azizmnm
2005-04-18, 09:23 AM
http://members.lycos.co.uk/allshmrcenter/files/bism.gif
السلام عليكم ورحمة الله وبركاتة
مرثيه من اجمل ما قيل في فقيدنا الأمير طلال الرشيد رحمة الله
الجزائر / والقنص / والطير / واسراب الحباري...=والتذاكر / والسفر / والبعد / وطراد الطريد
والنهايه تنتهي ياعزوتي / في طلق ناري...=وآآآآآآآه مقسى موتت الذيبان / بيدين البليد
ياطلال اليوم والله / لو يصيحن العذاري...=ولو تقوم آل سعود / ولو تقوم آل الرشيد
ولو يجي مليار جندي / ولو يجي الضعف انتحاري...=والله اللي مايردون القدر / دون الوريد
ياطلال الموت حقٍ / وادري انك كنت داري...=من يجي الدنيا وحيدٍ / يرتحل عنها وحيد
والا والله لك نقوم / بدر مع ذات الصواري...=والردي منا لعينك / لو تبي فل الحديد
قبل موتك لو وصلنا / بس لو هو بس / طاري...=والله ان تلقى الجزيره / تاصلك مثل البريد
والحرس والجيش كله / بالمدافع والطواري...=شيخ / ولا ذيخ / ولا صيرمي / ولا وليد
والله ان نمشي ورانا / نسحب لوجهك ضواري...=من هنا حتى الجزائر / وايد بيدٍ ويد بيد
لو سمعنا الصوت والله / ياان تفز الك الحواري...=مير ربي كاتبٍ لك / ياالوفي تغدر بعيد
والا والله دون وجهك / ياسندنا مانداري...=والله ان يرثع غضبنا / بالسما ويهز بيد
والله ان يمشي / شعيب الدم / وتفيض الغداري...=وكل سيفٍ يصطرخ في صاحبه (( هل من مزيد ))؟!
مار هذي قدرة الله / والقدر ياشيخ جاري...=بالفقير وبالغني وبالحمايل والعبيد
مار يالله ياعليم / بكل سكن وكل ساري...=جاك ضيفك جاك ضيفك / ياالاهي بيوم عيد
يالله انك ترحمه / بعداد مايطلع نهاري...=ياكريم وياعظيم ويارحيم ويامجيد
يالله اللي لو فراري / منك جيتك / من فراري=طالبك يالله فكه / من شقى يوم الوعيد
ومن قطوفٍ دانيات / ومن براد / ومن جواري...=مد / له وانت الكريم / ومن لقى عفوك سعيد
ياجزائر / ياقنص / ياطير / يااسراب الحباري...=ياتذاكر / ياسفر / يابعد / ياطراد الطريد
يعلم الله كم بكينا / والسبب من طلق ناري...=والقهر لامات شيخ(ن) / والسبب غلطة بليد
رحمة الله ياطلال / وماكتبه الله جاري...=(( واحسن الله بك عزانا / مع عزا آل الرشيد ))
الشاعر / عبدالله الدواس
السلام عليكم ورحمة الله وبركاتة
مرثيه من اجمل ما قيل في فقيدنا الأمير طلال الرشيد رحمة الله
الجزائر / والقنص / والطير / واسراب الحباري...=والتذاكر / والسفر / والبعد / وطراد الطريد
والنهايه تنتهي ياعزوتي / في طلق ناري...=وآآآآآآآه مقسى موتت الذيبان / بيدين البليد
ياطلال اليوم والله / لو يصيحن العذاري...=ولو تقوم آل سعود / ولو تقوم آل الرشيد
ولو يجي مليار جندي / ولو يجي الضعف انتحاري...=والله اللي مايردون القدر / دون الوريد
ياطلال الموت حقٍ / وادري انك كنت داري...=من يجي الدنيا وحيدٍ / يرتحل عنها وحيد
والا والله لك نقوم / بدر مع ذات الصواري...=والردي منا لعينك / لو تبي فل الحديد
قبل موتك لو وصلنا / بس لو هو بس / طاري...=والله ان تلقى الجزيره / تاصلك مثل البريد
والحرس والجيش كله / بالمدافع والطواري...=شيخ / ولا ذيخ / ولا صيرمي / ولا وليد
والله ان نمشي ورانا / نسحب لوجهك ضواري...=من هنا حتى الجزائر / وايد بيدٍ ويد بيد
لو سمعنا الصوت والله / ياان تفز الك الحواري...=مير ربي كاتبٍ لك / ياالوفي تغدر بعيد
والا والله دون وجهك / ياسندنا مانداري...=والله ان يرثع غضبنا / بالسما ويهز بيد
والله ان يمشي / شعيب الدم / وتفيض الغداري...=وكل سيفٍ يصطرخ في صاحبه (( هل من مزيد ))؟!
مار هذي قدرة الله / والقدر ياشيخ جاري...=بالفقير وبالغني وبالحمايل والعبيد
مار يالله ياعليم / بكل سكن وكل ساري...=جاك ضيفك جاك ضيفك / ياالاهي بيوم عيد
يالله انك ترحمه / بعداد مايطلع نهاري...=ياكريم وياعظيم ويارحيم ويامجيد
يالله اللي لو فراري / منك جيتك / من فراري=طالبك يالله فكه / من شقى يوم الوعيد
ومن قطوفٍ دانيات / ومن براد / ومن جواري...=مد / له وانت الكريم / ومن لقى عفوك سعيد
ياجزائر / ياقنص / ياطير / يااسراب الحباري...=ياتذاكر / ياسفر / يابعد / ياطراد الطريد
يعلم الله كم بكينا / والسبب من طلق ناري...=والقهر لامات شيخ(ن) / والسبب غلطة بليد
رحمة الله ياطلال / وماكتبه الله جاري...=(( واحسن الله بك عزانا / مع عزا آل الرشيد ))
الشاعر / عبدالله الدواس