حمود الجنفاوي
2006-04-20, 12:58 AM
قال حمود العبيد الرشيد في ذبحة العيال
ويلوم أبناءة على فعلتهم
سليمان ماصرحت باسمك وناديت=واقول نادوا لي خلف من غدالي
ارجيك رجوى مرجل من هل البيت=والفلو يغذى من حليب المتالي
من حبكم ياعيال ماجد تعريت=ابوكم اغلى من حياتي ومالي
وعبيد وعبدالله ليا اصبحت وامسيت=طروا علي من بد كل العيالي
ومحمد عقيم وبالنقا حصل الصيت=حاش المراجل دقها والجلالي
والمسجد اللي به على أبوي صليت=لااذن المذن نحرته لحالي
حسبي على سلطان وسعود وسبيت=من شانهم فارقت انا كل غالي
ياليتني قيلت معهم ولاجيت= ولا شفت ذبحتهم محمد قبالي
وجدي عليهم وجد حي على ميت=او وجد عطشان على له زلالي
والوجد الآخر خابره مار ذليت=ان موضي تزعل الى جوا قبالي
عزالله إني بالعهد ما ترديت=مع نسل عبدالله بالاول وتالي
بعيوني ارعاهم ولا عمري اغضيت=لاشك جا نقض العهد من عيالي
جانن منك خط تقل ريح كبريت=توعدن باخذه جرود الزوالي
ماايزاك فرش محمد طايل الصيت=او فرش ابو متعب نحاز الرجالي
لو لك ركاب مثلهن كان فزيت=تغزي عليهن شرق والا شمالي
ومتعب ولد بنتي الى شفته اشفيت=لا ابطيت ما شفته هو اللي عنالي
ومشعل يداوي الجرح لو ما تداويت=ولاشفت زوله وردن الما حبالي
خليتها لعيون راع المشاخيت=اللي هروجه كثر صرف الريالي
ظنيت بك ظن وباخوك ظنيت=تجون مثل ابوك فرز العيالي
أولاد حمود العبيد هم:
ماجد
سلطان
سعود
فيصل ــ الملقب سبيت
كانوا قتلوا ابناء عبدالعزيز المتعب الرشيد
ومتعب ومشعل عيال موضي الحمود التي تقول
تعززوا للي جلت للمدينة == اللي عيال ابوه تعشوا عياله
كان سبب هذا أن حدث انقلاب في المفاهيم والرؤى
هذة الدنيا الممر المليء بالعقبات والمصائب ومهما عطت فلابد أن تأخذ
والحادثه معروفه بذبحه العيال
قبورهم شرق ضلع الأحيمر جنوب شرق حائل حوالي 20 كم
رحمهم الله جميعا [/color]
ويلوم أبناءة على فعلتهم
سليمان ماصرحت باسمك وناديت=واقول نادوا لي خلف من غدالي
ارجيك رجوى مرجل من هل البيت=والفلو يغذى من حليب المتالي
من حبكم ياعيال ماجد تعريت=ابوكم اغلى من حياتي ومالي
وعبيد وعبدالله ليا اصبحت وامسيت=طروا علي من بد كل العيالي
ومحمد عقيم وبالنقا حصل الصيت=حاش المراجل دقها والجلالي
والمسجد اللي به على أبوي صليت=لااذن المذن نحرته لحالي
حسبي على سلطان وسعود وسبيت=من شانهم فارقت انا كل غالي
ياليتني قيلت معهم ولاجيت= ولا شفت ذبحتهم محمد قبالي
وجدي عليهم وجد حي على ميت=او وجد عطشان على له زلالي
والوجد الآخر خابره مار ذليت=ان موضي تزعل الى جوا قبالي
عزالله إني بالعهد ما ترديت=مع نسل عبدالله بالاول وتالي
بعيوني ارعاهم ولا عمري اغضيت=لاشك جا نقض العهد من عيالي
جانن منك خط تقل ريح كبريت=توعدن باخذه جرود الزوالي
ماايزاك فرش محمد طايل الصيت=او فرش ابو متعب نحاز الرجالي
لو لك ركاب مثلهن كان فزيت=تغزي عليهن شرق والا شمالي
ومتعب ولد بنتي الى شفته اشفيت=لا ابطيت ما شفته هو اللي عنالي
ومشعل يداوي الجرح لو ما تداويت=ولاشفت زوله وردن الما حبالي
خليتها لعيون راع المشاخيت=اللي هروجه كثر صرف الريالي
ظنيت بك ظن وباخوك ظنيت=تجون مثل ابوك فرز العيالي
أولاد حمود العبيد هم:
ماجد
سلطان
سعود
فيصل ــ الملقب سبيت
كانوا قتلوا ابناء عبدالعزيز المتعب الرشيد
ومتعب ومشعل عيال موضي الحمود التي تقول
تعززوا للي جلت للمدينة == اللي عيال ابوه تعشوا عياله
كان سبب هذا أن حدث انقلاب في المفاهيم والرؤى
هذة الدنيا الممر المليء بالعقبات والمصائب ومهما عطت فلابد أن تأخذ
والحادثه معروفه بذبحه العيال
قبورهم شرق ضلع الأحيمر جنوب شرق حائل حوالي 20 كم
رحمهم الله جميعا [/color]