قصائد مدح

[مجنون الحب]

لو ضاقت الدنيا
على راعي الطيب
يبقى شذى طيبه
على الناس
طايب
للغيم في صدر
الثرى صوت ترحيب
والطيب هو فعلك
ياراعي
النجايب
وفي كل يوم تشرق
الشمس وتغيب
ويبقى \" ( .... ) \" والكل غايب

×××××

سلام ياكاسب غلا كل مغليك...
يامالك زمان المراجل بيمانك...
الطيب ساسك والعرب عزها فيك...
لا ضاعت علوم الرجاجيل تنصاك...
ربعك تفاخر وتفتخر بطاريك...
لاهان ذاك اللي على الطيب رباك

×××××

الجود شيخ تملكه عدة اطراف
بس المراجل حالفه انك ولده
عريب جد وحاوين كل الاعراف
دنياك جنة بس فعلك رغدها
كن العلوم الطيبه عندك اهداف
صارت فريسه وانت كنت اسدها.

[مجنون الحب]

يالله ياخالـق اراضيـن وابحـار .... الواحـد المعـبـود رازق عبـيـده

الخالق الغفار علام الاسرار .... وفرق شعـوب الارض فـي كـل يـده

وابدي واسولف من عذيبات الاشعار .... ابيات شعـر والمعانـي وكيـده

اشري وابيع واعرف كيف بختار .... واختار من جزل البيـوت الفريـده

وذكرى تراث وعز وامجـاد وافخـار .... قبائـل تومـن بديـن وعقيـده

وصلت حضارتنا على سطح الاقمار .... ابنـا الجزيـر والجزيـره مجيـده

في ظل حكام لهم فعل واشوار .... ال السعـود اللـي تفـك الضهيـده

نسل الزعيم الحاكم العـادل البـار .... مجـدد امجـاد الجزيـره بجيـده

حتى اصبحت حره وحنا له انصار .... في ظل اخو نوره هنـوف سعيـده

وصارت لابو تركي بطوله وتذكار .... والفخر والامجـاد تبقـى شهيـده

وخلف لنا املوك لهم فعل واخبار .... الشعب واحـد والقيـاده رشيـده

والامن بانينه على ساس وجدار .... وقرو على العابـث عقوبـه شديـده

وحنا حماة الدار من كل غدار .... ومـا همنـا بطشـه وخبثـه وكيـده

قبائل مالحقناهـم اوعـار .... وعشنـا بهـذي الـدار عيشـه رغيـده

والحمد لله نحمده سر واجهار .... شعـب تكاتـف مـن سنيـن مديـده

ودون الوطن جيش على كل معبار .... لارفرف البيـرق ونـادى عقيـده

بشرق البلاد وغربها دوم حضار .... وارض الشمال اللي نفـوده مديـده

وارض الجنوب اللي تخيضر بالاشجار .... جزيرة فيهـا القبايـل عديـده

ارض بها قحطان وافين الاشبـار .... وياعـز منهـم بالشدايـد بسيـده

واذكر عتيبه يوم للطيب مغوار .... لا ثـارت الهيجـا وقـرب ضديـده

وشمر هل الطولات والجود مقدار .... اهل الكرم واهل الفعول الحميـده

وقوم اعنزه مروين الاخصام الامرار .... اولاد وايل من عصـور عهيـده

ومطير قوم تكرم الضيف لا زرار .... وياويل خصم في حراهـم وعيـده

واذكر قبيلة حرب يانعم الاخيار .... وتاريخهـم يحكـي سطـور مجيـده

وسبيع نعم القوم ووجيه الاسفار .... زبن الدخيل ليا زبـن مـن طريـده

واذكر قبيلة يام والطيب ينـدار .... اهـل العلـوم الوافيـه والرشيـده

ثم الدواسر تجعل الخصم منهـار .... عيـال زايـد عـز منهـم سنيـده

ثم السهول اللي لها الطيب مدرار .... وعن منهج العادات ماهـي محيـده

ثم اذكر العجمان حمايـة الجـار .... والمرجلـه والجـاه فيهـم عتيـده

واذكر بني مره طويلين الاعمـار .... مـا ينقـد المـري ولا لـه نقيـده

ثم الهواجر لابة تقدح النار .... اهـل الركـاب اللـي خطاهـا بعيـده

واذكر بني خالد قبيلة وامار .... قوم لهـم فـي المجـد قـول ورصيـده

