ابتـكلــــم بـصراحـــة

[ابوقناص الضوي]

بسم الله الرحمن الرحيم
اللهم صل على محمد وعلى آله وصحبه أجمعين اما بعد

اخواني واخواتي مساكم الله بالخير العموم ,, اليوم ابتكلم عن الحال هنا بالمنتدى وعن

وقفات الشمري مع الشمري ,, اولا بخصوص الكتابات هنا اللي اشوفه انا انه اذا جاء واحد

كتب موضوع او اقتراح يهدف الى مصلحة القبيله ترى ان الردود مخجله تلقاهن 4

والمشاهدات فوق الستين والسبب انه موضوع فيه خير للقبيلة ولافراد القبيلة واما اذا كان

هناك موضوع فيه مفاخره ونوماس تجد الردود فوق ال70 واكثر من اربع صفحات مدري

ليش كذا يعني عن جد الامور هذي تغث الكبد مايصير كذا حنا المعروف عننا اننا نركض

ونتسابق ع الخير وعلى خدمة بعضنا بس مااااش الحين اشوف هالامور تتجه للزوال

اخواني وخواتي اوصيكم بالوقوف مع اي فرد من القبيله سواء كان مخطي او مصيب او

محتاج والرسول اللهم صلي وسلم عليه قال (انصر اخاك ظالما او مظلوما) يعني اذا كان

مظلوم تنصره وتاقف معه واذا كان ظالم تنهاه وتنصحه عموما اخواني لابد من التواصل مع

بعض ومناقشة الاخطاء مع بعضنا البعض ,,,,, والامر الثاني انا ابي الشمامره الواصلين

مع الدوله سواء بالكويت او بالسعودية ليششش ماتجنسون البدون اللي من القبيله وتساعدونهم ؟؟ هي

صعبه عليكم ؟؟؟ تبي تقولي صعبه ؟؟ ابي اقولك ماصدقت تبي الدليل ؟ وشلون العتبان

جنسوا الشاعر العراقي اللي شارك بشاعر المليون ؟؟؟؟ ووشلون جنسوا ماجد المهندس ؟؟

بس عشانهم عتبان جابوا الجنسية لهم وحنا خوال الملك وبنا ناس واصلين وماعندك احد


نحياتي

[خالد الصقري]

بارك الله فيك وفي حميتك
الوقت هاذا كلن يقول نفسي يانفسي
وزد على ذالك يقال لهم ماعليكم الا انفسكم واولادكم واتركوا الي غيركم
دمت بود

[دايم الزين]

الضـــــــــــــــــــوي
أبـــــــــــشرك طـــــــــالما هالمبـــــــــروك الصـــــــــقري أول المعـــــــــلقين
والله تــــــــــشوف موضــــــــــوعك بــــــــس ودك لــــــــــيت الردود تــــــــــــركد
للأمـــــــــانه قــــــــبل أشــــــــــــــهر وأثـــــــــــناء موضـــــــــــوع لك عـــــــــن إحــــــــتفالات
حـــــــــــائل كــــــــــان الصــــــــــقري من أشـــــــــــد معـــــــــــارضيك ولـــــــــــــكن الأن دخـــــــــوله
وتعلـــــــــــيقة تـــــــــــثبت أخــــــــــلاقياته وقــــــــــــلمه أنـــــــــه مجـــــــــرد إخـــــــــتلاف بالرأي
هــــــــــــذا يــــــــــزيد رصــــــــــــيدك ورصـــــــــــــيد خــــــــــالد الصـــــــــقري من المــــــــــــحبة والغـــــــــــلا
بـــــــــــعيون كـــــــــــل متــــــــــابع للمواضــــــــــيع الجـــــــــــــادة
أبـــــــــو قنـــــــــــاص
موضـــــــــــــوعك حـــــــــــــساس للغــــــــــــاية لأن أنـــــــــا عــــــــــــــــندي قــــــــــــــــناعة شــــــــــــبة تـــــــــــــامة
بـــــــــــــــأن بــــــــــعض أبـــــــــــــناء شــــــــــــــــــمر مــــــــــابعـــــــــــــد البــــــــــــــــــترول
مقـــــــــــارنة مابيــــــــــــن المؤسســـــــــــين مـــــــن القبـــــــــــــيلة ماقـــــــــبل
البـــــــــــــــترول
الشــــــــــــــــيمة أصــــــــــــبحت بـــــــــــموازييين والفــــــــــــزعة أصــــــــــــــبحت بــــــــــــدرااســــــــــــة
وقــــــــــــلم ومــــــــــــــسطرة
الشـــــــــــــمري قــــــــــبل البـــــــــــــــترول دولــــــــــــــــــــة
يــــــــــأمر وينـــــــــــهي ويـــــــــــفزع والكـــــــــــرم بعيــــــــــــــــونه مــــــــــــاله حـــــــــــــدود
وبـــــــــــــــعد البــــــــــــــترول أصـــــــــــبح موااطـــــــــــــن داخــــــــــــــــل دولـــــــــــــه
وفـــــــــــهمك كـــــــــــــــــــــفاية
وطـــــــــــولت عـــــــــــمرك

[عتيبيه أخت شمر]

ابو قناص .. قلم صريح ويستحق التشجيع والتحاور معه من قبل ابناء قبيلته ..

