معركة الصريف

[الحزينه]

معركة الصريف

جرت احداثها في : 26 ذو القعده 1318
الموافق : 17_مارس_ 1901م

والصريف هو اسم المكان التي دارت به المعركه , ويقع على بعد عشرين ميلا من الشمال الشرقي لبريده
وقد قالوا عنها المؤرخين انها تعتبر اكبر معركه تاريخيه في تاريخ الجزيره العربيه بحيث انه لم تتواجد قبيله الا ودخلت بها ما عدا بعض القبائل ,
وقد كانت بين قبيلة شمر بقيادة عبد العزيز الرشيد , والقوات الكويتيه والرشايده والعوازم والهواجر ومطير وعتيبه والسهول وقحطان والظفير والروله وبنو خالد وال مره والمنتفق .
وتدور احداثها عندما وصل نفوذ حكم ال رشيد الى حدود الاحساء شرقا والى الحجاز جنوبا وشمل القصيم والجوف والرياض وامتد الى ما يقارب 170كيلو الى دون نجران
ورغب الشيخ مبارك الصباح الملقب (اسد الجزيره) السيطره على نجد والتقليل من هيبة ال رشيد في الجزيره . و
اما من جانب عبد العزيز الرشيد فلما كان الشيخ مبارك الصباح قد قتل اخويه محمد وجراح , لجأ يوسف بن عبد الله الابراهيم الى الجنازه ويحثه على الثأر لاخويه , بالاضافه الى قيام الشيخ مبارك بقتل جماعه من تجار حائل خفيه وهم خارجين من الكويت .
فكان لابد من المواجهه , وقد انضم مع الشيخ مبارك الصباح الامير عبد الله بن فيصل وابنه عبد العزيز وكذلك امراء بريده ال مهنا وامراء عنيزه ال سليم ومعهم باقي القبائل المذكوره اعلاه....
اما من كان في صف عبد العزيز الرشيد سوى قبيلة شمر وفرقه مشتركه من الجيش من اهل الرياض بقيادة الشيخ عبد الملك بن عبد الله ال الشيخ .
وكانت خطة الشيخ مبارك الصباح ان يتجه الامير عبد العزيز بن عبد الرحمن ومعه الف شخص الى الرياض واما باقي الجيش يقاتل بن رشيد
وحين بدأت المعركه امر عبد العزيز الرشيد بان تساق اربعين ناقه من انياق بن رشيد ويكون الجيش خلفهم , وفي اثناء المعركه فر الكثير من رجال الشيخ مبارك وخسر 2000 من رجاله بينما لم يخسر من جيش بن رشيد سوى400 شخص وقد قتل ابناء الامير حمود العبيد الرشيد اثناء المعركه.
وبعد انتهاء المعركه وانتصار شمر العظيم قال الجنازه لواحد من رجاله اذهب الى حايل وابلغ الامير حمود العبيد الرشيد
بالنصر وعزه باولاده وقال هالبيتين :

يا هيه ياراكب المامون
سلم على ساهر العيني
قل بن صباح وبن سعدون
وابن سعود وابا الخيلي
ذبحتهم والقضي ممهون
بعيال شمر على الخيلي
اركض كما شوشة المجنون
سبحان ربي مسويني

وانشاء الله اكون قد وفقت في في الموضوع

ولكم مني جزيل الشكر
وااسف على الاطاله

[نهار بن هيشان الوبير]

الاخت الحزينة 18

الحقيقة ان احب اسميك السعيدة 18

اختي الكريمة اشكرك غاية الشكر على ايراد المعلومات القيمة والمفيدة عن احداث قبيلة شمر00

القصة صحيحة وكل المعلومات دقيقة
ولكن اسمحي لي اختي الكربمة هناك ملاحظة بسيطة

اولا 00ان الذي مع بن صباح هو الامام عبد الرحمن وابنه عبد العزيز وليس كما ذكرتي انه عبدالله

ثانيا00القصيدة على النحو التالي وليس على النحو الذي قلتيه

ياهيه ياراكب المامون000 سلم على ساهرالليلي

بن صباح وبن سعدون000 وبن سعود وابا الخيلي

هزمتهم والعدو ممهون000 بعيال شمر على الخيلي00لخ


اتحياتي لك

[الحزينه]

اهلا بك يالصريح
شاكره لك بتفضلك الكريم
وتصحيح ان كان هناك بعض الاخطاء , ولكن كتبتها على اساس ما سمعت
وانشاء سأرجع الى احد كتب التاريخ الا وهو تاريخ الكويت المعاصر وسأتحرى من المعلومه اكثر
والله يعطيك العافيه ومشكووور مره اخرى على هذه الاضافه
وسامحونا ان جاء منا قصور

ولكم مني جزيل الشكر

[القاصف]

الأسـتاذه :

[ السعـ18ـيــده ]

جزيـل الشـكر لكِ على ما كتبتيه مِن سـيرة حرب الصـريف المشهوره



الأسـتاذ :

[ الصـريــح ]

الشـكر الجزيـل على النِّقـاش التاريـخي الهـادف

[سليمان الذويخ]

الأخت / الحــــ 18 ــــزينه حفظها الله

اشكرك على المعلومات القيمة والموضوع الجيد

والشكر كذلك للأخ الصريح على تتبعه واطلاعه المميز وتصحيحه


تحياتي لكم

[الحزينه]

السلام عليكم ورحمة الله وبركاته
كل الشكر للاستاذ الكريم :
القاصف
على المرور والتواصل وانا سعيده بتواجدك
ويسعدني بان ارى توقيعك الكريم على مشاركتي ....
ولك مني اطيب الاماني




وكذلك اتقدم بالشكر الى الاستاذ الكريم
سليمان الذويخ
ولا شكر على واجب طال عمرك , وشاكره على والمرور والتواصل
واسعدني تواجدك ووقوفك على عتباتي المتواضعه

ولك منى اجمل الامنيات

[فيصل بن نجيفان]

الأخت الحزينه

السلام عليكم

تحدثتي ولم تطيلي الحديث عن هذه المعركه التي طال عنها الحديث ولم يوفيها حقها .