وبني تميم اللي لها الطيب مصـدار .... بنـي تميـم وكـل فعـل تجيـده

ثم الزعوب اللي بها الخصم يحتار .... شجعـان ماترضـى سـوا ماتريـده

العازمي وافي وفي الطيب بيطار .... روحه على كـل المصاعـب صميـده

ثم الظفيري في المصاعيب جبار .... والطيب والامـداح باصلـه وطيـده

ثم اذكر الاشراف بجلال واكبار .... اهل الحجاز اللـي تفـك الزهيـده

ثم الهذيلي له مواقف ومندار .... راعي الفخر راعـي العلـوم السديـده

ثم البقوم اللي لهم جيش وامهار .... ريف الضيـوف ليـا لفاهـم وليـده

واذكر ثقيف اللي لهم مجد وآثار .... ومهما حسبنـا مـن كـلام نعيـده

وبلحارث اهل العز بشهود واقرار .... ا لحارثي ياطيـب فعلـه وجيـده

والمالكي معروف لا صار ما صار .... في موقف اهل الطيب يبذل جهيـده

واثني تحياتي عدد وبل الامطار .... علـى سليـم وكـل خصـم تكيـده

واذكر جهينه هل مواقيف وادوار .... تلقى الجهيني راسم الطيـب بيـده

واذكر بلي والمجدله فعل واظهار .... وتاريخهـم يحكـي فعـول فريـده

وبني عطيه في المواجيب حضـار .... قـوم بوقـت الجـد قـوم عنيـده

ثم الحويطي والكرامه له اشعار .... ثـم الشـراري لـه فعـول مفيـده

ثم الرشيدي في الصعيبات صبار .... على علـوم الطيـب فعلـه يزيـده

وباقي جنوب الدار والقاف مادار .... باقي على قلبـي كـلام واشيـده

زهران نعم القوم في وقت الاضرار .... والخصم عينه من لقاهـا سهيـده

والغامدي معروف له عزم واصرار .... راعي المراجـل والعلـوم المفيـده

وشمران قوم والجمايل لها اطوار .... وبلقـرن سـم للقلـوب النكيـده

والا***ي والمحلفـي مابعـد بـار .... والحارثـي طيبـه وفعلـه يشيـده

وبني شهر وبني عمر سيف بتار .... قـوم علـى الاخصـام نـار وقيـده

والاسمري والاحمري صيتهم سار .... بيـن القبايـل والمواقـف شهيـده

واذكر عسير الهول ذربين الاذكار .... وابها احتموها فالسنيـن الشديـده

وادهم والصيعر على حد الاقطار .... يحمون حد الدار من اللـي يريـده

وامشي مع الساحل مع جمله افكـار .... رسمتهـا والطيـر زان اتغريـده

وانزل على جيزان تاريخ واديار .... ورجـال فيفـا والقبايـل عديـده

وارجوا العذر واهل المواجيب عذار .... الي نسيته مانذكر فـي القصيـده

الواهبي عدد ابيوته بـالادوار .... مـن شاعـر ماشـل قلبـه حقيـده

شهران ربعي هم هل المدح والكار .... واهل الكند واهل السيوف الجديده

يوم البلد مايامن الزند لاثار .... زيزومنـا ابـن مشيـط نعـم الوليـده

فالجهل شجعان وفي السلم تجار .... مـن بطـن بيشـه للتهـم لارفيـده

حبيت ابين موقفي بين شعار .... وارجوا سموحتكـم علـى ذا النشيـده

ماحب انافق واتعنصر تعنصار .... ولا ني باطيع اهـل العقـول البليـده

ما كل من طب البحر قيل بحار .... وما كل من شل الفشق جاب صيـده

فالشعر بستـان بـه ورد وازهـار .... واللـي تعداهـا بيوتـه فقيـده

واقولها في الشعر تكرار وامرار .... ضرف بـلا عنـوان يلغـى بريـده

وبعض السوالف له مواقف ومحضار.... وشعر بـلا معنـى لـزوم نبيـده

وصلوا على المرسول شفاع الابرار .... محمـد الهـادي وقـدوة عبيـده
.............................. .................... .............................. .........

[مجنون الحب]

