الربع الرابع
2010-04-01, 01:09 AM
بطل قصتنا اليوم هو الفارس المشهور مشوط الهيهي من الجحيش من الاسلم هذا الفارس اشتهر عنه كرهه للغزو واخذ حلال الاخرين بالقوة حيث ان هذا الامر كان مستغرب عند باقي الناس كون الناس في ذاك الوقت يا اخذ او ماخوذ وايضا اشتهر رحمة الله عليه انه يفك حلاله وابله من القوم مهما كثر عددهم وعدتهم وفي يوم من الايام اتي ذكر الفارس مشوط الهيهي في احد مجالس قبيلة مطير وقيل عنه انه لايعرف الهزيمة ولا يغزو احد ولا احد يستطيع اخذ نياقه منه مهما كثر عدد الي يغزونه عندها قرر احد عقداء مطير ويقاله الحميداني من الحمادين الغزو علي مشوط الهيهي وحاول ربعه ثنيه عن الامر ولكنه اصر علي غزو مشوط الهيهي حتي يري بعينه فعل الفارس مشوط وبالفعل تم الغزو وكان عدد مطير يقدر بالعشرين بقيادة عقيدهم الحميداني وكان مشوط الهيهي نازل علي الرياشي قرب الزبيرة وحينما وصلو وجدو الفارس مشوط الهيهي مقيما لوحده مع رعيانه معتمدا علي الله ثم شجاعته عندها قال المطيري ابشرو بالغنيمه يا مطير هذا مشوط الهيهي لحاله ماعنده احد من ربعه والمغاتير شوف عيونكم عندها اكمن له الغزو قرب منازل اهله بانتظار رجعته وقت غياب الشمس حتي يقتلوه وياخذون نياقه وهو بطريق عودته مع رعيانه اذن مشوط لصلاة المغرب وربط فرسه بشجرة رمث بقربه واقام الصلاة عندها هجم عليه العقيد الحميداني يبي يذبحه فمسكوه ربعه وقالو له خله يخلص صلاته واذبحه لاتذبحه وهو يصلي راح رد عليهم وقال( والله اني ابي ابر هالشمري الشجاع و الدين وابيه يموت وهو يصلي؟؟؟) عندها انطلق العقيد الحميداني يبي يذبح مشوط وقام يقمز من شجره لشجره يبي يقرب لمشوط ويوم بعد عن ربعه انتظرو ربعه صوت البارود ماسمعو شي عندها خلص الفارس مشوط الهيهي صلاته وركب فرسه ومشي لاهله وعقيدهم لاحس ولا خبر ويوم رحل مشوط راحو ربعه يركضون يبي يشوفون وين عقيدهم الا هذا عقيدهم ميت بوسط شجرة الرمث وفاتحن فمه ويوم شافوا الا داب كبير قرصه مع رجله بشجرة الرمث عندها دفن المطران عقيدهم بنفس مكان موته وهربوا لديرتهم ويوم جا الصبح ويرجع الفارس مشوط الهيهي بنفس طريقه الا ويشوف القبر استغرب كونه لم يره بالامس وبعدها بفتره انتشرت سالفة العقيد الحميداني انه اراد ان يذبح الفارس مشوط الهيهي وهو يصلي فارسل الله عليه هذا الداب حتي يقتله قبل ان يقتل الفارس مشوط الهيهي عندها علم مشوط سر القبر الي كان حول مكان صلاته فرفع يده حامدا ربه علي فضله وانه رد كيدهم بنحرهم.
رحم الله الفارس مشوط الهيهي واسكنه فسيح جناته ومن يتقي الله يجعل له مخرجا.
رحم الله الفارس مشوط الهيهي واسكنه فسيح جناته ومن يتقي الله يجعل له مخرجا.