وإليكم كامل القصه مع قصائدها التي قيلت فيها :-

======


وقعة الصريف



بدأ ابن الرشيد يشن الغارات على الكويت تمهيدا ً للهجوم والإستيلاء عليها فاستعان الشيه مبارك بمحالفة أبو عجيمى السعدون رئيس عشائر المنتفق بالعراق _ وكان ابن الرشيد قد وصل في إغاراته إلى أطراف العراق حيث ضايق أبو عجيمي الذي أرسل يطلب النجدهـ من الشيخ مبارك الذي كان انذاك في ( الجهراء )
فبارد إلى نجدته حتى اضطر ابن الرشيد أن ينسحب من السماوة .
ثم استقر مبارك الصباح القبائل فلبته مطير والعجمان وآل مرة وغيرهم من بوادي الجنوب ثم جاء السعدون بعشائر من العراق ثن انضم إليهم كثيرون منهم آل سليم أمراء عنيزة وآل منها أمراء بريدة.
زحف هذا الجيش ومقدار عشرة الآف ٍ يقوده الشيخ مبارك أرسل منه الفا ً إلى الرياض بقيادة عبدالعزيز آل سعود وفعلا ً احتل المدينة ما عدا الحصن حيث طوقه بالحصار.
وأما مبارك فقد احتل بلدنا ً كبيرة في نجد بدون قتال ٍ حيث تأخر ( ابن الرشيد ) وظل يتقهقر حتى جر خصمه إلى قلب القصيم فوقف له عند الرفية التي تبعد خمسة عشر ميلا من بريدة إلى الشمال .
في جواره هذه القرية مكان يدعى ( الصريف ) اشتبك فيه الجيشان وتلاحما ظليلة ذاك النهار فكانت الوقعة من أعظم وقائع العرب الحديثة انهزم فيها الشيخ مبارك وخسر عددا ً كبيرا ً من قومه وكثيرا ً من عتاد الحرب فعاد ومن تبقى إلى الكويت ثم زحـف أبن الرشيد إلى البلدان انجدية لضمها تحت لوائة أمـّـا عبدالعزيز فقد أخلى الرياض لما علم بوقعة الصريف وعـاد إلى الكويت وبذلك استولى محمد ابن الرشيد على جميع نجد ٍ .
وذلك في 26 ذي العقدة سنة 1318هـ . وقد كانت وقعة الصريف هذه مثار قرائـح الشعراء فقد تنافسوا في وصفها ما بين مادح ٍ لابن الرشيد وقادح ٍ في الشيخ مبارك وبالعكس فكأنها جـزء من سـوق عـكـاظ سجل في شعراء النبط أحاسيسهم قال العزى ابن عبيد راعي ( الـبـرهـ ) فيها ويمدح ابن الرشيد:-

يامزنة ٍ غرا نشت من مغيبه = ترعد وتبرق ساقها رب الأرباب
ترمى السخط قيدت على من تصيبه = باركانها تسمع كما ضرب الأطـواب
همت ودمت وادلهمت غضيبه = واستـثـقـلت باللى للأرواح جـذاب
تبغى الحريب اللي دنا من حريبه = إبن إللي تعرض للأسباب
من كل غـواص وسيب ٍ يجيه = وباللى يحدقون السمك زام حراب
وعريب الدار وكل من يتلجى به = وراع النفاق وما رج الدين ما غــاب
وجموعة ً العجمان والي حضيبه = مع الدويش واتلاهم والأجناب
والمنتفق وبن شريم ونسيبه = وسكـانة ً النقـرة وسالم وغصـاب
حل المناخ اللي عليهم دعى به = من ديرته يحداهـ جلاب الاجلاب
والله ما صده عن الدارهيبه = مير انهم ياتايه الرأي جناب
إلى حلت البلوى على من بلى به = وينفك للمبلى من الله مية باب
عندهـ نزل حوض المنية طليبه = عوق الحريب إلى زار ما هاب
سير عليهم بالجموع الصليبه = جيشه مع المسوق يحاديه الآداب
ثار الدخن والعج وانقاد سيبه = والشمس عنهم كنها تقل بحجاب
يذكر لنا فرز الوغى شق جيبه = والذخر حرم عقب جـدع الأسـلاب

ومنها :-


ياذيب سفوة ناد ذيب الزريبه = واجذب من السامان للجوف وابواب
وباقي السباع الغايبه وين هي به = إقنب لها ياذيب في كل مرقاب
ولا تفرس إلا كل بيضا تريبه = وافرس مشاكيل وزلبات واركاب

ومنها :-


الحاكم اللي بالمنا ورا صحيبة = ما عـاد من ورا الباب
حتى لذيذ النوم ما يهتني به = بالليل زامات ورا بابه ابواب
السيل ما ينزل مجاري شعيبه = ولا ينزل الوادي إلـى صار مجناب
لا تامن الدنيا ولا ترتهى به = تصفى وتعطى عقب الاقبال عرقات
إن أدبرت قصت مجوص ٍ قصيبه = وان سالفت أدنـى شريط ٍ لها جاب

ويعارضـه العريـنـي مـن قـصـيـدة ٍ :-


يا قاطعين البيد ودوا لي اكتاب = رد ً على قول ٍ لفى منه ربيه
قول ٍ عن العزى ونا انكرت ما جاب = مطيـع نـمـام ٍ مشى بالحريـبــه
ومنها :-


يا ادعين القيل في دار الاجناب = شبهت بك موس ٍ قطـع في قضيبه
ألشيخ ابو جابر حثا المال ابيات = غرس غـذا وادي حنيفه رطيبه
والحرب يكفونه مجدعة الاسلاب = لي جدد واجــرح تعايس طبيبه
لي قيل ياهل الخيل ذا يوم الحزاب = يتلون او خالد مدرب مهيبه
إلا أهـوى على عمشى السعد كنه عقاب = طير الوحوش إلى هوى من شعيبه


وقال حمود لناصر البدر يصف وقعة الصريف عند بدئها ويحث جيش الشيخ مبارك على الثبات :-


