الرادفه يستاهله ذود ضيدان.....

[صقر العرب]

الرادفه خبراء ترد عليها شمر وعنزة يوم لشمر ويوم لعنزة وكلا عارفٍ وجبته

ولكن ضيدان التمياط اراد التحدي فا ورد ابله دوجات على الخبراء بوجبة ابن شعلان

ويوم وردت ابل ابن شعلان على الخبراء قهرها ضيدان التمياط فانطلق فارسان من فرسان

الرولة وهم طارب وطويرب عيال فهيد بن شعلان وصار الطراد بين ضيدان والاخوين طارب وطويرب


وقتل ضيدان طارب وفج جنب طويرب ويوم هجمت شمر شال ضيدان طريحه طويرب بن شعلان

ونزله قدام بيت فهيد بن شعلان اللي بعدها قال بن شعلان يالروله وش تقولون بالتمياط هو مجاملي

والا لا قالوا مجاملي فضخ عين واحيى عين ويقصدون انه ذبح واحد وترك الثاني من عيال بن شعلان.



واللي يقول الشاعر :

الرادفه يستاهله ذود ضيدان................مدلهن بالقفر محدن يرده

اللي بالسيف فج جنب بن شعلان ...........سدوه بالمشلح وعيا يسده

[شبل الطنايا]

تسلم يا اخ صقر على ايراد هذه القصه للشيخ الفارس ضيدان التمياط

[صقر العرب]

شكراً لك يا أخ شبل الطنايا على مرورك والحقيقة كل شيوخ وفرسان شمر يستاهلون ان تذكر


محاسنهم وعلومهم الطيبة ومواقفهم الشجاعة فهم من سطروا لهذه القبيلة العربية الاصيلة هذا التاريخ


المشرف.

[النداوي11]

تنويه
اوردة السالفه من قبل الاخ ظاهر التومي قبل وقت ليس بالبعيد
نريد المزيد من الجديد

[ابوو عايض]

الرادفه يستاهله ذود ضيدان................مدلهن بالقفر محدن يرده

اللي بالسيف فج جنب بن شعلان ...........سدوه بالمشلح وعيا يسده

والله ونعم باخوان شاهه والشيخ ضيدان له سوالف وقصص كثيره الله يرحمه
ومشكور اخوي صقر العرب على الموضوع الطيب
تحيــــــــــــــــــاتي

[الهمزاني الجذيلي]

مشكور اخوي صقر العرب على القصه الرائعه (( ضيدان بن تمياط ))
وقد قيل ان ال جرباء غضب عليه ومن ثم جلى عند الروله ومن ثم عند مطير وله قصه رائعه مع الدويش
لايتسع المجال لذكرها
تحـــــــــــــياتي

[مكحول الطرايا]

بل الطنايا يعطيك الف عافيه يالغلا

[ابن برزان]

يعطيك العافيه على المشاركه
ونطمع للمزيد
ابن برزان