الله اكبر

[العتبيه]

الله اكبر يوم جيتك يا الهي اسالك=الدمع في عيني تغزر بالمحاجر ما قويت

جذوة" في قلبي الملهوف وده يقربك=لين شفت نفسي بمكه ملبي لك عنيت

حول بيتك المشرف خاضع" لك اطلبك=المغفره في سبع دورات" باولها بكيت

يا عزيز" فوق عرشه ينظر لحالي ملك=فرج همومي وغمي مالي غيرك ان دعيت

ثم من زمزم شربته شربة " الين صك=الضلع في اقصى يمينه ويساره ما ارتويت

بانتظار ارائكم ،، احس ان القافيه بها شي ،، لذلك ما اكملتها ،،

لا باس من وضع التعليق حتى يستفيد منه الاخوان والاخوات ،،

[السكب الأسلمي]

أختنا الفاضله العتبيه
حياك الله وصح لسانك وهذي ملاحظاتي

الأبيات المقوسه سليمه ميه بالميه

(الله اكبر يوم جيتـك يـا الهـي اسالـك
جذوة" في قلبـي الملهـوف وده يقربـك


يا عزيز" فوق عرشه ينظر لحالـي ملـك
الرجا وكلي ذنوب تحطها عنـي دعيـت)


وبالنسبه للباقي
يحتاج لوزن
وبالنسبه للقافيه في مجمل القصيده ماعليه خلاف
لكن عندك البيت الأخير
صك
ليست على سياق ماقبلها
يعني لابد تكون على سياق ماقبلها
مثلآ اسألك . امهلك . اعدلك

[الشاعر:نهارالحربي]

اختي العتبيه
قصيده ينقصها
الوزن خاصةً
بالشطر الاول
المفروض البيت الاول يكون
الله اكبر يوم جيتك ياربي سألك=الدمع من عيني تنثر بكثره ماقويتولكن يعطيك العافيه ملاحظات بسيطه ولاتردك عن كتابة الشعر

[العتبيه]

ألشاعر الفاضل : نهار الحربي ،، لاهنت على الملاحظة ،، شكرا لك

[الجوهرة الشمرية]

صح لساانك يا العتيبيه ولا هنتي
القصيده رغم ملاحظات اخوي السكب الاسلمي والشاعر القدير نهار الحربي اللي احييهم عليها واايدها
الا ان القصيده ذو معاني راقيه وتتمتع باحساس صادق لابد من ان يتصف بها اي شاعر
لك قدرة عاليه على بلورة احاسيسك واتقان وصف الموقف
اتمنى ان ارى لك الجديد هنا ودعواتي لك بالتوفيق
تحياتي وجزيل تقديري واحترامي

[نـــــاايـــف]

صح لسان الاخت العتبيه
واتمنى لكِ التوفيق

[العتبيه]

الشاعرة القديرة ،، الجوهرة الشمرية ،، لاهنتي على روعة تشجيعك ،، ويكفي بأنك السبب الاول للتعرف على هذا المنتدى الطيب !! الف شكر ،،

الاخ الفاضل ،، نايف ،، ما قصرت على المرور والتعليق ،،

[العتبيه]

الله اكبر يوم جيتـك يـا الهـي اسالـك
الدمع في عيني تغزر بالمحاجر ما قويت

جذوة" في قلبـي الملهـوف وده يقربـك
لين شفت نفسي بمكه ملبـي لـك عنيـت

حول بيتك المشرف خاضع" لـك اطلبـك
اتغفر لي كل ذنبي و خطايه لاخطيت

يا عزيز" فوق عرشه ينظر لحالـي ملـك
كبَرت ايديني باسمه وبسجداتي هويت

بعدها زمزم نهلت اكبر دليل لرحمتك
يوم سارت هاجر خطاها عليها انا سعيت

ماشي وخاضع وكلي رجا في جنتك
مطلبي واكرره ولاابي شي بعده رجيت

واحمدك ياربي يوم ان وصلت بقدرتك
وانظر وكانه بحلم" حسافه اني صحيت


ان شاء الله افضل من المرة الاولى ،،

**الشاعر الفاضل ،، نهار الحربي ،، للأمانه حاولت ان اضعها على القافيه المعدله ،، لكن صعبت علي ،، الف شكر لك ،، ولاعدمنا تواجدك وخبرتك ،،

وبانتظار التعليق ،، الله يعينكم علي !!