ياراكبين كوارست ً تبارا = فج النحور افحاز ما بين الازرار
قطم الفخوذ امعلقمات القفارا = كوم ٍ علاكيم ٍ من القفر صمار
جن من شرار من ضرايب شرارا = عوص النضا العيرات ما جن بحوار
فتل العضود العضا لا تجارى = قطع الريادى ريد حسكات الاوبار
زرفا لهن بين الجرى والطيارا = لولا اللواحى عانقن رقط الاطيار
محلا مدناهن لهن اصطكـارا = ألواجي الله يوم مسا بيمثار
مثل النعام ان ذير ثم استذارا = وجه على فج ً يبى فيه معبار
فيلا انتخيتو والظلال استدار = مقدار يا ذر بين الايمان مقـدار
توليم بن حاكم به بهارا = ماجوب من الشاذلى حين ينذار
وسيروا معشاكم وسجوا سهارى = وغـب السرا يلفابكم دار من دار
ريف الضـيوف ودارستر العذارى = عبد العزيز الشمري سر وجهار
تلقـون زين ٍ زاهي ٍ اعتبارا = كـار لاخو نورهـ وحنا لنا كار
فان سال عنا في جنان ٍ تجارا = ما همنا كيل المشـارع والأسـعـار
في عشب خـد زايف ٍ بالخضارا= في روضة ( التنهات ) ناوين ميثار
مسناد ما يطرى عليه انحدار = مع رادت المعبود عواد الاوطار
قولوا وصـاة امحمد ٍ بالقرار = نبيتها ؟ سجيت ياعمس الابـصـار
ناهيك عن طامى غزير ٍ بحارا = يوم هذا الطوفان طياش الابحار
وانذرك عن ثورة قوى المثارا = إللى إلى من ثار تهتز الاقطار
تيار فوار الخطر ينتدارا = مير انت منتب يم حسنا الأشـوار
اغـواك ميشـوم شعب ٍ لك ونارا = وماظن أبو ماجد رضا منك ماصار
يدنى لك الجرناس ونت اتوارا = حيثك خبير ودارى يدك والجار
طاوعت من لابـاع معكم وشارا = وماطهت من رويان راى ٍ وتدبار
مرحوم يا من زارنا واستخارا = واعذر وعـاف امن السهم وابدا الاعـذار
من شيدوا برزان حايل قفارا = قبلك تراهم قطعوا دشـن الاكوار
مرً حكي مر ً هدن ما استشـارا = ما اهبلك يامن لا تميز بالاشـوار
ألعبد له بالشايتين اختيارا = ولله فينا ما يريده ويختار
ومن لا يجيره الله فلا هو مجارا = مير السبب دالوب ديرات الافـكـار
صفوة صباح التغلبى ميا يمارا = ولا ينـتـحارا لا وعـلام الأســرار
مجد أربــوع لبس أهــل النــمـــارا=كم بذت الحـكــام شكوات الأشـرار
لولب اقفول معضلات عسارا ً = فاروع من هامته زوم واسطـار
ومن سير القطبـين بالله وسارا = وجاله من الحبله مواثيق واخبار
يطول هرجي واقصـره باختصـارا = وترا جاك مثل السيل الاوعــام
معنا من المخلوق جند ٍ ونارا ً = مجعد صفا العايل حجا الدار واجـدار
إمبارك اللي ابناظره لو نارا = طير السعد مع مقدمه وين ماسار
ولا علينا يجهلون الأمـارا = منا ومنكم من هـو اديـم الاعـمـار
أنـتـم كما ظلع ٍ قـوى ً حجارا = وحنا كما نجم ٍ على الظـلـع حـدار
وانتم حرار ٍ من مواكر احرارا = وحنا ترانا من صواريم سنجار
وان كانكم شرهين وابكم نمارا= حنا بناظر ضدنا الشر مسمار
علوا يمين وكل يام يسارا ٍ=وان كنت كره اشرب قراطيع الأمرار
علوا إلى دك الكبوس استدارا = اهل الشرا والبيع بالموسم الحار
ويا من مثورت الجمل بالغبارا = انحاز الضديد إن كان سو الدخن ثار
بعدين والله مرخصين العمارا = من دون عز الدار اكوم الاشرار
وربعي لهم بالموجبات اصطبارا = كان المحاجب طابقا ً بطن الازوار
فيه الشهر بين الحمر والصغارا = يشدى زهر نوار مر جوع الاقفار
حيذور ياغب السرايا حذارا = شوكت شباب الحرب حاله تما عار
عده نصاك بكا لنظام الدهارا=امهات نصف أخشاب اطوال واقصـار
ومسليات الموزرى صنع دارا = ظرفات صنع اللندني دفع واقرار
وجنس ٍ يجينا من بلاد النصارات = ما هن وراور وسمهن لولب النار
دفع يثور وضربنا بالقرار= وخيرك تشوف افعال عطبين الاوكـار
تم الجواب بزين ترثت خيارا = بازكى صلاة النبي خير الابرار


ولم يسكت الشعراء في هذه المللحمه بل اطالوا فيها السجـع والتغريد والبكاء والعويل وهذا الشيخ سليمان بن جمهور يرد على شاعر الكويت حمود الناصر البدر في قصيدته المتقدمه :-


