خذني خوي دنياك ان ضاق بالك

[بن معتوق الجهني]

السلام عليكم ورحمة الله وبركاته

كيف حالكم اخواني اخواتي

اولا .. انا عضو جديد عندكم وعسى ان افيد واستفيد

ثانيا .. انا شاعر مبتدىء وهذه اول قصيده لي وارجوا ان تنال رضاكم وستحسانكم


=================================================


ماقلتها قايل وياكثر الاقوال

وماهو بديني اصلح اليوم حالك

لاكن بديني اثبت القول بفعال

بس انت علمني وشلي غدالك

ان كان همك ضيقة المال بالمال

يفداك مالي وكل رصيدي حلالك

وان كان همك ماني ناشد عن الحال

والله ناشد ياخوي وش طرالك

والله انك دايم الدوم عـ لبال

ياعسى الله يحقق اليوم فالك

ابعتذر والدمع عـ لخد همال

والعفوِ والله واحدٍ من خصالك

مير البلاء من يخسر اليوم رجال

وماظني من عرفك يدور بدالك

انا خويك لـ دبر الوقت او مال

خذني خوي دنياك ان ضاق بالك


وسلامتكـــم

محبكــم .. مهند معتوق لافي الزايدي الجهني

[الشمريه المجهوله]

حي الله اخونا الكريم

الشاعر مهند معتوق لافي الزايدي الجهني

صح لسانك ملايين بدايه موفقه بأذن الله

تبشر بقدوم شاعر جزل

ونتشرف بأنضمامك الى كوكبة شعراء صرحنا الشامخ

دمت بخير

[نواف ابن صخيل]

اخي الجهني قصيدتك جميله


وهي على المسحوووب


ولاكن اخوووي الكريم


قصيدتك

تفتقر الى الوزن

وشف اهم شي انك تضبط المعااني

يعني اتشووف معااني جميله

ابي اعطيك مثل على وزن القصيده مثلن

خلاص مابيني وبينك صداقه= انهيتها مادمت في حقي اخطيت

هذا بحر االمسحوووب

القصيده تحتااج
1:القافيه
2:الوزن
3:المعنى

وشكر اخوووي على هالجهد الجميل

[ابو حارث المدعول]

الله لا يهينك . وصح لسانك

ومثل ماقال اخوي نواف

[أنفـآس الفجـر]

يعطيك العافيه اخوي
قصيده جميله
أنــآ لآ أفهم كثيير بالشعر .. ولكن متذوقه له
أستمر .. وإن شــآء الله نشوفــك شآعر كـــبير

لـآ خ’ـــلـآ وَ لـآ ع’ــدم

[السكب الأسلمي]

أخونا وضيفنا الرائع الفاضل الشاعر مهند معتوق لافي الزايدي الجهني
ياهلا بك ومرحبا من مشيت حتى لفيت
ونتمنى ان تجد هنا مايسرك
قصيدتك رائعه ولكن تحتاج الى وزن
اتمنى منك مراجعة الوزن
وحياك ربي

[الجوهرة الشمرية]

تحياااتي للجميع
وارجو في مثل هالحال ان يقوم الشعراء المخضرمين بوزن وتعديل القصائد للمبتدئين ليتمكن الشاعر الجديد من ملاحظة الفرق والاستفادة من التعديل والسير على نفس النهج والعسف مع شكري وتقديري للجميع
واحيي الشاعر على القصيده واحييه في الطنايا ضمن كوكبة شعراء شمر الكرام
وتقبلو جزيل تقديري واحترامي

[بن معتوق الجهني]

تســـــــــلمووووون جميعأ على مروركم

اللذي انأر متصفحي

-----------------------------

لاكن اخوي نواف بن صخيل ماظن ان القصيده كلها تفقد الوزن

فا ياليت تعلمني وش البيت المكسور فالقصيده وتعدله لي مثل ماقالت اختي شمريه

ولك خالص الحب والاحترام وكلامك وسام على صدري لن انساه


اخوكم .. مهند الزايدي

[نوماس الظاهري]

الاخ الشاعر مهند الزايدي الجهني

قصيدة جميله وقويه في معانيها حقيقه اعجبتني القصيده وبمشيئة الله نشوفك في مصاف الشعار الكبار دمت بخير وتقبل مروري

اخوك نوماس الظاهري الحربي

[بن معتوق الجهني]

حيأك الله اخوي نومـــاس الحربي

ونعم فيك وبــحـــرب ارحـــامنــا


اسعدنــــي مرورك للغايــــــــــــــــــه


ولك خالص الود والاحترام

اخوك.. مهند معتوق الزايدي

[صرنا طنايا من طنا]

صح لسانك يالجهني
وفالك التوفيق