يادار..الخطاوين وين ابو ذيب ؟

[ابن برزان]

ان للجيره حقوق وواجبات يحرص اهل الباديه (هذا عياده الخمعلي .من قبيله عنزه عرف عنه طيب الاخلاق وحسن الجوار
وقد جاوره (ابو ذيب الشمري ) ونشاءت بينهم صداقه حميمه وحدث ان ابل الشمري اصيبت بداء الجرب وهواء معدي
يخشاه اهل الباديه .فطلب ابو ذيب ان ياذن له عياده بارحيل الي جماعته حتى يساعدوه على طلائهاء عن الجرب فرفض عياد رفضا قاطعا وابدى استعداده لبيع اغنامه كلها في سبيل معالجه ابل جاره وانشد قال

قاد النشير وقمت اميز أعرابه
وتتابعن بالصدر مثل الدواليب

تصافقن بالصدر من حر مابه
وردن كمــأورد القطا باللواهيب

ياعمر رقي الرجم مافيه ثابه
والولف يخلج بالحزم شمخ النيب

من شوفتي للدار ينعق غرابه
مابقى الا موقد النار وحطيب

يادار يادار الخطا والخـــــــــــــيابه
ياماقع الحقران والمكر والعيب

طشيـــــــــــتي الخلان طـش الكعابه
يادار .يادار الخطا وين ابو ذيب

والله يالولا الخوف وأدرا العــتابه
لااتبع مظــاهيره على الكره والطيب

والله يا لولا اللي بمحكم كـــــــتابه
لااصيح من بين العرب واشلق الجيب

من خلقت الدنيا ودور الصحـــابه
وتركيبه السنه على نوح وشعــيب

ومن خلق ضلعانه وبثت تـــــــــــرابه
ما تا تي الرفـــقه بخرط وتلعـيب

الابشيمـــان العــرب والحــبابه
ورخص الحلال بحزته والمواجيب

والي حصل مــــس الرشا واكتـــــــــرابه
لااقفيــت واســتسلمت نفسك عنه عيب

قلتـــه علــى ماقال متعب ركــــــــــــابه
رايـــه يحمــل محــكمـات اللـواليب (1)

ابـــــــــــــــــــن برزان

[سيف الطنايا]

تسلم والله علي هالموضوع الدسم وهذي هي شمر وعنزه مابينهم فرق كلن له حقه من الطيب

تسلم يابن برزان والف شكر

[نايف الشريهي]

ابن برزان سلمت على هالقصه

ولاهي غريبه من القبيلتين بتبادل الطيب والمحبه والفزعات
وطيبين واجد سوى من هذا ولا هذا

مشكور ولك آرق التحيات < يابن برزان>

اخوك..@ نـايــف

[نايف الخريصي]

صح لسانك يابن برزان

وتسلم على هالقصه

وهذا مو غريب على هالقبيلتين

ومشكووووووووووووووووووووووور

[الأجودي]

تسلم يابن برزان على هالموضوع المشرف ولا عدمناك يالعزوه

[ابوو عايض]

الله يعطيك العافيه اخوي ابن برزان على الموضوع الدسم هذا ونعم والله بالاجواد
وعندي ايضاح لو سمحتي على البيت هذا يقول
قلتـــه علــى ماقال متعب ركــــــــــــابه
رايـــه يحمــل محــكمـات اللـواليب (1)
يقصد بيت الامير عبيد الرشيد المشهور
اضرب على الكايد لاصرت بلشان
وعند الولي وصل الرشا وانقطاعه
تحيـــــــــاتي

[الساري]

تسلم يا إبن برزان








سلمت ولاهنت

[ابن برزان]

الله يـــــــــــــــــــــــــعطيكم العــــــــــــــــافيه
جمـــــــــــــــــــيعآ والمـــــــــــــــرور والـــتعليق

الجميــــــــــــــــــــــــــــــــــل


ابـــــــــــــــــــــــن برزان

[مهند الماضي]

مشكور على موضوعك الرائع

[ابن برزان]

السلام عليكم جميعآ
حاضر وغائبالمقصود في القصيد
في البيتين الاخيره هي


قلتـــه علــى ماقال متعب ركــــــــــــابه
رايـــه يحمــل محــكمـات اللـواليب



ماقاله عبيد ال رشيد

عيب عـلى الـلي ينثني عقـب مــابان
وعيب طمـــان النـــفـس عقـــب ارتفــاعـه

للمعلويه وشكــرآ لمجهودكم في
التصحيح
وهذا هو الصحيح

ابن برزان

[ربد الشمال]

يعطيك العافيه علي المشاركه

والله لايهينك

تحيتي

[ابن برزان]

مشكور اخوس
بـــــــــــدر
على مرورك الدائم
ولجميع الاخوان
ابن برزان