ادري مقصر معاك وفي محبتنا
وادري ما تدرين ليه اسباب تقصيري


لو دام حبك ولو دامت علاقتنا
انا لغيرك وانتي ياقلبي لغيري


لازم نقوي على الفرقا عزيمتنا
لو كان بعدك سبب همي وتدميري


عجزت لا ادبر ظروف تحدتنا
ما قام حظي ولا فادت تدابيري


المجتمع والعوايل غصب حدتنا
ولا انتي اصلن زيادة خير في خيري


ولو ان قربك خطاء يابيض رايتنا
يزيد قدرك غلا من زود تقديري


مادنسك كذب حاسدنا وشامتنا
تبقين ورد العفاف ان زان تفسيري


لكن عزانا على الذكرى و ضيقتنا

هذي حقيقه ولا داعي لتبريري

يا غايتي يوم تنهينا نهايتنا

تعالي اخذي من اوجاعي تعبيري

انا وشعري وصلنا فوق طاقتنا

احزن وحزني يحبونه جماهيري

وفيت وانتي وفيتي مير خانتنا

كل التفاكير واولها تفاكيري

واليوم لدفن بقايا حي ميتنا

ما عاد تحيي معاذيرك معاذيري

بعيش في سكت الذكرى بدايتنا

واسير لاحلامنا وانتي بعد سيري

تذكريني بياض ساد نيتنا

تذكريني ولا يألمك تأثيري

تذكريني وعيشي في محبتنا

تذكريني ولا تطرين ابد غيري

مع السلامه خلص واقع حكايتنا

انا لغيرك وانتي ياقلبي لغيري

وصلت لاخر محطه في سيرتنا

تطول مشاويرك او تقصر مشاويري

[مجنون الحب]

أرفق بنفسك فالحياة قصيرة *** مهما تعش فيها مـن الأزمـان
أرفق بنفسك لا أخالك جاهـلا *** إن إتبـاع الحـق بالإذعـان
أحقيقة ما قد تناقلـه المـلأ *** فرأيتـه ضربـا مـن الهذيـان
إني أعيذك أن تكون مكابرا *** فارجع إلى ما كنت من إحسـان
بالأمس كنت إمام اطهر بقعة *** شهرا أمام البيت ذي الأركـان
واليوم أنت مع المعازف مفتيا *** بجوازها يا خيبـة الإخـوان
هل تاق سمعك للفتاة أصالة *** أم تقت سمعا للمخضـرم هانـئ
هل أنت مشتاق لنبرة عجرم *** أم صرت ترقب عاصي الحلاني
أم قد سئمت من التلاوة مدة *** فـأردت تبديـلا لهـا بأغانـي
أم قد كرهت مقال كل محرم *** جعل المعازف رقية الشيطـان
هل ضقت ذرعا من إمامة مالك *** وإمامة الفذ الفتى النعمانـي
والشافعي الألمعي محمـد *** أو رأس أهـل السنـة الشيبانـي
أو من يسير على طريقة أحمد *** فانقاد وفـق مـراده بأمـان
هل ضقت ذرعا بالأئمة كلهم *** ورحمت كـل مزمـر فنـان
هذا حديث الناس إثر مقالكـم *** مالـي بـرد الشامتيـن بـدان
أولم يسعك اليوم ما وسع الأولى *** فلقد كفوك القول بالبرهـان
إني سأذكر بيت صاحب حكمة *** فلقـد أجـاد موفقـا ببيـان
إحذر هديت فتحت رجلك حفرة *** كم قد هوى فيها من الانسان
ولسوف أذكر ما حكاه محمد *** أعني به ابـن القيـم الريانـي
حب الكتاب وحب الحان الغنا *** في قلب عبد ليـس يجتمعـان
ياعادل هذي نصيحة مشفق *** بـرّ صـدوق محسـن معـوان
ستظل تندب ما نطقت به غدا *** والقسـط عنـد الله بالميـزان
يتبرأ المتبوع مـن أتباعـه *** ويفـرّ إخـوان مـن الإخـوان
فالحكم للحق القوي بعدلـه *** والفصـل يـوم الديـن للديـان
سيقول مستمع المعازف حينها *** يارب أفتانـي بهـا الكلبانـي

[مجنون الحب]