جنح الدجى جاشى به الفكر حارا = محتار ما ادري كيف تندار الاقدار
عفت الكرى وامضاجعي للعذارا = لكن يطعن ثومة القلب مسمار
قبل البشير امحيسن مع نهارا = والربع قسمين ابهم بارد وحد حار
أحد يقول الحكم ياناس دارا = لابن صبـاح اللي ولى بر وابحار
واحد نذر واحد حلف بالجوارا = ماصار مثله بالجزيره والاقطـار
واحد صعد بالمدح راس المنارا = لمبارك ٍ لولا الحيا ياملا طار
إندار خماله ومدحه خسارا = أصبح وظنه مابلغ عشر معشار
ألحمد للي دبر امره وسارا = ألمطلـع عالم خفيات الأسـرار
ينصر ويدمر والكسر والجبارا = بيد المولى قهار دمار الاعمار
وأخلاف ذا يا راكبين البكارا = عيرات من ذروات حصات الاوبار
خمس ٍ وخمس ٍ عيونهم كالسوارا = ما فوقهن غير الشفايف والاكوار
سمحات الادمى نايات الفقارا = عوص النضا من نسل ذروات عتار
خمص الخواطر ما نشن بالجوارا = محنونيات ٍ مثل الاقـواس ضمار
من جال دار اخيار ما بالديارا = أهل الزبير اكرام واجواد واخيار
ما ينوجد تمام فيهم وصاري = بخس العدو اللي لهم قال يازوار
أولاد نجد ٍ بالفخر والممارى = بالطيب والأ بالردى مالهم كار
ياركب سيروا نهار المجارى = على عيون ٍ لوذوا بالاكـوار
من الحزم عقب العزم سيروا يسارا = وخلوا حسن بصرى يمين ٍ عن الدار
ياركب هيا الحذار الحذارا = أليوم أو يوم ٍ تقيمون خطـار
إرخو لهن الخطم ليل ٍ نهارا = حتى تجون احمود بالدار محتار
إقروه منى بالتحيه وقارا = ما جا ليل أو سطع نورالأنوار
وخذوا له الخاطر وقولوا مجارا = ما جور يا مكسور من غير جبار
من عقب ما جيلك عليك المدارا = كيف أنت مع ربـعك على ظفة النار
يا احمود من قبلك يجيله تجارا = يمدح ويقدح والفعل ما بعد صار
حورك ومسكرك يا ابن ناصر اكبارا = أخطيت يا عمى البصيره بالافكار
هالكيف تبنى لك من الكذب دارا = وتشيد المبنى على درب الاخطار
لا عاد مال الملتجي به غرار = لا رحم ابو من دك باجدارها احجار
مبنى بنيته صار ساسه هيارا = سوس على الشاطيء ( شفاجرف ونهار )
الكذب به شؤم ٍ ولؤوم ٍ وعارا = تقول حنا من صواريم سنجار
اعيال االحرار مثل اباها حرارا = وجميـع طير ٍ لا يضرك ولو طار
إن كنت واعى فانتبه لا توارا = هيهات مالدرهم يشابه الدينار
ألمدح ما يطول يدين قصارا = أيضا ً ولا يقصر طويلين الاشبار
تمدح ياعشير السكارا = قبل الفعل له كار مع ذو وتعبار
وحنا المدحه ما نقوله جهارا = إلا بفعل ٍ يا بن ناصر او بتار
ما صار مثل الضيغمي لا توارى = أقفى على عين المعادى بالادبار
لابد له من دورة ٍ واقترار = مراكيب تفتر واعيون واسبار
ويلا أرجفت معها السبايا وسارا = يشبه هاتيك الهواجر والانصار
حاولو ولا زالو أجالو حذارا = هدوا ولا ردوا لك الله عن الحار
هذا فعل سكان حايل قفارا = ظنك بهم ما كملو دشن الاكوار
من ولهم دور قوى المثارا = خلوه يرغى عقب ما كان هدار
من قبل ما يسكنى با امير الامارا = والناس بامره بالبراري والابحار
واليوم دخلوا المناور نصارا = اللي براسه طاح من زود واسطار
اللى خلا وجهك سواد وسمارا = حيثك خبير وداري مير مـكــــار
هالكيف لاسرار المغيب اتجارا = يا احمود ليه ابناك ماهي بمسخار
لا عاد مالك بالعلوم انتظارا = ولا اخذت عن مخثار الاخبار
تحوض ببحور ٍ تلاطم اغزارا = بأمر الولى تندار بإقبال ودبار
يضع ويرفع ثم يسمع ويارا = ويبرم دواليب بالاقدار تندار
بالغيب لك رجما ً بليا نتظارا = حكمت ربعك بالحكايا والاشـعـار
الحكم ماهو بالمنا والممارا = أيضا ً ولا بالطهبله تأخذ ادبار
ياليت لو ماسك السنانك هجارا = ما كان صار آمن الشعر مثل ما صار
يا احمود سرتو من بلد كم بطارا = وزمتكم انفسكم لحكم وتعبار
وثر توا وصرتوا بالتماني أمارا = وطابت لكم قطع الفيافي والاقفار
يوم بها مغصوب واحد مكارا = مابين بحرى والحضر واهل الاهـوار
قوم ٍ باهلها يا ان ناصر تجارا = وقبل الملاقا تحسب القوم من الدار
غرتكم المده ليال ونهارا = حتى انتهت مدات أنفاس وأعمار
يوم انت با ( التنهات ) ترعى الخضارا = وامربع ٍ تقطف زماليج وأزهار
الحر خطو النوب يخطي الحبارا = والظن ترتع دام سرحان ماشار
ياحمود وين اجنابك اللي تجارا = ظنك بها تغدا شجرها ولاثمار
أصبح ماها غاير ٍ ثم غــارا = قبل المسا غارت وشبت بها النار
تقول ما يطرى علينا انحدارا = تبون حايل مع قفار ٍ لكم دار ؟
خاب الرجا فيكم وصرتوا أسارى = أحد ٍ دفن واحد ٍ معشى للأطيار
خذ راسها دار الفلك واستدارا = هب الولام وداركم دور زوار
بين الصريف وبين هاك الز بارا = حقت ولا ابقت لكم عين ديار
جاكم بلا كم من هواكم وصارا = نهاركم ليل ٍ وضاعن الافكــار
يوم ٍ شرير ٍ به ضـرام وشرار = هب الهوا باهل السناعيس ونذار
ناضوا ولا جاضوا وخاضو حسارا = سار وا ولا بار وا مخافة العار
سلوا ولو في اسيوف النصارى = مع صنع ابن ( باني ) للاقارب بتار
قوم ٍ على قب اعبيد وحرارا = باكبودهم حرد وبقلوبهم نار
يوم الأخور نورهـ بليل ونهارا = ياطون ما ياطا شخانيب سنجار
قوم ٍ تفت الكيدهن والممارا = حريبهم يشرب قراطيع الامرار
قوم ٍ لهايوم ٍ تبيع العمارا = من ولب ضرب اسيوفهم تشتعل نار
قوم ٍ تراها من طنايا سدارا = على الحكم عيت بالاملح تبي الجار
قوم ٍ لها بقلوب اعداها وقارا = إن ذكر حربهم عند حول السكري طار
قوم ٍ بها زوم ابنها المثارا = يشفى غليله من جبيله إذا سار
قوم ٍ ربوا بالحرب ماهم تجارا = ماله إخذ دشن المعـارج والاكــوار
قوم ٍ لها عز ونصر وتبارا = لعل عزه بالجزيره والاقـطـار
قوم ٍ لها منى سلام ٍ وقارا = جميعهم ما بين كهال وإصغـار

وكما أثارت هذه الواقعة قرائح الشعراء فقد أثارت قرائح الشاعرات فهذا
( قرينيس ) خادم الشيخ مبارك يدخل الكويت وينقل أخبار الهزيمة الشنعـاء التي منى بها جيشة في الواقعة الصريف فكرب الكويتيون وعم الآسـى كل بيت ٍ وكان من بين ذلك امراة فقد ابنها فرثته بهذهـ الأبيات :-

قلت آهـ من علم ٍ لفابه اقرينيس = ياليت من هو ميت ٍ ما دارابه
علم ٍ لفابه مرس القلب تمريس = والنار عجت في الضمير التهابه
واليوم له عن جفت عيني مراريس = والحنظل المذيوق زاده شرابه
نصيت بيته قلت يا قرينيس = وين الحبيب قال : ما علمنا به
على الله اللي على ضمر العيس = واليوم ما درى أي خب ً لفا به
اخفى مع البيرق الحرب السناعيس = وان سئل به وإلـى المحادير جابه
وديت من كثر البكا والهواجيس = دمعى كما وبا ٍ نشأ منسحابه
يا الله يا فكاك حبل المحابيس = تفك إلى امحمد ٍ من صوابه
بجاه رب امحمد ويعقوب وادريس = عسى طلباي عند ربي مجابه
واعداد ما هبت هبوب النسانيس = على النبي صليت هو والصحابــه

======


هذا مالدي من معلومات وقصائد عن هذه الواقعة التاريخيه ..

