ياليت الاحزان تمسي على خير## وليت كل مافيني ينجلي همه

[بن مطر العنزي]

ياليت الاحزان تمسي على خير## وليت كل مافيني ينجلي همه

تعبت وانا ارقب في السما طير## وتعبت وانا اطلبه من عمه

ياهاجسي طالت علي المشاوير## وابطى ماحس بي في دمه

وشلون وانا دوم اقبل المعاذير ## عذرن منه ونوبن من امه

لازارني رز لي اعذاره طوابير ## ولا غاب غيبته مالها يمه

حار فكري واحساسي يستشير ## يا شفته اقبل يديه ولا اضمه

جمعت شوق الوله والمخاسير ## احلف بربي مايقدر على لمه

هاذي تفاكير قلبي قبل يستخير ## وهاذي علومه وهو ولا همه



وسلامتكم

[حزووول]

صح ابدنك يابن مطر وصحت ابياتن كتبته
ياليت الاحزان تمسي على خير## وليت كل مافيني ينجلي همه

ويعجبن مع قصيدك اصرارك وحماسك ومشاركتك الدايمه والمستمره احس فيك طاقه للحين ماطلعته بس ابسالك هذا من قصايدك القديمه والا تووو ؟؟؟! وانت يابن مطر رغم بعض المطبات الا انك افضل من اللي يتقن القصيد وكتب مره والا مرتين وقعد ايه كذا دايم ابرز نفسك وماعليك من العقبات كلنا بدون استثناء نمر فيها الله يوفقك واشوفك شاعر كبير ومميز ولوه اسموه بالساحه وماعلى الله بعيد
اختك حزووول

[بن مطر العنزي]

مساك الله بالخير ياحزوول وصح بدنك والله ان الابيات او القصايد مفردات قديمة في بالي واغلبها من الحزن ومفردات جديدة حزن بس على خفيف يعني شوية هموم على شوية احزان هههههه وصراحة تداخل هاذي المفردات مع بعضها في بالي اما قصايد قديمة لا والله كلها جديدة وكان ودي من زمان اكتب بس ماحصلت الفرصة ويوم شفت الفرصة موجودة الان ويقدر الواحد يعبر قلت بسم الله بدينا اجل ولاهنتي مرة اخرى على مرورك

[حزووول]

ماشاء الله عليك يابن مطر ان كانت هذي بداياتك اجل كلها مده بسيطه وتصير اطلق شاعر والله احسبك من زمان تعافر هالقصيد اتاري الدعوه جديده اجل والله انصحك تستمر بضراوه تدري انا من يوم انا بزر اكتب القصيد ولاتطورت الا حاجه بسيطه طول هالسنين ويالله يالله عرفت ارتب قصيدي وانت تشوف اكثر قصيدي مو موزون براي الشعراء الكبار اللي هنا والا انت قصيدك كذا وانت ماقلت بسم الله (ماشاء الله) مو تقول حزول احسدتن وبعدين تبلشن الله يوفقك بس
اختك حزووول

[بن مطر العنزي]

امين انشالله ويوفقنا اياك اما انتي حالة خاصة جدا انتي تحلقين خارج السرب ياحزووول ماشالله عليك وبااقولك فالك المعلقات والملاحم الشعرية باذن الله ومن سار على الدرب وصل ولو ان الشعر ماله نهاية مواضيعه ماتنتهي وانتي قدها وقدود ومثل هاليوم السنة الجاي نبي نشوف قصايدك في الصحف والمجلات باذن الله في مختلف المواضيع وشاكر لكي حماسك الرائع ووقفتكي معي لاهنتي ياحزووول وتراي للحين اكرر اسمك كم مره في الردود عشان ابين لك اني خلاص متدرب ولاعاد باغلط هههههه

[سعيدالعمودي]

الوائلي

اي شاعر كانت بداياته متواضعه
يكسر ويكتب ويشطح ويجيه انتقاد بعد
لكن لابد ان يتجاوز هذه المرحله
وانت على الطريق وراح تتجاوزها
بآذن الله والشعر يحتاج ايضا
شخص مثقف ومطلع جيد
اكتب واقرا وراح تبدع
في قادم الايام
وصح لسانك

[نايف الزوبعي]

صح لسانك يالوايلي وذكرتني ببوح ابو روز سليمان المانع
ابيات لاتشبه الا ذاتها
دمت بخير

[حـسـيـن الـهـلـيـل]

صح السانك يا عنزي

[ابو طارق الشمري]

هلابك يابن مطرالعنزي بداياتك لابأس بها لكنها لاتخلو من الثقل ويمكن تجاوز هذاالثقل بكثرة قراءة قصائد الشعراء المحترفين ثم الاستفادة من ابداعاتهم وتطبيقها وستبدع شيئاً فشيئاً حتى
تصل الى القمة ان شاء الله و تقبل مروري وتحياااااااتي