عقب البطا لاقيت ظافي الجديلات = ياليتنا عقب البطا ماالتقينا


سلمت وقلت لنور عيني سلامات = وش غيًرك ويش السبب ما تبينا


دنق وقال ارجوك إنه العلاقات = شيٍ حصل ماعاد هو في يدينا


قلت السبب قال الليالي غريبات = إنه العلاقه واعتبرنا انتهينا


انا بحبل انسان ماهي دعايات = ارجوك ابعد خايف انًه يجينا


طالعت فيه وهلت العين عبرات = في ساعةٍ غصبٍ علينا بكينا


حاولت اعبر عن همومٍ خفيات = بس الحكي شيفيد مهما حكينا


كتمتهن بالجوف لوهن قويات = راضي على ماصار لو مارضينا


وآخر كلامه قال لي كم كلمات = لاتسيء ضنك في غصبٍ علينا


ولف العباه وراح وانا بحسرات = فرقاًجرت من غير ذنبٍ جنينا


وقفت اخايل غض الأنهاد لحظات = فيهن تهدم كل شيٍ بنينا


وقمت اتذكر كل شيٍ لنا فات = قبل ايتغير بالمحبه حدينا


ياما سهرنا بأظلم الليل ساعات = وياما طلع نور الفجر مادرينا


وياما لنا فوق المراقيب ذكرات = وعلى جبال الزور ياما رقينا


وياما تحملنا الصعوبات مرات = وياما على سود الليالي شكينا


على زمانٍ فات جريت ونات = لو هن على ضلعان مكه تلينا


اقرا الموادع بالقصص والروايات = لاشك ماضنيت بيصير فينا


وارجع واكرر كلمةٍ لي بسكات = ياليتنا عقب البطا ماالتقينا


الــــــــــــــــــجزء الثــــــــــــــــــاني


تكررت عقب البطا والتقينا = من عقب مامرن سنينٍ طويلات


في صدفةٍ فيها حشا مادرينا = ولاهقينا نلتقي عقب مافات


لاشك جابتها الليالي وجينا = رغم الفراق ورغم ذيك المسافات


في موقٍف بان التوتر علينا = لحظه تلين إبها القلوب القويات


قالت شلونك قلت ربك عوينا = الحمد لله عاضني عقب لوعات


الله رزقني في هنوفٍ تبينا = احيت خفوقٍ كان بعداد الأموات


هي نور عيني فرحتي والضنينا = ألقابها عن ظيقة الصدر سجات


قالت سليت وقلت عقبك سلينا = لكن عقب مالاعنا الحب مرات


قالت شلون وقلت لاتسألينا = مافات فات ولا تفيد الحسوفات


قالت تكلم قلت مهما حكينا = الدمع ماينفع عزيزٍاليامات


قالت نسيت وقلت لامانسينا = لكن قنعنا والقناعه من الذات


قالت أروح وقلت وش في يدينا = روحي عسى في كل خطوه سلامات


بصبر على فرقاك مهما حيينا = ولا تشوه صادق الحب زلات


قالت على ماكنت دنيا ودينا = تكرم ونكرم عن دروبٍ رديات


قلت اسمحيلي قبل لاترحلينا = يم الديار اللي علينا بعيدات


تراي ذخرٍ لاحدتك السنينا = اجيك مهما واجهتني صعوبات


من اليوم اخوك وغيرها ما بغينا = كلي فداك ان صار بالوقت ميلات


وتبسمت بإعجاب مدري حنينا = وتهشمت قدام عيني بعبرات


قالت فمان الله قلت انتهينا = واقفت تكلم نفسها بس بسكات


وقفت تقديرٍ لها ثم مشينا = دربٍ مشوه اهل القلوب العفيفات


امشي واردد ليتنا ماالتقينا = وش جابها عقب السنين الطويلات

[مجنون الحب]

اللبيب اللي تكفيه الاشاره
وانت في عيني انا اشوفك لبيب
امس انا وحدي فقط ذيب المغاره
مير صار اليوم فيها كم ذيب
كان ودك روح صل الاستخاره
قبل لاشمس الضحى عنٌك تغيب
من يقرر لازم يحٌكم قراره
وش جنا جساس من ذبحة كليب
ابك انا مليت من دفن العباره
استلمها لو تجيب اللي تجيب
فيك قاف الشعر يعلن احتضاره
فيك قيفاني نحيبٍ في نحيب
بالفراق ابشرك وابغى البشاره
روح وانا اروح والدنيا نصيب
بس ابوصيك لن حبيت تاااره
خاف رب البيت في قلب الحبيب
كان قلبك قاسين مثل الحجاره
فيه بعض الناس قلبه كالزبيب
اعرفك دايم مكانك فالصداره
لاقتلتي قلب مايلقى طبيب
تستحقين الاشاده و الجداره
لا طعنتي صعب طعناتك تطيب
شوفي الطعنات في قلبي اماره
كلها لك دون زور ودون ريب

[مجنون الحب]

الليلة هذي واضحة ليلة فراق=حاولت أعديها وعيت تعدي

ظروف ما تنطاق ولا راح تنطاق=صد القدر ماهو بصدك وصدي

تعال خذني بين أياديك مشتاق=قبل انتفارق حط يدك بيدي

بجلس معك ساعة حبايب وعشاق=من بعدها كيفك ولو صرت ضدي

فيني خليط اشواق بأشواق باشواق=واصل معك من كثرة الشوق حدي

ودي المك واحضنك حضنة اعناق=ياشيب عيني كل ما قلت ودي

في خاطري وش خاطري خاطري ضاق=الكون كله ضاق ماهو بقدي

حتى الدموع الي استحت كبر وأخلاق=تساقطت من فوق خدك وخدي

لوحة شعر تبكي على بيض الأوراق=بيحت فيها من ردى الحظ سدي

ليلة جفا وافراق ما مثله افراق=حاولت أعديها وعيت تعدي

[مجنون الحب]