* واذا هناك خطأ ارجوا منكم التعديل ..


وكل التحايا لكم

[الحزينه]

اخي العزيز فيصل بن نجيفان


كل الشكر لك على تفضلك بالمرور , وشاكره لم ايراد باقي القصه واضافة القصائد التي قيلت بمعركة الصريف
لا هنت ياصقر الطنايا

مع ارق واعذب التحايا لكم

[ابن قشعم]

تسلمين يالحزينه 18 على فتح باب هذا الموضوع

الشكر الجـزيـل لك 000
هذا مالدي من معلومات وقصائد عن هذه الواقعة التاريخيه ..

* واذا هناك خطأ ارجوا منكم التعديل ..
الغالي مشرفنا العام

فيه غلطة واظنها مطبعية ولكن لابد من الإيضاح

سليمان بن مهجور << والصحيح سليمان بن جمهور من اهل الزبير توفي حوالي 1361 للهجره

ايضا ً اخي الفاضــل بالنسبة لقصيدة العـزّي راع البرّهـ هناك نقص وليست كامله :)

إليكم بعض مما قيل في تلك المعركة ، بعضها قيل قبل المعركة والآخر قيل بعدها 000

يقـول العـزِّي راع البـرّهـ من قبيلة مطيـر :-



يامزنـةٍ غـرّا نشـت مـن مغيبـه=ترعد وتبـرق ساقهـا رب الأربـاب
ترمي الصخب شرّه على من تصيبـه=بأركانها تسمع كما ضرب االأطـواب
طمّـت وعمّـت وإدلهمّـت غضيبـه=واستثقلـت باللـي لـلأرواح جـذّاب
تبغي الحريب اللي دنـا مـن حريبـه=ابن صباح اللـي تعـرض للأسبـاب
دوّر وجمّـع مـن تـردى نصيـبـه=بأهل الكويت وكل من كـان خشـاب
ومن كـل غـواصٍ وسيـبٍ يجيبـه=واللي يحزمون السمـك زام حـرّاب
وبعريـب دار وكـل مـن يرتجيبـه=وراع النفاق ومارق الديـن ماغـاب
وجموعـة العجمـان واللـي حظيبـه=مع الدويش ومن ولاه مـن الأجنـاب
والمنتفـق وابـن شريـم ونسيـبـه=وسكانـة النقـره وسالـم وغصّـاب
حـل المنـاخ اللـي عليهـم دعيبـه=كل ديرته يحـذاه جـلاب الأجـلاب
يبغـي مناصيـبٍ تحـدر غصيـبـه=وعنـده مناصيـبٍ تعلـت بـالأرداب
واللـي دعـاه وساعـده مايخيـبـه=يومه (........) وفي مامضـى تـاب
عنـه السبايـا والسـرايـا بغيـبـه=واللـي يـروون المراييـش غيـاب
والله ماصـدو عـن الـدار هيـبـه=مـار انهـم ياتايـه الـراي أجنـاب
عنده نـزل حـوض المنايـا بطييبـه=عوق الحريب اللي اذا زيـر ماهـاب
سيّـر عليهـم بالجمـوع الصليـبـه=جيشه مـع المسيـوق يحـداه الآداب
ثار الدخـن والعـج وإنجـال خيبـه=والشمس عنهم كنهـا تقـل بحجـاب
نـوٍ يـروّع بالخضـيـراء حنيـبـه=خص الجموع اللي عليها السماء زاب
فيـه الـزلازل والمنـايـا تجيـبـه=ومزن الغضب ضرن على كل منصاب
وفيهـا مخابيـصٍ وبـرقٍ مصيـبـه=وحتى الرعد به حس عدلات الإجهاب
ورمـى بحمـران النواظـر حبيبـه=ضياغم ٍ من فوق طوعـات الأرقـاب
رمى لهـم مثـل العساكـر خشيبـه=بصمـعٍ وثـلاثٍ وللمـوت أسـبـاب
إليا حلت البلـوى علـى مـن بليبـه=ينفـك للمبلـي مـن الله ميـة بـاب
يذكر لنا فـرز الوغـى شـق جيبـه=ونذر وحرّم عقـب رميـه للأسـلاب
حظـر الجبـل ردو لهنـدٍ عجيـبـه=هندٍ مفاتيـح الفـرج عنـد الأكـراب
فـي ساعـةٍ وادع حبيـبٍ حبيـبـه=وردو خطاة العمر مخطـاه ماصـاب
تخالطـو مـن كـل كـفٍ ضريبـه=لمـا غـدا مابينهـم تقـل حـنّـاب
حريقـةٍ مايـبـرد الـمـاء لهيـبـه=مثل السعايف عندك الجمـع لاعـاب
ويـن القنيـب اللـي يميـز قنيـبـه=بـرقٍ ودخـانٍ وعــجٍ وسـكـاب
شيّب بها اللـي مابعـد حـل شيبـه=وغـدا بهـا شبّـان الاولاد شـيّـاب
يـومٍ علـى الباغـيـن ماينحكيـبـه=عثا بهم طير السعد غـوج الأطـلاب
عجرٍ ثلاثٍ بـه والاخـرى عطيبـه=ماهاب والموت الحمـر لـه تلهّـاب
غريو هلا النقـره مـع شلـة دبيبـه=لومك على اللي أدبرو عنـك هـرّاب
جابـوك شمـر ياطويـل الذويـبـه=بين السبايا وبيـن عذبـات الأنيـاب
ياللـي تقـوده قـل حقـه غديـبـه=مع وقعة البـرّه ومـن كـان طـلاب
ومـن لاعليهـم حـجـةٍ يدّعيـبـه=ذا موسم اللي حاضره سد من غـاب
ياذيـب سفـوه نـاد ذيـب القريبـه=وإجذب من السلمان والحزل وإنصاب
