياخذهم ،المهم مابقى من عتيبه الا محمد بن هندي عند نياقه حاميهن، المهم ارسل ابن رشيد السندي ابن زويمل(اخو هيا) يم ابن هندي، يبيه يجيب ابن هندي ويجيب نياق ابن هندي، وكان عند ابن هندي ذودين من النياق مغاتير ومجاهيم، المهم راح السندي يم محمد بن هندي ,
ويوم ابن هندي شاف السندي بن زويمل عرفه لان بالمعركه الفرسان يتعارفون على بعض، المهم
قال محمد بن هندي وشو جايبك يالسندي ،قال السندي اخو نوره يبيك ، قال محمد ابن هندي يالسندي ارجع لبن رشيد تراني ماني جايه ، قال السندي انا مرسول من ابن رشيد اجيبك يمه اما تذبحن والا اذبحك، قال محمد بن هندي اجي معك يالسندي بس بشرط انك تعاهدن ان محمد بن رشيد مايذبحن، قال السندي لا ماعاهدك بس ان شاء الله مايذبحك،
المهم جاء السندي ومعه الشيخ محمد بن هندي ومعه نياقه عند محمد بن رشيد، تمركا محمد بن رشيد ومحمد بن هندي
، وأمر ابن رشيد على عبيده انهم يوقدون نار حول نياق ابن هندي لانهم بليل يبي ابن هندي يشوفهن، ويخلي العبيد يضربون النياق يبي محمد ابن هندي يسمعهن ،المهم قال ابن رشيد لمحمد ابن هندي ، ليه يابن هندي مافكيت نياقك،
قال محمد ابن هندي ياطويل العمر مايجتمع سعدين، يعني سعدي وسعدك قصده ابن رشيد، قال ابن رشيد لمحمد ابن هندي خذ ذود واحد من نياقك ، قام محمد ابن هندي وخذا ذود المجاهيم ، واخو نوره المهاد خذا ذود المغاتير
هذي السالفه اللي سمعته واتمنى انه تحوز على رضاكم.

[فيصل بن نجيفان]

ابو عايض

الف شكر لك على هذه السالفه

وقصه هذا الفارس ابن زويمل

يعطيك العافيه

ولا تحرمنا مما لديكـ

[ابن قشعم]

الله يعطيك العافية يابو عايض

سالفة مثبته على ابن هندي والاربعين صباح

ما ننحرم من تواجدك الرائع

تحياتــي

[شبل الطنايا]

قصه ممتازه اخي ابو عايض للفارس الشيخ السندي بن زويمل ، واعتقد ان هناك قصيده

قيلت بهذا الخصوص ، يا ليت اذا تعرفها توردها لنا مشكورا ،

[سيف الطنايا]

مشكور يابوعايض علي هالقصه الجميله وهذي عوايد فرسان شمر يتنقون من الصيد اطيبه

[ابوو عايض]

مشكووو اخوي المشرف العام فيصل على المرور
وتحياتي لك

[ابوو عايض]

مشكووور اخوي ابن قشعم على المرور
وتحياتي واحترامي لك

[ابوو عايض]

اخووي شبل الطنايا مشكووور على المرور واذا كان في قصيده عن السالفه هذي مادري
وتحياتي لك

[ابوو عايض]

مشكووور سيف الطنايا على المرور وتشريفي بالموضوع
تحياتي لك

[الساري]

يعطيك العافيه على هالقصيه الرائعه لـ اخو هيا



سلمت ولاهنت

[ابوو عايض]

مشكوور اخوي الساري على المرور تحياتي

[ابن برزان]

الله يعطيك العافيه على القصه
الجميله الرائعه
ابن برزان

[ابوو عايض]

مشكور يا ابن برزان على مرورك الكريم ,


تحيــــــــتي

[أبو حواس]

والله والف نعم .. }