ملاحظه بسيطه لسببها تواجد قلمي بمتصفحكم الخاص بشؤون قبيلتكم :

اخي كذلك العتبان لهم مكانه بالدوله وواصلين مثل ماقلتم بس يتميزون عن غيرهم بترابطهم .. واذكروا الله ..

بارك الله في قلمكم الصريح ..

[برق الخريف الشمالي]

بارك الله فيك على الموضوع وأشكرك عالحميا
وشمر به رجال تبذل المجهود وله فعايل كبيرة
وكم قضوا لوازم وساعدوا القبيلة
والعتبان غير

[؛؛؛ـحـآبـة بـوحــ]

اذا سالفة المنتدى مدري انا جديده فيه
‏ ‏...........

بس والله سالفة التجنيس تقهر صراحه..
وشوف من جنسوا عاد مغني الله بالخير
من بار لبار..
بس والله عتيبه محشومه انه يكون منهم..
ويقال ان اسمه ماجد العتبي مو العتيبي..بس الواسطه والشهره نفعته..
والشمري له الله..وماينضام الشمري حتى لو ما معه جنسيه..
ويكفي ان اخر اسمه شمري..
و ربك ماينسى عبيده...

الله ينفع فيك..واحيي صراحتك وحرصك على اوضاع قبيلتك.. الله يكثر من امثالك..

[عتيبيه أخت شمر]

وشوف من جنسوا عاد مغني الله بالخير
من بار لبار..
بس والله عتيبه محشومه انه يكون منهم..
ويقال ان اسمه ماجد العتبي مو العتيبي..بس الواسطه والشهره نفعته


الله يصلك يالغاليه .. الله قادر على هدايتة ومهما كان هو مسلم وموحد ونسأل الله له الهدايه ..
بالنسبه لطريقة تعليقك اتمنى مايكون فيها استهزاء بقبيلتي وانها تقوم بتجنيس من هب ودب .. فاضلتي بالعراق يوجد عتبان كثير وهم من ابناء السعوديه ولكن لضروف خاصه بهم تركوها واستقروا بالعراق وعند سقوط النظام السني ببغداد رجعوا لبلدهم الام ومثل ماقلت عتيبه تتميز بترابطها ..

اتمنى من كل شمري يمر بهذه الصفحه يتناقش بموضوعهم ويترك عتيبه اذا كان هناك لمز خفي وان شاء الله مايكون ..

نحترمكم ونعزكم ياشمر ونتمنى منكم ذلك ..

[طنيــان]

اللي اعرفه وشفته بمواقف متعدده ومختلفه.


ان العتيبي يفزع لمن نخاه. ولايسئل عن اصله ومرباه.
هم اهل فزعه سريعه دون منه او حساب.

[ابو حارث المدعول]

ابو قناص

(لا يكلف الله نفسا الا ما آتاها )( لا يكلف الله نفسا الا وسعها)

(ربنا لا تحملنا مالا طاقة لنا به)

فلا نحمل شيوخنا مالا يستطيعون

اخي الفاضل .. موقف قبيلة شمر يختلف عن جميع قبائل الجزيره العربيه
انت تعلم انه الى وقت ليس بالبعيد كان الشمري لا يوظف حتى ولو كان شيخ

اخي الفاضل : السياسه لا تعترف بالخال والعم والبناخي والتجنيس يخضع
لشروط امنيه قبل القبليه وقبل كل شيء

وبعدين العتبان جنسوا واحد او ثنين

لكن شمر البدون كم عددهم يجون اكثر من سكان بعض دول الخليج

يعني لو فزعوا شيوخ شمر لواحد او ثنين العدد ماهو بسيط

ولا تنسى ان اللي بالكويت متهمين بنظر الحكومه
واما اللي بالسعوديه فقد جنس منهم كثير العام وقبل العام

عتيبيه اخت شمر

ابو قناص والمداخلين لا يقصدون الاساءه لعتيبه ابداً

بل هم جعلوها مضرب مثل على التأثير وعلى الفزعه لبعضهم

ولا نرضى الاساءه لهم او لغيرهم

[؛؛؛ـحـآبـة بـوحــ]

محشومين ياعتيبيه من الاستهزاء والتنقيص..