وإجذب من سبـاعٍ بالمقاطـع مغيبـه=وإجذب من السوده للجوف والضـاب
وباقي السباع الغايبه ويـن هـي بـه=إقنب لها ياذيـب فـي كـل مرقـاب
يلحـق بـهـا سـبـعٍ رديٍ نديـبـه=وشهب النسور وكل فـرّاس بالنـاب
ولا تفـرس إلا كـل بيضـا سنيبـه=إفـرس مشاكيـلٍ وزلبـات وركـاب
مثل الهشيـم اللـي بفيضـة شعيبـه=هشيـم طلـحٍ كـل الايـام عـيـاب
بأرض الصريف اللي وطاها وطيبـه=شرق وشمال وقبلـةٍ عنـه معـزاب
الضبعة العرجاء غـدت بـه رطيبـه=وكل السباع الضاريـه كيفهـا طـاب
ياويـل عمّـي جرّهـا مـن حسيبـه=(....) على الرمـش شقّـن الإيـاب
شيـخٍ يراعـي يـوم حـزّة نشيبـه=على جموعه من المغليـن ضبضـاب
من فوق جال مثـل وصـف الرقيبـه=خيالـة الشرفـه ومحـدٍ معـه تـاب
زلفاهـم الدجّـال نـقـرة نشيـبـه=نـار المسيـح وذل يلحـق بمطـلاب
من فـوق حـرذونٍ يحـز الشطيبـه=بفقر الوقارى رادفـه عقـب ماشـاب
في فرصـةٍ حـدر الدجـى مادريبـه=قب السلاح وبـدّل السيـف مشعـاب
والغـوج خلـي مالقـى مـن يجيبـه=عند ابن شايم مالقـى الغـوج ركـاب
عاضـوه بالحـوّى فيـاضٍ عشيبـه=مايشبع الرجال مـن عشـب عشـاب
ذكـوه فـي ديـرٍ كبيـر المصيـبـه=تسعين ليلـه مقعـد الشيـخ ماطـاب
دار الفلـك ياللـي هبوبـه مجيـبـه=شيـخٍ يريـد الحكـم ماهـو بنهّـاب
على النقى يـرد النضـا مـع شبيبـه=لابان في قـوم المعاديـن مضـراب
كونـه صبـاحٍ مـايـدوّر عقيـبـه=من غب كونه ينصب السوق حسّـاب
إيضا الدواسر كـون وإيضـا عتيبـه=واللي حضر منهم عن اللي مضى تاب
كون ابو متعب مع صديقـك يصيبـه=قوم ابن مرشد صابهم مثـل ماصـاب
جاب الله الديـدب وهـو ينثنـي بـه=عشـىّ ولا بقـىّ بهـم كـود نجـاب
سـرى وبّـدل كـل عوصـا نجيبـه=تجوير ربدا دوّلـت عقـب الأعقـاب
وشبّ الفنم للـي مشـى يقتـدي بـه=طـوال ليلـه قـاريٍ تقـل مشهـاب
وصوّت لمـرزوق (........) لعيبـه=وتعاقب الترديـد شطريـن الألعـاب
عزّي لكـم ياهـل الجفايـا المريبـه=من ليلةٍ يصبح بـه الجيـش ريـاب
واللـي تنصـاه النقايـض غديـبـه=قوم الغبيني وابـن عرنـان وذيـاب
هـذاك مقطـوعٍ وهــذا مصيـبـه=متوسطٍ شـرّه تواضيـت الأعـراب
والسبـر ماعقـب المغيـره نبيـبـه=ذاقو به الفدعـان مـن كثـر مـالاب
خلـي نصـي رمـاح قفـرٍ رطيبـه=من عقب كون سبيع للصيـد ملعـاب
سعـدونٍ مـن كـونٍ فنيـعٍ بقـيـب=يالله حصل للمنتفـق عتـق الأرقـاب
لاتـامـن الدنـيـا ولا تلتهـيـبـه=تقبل وتعطي عنـد الإقفـاي عرقـاب
أليا أدبرت قصـت محـوصٍ قطيبـه=وان سانعت أدنى شريطٍ لهـا جـاب
السيـل ماينـزل مجـاري شعيـبـه=ولا ينزل الوادي إليا صـار مجنـاب
واللي صديـقٍ لأخـو مريـم شفيبـه=بدل مقـرّه عقـب الإشمـال إجنـاب
الحاكـم اللـي بالمنـاور صحيـبـه=ماعاد يطلع بيرقه مـن ورى البـاب
حتـى لذيـذ النـوم مايهتنـي بــه=بالليـل زامـاتٍ ورى بابـه أبـواب
واللي يبي شـر الضياغـم بلـي بـه=واردى ركابه بالمشـاري والاطـلاب
زبن العطيـب اللـي جذابـه هليبـه=يـوم السبايـا عندنـا تقـل ملعـاب
به من ذراها مـن لواهـي صحيبـه=وياصل حتى لو على الطاس فلهـاب
على العدى سمٍ إليا مـن إشفـي بـه=والسـم نـدرٍ ماتداويـه الأطـبـاب
وللصاحب أحلى للجسـد مـن حليبـه=وأحلى من السكر على كبـد شـراب
يعنـى لفضلـه بالسنيـن الجديـبـه=يرّبع به الممحـل سنيـنٍ بالأجـداب
شيـخٍ عطايـاه المـهـار العريـبـه=وجيشٍ وليـراتٍ إذا جـوه الأجنـاب
شيـخٍ أذا سمـع الخطـا مارضيبـه=يحـط للدايـج بـالأسـواق نــواب
والخاتمه مـن عقـب ماقـال اجيبـه=وشهدوا عليـه اللـي بالأقـلام كتـاب
اخـزاك ياعـلام ذنـبـي وعيـبـه=والعبد يذنـب وانـت يالـرب تـواب
وصلو علـى طـه عسـى يستجيبـه=يشفع لنا بالحشر فـي يـوم الحسـاب

الأمير حمود العبيد يوم وصله الخبر !! تألم لوفاة ابناؤه لكنه فرح للنصر المتحقق فقال::


