وضحى الشمرية

[بنت البحرين]

الشاعرة وضحى الشمرية في هذة القصيدة تتغني بشجاعة الشيخ ضاري بن طوالة و لقربه منها نسبا


يا راكبا حرا ابعيد امعشاه
لا طالت الفرجة تزايد هذيبه
سجو على كور الذلول المعناه
نبي اندور امدلهين الغريبة
منصاه شيخ بالمهمات نلقاه
وجنب عن اللي لا لفت ما يثيبه
يا راكبه يم اخو صلفه نلقاه
ملفاه ضاري عز من يلتجي به
لا جيت بيته عقله لا تعداه
يضحك بوجه امنوخين النجيبه
شواش يطرب بالمسير الا جاه

ويحط من فوق المناسف عصيبه
بيته الهشال الخلا دوم ملفاه
يوم الدهر والزاد مثل اللهيبه
له ربعة تلقا بها كل مشهاه
ودلال صفرا ما يغيب سريبه
واصحون دوم للنشاما امملاه
واذناب حيل ما يرجي حليبه
شيخ انماري به الا حل طرباه
لو كان عنا بالديار الغريبه
يا شوق من كن العسل في شفاياه
تنقض على الامتان شقر الذويبه
بنت الذي لا حل يوم المثاراه
يضرب على وسط الكمي ما يهيبه
حرز الذليل لا هبا بالملاقــــاه
في ساعة فيها المنايا قريبه

ضاري عسى سهوم المنايا تعداه
عز الرفاقه هو سطام الحريبه
مسواط عج الخيل كان الردى باه
وان حرفو صم الرمك للكسيبه
الا درع بالخيل كترت رزاياه
تشبع به اسباع تقانب طنيبه
الخيل مع حيل النضا من عطاياه
وحمول كيل للضعاف يجيبه
ومن عرض ما يعطي ابيوت امبناه
وموازر ما ينتداوي صويبه
خيال شقح والبرد لون حليــــاه
ما هنب ورث الجد جابه غصيبه
يجنب لها من فوق حمرا امحلاه
ويتليه ربع فوق قب عريبه
الشيخ أخو صلفه زيون المجناه
تلقا النجوع الخايفة تتقي به
والله ما قلته تحري امجازاه
لا شك طيب ربعنا نعتزي به

[سليمان الذويخ]

صح لسان الشاعرة وضحاء الشمرية
و

يعطيك العافيه بنت البحرين
على هالمجهود والنقل المميز

[الحزينه]

صح السان الشاعره وضحه الشمريه

عافاك الله يابنت البحرين على حسن الاختيار
وسلمت اناملك

كل الشكر عزيزتي

[فيصل بن نجيفان]

بيت البحرين

السلام عليكم

مشاركة رائعة وتاريخيه في قصيده للشاعرة وضحى الشمري في الشيخ ضاري بن طواله ( اخو صلفا )

الف شكر لك ...

* الموضوع سينقل لـ منتدى الصناديد لانه هو مكانه المخصص ...

[سنجار]

الف مره صح لسان وضحى

رحم الله ضاري بن طواله ورحم اموات المسلمين

رجال تصنع التاريخ ورجال ترى كيف يمر امامها ومليون نعم من اخو صلفه

سلمت يداك بنت البحرين والف شكر على النقل الرائع

[ابوو عايض]

يا راكبه يم اخـو صلفـه نلقـاه
ملفاه ضاري عز من يلتجـي بـه
لا جيـت بيتـه عقلـه لا تعـداه
يضحك بوجه امنوخيـن النجيبـه
صح لسان الشاعره وضحى والله يرحم الشيخ ضاري رحمه واسعه
واللله يعطيك العافيه يابنت البحرين علىالنقل الرائع
تحيـــاتي