بالقريات حمية الشمري طلعت شمرية من السجن

[طير حوران]

شيء يرفع الراس ويطول الرقبة. قبل ثلاثة والا اربعة ايام بمجلس برفحا قالوا ان فية شمرية اشتبهوا بة بجوازات الحديثة بمحافظة القريات مع رجلة ودخلوها السجن مار والكلام اللي سمعتة ان فية واحد شمري خريصي من جماعة ابن سعدي اللي هو عارفة شمر انتخو بة ربع بالرياض واتصلوا علية ونخوة واللة والرجال ما جا عصر يوم الخميس اللي فات الا هو مطلعة من السجن .. بس مع الاسف اني ما عرفت اسم الرجل لكنها سالفة ترفع الراس وهذي الحميا الي بشمر . علم بغيتكم يا اولاد العم تعرفونة واللي يعرف السالفة زين لايبخل بها ويعدها حيث ان هذا شي يشرفنا ويرفع روسنا بين القبايل

[الخريصي]

طير حوران جزاك الله خير والله انه ترفع الراس

بس ماعرفه اكيد الاخوان يعرفونه ورجل مثل هذا يجب ذكر اسمه

واتمنا من الي يعرفه لا يبخل علينا بالسالفه

تقبلو تحياتي الخريصي

[بندر الخريصي]

لاهنت ياطير حوران

وماهي غريبه على عيال شمر

وانا بعد والله ما اعرفه


تقديري واحترامي لك ...

[ابوو عايض]

الله يعطيك العافيه اخوي طير حوران
وماهي غريبه على عيال شمر الفزعه والحميا
تحيــــــــــــــــــــــــاتي

[نايف الخريصي]

ابن سعدي وخريصي بعد ولا فوق هذا شمري

ماهو غريب هالموقف عليه

وجزاك وجزاه الله الف خير

وشكور يالغالي

[عبدالمحسن]

طير حوران احترامي لك اخوي

مادام قلت انه شمري فماهي غريبه على الشمري صح فديتك

يعطيك العافيه على هالسالفه ولك تحياتي يابعدي

[شمري165]

تحياتي ياأبناء العم جميعا كلكم وحميتكم بمكانها وشي تعتز بة شمر كلها وحقيقة قريت ماكتبة البناخي طير حوران وظليت ابحث واتقصى حتى وصلت اهل المعنية وهي بنت لشيخ الفداغة واللي بلغني بتفصيل السالفة واحد من اللي حاضرين المجلس عند حدا الشيوخ وجيبت القصة ما ر وافزع يافازع ولد شبل القعيط بحضور عيادة الصديد وعدد من الشيوخ وقال فازع لي بني عم بالقريات مننا يالسعدي وهم ينهون القصة ويكلم الرجال ابن عمة ويقال لة سليم الحريص من سكان القريات ويكلمة الشيخ عيادة الصديد بالليل ومن ثاني يوم الظهر وكان يوم خميس ويكفلة الرجال ويطلعة من سجن القريات العام وكل الشيوخ دارينن بة وهذي السالفة وسولفت علي من قريب للمرة بالرياض واللي طلعة هو من بنيخي فازع القعيط وحماد بن سعدي من البريك من الخرصة حبيت ابلغكم بأسمة وهذي سالفة تشرف وترفع الراس والحميا هذي فخر لنا ونعتزبة بين القبايل وان احيي هالرجل على هالسالفة الطيبة اللي تطول روسنا بين الناس والعربان ومشكور ياطير حوران على علمك الغانم ولاهي كثيرة على عيال شمر الطنايا .

[سيف الطنايا]

اليا صار الساس طيب وش توقع


وعالعموم هذي شغله دايمن نسمعه تصير بشمر ولا هي غريبه

الف شكر ياطير حوران والف شكر لشمري علي تعبه وجاب اسالفه بالتفصيل

ولا تعبت يبناخي

[مانع الخريصي]

أخي الكريم مشكور على توضيح هذه القصّه المشرّفه0


علم الوفاء يرفع على روس ألأشهاد=وعلم الردى يخفاء لو أنّه تهيّمه
والفرق شاسع يختلف بــين ألأفـراد=والــرّس مايشـــبه لهــداج تيّــمه
أصّل الحميّـــه من قديمـين ألأجــداد=فزعات شمّر بالمواقف قــديمــه


تقبل تحيات أخوك/مانع الخريصي

[الهمزاني الجذيلي]

والله الف نعم بالخرصه
وماهي غريبه عليهم الفعول الطيبه ..........
تحيااتي