عـزاه ياقلـب مـن العـام ملهـود=ولا جت علوم الغـزو ينسـاح بالـه
وإلى أبطوا الطرشان تلقـاه منكـود=مثل الغليـث اللـي يحسـب لياليـه
والله لـولا حبكـم يافتـى الـجـود=لا حـج بيـت الله واصلـى قبالـه
يالله يالـلـي للمخالـيـق معـبـود=يا الواحد اللـي كـل حـي يسألـه
تجعل سهمنـا يمـت الضـد مقيـود=بسلامـة اللـي وافيـاتٍ اخصـالـه
عبدالعزيز اللي على الحرب والكـود=يصبر كما تصبـر عرايـب جمالـه
عطـاه ربـه خـلـةٍ مـثـل داوود=ولين اقلوب التـرك لـه وإستمالـه
من العام غزاي على خيـر وسعـود=مـا ديــرة إلا بنـايـة ظـلالـه
الله يعيـن الخيـل ويقـوي الـقـود=عليـه لا سنـه تعـلـى رحـالـه
واللي فتق فتق وهـو كـان مسـدود=ذبح الجمل يقطـع بـزوره شمالـه
وإن ما مضى شئ ترى الحكي مردود=انشد بريـدة وإنشـد اللـي حوالـه
واللي تمنا الحرب ماهـوب مـردود=من حربنا مـا حصـل إلا الرزالـه
تر حربنا مثل البحر مـا بهـا زود=الغبـه اللـي موجهـا فـوق جالـه
داخلـه مفقـود وطالعـه مـولـود=مـا اهبلـك ياللـي خابـر وتعنالـه
وش عندنا الربـع لدعيـج وحمـود=وعريـب دارٍ يـوم تطـرد اشغالـه
يقـول مالـي اجـي نجـد مقصـود=إلا الأميـر احولُـه مـن جبـالـه
وابوه ما اكبر فزتـه يافتـى الجـود=وابوه لو هـو حالمـه كيـف قالـه
هو ما درى أن اجبالنا الحمر والسود=عين على الطباخ فـي كـل حالـه
وابوه مانـا خابـر يطلـب العـود=ولا عندنـا لـه قالـةٍ بـه مقـالـه
غره سلاحـه خمسـة آلاف بـارود=ومطيـر وسبيـع ويـام ٍ صيـالـه
مثل الحبوش اللي يسوقـون محمـود=وأهلكهـم البـاري بعـزة جـلالـه
نقلهم الله لين جو حـول أبـو الـدود=ومن دمهم هـاك الطغاميـس أسالـه
حامـو عليهـم بالبواريـد وفـرود=ومبـارك ٍ نجـاه ربــه لحـالـه
ماله شبيـهٍ كـود فرعوننـا العـود=اللـي نجـا والقـوم تفـرق قبالـه
وفرعوننا المذكـور وإبليـس العـود=أطيب منه وأذرب منـه فـي فعالـه
ما هاب من ربه ولا خـاف منقـود=أمـه لقـع قلبـه وشمـت بخـالـه
شيبـان أخوانـه مصليـن ورقـود=في فرشهـم ذبحـوا بليلـة ٍ غيالـه
وإن كان عند أمه جنيهـات وعقـود=لزما ً يغولـه مثـل غولـة عيالـه
ونكس علـة قومـه بخسـرا مفقـود=ومن ذبح منهم وخِـذ شطـر مالـه
((خلوه بكويته )) وراحوا على القود=وكل ٍزبن لـه ديـرة ٍ فـي حلالـه


ويقول كذلك مفضي السلمي من عبيد آل رشيد:-


يالله أنك تعـز الشيـخ وتدلـه=دعوت العبد يامـولاي وتجيبـه
يوم جانى أخو مريم وربع ٍ لـه=هيّض مطير والعجمان وأجنابه
جاك شرهـٍ على حايل يبي ظله=ما درى أنه بلاد دونهـا لابـه
حايل ٍ حايل ٍ كل ٍ يبـي ظلـه=مار أبو متعب بالسيـف عيابـه
وين فيصل وشرب الكيف بالدله=ماثنى سابقه لارحم مـن جابـه
وين سعـدون ومـرده لعبـدالله=يوم حامت عليه الخيل ماشابـه

و هنا قصيدة أبو جراح السبيعي مخاطباً الشيخ مبارك الصباح يقول :-



وسوس لك الشيطان و أغواك يا هـن=و بنيت لـك شـرعٍ بجـال اللهابـه
وطفحـت للديـرة ركـابٍ يـلالـن=تقـول أخـذت أم الجماجـم نهـابـه
وفوهت بأخذت نجد و العلم عن من ؟=تفلج و خصمك مـا حضـر للطلابـه
ثم قال مادحاً الأمير عبدالعزيز الجنازة:
عبدالعزيز اليا ضرب ما يثمن=تصعد مقاديمه و يبرق عقابه
ياللي مكذبني بعينـك تعيّـن=في ماقفٍ كلٍ يجر الغـدا بـه
جماجم من فوق الأعناق زلّن=ما كنها لويت عليها العصابه
ألفين بين القاع والحزم عدن=من غير شيٍ ما حسبنا حسابه

يقول حمود البدر(بعض الأبيات) :-


ياراكبين اكـوار سـتٍ تبـارا=فج النحور افحاث مابين الأزوار
قولو وصـاة محمـدٍ بالقـرارا=نسيتها سجيت ياعمس الأبصار

وممن رد عليه 00 الشاعر الكبير صالح السكيني من اهل شقراء
قبل المعركه لأنه كان يعرف قوة جيش ابن رشيد وان اخو رثعه
ماينسحب خوف من احد فقال :-


ياعلي جفني عن كرى النـوم دارا=كنه يحط بناظـر العيـن سنجـار
سهـران مالـي يانديمـي قـرارا=يامسندي وشلون ضاعن الافكـار
ناظر ركاب حمـود جتنـا تبـارا=ومشيّع ٍ مدحه على السيف بالكـار
ياعلي قـرب كيتـب لـي خيـارا=وسجلةٍ نكتب بها عـدل الأسطـار
نرسل جواب من حشا الصدر ثارا=مثايـل ماقالهـن كــل شـعـار
وخلاف ذا دنيـت نـاب الفقـارا=راسه الى شال الخطر تقل به زار
إنشر من الجمعـه وتـال النهـارا=نطوك ورى وبرك يطلعن الاشعار
وانشد عن المطران وعريـب دارا=وسنّع مبارك منزله وين هو صار
تلقـاه بالصمـان دون الـزبـارا=يرعى بريضان زهت كـل نـوار
القول قبـل الفعـل مابـه ممـارا=والذم مايدقـم طويليـن الاشبـار
وقولٍ بلا فعـلٍ لـو قيـل عـارا=تراه مثل اللـي نفختـه بمزمـار
والكذب محدٍ فيـه بايـع وشـارا=يكمل ولو هو عايش كل الاقطـار
والصدق يوضي بالدجى له نـوارا=والكذب مايرفـع عواميـد سيـار
طير البحر ماينوصـف للحـرارا=لو طار تلقونه على سيف الابحـار
والخيل غمـق طنيهـا والمهـارا=والنار يقبس مـن مقابيسهـا نـار
تمدح مطير ويـام عنكـم يسـارا=في ضفكم يرعون من عشب الاقفار
لاشك لامن أشهـب الملـح ثـارا=هجّو وخلّوكم على جانـب الـدار
لابـد مـن يـومٍ يجيلـه كـرارا=تشوف ( علوى ) بأول القوم ذيـار
جاكم ولد متعب ذعـار السكـارا=ماض الفعايل (..........) ودّمـار
لـه لابـةٍ مايلبسـون الــوزارا=ولا جمّعوهم من حساوي وبحـار
سلات اهل حايل عيـال صغـارا=لطامة العايـل قبـل دور الأبكـار
ان سبلو بالكـون جولـك نصـارا=قبيلهـم لاشافهـم يعطـي إدبـار
وبأيمانهم صنع العجـم والنصـارا=وموازرٍ تشبـه هماليـل الأمطـار