وداع ناجح من مطار القريات
يوم اركبونا الطائرة واشلعتنا

لفت ودارت وامرجت بين لحظات
لولا الكراسيـ والمحازم رمتنا

طاروا بنا حمر العلابي خواجات
صغر العيون وجيههم هولتنا

تكفى تشهد يافهد واقرا آيات
الموت جانا والظروف اجبرتنا

جانا المضيف وقال وش في خدمات
قلت نزلونا بطونا موجعتنا

من قبل أشوف الغيم من دون السموات
واليوم أشوفه يافهد من تحتنا

عزالله إني ماحسبت الحسابات
والا ترى سيارتي موصلتنا

يازين ممشى الأرض لو هي مسافات
لنا بشعيب مجهزين قهوتنا

وش جابني للطائرة والمطارات
والله ماعود ركوبها ان نزلتنا

لو تنفجر قامت تذيع المحطات
رح عاد دور قشنا مع جثثنا

[مجنون الحب]

حـان الـوداع ولابقـى للعـتـب دور
الله لنـا وفجـوج ربــك وسـاعـي
دام الزمالة ماهـي احسـاس وشعـور
ماللزمالـة بـعـد هالـيـوم داعــي
قلبي علـى المقفيـن ماهـو بمقهـور
مـن بـاع للعشـرة مصيـره يباعـي
لا تعتـذر مـادام صاحبـك مسـرور
اللـي علـى شانـه بذلـت المساعـي
يبقى رفيقـك وانـت بالفعـل معـذور
يمشي على ماقلـت وامـرك مطاعـي
دامـه علـى ماقيـل منهـي ومامـور
بدري على شـرواك لويـت ذراعـي
فنجالك اللي سقت مـن يـدك منثـور
لاصـار منتـه للزمـالـه مـراعـي
من يخـدم الانـذال ماهـو بمشكـور
ومن يزرع الصبخا جـداه الضياعـي
تـوّي لقيـت لعلّـه النـذل دكـتـور
البعد عـن شوفـه يزيـل الصداعـي
مافيـه داعـي ينفضـح كـل مستـور
عيني تشوف الـدرب والقلـب واعـي
نـور الحقيقـة بـان والعلـم مخبـور
شفت السبـاع وشفـت روس الأفاعـي
ما كنت اصدق فيـك ياضايـع الشـور
دايـم وانـا دونـك مكثّـف دفـاعـي
افلح ... قبل يضربك رمحي على الزور
والحـق خويـك ياحليـب المـراعـي
عين بكت فرقـاك تحـرم مـن النـور
لاتنتظـر بعـد الــوداع اجتمـاعـي

[مجنون الحب]

طعنتني ياصاحبي يوم "مليت"}
وانا الذي دايم احاتي عشانك

اسمع انا وش قلت بعد هالبيت
ماني ترى ناوي أحد في مكانك
,,"
ماهو مهم انك غدرت وتخليت
ابيك تفهم غلطتك في زمانك
..
رديت ما رديت "او" رحت ماجيت!
انا معك لو تلتفت في وزانك

طبعي كذا ماخون لو ويش سويت
الصدق لو انك خذلته اهانك
،،،
لعبه ذكي ماهو غبي بس ياليت
تفهم من اللي ما ابد يوم خانك
،،
الحزن اهديته علي وانت قفيت
اكبر مثال اني وفيت برهانك
،،
ياما كسرت بخاطري ماتحاكيت
وياما نويت بذبحتي من لسانك
،،،
وياما شكيت الحال وياما تغليت
كله عشان اكسر صلابه حنانك
،،،
وياما وياما بس لكن تغاضيت
بس المهم لا تتعب القلب كانك
،،،
عرفت اخطاءك علي ثم رديت
صدقنى مارجعتك في مكانك!

[مجنون الحب]

