سليمان الذويخ
2005-04-11, 01:49 AM
اخوتي الكرام
تحية خاصة لأبي الأدب ..
وسامحك الله اذ استدرجت شايبا ، وكان الأجدر بك ياللي تصنف نفسك مع الشبّان ان تستدرج شابا..
واعرف انها استدراج الغالين...
لأني همست لك ذات مرة اني تنحيت جانبا عن الشعر وخليته لأهله
ولكن اثناء مطالعتي للمنتدى لقيت عنوان
( شياب وشباب ) والذي منّه
ولقيتك تزج بأسمي وتتحامل على شخصي الضعيف على آبو ان مابي عراش
الا فأعلم اني ما اقول الا ( غفر الله لي ولك وللأخوان)
وهاك الرد
بديت بأسم الله الرحمن = وطلبت توفيقه وعونه
وأعوذ بالله من الشيطان = ترى الشياطين ملعونه
فتحت انا المنتدى يا أخوان = اراقب اللي يحطونه
لاحظت في جولتي عنوان = ما كنت افكر بمضمونه
شباب خلّوه مع شيبان = يبون ( شيخ) يتحدونه
بأبياتهم .. حطوا ( سليمان) = وقالوا لهم: لا تهابونه
نفوه من جملة الشبّان = شككتوا الناس بظنونه
عجيب ! يا والله النكران = مغسول قلبك بصابونه!
وش صار لك تعلن العصيان = شايبك ، ما عاد ترجونه
اسهر من الهم والأحزان = وتسهر على الفن ولحونه!
بالحرب حطيتني نيشان = وتهدّ تيسك مع قرونه
ياللي لك ب صولة الفرسان = وأفعال.. ربعك يخبرونه
تعال وأقلط على الميدان = شايبك.. شف صكة سنونه
يعطيك فكره عن الشيبان = ما أظن عقبه تهجرونه
الليل ولّى وصبحك بان = والقلب ، صرّح بمكنونه
وش قلت يا راعي القيفان = تبي نحوّلك للشونه؟!
ترى الخريصي وأبن برزان = أحكامهم عدل مضمونه
اما هزمتن وأحط اعلان = والحق انا أرضاه واصونه
ذبيحتك تيس والا ضان = ان كان للحكم ترضونه
وان كان حظك معي خسران = أقلط على قوطي التونه!
ما ودي اصير بك شمتان = حتى ولو عندي ( أيقونه)
وش قلت ، ياسيّد الفتيان = وش فيك، أحجّتك مقرونه
الناس كلن ترى في شان = والمتهم .. طارت عيونه
رجليك ترقل تقل ميزان = كفّته ما هيب موزونه
ترى الحرس تحرس البيبان = حتى ولو ما يصكونه !
والله لو انك ورى خيطان = أمري تراهم يطيعونه
حضوركم لو بغيت ، الآن = لا قلت : يالله.. يجيبونه
اشارتي وصلت العميان = وترى هل الفهم يقرونه
علوم .. سارت بها الركبان = ما قصروا .. ما يخونونه
نصيحتي .. خلنا صدقان = يفتك داين ومديونه
ولا تقرب لفيصل نجيفان = رئيسكم لا تعدونه
و..تعال يا راعي العنوان = للشعر ناس يحبونه
تحياتي لك اخا عزيزا اضطرني للعودة الى مقارفة الشعر
والسموحة من الجميع
وان عدتم فلن نعد
سليمان
ليلة الأثنين
2/3/1426
12:27ص
تحية خاصة لأبي الأدب ..
وسامحك الله اذ استدرجت شايبا ، وكان الأجدر بك ياللي تصنف نفسك مع الشبّان ان تستدرج شابا..
واعرف انها استدراج الغالين...
لأني همست لك ذات مرة اني تنحيت جانبا عن الشعر وخليته لأهله
ولكن اثناء مطالعتي للمنتدى لقيت عنوان
( شياب وشباب ) والذي منّه
ولقيتك تزج بأسمي وتتحامل على شخصي الضعيف على آبو ان مابي عراش
الا فأعلم اني ما اقول الا ( غفر الله لي ولك وللأخوان)
وهاك الرد
بديت بأسم الله الرحمن = وطلبت توفيقه وعونه
وأعوذ بالله من الشيطان = ترى الشياطين ملعونه
فتحت انا المنتدى يا أخوان = اراقب اللي يحطونه
لاحظت في جولتي عنوان = ما كنت افكر بمضمونه
شباب خلّوه مع شيبان = يبون ( شيخ) يتحدونه
بأبياتهم .. حطوا ( سليمان) = وقالوا لهم: لا تهابونه
نفوه من جملة الشبّان = شككتوا الناس بظنونه
عجيب ! يا والله النكران = مغسول قلبك بصابونه!
وش صار لك تعلن العصيان = شايبك ، ما عاد ترجونه
اسهر من الهم والأحزان = وتسهر على الفن ولحونه!
بالحرب حطيتني نيشان = وتهدّ تيسك مع قرونه
ياللي لك ب صولة الفرسان = وأفعال.. ربعك يخبرونه
تعال وأقلط على الميدان = شايبك.. شف صكة سنونه
يعطيك فكره عن الشيبان = ما أظن عقبه تهجرونه
الليل ولّى وصبحك بان = والقلب ، صرّح بمكنونه
وش قلت يا راعي القيفان = تبي نحوّلك للشونه؟!
ترى الخريصي وأبن برزان = أحكامهم عدل مضمونه
اما هزمتن وأحط اعلان = والحق انا أرضاه واصونه
ذبيحتك تيس والا ضان = ان كان للحكم ترضونه
وان كان حظك معي خسران = أقلط على قوطي التونه!
ما ودي اصير بك شمتان = حتى ولو عندي ( أيقونه)
وش قلت ، ياسيّد الفتيان = وش فيك، أحجّتك مقرونه
الناس كلن ترى في شان = والمتهم .. طارت عيونه
رجليك ترقل تقل ميزان = كفّته ما هيب موزونه
ترى الحرس تحرس البيبان = حتى ولو ما يصكونه !
والله لو انك ورى خيطان = أمري تراهم يطيعونه
حضوركم لو بغيت ، الآن = لا قلت : يالله.. يجيبونه
اشارتي وصلت العميان = وترى هل الفهم يقرونه
علوم .. سارت بها الركبان = ما قصروا .. ما يخونونه
نصيحتي .. خلنا صدقان = يفتك داين ومديونه
ولا تقرب لفيصل نجيفان = رئيسكم لا تعدونه
و..تعال يا راعي العنوان = للشعر ناس يحبونه
تحياتي لك اخا عزيزا اضطرني للعودة الى مقارفة الشعر
والسموحة من الجميع
وان عدتم فلن نعد
سليمان
ليلة الأثنين
2/3/1426
12:27ص