ابوو عايض
2006-03-29, 04:19 PM
بسم الله الرحمن الرحيم
السلام عليكم ورحمه الله وبركاته
هطيل بن مشاري الزويمل كان توه متزوج، وكان هطيل متزوج من العفري بنت مغير الزويمل بنت عمه، وماكمل ثلاث ليال على زواجه ،وكانوا ربعه القني رايحين غزو ،ومافي من الرجال عند العرب الا هطيل،المهم جاء غزو على القني من مطير بقياده ابو شوريبات، وخذت مطير الابل ،درى هطيل بالغزو وكان مع هطيل بارود وقام يصوب المطران، ومايطلق رصاصه الا تطيح ادمي من مطير، ويجون مطير ويصوبون هطيل مع رجلينه ، ويبرك(يجلس) هطيل عند شجره، ويصوب على المطران ويجدعهم، والابل فكه هطيل من مطير وانحاش به الراعي،المهم صوب هطيل على ابو شوريبات يامار كاسر ظهره، وتجي مطير تبي تهج تبي تنحاش ، ويصيح عليهم شايب من شيبانهم من مطير ، يقولهم اذبحوا اللي ذبحكم يقصد هطيل ، ويجونك المطران على هطيل وهو منكسرات رجلينه، وقاموا يتقاطعونه بالقديمي (الخنجر) يامار ذابحينه، وبعد ماذبحوا هطيل ركبوا المطران ركايبهم وانحاشوا وتركوا ابو شوريبات مجدوع ماعنده احد، وماكسبوا المطران شي ، الابل فكه هطيل الله يرحمه وانحاش به الراعي ، المهم هطيل يوم يصوب ابوشوريبات بس كسر ظهره وما مات ابو شوريبات، ويوم هجت مطير ومات هطيل ، يا مار هطيل له اخو صغير اسمه عبيد وكان عمره 5 سنين وحوله، المهم الحريم يوم شافن هطيل مات ومطير هجت وابو شوريبات منكسر ظهره بس انه حي، صاحن الحريم على عبيد اخو هطيل وعطنه سيف ، وقالن له اذبح اللي ذبح اخوك يقصدن ابو شوريبات، ويجيك عبيد وهو صغير سن على ابو شوريبات ، واذا جاء عبيد يبي يذبح ابو شوريبات يلتف ابو شوريبات على عبيد ويصيح عليه ، وينحاش عبيد بس الحريم صاحن علي عبيد ويجي عبيد ويغز السيف بابو شوريبات، ويذبح ابو شوريبات، المهم يوم مات هطيل ، جت العفري حرمت هطيل الله يرحمه وماكملت ثلاث ايام او يوم حطت سم بالقهوه وشربته وماتت على هطيل الله يرحمهم ويعفي عنهم ويغفر خطاياهم......
أرجو ان القصه عجبتكم
تحيـــــــــــــــــاتي
السلام عليكم ورحمه الله وبركاته
هطيل بن مشاري الزويمل كان توه متزوج، وكان هطيل متزوج من العفري بنت مغير الزويمل بنت عمه، وماكمل ثلاث ليال على زواجه ،وكانوا ربعه القني رايحين غزو ،ومافي من الرجال عند العرب الا هطيل،المهم جاء غزو على القني من مطير بقياده ابو شوريبات، وخذت مطير الابل ،درى هطيل بالغزو وكان مع هطيل بارود وقام يصوب المطران، ومايطلق رصاصه الا تطيح ادمي من مطير، ويجون مطير ويصوبون هطيل مع رجلينه ، ويبرك(يجلس) هطيل عند شجره، ويصوب على المطران ويجدعهم، والابل فكه هطيل من مطير وانحاش به الراعي،المهم صوب هطيل على ابو شوريبات يامار كاسر ظهره، وتجي مطير تبي تهج تبي تنحاش ، ويصيح عليهم شايب من شيبانهم من مطير ، يقولهم اذبحوا اللي ذبحكم يقصد هطيل ، ويجونك المطران على هطيل وهو منكسرات رجلينه، وقاموا يتقاطعونه بالقديمي (الخنجر) يامار ذابحينه، وبعد ماذبحوا هطيل ركبوا المطران ركايبهم وانحاشوا وتركوا ابو شوريبات مجدوع ماعنده احد، وماكسبوا المطران شي ، الابل فكه هطيل الله يرحمه وانحاش به الراعي ، المهم هطيل يوم يصوب ابوشوريبات بس كسر ظهره وما مات ابو شوريبات، ويوم هجت مطير ومات هطيل ، يا مار هطيل له اخو صغير اسمه عبيد وكان عمره 5 سنين وحوله، المهم الحريم يوم شافن هطيل مات ومطير هجت وابو شوريبات منكسر ظهره بس انه حي، صاحن الحريم على عبيد اخو هطيل وعطنه سيف ، وقالن له اذبح اللي ذبح اخوك يقصدن ابو شوريبات، ويجيك عبيد وهو صغير سن على ابو شوريبات ، واذا جاء عبيد يبي يذبح ابو شوريبات يلتف ابو شوريبات على عبيد ويصيح عليه ، وينحاش عبيد بس الحريم صاحن علي عبيد ويجي عبيد ويغز السيف بابو شوريبات، ويذبح ابو شوريبات، المهم يوم مات هطيل ، جت العفري حرمت هطيل الله يرحمه وماكملت ثلاث ايام او يوم حطت سم بالقهوه وشربته وماتت على هطيل الله يرحمهم ويعفي عنهم ويغفر خطاياهم......
أرجو ان القصه عجبتكم
تحيـــــــــــــــــاتي