جرحتني ورحت عني وياحظك نسيـت.. جرحتني وجرحـك الين الحين يبكينـي


خلاص رحت عني يعني خلاص مليـت؟.. خلاص ماتفكر فينـي خلاص ماتبينـي؟



ماتوقعت أنجرح وأستاهل اللي عطيـت ..ماتوقعت يهـون عليك عذابي وأنينـي





ماتوقعت اني أنجرح منك وما هجيـت ..ولا توقعت يجـي منك شي مايرضينـي


خساره خاب فيك ظنـي اللي ظنيـت.. وماتت ثقتي بكل الناس اللي حولينـي



ليه غير الكذب و الوهم منك مالقيـت.. ليه تظلمني وأنا أهديتك صادق حنينـي






رويتك حبي وغير جرحك ما ارتويـت.. صدقت معك بس ليه بكذبك تجازينـي




أنا وفيت و أنت لعبت فيني و تسليـت ..وماعمري توقعت انك بتخيب ظنينـي



بعت كل الناس وغيـرك ما اشتريـت ..وأنت بعتني وخليتهـم يتشمتوا فينـي


أنا عشقتك بجنـون وغيرك ما حبيـت.. وأنت ماحبيت غير نفسك يامشقينـي


أنت اللي اخترت البعد وعني صديـت.. وجرحتني وجرحك الين الحين يبكينـي


ومن جرحك بكيت وأنت ماحسيـت ..ومن كثر البكا دمـوع عيني تشكينـي


وصلت للمووت وأنت عني مادريـت ..ولا حتى فكرت ياظالم تسأل عني وينـي


خلاص أنا من جروحك والله انتهيـت ..ومن جروحك كرهت أيامي و سنينـي


اخترتك و أنا أعترف اني والله خطيـت ..وندمان بس وايش يفيد الندم ياعينـي


يا للأسف قتلت حلمـي اللي تمنيـت.. وما صرت الحبيب اللي تمنيته يخاوينـي


والله ماني مصدقه كأني بحلم وصحيـت ..معقولـه تجرحني ومن جرحك تدمينـي


بس ربنا موجود وأنـا والله ما نسيـت ..انـه من مرض جرحك راح يشفينـي

[مجنون الحب]

عـلـى طــول المشــاعـر اللــي حـوتنـا من ثــلاث سنـيــن !!
نـحـت إسـمــكـ عـلــى بــالـي وأثـــري مــو عـلـى بــالـكـ



عـلـى حـرّ الجمـــر أنـطــر مـتـى لحظــة لقــانــا تـحـيــــن..
متـى ألمــس هــدب عـيـنـك وأحـس بـرعـشــة اوصــالـكـ



تـصـــدّق مـن عـقــب مـا قـــدّر الله يـنـكـتـــب هــالـبـيـــن!!
أبــد مـاغــاب عـن عـيـنـي مـزوحـكـ و كـثــرة اهـبـــالـكـ



لأنــي شـفــتـــكـ الأول و غـيــــركـ صــــاروا الـتـــالـيـــــن..
ومـن هـــو الـلــي تـجـــرأ بــس يـحـــلّ بـيــوم مـنــزالــكـ




غــلاكـ الـلـي سـكـن فـيـنـي تــراهـ مـوجــود ليـن الحيــن !!
أبــــد مـاهــــزّهـ غـيـــابــكـ ولا تــأخـيـــر مـــرســـــالــكـ



تـوقـعّـتــكـ تـبـــادلـنــي شـعـــور الحــبــــ بـيـــن اثـنـيـــــن
ومـثـل مـا الـبـعــد غـربـالـي ضــروري يكـون غـربـالــكـ..



حـســافــه جـيـتــــ مـتـغـيـّـر وبـيــدكـ شــايـــل الـسـكـيـــن!!
أسـولفـــ لـكـ عـن اشــواقــي تـقــول لـي مـالي ومـــالـكـ



زرعـتـكـ نـبـتـه بـصـدري .. سـقـيـتـكـ من دمـوع العـيــن !!
ولـكـن أكـتـشـفـت أنـكـ حـبـيـب شـايـــفــــ(ن) حـالــك



أشــوفــكـ تـغـلـط بـحـقــي واقــول مـردود لـكـ هـالـديــــن..
لـقـيـت الـقـلـب يـرضـيـنـي وبـالغـفــران يسـعــى لـــكـ



أنــا مـاهـنـت لـكـ نـفـســي عـشــان تـذلـّنــي وتـهـيــــن!!
ولا تـفـكـّـــر أبـــد إنـــي لـعـيـنـــكـ بـقــبــــل افـعــــــالــكـ



و إلــى مـنـه طـرى لـكـ هـاجـسـكـ لأنـكـ جـمـيــل وزيــــن..
تـبـي تـلعــب بـأعـصـابـي مـثـل مـا الـجــو يـحــلـى لــكـ



تــذكّـر شـطــر هـالـشـاعـر نـطـــق بـه قـبـلـنـا بـعـامـيـن!!
تـرى مـانــي تـبـيـعـــ(ن) لـكـ ولانـي بــأصـغــر عـيــالـكـ



أبــد لا يـغــرّكـ إخــلاصـي وســؤالـي عـنـكـ يـا المسكين..
مـدامـكـ خـضـت هـالـلـعـبـه ونـويـت تـحـقـق آمــالـكـ



بــبــدّل كــل أطـبـــاعي وبـنـســى كـل مـاضــي شـيـــــن!!
وبـطــوي صـفـحـة الـطـيـبـه وبـصـيـر الـيـوم قـتــّـالـــكـ



بـتـلـقـى أخــلاق مـقـلوبـه سـوى كـل مـايـخـص الـديــن..
و لامــن قـابــلــــكـ زولـــي تـهــــجّ وبـيـــدكـ نـعـــــالـــكـ



تـرى هـذي جـزاة الـلـي بــدى يـلـعـب عـلى الحـبـلـيــن!!
ومـن يـلـعــب مـع البـركـان أكـيـد إنـه غـدى هــــالـكـ



وإذا ضـاقـت بـكـ الـدنيــا وضـاق الـكـون بـكـ بعــديـــن..
وصــار الهــم فـي صـفــكـ وشـانــت عـقـبـي أحـــوالـكـ



خلاص .. لا تـجـيـنـي تـتـعــذر وتـذكر هـالـثـلاث سـنـيـن!!
لأنـهــا لــلأسـف هـــانـت بـقـــــولــة مـالــي و مـــالـكـ !!