وقبل المعركه وجيش ابن رشيد يعرض عرضات الموت

يقول نعيم الفرحان من عبيد الرشيد هذه العرضة :-


يــاهــلا الـغـالــي=يالابتـي أوي مـن لابــه
نـحـمــد الــوالــي=يوم ان عمّي نـط مرقابـه
شـــال وإشـتـالــي=نبغي لحرب الشيخ واصحابه
نـلـبــس الـشـالــي=وان حل يومٍ فيه ضبضابـه
نـرحــص الـغـالــي=دون الجبل وخشوم صبابـه
ظـبــي الأسـهـالــي=من فعل ربعي تضحك أنيابه
غـــوش جـهـالــي=وان طب سوق الموت جلابه
طــقــه الـجـالــي=ولا لقـى شـيٍ يتهقـوابـه

**
من المشاهد المهمة في تلك المعركة :
(( تحويلة شمر بالعمّارِيات ))
والعمّارِيات هن البنات اللي يرقصن قدام الجيش تحفيزاً للشباب هل الخيل على الأقدام على الموت وعدم الخوف والتراجع .
وقد حولوا عيال الطنايا بسبع بنات عمّارِيات مع جيش ابن صباح وكل واحدة حولة بوجه فارس من فريس شمر وقد حرص أبناء الطنايا على حفض كرامة تلك البنات والعوده بهن الى حائل وأكرامهن ومن ثم أعادوهن الى أهلهن سالمات على سلم العرب. والذي تخلى عنه الكثير في ذلك الزمان .
وكانت إحدى تلك العماريات هي أبنة الشيخ ابن نقادان أمير العذبة من بني مره , والتي قال لها عبدالعزيز بن رشيد يوم حولوه وين ربعك ماأعذروا دونك ؟؟؟! قالت يامحفوظ جوهم ناسٍ مايقبلون العذر .

ثم أنشدت قصيدتها المشهورة :


يانور عيني ياهل لبده = ياللي على الجمع دلاّقه
ابن صباح أنهبد هبده =سعدون ماطلّق نياقه
هرج صحيح وله زبده =ماهي سواليف ملاّقه
حلت باطاريفهم عبده =والأسلم حماية الساقه

وللمعلومية حول هذه القصيدة فقد كتب عنها مع الأسف كل من
1- الشاعر طلال السعيد
2- والباحث ابو عبدالرحمن بن عقيل الظاهري
3- والباحث عبدالله الدويش
وقالوا أنها للأمير/ عبدالعزيز المتعب وهذا خطاء والصحيح هو ماذكرفي الأعلى لبنت الشيخ نقادان من بني مرة 00

يقولون ان عبدالعزيز المتعب اخو رثعة له الابيات التالية :-


راع الجمل وده يطيح=واللي على متنه رماه
ياعيال انا مالي نطيح=مليت من تال الحياه
^
^
عـزّ الله مالك نطيـــــح يا هالـوجه !!



مثلـك ولـد والله فلا جابتـه بنت = لا شك عيّــن يمهلنّــك سنينـك

القبائل التي جاءت غازية مع ابن صباح :-

1- مبارك الصباح ومعه 700 من أهل مدينة الكويت
2- ال سليم أمراء عنيزة
3- أل مهنا أمراء بريدة
4- قبائل الظفير ورؤسائهم جعيلان بن سوسط وهزاع بن سويط
وخالد بن غيلان بن سويط وحمدان بن ضويحي ومناور بن هضبان
5- مطير ورئيسهم سلطان بن فيصل الدويش ونايف بن بصيص
6- العجمان ورئيسهم محمد بن حثلين
7- بنو هاجر ورئيسهم ابن شافي
8- أل مرة ورئيسهم ابن منيخر
9- سبيع بقيادة ظرمان ابو ثنين
10- السهول رئيسهم جلعود
11- قحطان رئيسهم حشربن وريك
12- الجبلان رئيسهم صاهود بن لامى
13- العوازم رئيسهم مبارك بن دريع
14- الرشايدة رئيسهم محمد بن قرينس
15- عريبدار
16- عتيبة رئيسهم الشيباني
17- ألامام عبد الرحمن الفيصل وابنه عبد العزيز
18- قبائل المنتفق ورئيسهم سعدون باشا
19- الرولة

تحيـــــاتــي

[فيصل بن نجيفان]

الحزينه

لا شكر على واجب فنحن هنا نصحح الاخطاء لبعض ونكمل النقص ..

فيد واحده لا تصفق ..!!

دمتي بحفظه .


الاخ ابن قشعم

حياك الله وبيض الله وجهك على التنبيه والاضافه القيمة .

دمت بحفظه

[نزهان الاسلمي]

فيــــــــصل النجيفان




ابن قشـــــــــــــعم





صراحه ما ادري وش اقوووول من كلمات اعبر فيها عن اعجابي بالمواضيع اللي قاعد اشووووفه تتسع بحقائقها


ودقتها وتوضيحها وصحة انامل من كتبها



نعم وبعد فتره رجعت للمنتدى فلن اجد الا التطور المفيد وباشخاصه



لكم شكري ومعلومات تشد الخاطر وتهيّجه

[أحمـــــــد]

يسلمووووو الجميع وووووووو

على الموضوع الرائع بالمعركة

وهي فخر وأنتصار لعموم شمر

لكن نسيتوا شيئ مهم جدا بهذي المعركة

وهي قصائد حمود عبيد الرشيد بأبنائه الثلاثة


1. مهنا ==

يا مصيبتي مانطرابها مهنا ....... يا كبرها يا جلها من مصيبة

2. سالم ==

أما عني يابوك ماني بناسيك ....... مازول ماحطوا علي النصايب(1) النصايب = الطابوق اللي فوق القبر


3. ماجد ==

هلا هلا فيك يالوجعان ..... يااللي اصوابك لهد جبدي

يذكر أن ماجد كان مصوب ومات بعد شهر من المعركة

وتحياتي لكم

أحمــــــد

[ربد الشمال]

يعطيك العافيه علي المشاركه

والله لايهينك

تحيتي

[المستمع]

يعطيك العافيه