ارجعي ياعتيبيه واقري كلامي زين انا تكلمت عن الفنان نفسه وماتكلمت عن القبيله الا بالخير..
واذا انتي فاهمه ان كلامي استهزاء فراجعي كلامي .. واذا تقصدين العتبي والعتيبي.. انا ماانقصت فيكم بس في احد المواقع قرأت ان اخر اسمه العتبي مو العتيبي..ولاحظي اني قلت في كلامي انهم يقولون عتبي مو عتيبي..
واذا على نظرتي للفنان انا ماكفرته..ومايعلم مافي القلوب الا مقلب القلوب ..
هذي وجهة نظري عن شي انا اعرفه عن الفنان الله يهديه ومو حرام اصرح فيها وما طلبت من احد يوافقني عليها..
ونسأل الله ان يهديه ويهدي جميع المسلمين..




وقبيلة عتيبه الكل يعرف عنها الخير والفزعه والشهامه ..
واذا على كلام اخوي صاحب الموضوع هو وجه مقارنه فقط..ما أنقص من حقكم ولا أنقص من حق قبيلتنا..

واعتذر باسمي وباسم اعضاء المنتدى لقبيلة عتيبه اذا فهم القصد خطأ..الموضوع هذا يخص قبيلة شمر وحدها دون ان ننقص من حق اي قبيله اخرى..

واتمنى انه لايوجد اي اعتراض على كلامي..

[دايم الزين]

بــــــــــعد إذن الضـــــــــــوي
الأخــــــــــت عتـــــــــــــيبية أنــــــــــــتي من الأقـــــــــــلام المشـــــــــــهود لـــــــــــها بالحيــــــــــادية
والأثــــــــــــــراءات المتــــــــــعددة للمنتــــــــــــدي
وقـــــــــلمك فــــــــرض إحـــــــــترامه بعقــــــــــــلية الأصـــــــــالة والتـــــــــاريخ
والأخــــــــت ســــــــــــحابة بـــــــــوح لـــــــــم تـــــــــــقصد الأســـــــــاءة
وهـــــــــي للأن عـــــــــــضوة جـــــــــــديدة
ونـــــــــرجو كــــــــل من يـــــــــدخل أن لا يــــــــــــكون ســــــــــــببا فــــــي إنـــــــــحراف
الموضــــــــــوع
فالفـــكرة واضـــــــــــــحة وتســــــــــــاؤل الضــــــــــــــوي أيـــــــــضا واضــــــــــح
ولـــــــــــه الدعـــــــــم الشـــــــــــامل والكــــــــــامل بـــــــــــكل
هـــــــــــذه التســــــــــاؤلات عـــــــــــبر موضــــــــــوعة
أســــــــــمحلي أخـــــــــوي الضـــــــــوي
والــــــــــــسموحة أيـــــــــضا من أخـــــــــــواني مشـــرفين القــــــــــسم
علي جـــــــزئية التنبيـــــــــــــه
حافظكم الله

[المهندس الرااقي]

الجواز الاخضر والجواز الازرق واي جواز اخر اياً كان لونه لن يقدم اي شيء في سبيل العزه والكرامه .


الرقابة الادارية

وهنا لابد ان نشيد بالشيخ العزيز / برغش الطواله والمستقر في حفر الباطن فلقد ساهم بتجنيس كثير من ابناء قبيلة شمر , وغيره كثير , ويجب على غيره كثير ايضاً .


اما الفنان ماجد المهندس فهو لم يلغي الجنسيه العراقيه لديه السعوديه (تكريماً ) والعراقيه (اصلاً ) والذي ساهم بتجنيس المهندس هو احد الامراء المعروفين داخل بيت ال سعود , وشكراً لك

[؛؛؛ـحـآبـة بـوحــ]

حلوه الجنسيه السعوديه تكريما...?؟
يعني هو يستاهل التكريم لاسمح الله
‏ ‏...................
بس وانا اختكم ترا مثل مالجنسيه السعوديه صارت تنعطى بسهوله..
ترا صارت تنسحب بسهوله ..
يعني جاروا هالدنيا بغرابتها وخلوا الظالم على ربه...

ومثل ماقال الراقي مايهم الجواز اهم شي عزة النفس والكرامه..