[مجنون الحب]

<< تكفى يا ابويـ لا يغسلـ جثتيـ غيركـ <<الله لايحرمنيـ منكـ يا الغاليـ >>

يابوي ليه تبكي كل ما شفتك وعينـك لـي ؛،؛ تخـاف أموت يـابـوي ... وقبل الموت تبكيني

تكفا يابوي لا تبكي وأنا موجود معك وحـي ؛،؛ أجل بعد الرحـيل أشلـون في قبري توطينـي

ابوي لو تموت الناس ماتسوى دموعـك ذي ؛،؛ وأنا يابوي ميت قبل أمـوت وأنـت محيينـي

قسم بالله يابوي لجل عينك شربـت الغـي ؛،؛ جرعت الهم والحرمان وبحـر الويل يسقينـي

تـحملت السنين اللي طوتني في عاذبي طـي ؛،؛ وصار الجمر بكفوفي .. وتحت أقدام رجليني

يابـوي ماعلى عمري حسافه ولا بقا بي شي ؛،؛ ولكـن بطلبـك يابـوي تكفـا لا تخلينـي

يابوي مابي غيرك يغسـل جثتـي بالمـي ؛،؛ وتكفا قبل لا أتكفن .. يابوي فكلـي عينـي

بأمر الله يمكن ألمحك وأرحل في عيني ضي ؛،؛ وودع وجهك الطاهر مع دنيـاي وسنينـي

وخل الناس تحملني وترفع راسي ورجلـي ؛،؛ وتأخذني على قبري وتكسب أجرهـا فينـي

وأذا جيت القبر يا بوي نزلني شوي شـوي ؛،؛ ووجهنـي لبيـت الله .. وقبلـه المصلينـي

وحـط الطين وأدفني وعز اللي يعـزي فـي ؛،؛ ثلاث أيام يابـوي .. يواسـوك المعزينـي

ورابـع يوم يا بوي تذكر .. ضحكتي وعني ؛،؛ تذكر وش كنت أقول يـوم أنـك تنادينـي

تذكر يـوم كنت أنام في ظل النخـل والفـي ؛،؛ تجي يمي تصب الما..على وجهي وتصحيني

تذكر جرة الموال وصوت في حبالـه كـي ؛،؛ تذكر يوم أغني لك قصيدي وانت توحينـي

تذكر ضـحكتك لا قلتلك يابوي عشقي هـي ؛،؛ تذكر كم قصيدة خافيه مـا بينـك وبينـي

تذكر كل شي كان وأذكر يـوم انـا حـي؛،؛ولكـن أسالـك بالله يابـوي لا تبكي

اللهـ يخليـ ليـ عزوتيـ بهالدنيا قولوا اميين..

[مجنون الحب]

عدّى عمر .. ياليت الأعمار تنعاد
وأرجع بلا شيب وبليا تجاعيد

أرجع وأضم أبوي وأقول: لا عاد
تموت وتتركني مثل ليلة العيد

يوم اسألوا الصبايا والأولاد
وقلت:أمي تقول انه مسافر بعيد

بكيت ليلتها وناديت..ما فاد
وظليت أصوت لك .. وأناديك وأعيد

عوّد يا بوي وجب لي ثياب جداد
يا كثر ما تنسى يا بوي المواعيد

بكيتك لحالي وأنا كنت معتاد
تكف دمعي بـ إيد وتضمني بـ إيد

كم كنت محتاجك تجي كنّك رقاد
تمطر من كفوفك صلاة وعناقيد

احتجت لك طفلٍ كسر قلب الأعياد
واحتجت لك طيش وشباب وتناهيد

واحتجت لك شاعر له أحباب وأضداد
واحتجت لك رجال يخشى المناقيد

احتجت لك .. واحتاج لك ظل وسناد
العمر ينقص واحتياجي لك يزيد

[مجنون الحب]

،


شفت البحر لاضاق صدره .. على الفُلْك
نفسه شعوري لاجتك "لحظة الضعْف"..

