رثاء سلمى السعود الرشيد جدة الأمير بدر رحمها الله

[امير الشوق]

بسم الله الرحمن الرحيم
السلام عليكم ورحمة الله وبركاته
الاخوة الاحباء انا جايب لكم قصيدة نادرة
لصاحب السمو الملكي / بدر بن عبدالمحسن بن عبدالعزيز
في رثاء سلمى السعود الرشيد جدة الأمير بدر رحمها الله

ما نشدت الشمس عن حزن الغياب =علمتنا الشمس نرضى بالرحيل
كل يومٍ يغرق الضي افـ عباب =ما سمعنا ناعي ٍ .. مابه عويل
وما هقيت الموت يجرحني جواب =لين شفتك في سما عمري اصيل
علميني ياللي كفوفك سحاب =وابتسامك غيث واهدابك نخيل
وش أسوي لا دخل فصل الضباب =وكفت عيوني وضيعني الدليل
حاجتي والشيب بهديني الصواب =حاجتي لك ما مضى افـ عمري حصيل
آه يا سلمى مضى وقت العتاب =والحديث اللي باقوله لك طويل
اعتذر يمه حصل مني غياب =واعتذر ازريت لا ارد الجميل
من يجازيك وعطاياك الشباب =والله العالم ترى ماني بخيل
يوم انا عاري غديتي لي ثياب =وان شكيت الضر شافيتي العليل
ويوم كبر الطفل ولمتي الزهاب =كل ما في الكون من طبعٍ جميل
هي درت حايل وهذيك الهضاب =عن غيابك هو درى الروض المسيل
بنت من لا ثوروا فوق الركاب =ما يباريهم سوى نصل وأصيل
واخت من لا كسرت سمر الحراب =من عنيف الطعن ردوا للصقيل
وام من جدانهم مثل الشهاب =كاسبين المجد من جيلٍ لجيل
يالله المطلوب يا جزل الثواب =تجعل الجنة لها ظلٍ ظليل
تحيتي
اخوكم

[عبدالكريم الوبيري]

يعطيك العافيه على نقل القصيده يا جلوي و صح لسان البدر ... مهندس الكلمه
وهو شاعر رااااائع بعمنى الكلمه
و لكن الذي اعرفه ان سلمى بنت سعود بن عبدالعزيز الرشيد رحمها الله
هي ام بدر و سعود ابناء عبدالمحسن بن عبدالعزيز بن عبدالرحمن الفيصل ال سعود

[الأجودي]

الله يرحمه . ومرثيه ماعليها كلااااام

[ابن عربيد]

بسم الله الرحمن الرحيم

جلوي الجبرين

يعطيك العافيه على المرثيه

[ذئب الجبل]

أظن الأميرة سلمى من العبيد وليس العبدالله

نبي خبر أكيد؟

[امير الشوق]

بسم الله الرحمن الرحيم
السلام عليكم ورحمة الله وبركاته

الله يعافيكم كلكم وياهلا.

الاخ الغالي عبدالله الوبيري رداً على سؤالك .
والدة الأمير بدر بن عبد المحسن هي الأميرة وضحى الحمود الرشيد - رحمها الله وله مرثيه بوالدته رحمة الله عليها ..وسلمى السعود الرشيد هي جدة الأمير بدر رحمها الله كما ذكرت لكم سابقاً ..
و له من الإخوان كل من :
- سمو الأمير سعود بن عبد المحسن بن عبد العزيز أمير منطقة حائل.
- سمو الأمير وليد بن عبد المحسن بن عبد العزيز.
- سمو الأمير فيصل بن سعد بن عبد العزيز.
- سمو الأمير عبد العزيز بن سعد بن عبد العزيز نائب أمير منطقة حائل.

و له سبع أخوات.

و له ثلاثة أبناء هم:
- سمو الأمير خالد بن بدر بن عبد المحسن بن عبد العزيز.
- سمو الأمير سلطان بن بدر بن عبد المحسن بن عبد العزيز.
- سمو الأمير سعود بن بدر بن عبد المحسن بن عبد العزيز
وله عشر بنات

اتمنى اني وضحت لكم كل شي عن الامير المحبوب (( البدر)).. وانا حاضر بالي تبونه
تحيتي لكم جميعاً
اخوكم

[سيف الطنايا]

بنت من لا ثوروا فوق الركاب
ما يباريهم سوى نصل وأصيل
واخت من لا كسرت سمر الحراب
من عنيف الطعن ردوا للصقيل
وام من جدانهم مثل الشهاب
كاسبين المجد من جيلٍ لجيل
يالله المطلوب يا جزل الثواب
تجعل الجنة لها ظلٍ ظليل


صح لسانك ولسان وتسلم علي انقل المميز والذهبي لشاعر قدير

الف شكر

[امير الشوق]

السلام عليكم ورحمة الله وبركاته

اخي الغالي سيف الطنايا

الف شكر على المرور والتعقيب
سلمت ولاهااان راسك

اتمنى لك الصحه والعافيه

تحيااااااااااااااتي لك

اخوك

[الخريصي]

مشكور يالغالي قصيده نادره ورائعه

الف شكر لك تقبل تحياتي

الـــــــــــــــــــــــــــــــــخريصي

[امير الشوق]

السلام عليكم ورحمة الله وبركاته

اخوي الغالي الخريصي

الشكر لله ثمن لك

على المرور وكلماتك الطيبة


تحياااااااااااااااااااااتي ألك يالعزوة

اخوك

جلوي

[ابن برزان]

الله يعطيك العافيه فعلآ قصيده
فعلآ جميله ورائعه
سلمت اناملك
ابن برزان

[ربد الشمال]

الله لايهينك علي المشاركه المميزه

وبانتظار مشاركات اخري


تحيتي

[راعي صرخه]

مشكووووووووووووووووووووووووووووووور على هالقصيدة الرائعة


الأمير سلمى السعود الحمود العبيد الرشيد بنت الحاكم التاسع لامارة الرشيد

راعي صرخه

[ولد الطنايا]

الله يعطيك ألف عافية على القصيدة ورحم الله الأميرة سلمى الرشيد .

ولد الطنايا

[ابو النوري]

سلمت اخوي امير الشوق على ما اوردت

لك وافر التقدير

[أبو حواس]

مشكووووووور أخووووووي على هذي المشاركهـ الرائعهـ............

لا هنت...

وتسلمـ..يمناكـ,,,,

وننتظر جديدكـ,,,,,

تقبل مروري.....

أخـــــوووكـ..":":::

أبــــ حـــــواس ـــــو