والله يعز الحكومه....هع هع

[طلال الخريصي]

أخوي فعلاً موضوعك عين الصواب
وبنسبه لتجنيس وخاصه شمر من جد عليهم العين حتى الي ماطلعو
السعوديه مضايقينهم والدليل الجنه المعروفه بالرياض
كل واحد يبي يجدد بطاقته قلو مر على الجنه
وعرف واحد من شمر طلع هو واحد قحطاني القحطاني جددها بخلل نص ساعها
وشمري بعد سبوع يعني الخطاء ماهو من شمر من ........................
وأنا عن نفسي ابوي شيخ وقع لناس وخذو الجنسيه وهم فعلاً من ربعنا جلس ختمه خمس سنوات موقف
ويالله يرجع يعني ماحنى مثل القبايل الاخرى بستثنى قبيلة عنزه
وبخصوص عتيبه ماعندهم مشكله داخل نجد وبعيدين عن الحدود وشمر وعنزه والظفير
من نجد لحدود تركيا يعني طبيعي يكون التجنيس صعب شوي
وبخصوص الاخت العتيبيه بقولك محشومين عن الخطاء وعتيبه قبيله محبوبه عند شمر وغيرها
واسف ع لاطاله

[ربد الشمال]

صاحب الموضوع بارك الله فيك


ابو نادر كلامك ماعليه غبار وواقعي وحقيقه مفروضه

الخالد الشمري ممكن تعطينا اسماء من خانو

بعدين يقولك جنسو الشمامره البدون تقول عنهم خانو ويتبكبكون

ماقول الا الله لا يوليك علا عبده

انت حصلتها لاكن يمكن عمك ما اخذها او خالك

فانت مثل سيئ لاي شمري

قالولك شمامره ماقالو غيرهم وطلع الحسد عندك حتي علا عيال عمامك

[المستمع]

عتيبه ونعم منهم ويسوون شانهم واصلين وماقصرو مع ربعهم

اما حنا شمر حاليا بالسعوديه مقيمين والبعض مطوفين وحالة الحله
ولا احد يتكلم انا مالوم احد لا شيخ ولا اي شخص شمري واصل
لان مامن شمامره واصلين لا بالكويت ولا بالسعوديه نضحك على بعض
عندنا نشوفهم شيوخ وكبار ومتكبرين علينا بس ماهم واصلين لا للحكام ولا للامراء
بس تحصل عنده مبلغ من المال وعاز نفسه وبس مابقد\ر يسوي شي وانا ما اضغط عليهم
هذي قدرتهم
وحسافه والله حسافه شمر بالسعوديه مقيمين وافدين وبعضهم ماهو محصل وظيفه
والكثير من شمر خاصه الشباب يشتغلون سكرتيريه بالبنوك وبعض المراكز التجاريه والملاعب
وهذا هو الواقع لاتطلبون من شيوخنا وكبارنا اكبر من طاغتهم وسمحولهم معذورين
السيطره ماهي لنا بالزمان كل المناصب العليا ماهي لنا بكثير من الدول
بس يبقى اسمنا عالي وشامخ ويهز جبال ونفخر بشمر وبشيوخ شمر بكل مكان
واكد لكم شيوخ شمر وكبارهم واي شخص شمري واصل او يقدر يسوي شي
صدقوني يسوي اللي يقدر عليه
وسمحولنا اذا فيه خطاء او غلط على احد وهذا هو الوافع

[طنيــان]

بعد اذن صاحب الموضوع.

تكفون لاتقلبونها سياسه اواساءه للغير ومن ثم يحذف.الموضوع.


الموضوع تشره وشحذ للحميه ومساعده بعضنا بمانستطيع.فقط.
وايراد الاسماء المجنسه مجرد استشهاد با امكانيه تجنيس الاخرين فقط.



دمتم بموده

[عتيبيه أخت شمر]

اقدم اعتذاري لكم ياشمر فهمت الموضوع خطأ ..
والله يصلح شأن البدون من شمر ...

[ابو يوسف]

تم اغلاق الموضوع من قبل
الادارة

ونعتذر للجميع على ما بدر من بعض الاعضاء مع الاسف الشديد من مشاركات سيئة
كما اشكر اختي الفاضله عتيبيه اخت شمرعلى الاعتذار
وانا بدوري اقدم اعتذاري لقبيلة عتيبة الغالية على قلوبنا جميعا
اخواني الكرام
اشكر كل من تحاور بأسلوب حضاري يليق بمنتدانا وبقبيلتنا العريقة قبيلة شمر
كما احذر بعض الاعضاء هم يعرفون انفسهم جيدا اننا لانقبل الاساءة اي كان نوع الاساءة .
الرجاء منكم الاحترام حتى لانضطر مكرهين بحذف عضوياتهم
فهم يمثلون انفسهم بآرائهم الشخصية ..