لاضاق صدرك ..اعتبرني مْـن ×آهَلْك×
تعااال فضفضلي عن همومك .. وشف

اصير لَك مثل السحابه..وابلّلْك
مع ان جوفي من { مطر ضيقتك } جف

ماكان قصدي إني.. بهمي اشغلْك
بس حولنا اشياء ..في قمممة السُخف

(المجتمع ..والظلم ..واني ماأ وصلْك
تجبرني اخنق مُعظم .. انفاسي بـ :أُفّ)

من كثر ماعَرْفِك..آحس اني آجهلْك
ياللي سكـوتك حد ذاته ... تِفلسفّ

تدري وش آحسك ..وآنا آتأملْك..؟!
"طفلٍ مُهذّب جالس فـ أول الصف"

تعاال نغفى في وسط "دفتر السلك"
تعاال نسمع ..همسة الرف ..للـرفّ

تعال ننـ(ففف) ـخ "شمعة الهم" ...داخلْك
تعال نعطي "وجه الاحزان" ....كم كَف

تعااال نرسمنا على .."جْدار منْزِلْك"
تعااال نشطبنا من ..."جروووح تنزفّ"

وان كان جيتك ..ذات ليله ..ابسألْك
عن حبل بُعدك : ليه في عِنْقِي إلتّـف ..؟

!اضحك عليّ..وقلّي : (معقووله اقتلْك)
وآنا ابضحك لك..واقول : ايييه صرّف ..

يا(حلم عمري) وانت ..اقبَحْك اجمَلْك
عن عرقلة ركض الأحاسيس بي ..خُف..؟

!وان كان جيت مْن الوله ...{ودي آكلْك}
اصرخ عليّ ..وقلّي : آحبك بعنف ..

[مجنون الحب]

على طاري الغرام الا احبك واعشقك يازين
وعلى طاري الحنايا قبل اشوفك صدق مهجوره

كذا صدفه بلا موعد حبيبي شافتك هالعين
ومن شفتك الى الحين وقلبي فاقد شعوره

غزاني حبك العذري عجز لاينتظر بعدين
وانا اشهد مارحل الا بيوت الحب معموره

ذبحني رمشك القاتل حلف يقضي علي الحين
مشت لك هالمشاعر بالرضى وتقول مجبوره

فديت عيونك الخجلا اذا قمتي كذا تسوين
دخيل الله ياكيف المشاعر فيك مسحوره

فديت قليبك الطاهر فديت خدودك الحلوين
فديت احساسك المرهف ولو تخطين معذوره

انا من قبل اعرفك ياحياتي اه لوتدرين
حياتي كيف كانت من همومي شلون مدموره

دخلتي عالمي فجأه وموثوقة خطى تمشين
خطى للقلب يطلع من تحتها ورود منثوره

عرفتي للغلا فيني عرفتي تبدأي من وين
عرفتي تدخلي وسط الخفوق وتعبري سوره

عرفتي تأسري قلبي عرفتي كيف تتولين
عرفتي كيف لجروحي تصيري اليوم دكتوره

حسافه مامضى من دنيتي من قبل لانتي تجين
صدق من قبل اعرفك كل لحظه تروح مهدوره

تعالي اه يالبى حياتك كنتي عني وين
تعالي واسعدي قلبي تعالي واشعلي نوره

انا ادري يابعد عمرالغلا وشلون تشتاقين
انا واثق واحاسيس الهوى من جد مغروره

تعالي بعثري همي تعالي واقطعي هالبين
تعالي بددي حزن(ن) تعبت ولاانتهى دوره

تعالي وارحمي حالي لأني صرت بين وبين
هموم(ن)تشغل افكاري وجرح(ن)علني جوره

تعالي ياحياة القلب ابيك بعينك تشوفين
غرامك كيف انبت في خفوقي ورد بحضوره

ابيك تعلمي العالم ترى ماارضى لو تخبين
ابيك تعلميهم من غرامي كيف مسروره

حياة القلب الا القلب الا عيوني الثنتين
اشوفك انتي بالدنيا وباقي الناس بس صوره

تعالي اتبختري واحيي مشاعر ماتت من سنين
تعالي واسألي ذيك الخواطر ليه مكسوره

تعالي واقهري العذال لعيون الغلا تكفين
عشان اهل القلوب اللي تحسد تروح مقهوره

تعالي علميهم يااميرتهم من تحبين
ابي قصة محبتنا تصير اليوم مشهوره

وانا عني ابعلن للملا كله من تكونين
بعلمهم غرامك في قصيدة حب مأثوره

أحبك ايه أحبك ايه أحبك لين ماتموتين
واذا متي بموت وياك واحب بروح مقبوره

ياعمري ارفعي يدك وقولي يالغلا آمين
عسى ربي لايحرمني غلاك وينطفي نوره

[مجنون الحب]

الله لا يهينك .. على جلب هذه الرائعه

[مجنون الحب]

يعطيك العافية